দৈনন্দিন বাৰ্তাৰ ডেস্ক:
এফালে ক’ৰোনা সংক্রমণ আৰু আনফালে দেশৰ অর্থনীতি নিন্মগামী৷ এনে পৰিস্থিতিত মাজতে পেট্ৰল আৰু ডিজেলৰ দাম বৃদ্ধিয়ে জনসাধাৰণৰ মাজত তীব্ৰ প্ৰতিক্ৰিয়াৰ সৃষ্টি কৰিছে৷ ইয়াৰ লগে লগে বিভিন্ন সামগ্ৰীৰ দাম বৃদ্ধি পোৱাৰ সম্ভাৱনা প্ৰকট হৈ পৰিছে৷ উল্লেখ্য যে শুকুৰবাৰৰ দিনটোত ২০ দিন ধৰি পেট্ৰল আৰু ডিজেলৰ দাম বৃদ্ধি পালে৷ পেট্ৰলৰ দাম বাঢ়িল ২১ পইচা৷ আনহাতে ডিজেলৰ দাম বাঢ়িল ১৭ পইচা৷ সকলো মিলি যোৱা ২০ দিনত পেট্ৰল আৰু ডিজেলৰ দাম ১০ টকাৰো বেছি বাঢ়িল৷ শুকুৰবাৰে ৰাজধানী দিল্লীত পেট্ৰলৰ দাম প্ৰতি লিটাৰত ৮০.১৩ টকা আৰু ডিজেলৰ দাম প্ৰতি লিটাৰত ৮০.১৯ টকা হয়৷ বাণিজ্য নগৰী মুম্বাইত পেট্ৰলৰ প্ৰতি লিটাৰত ৮৬.৯২ টকা আৰু ডিজেলৰ প্ৰতি লিটাৰত ৭৮.৫১ টকা হয়৷ চেন্নাইত পেট্ৰলৰ প্ৰতি লিটাৰত ৮৩.৩৭ টকা আৰু ডিজেলৰ প্ৰতি লিটাৰত ৭৭.৪৪ টকা হয়৷ কলকাতাত পেট্ৰলৰ প্ৰতি লিটাৰত ৮১.৮২ টকা আৰু ডিজেলৰ প্ৰতি লিটাৰত ৭৫.৩৪ টকা হয়৷