সংগীতপ্ৰাণ ইন্দ্ৰেশ্বৰ শৰ্মাৰ বিয়োগ সংগীত জগতৰ বাবে অপূৰণীয় ক্ষতিঃ উজনি অসম মুছলিম কল্যাণ পৰিষদ ।
যোৰহাট
সাংস্কৃতিক মহানগৰী যোৰহাটৰ বিশিষ্ট সাংস্কৃতিককৰ্মী , বৰ্ষীয়ান সংগীতজ্ঞ তথা যোৰহাট সংগীত বিদ্যালয়ৰ প্ৰাক্তন অধ্যক্ষ ইন্দ্ৰেশ্বৰ শৰ্মাৰ মৃত্যুৱে যোৰহাটৰ সংগীত ক্ষেত্ৰখনকেই যেন ওকা কৰি থৈ গ’ল ৷ এক অৰ্থত ক’বলৈ গলে যোৰহাটবাসী সংগীত অনুৰাগীয়ে একোজন অভিভাৱকক হেৰুৱালে ৷ শাস্ত্ৰীয় সংগীতৰ চৰ্চা আৰু শিক্ষা প্ৰদানত ওৰে জীৱন সংগীত চৰ্চাত নিমগ্ন হোৱা এই মহীৰূহ স্বৰূপ সংগীতজ্ঞ গৰাকীৰ মৃত্যু সমগ্ৰ ৰাজ্যখনৰ সাংস্কৃতিক ক্ষেত্ৰত এক অপুৰণীয় ক্ষতি বুলি অভিহিত কৰে উজনি অসম মুছলিম কল্যাণ পৰিষদৰ যোৰহাট জিলা সমিতিৰ সম্পাদক ৰফিক হুছেইন আৰু তমিজুৰ ৰহমানে ৷ বাতৰি কাকতলৈ দিয়া এক বিবৃতিত প্ৰয়াত শৰ্মাৰ মৃত্যুত কল্যাণ পৰিষদে গভীৰ শোক প্ৰকাশ কৰাৰ লগতে শোক সন্তপ্ত পৰিয়াল বৰ্গলৈ সমবেদনা জ্ঞাপন কৰে ৷