এজন প্ৰতিবন্ধী লোকে ডিমৌ নদীৰ ওপৰত ১৪ লাখ টকা ব্যয়ৰে সাঁজি উলিওৱা দলং উদ্ধোধন
শিৱসাগৰ জিলাৰ ডিমৌ ৰাজহ চক্রৰ ডিমৌ নদীৰ উপৰত অতি কম সময়ৰ ভিতৰতে এজন প্ৰতিবন্ধীয়ে প্ৰায় গাঁঠিৰ ১৪ লাখ টকা ব্যয়েৰে দুটা সমষ্টিৰ ৰাইজৰ যাতায়তৰ সুবিধা হোৱাকৈ নিৰ্মাণ কৰা পকী দলং আজি এক আৰম্বৰপূৰ্ণ অনুষ্ঠানৰ মাজেৰে শুভ উদ্বোধন কৰি সকলোৰে প্ৰশংসাৰ পাত্ৰ হৈ পৰিছে হৰেশ্বৰ বাইলুং নামৰ ব্যক্তিজন । দীর্ঘ দিন ধৰি গাঁৱৰ ৰাইজৰ লগতে পথচাৰীয়ে বিপদসংকুল ভাৱে ভৰ বাৰিষা সাঁকো, কল ভুৰে ডিমৌ নদীৰ পাৰা পাৰ হৈ বিভিন্ন কৰ্মস্হলিলৈ আহ-যা কৰি অহাৰ পিচত এনে এটা কাম কৰাৰ মনস্হ কৰে হৰেশ্বৰ বাইলুঙে ।
আজি এই কাম কৰি সম্পূৰ্ণ কৰি ৰাইজৰ বাবে মুকলি কৰিবলৈ পাই যথেষ্ঠ আনন্দিত হৈ পৰে হৰেশ্বৰ বাইলুং। চৰকাৰী পক্ষই ৰাইজৰ এই দীর্ঘ দিনিয়া সমস্যাটো কোনো স্থায়ী সমাধান নকৰাৰ বাবেই এই কাম কৰাৰ মনস্হ কৰিছিলে। নিজৰ কষ্ট উপাৰ্জিত ধন আৰু বুজন পৰিমানৰ বেংকৰ পৰা ধাৰলৈ লোৱা টকা ভাঙি ডিমৌ বাইলুং গাঁৱত ডিমৌ নদীৰ ওপৰত লক্ষ্মী নাৰায়ণ নামেৰে নামাকৰণ কৰি সাঁজি উলিওৱা পকী টনা আজোৰা দলং খন ফিটা কাতি শুভ উদ্বোধন কৰে তাই আহোম সকলৰ পৰম্পৰাগত ৰীতি-নীতিৰে টাই পুৰোহিত নিপেন মহন আৰু টাই মুলুং সকলে। হৰেশ্বৰ বাইলুঙে নিজস্ব চিন্তা-চৰ্চাৰে নিৰ্মাণ কৰি উলিওৱা অত্যন্ত মনোমোহা হৈ পৰা দলংখনত নাই কোনো বাঁহ-কাঠ ব্যৱহাৰ। ১৩ টা পকি খুটা, ১২০ ফুট দীঘল,৩০ উচ্চতা পকি টনা আজোৰা দলংখন দুই খলপীয়াকৈ নিৰ্মাণ কৰিছে । দলংখনে থাওৰা সমষ্টিৰ পৰা মৰাণ সমষ্টিৰ বেজপথাৰ সংযোগ কৰি ৰাইজ দীর্ঘ দিনীয়া এটা সমস্যা সমাধান কৰিব এক সমন্বয়ৰ হেতু গঢ়ি তোলা বুলি বিভিন্ন জনে মন্তব্য কৰিছে । ইফালে আজি পুৱাৰ ভাগতে পতাকা উত্তোলন কৰি দিনযোৰাকৈ অনুষ্ঠিত দলং উদ্ধোধনী অনুষ্ঠান চাবলৈ বহুলোক সমবেত হোৱা পৰিলক্ষিত হয়। হৰেশ্বৰ বাইলুঙে উক্ত ১৪/১৫ লাখ টকা ৰূণ মুক্ত হলে দলংখনত বাকি ৰৈ যোৱা বহু কাম কৰিবলগীয়া থকাৰ কথা জানিবলৈ দিছে।