Breaking

টিংখাঙৰ দুই নং নাচনী গাঁৱত হত্যাকাণ্ড

0 37

টিংখাং

সমগ্ৰ দেশত ক’ৰোনা ভাইৰাছৰ বাবে লকডাউন অব্যাহত থকাৰ মাজতে শুকুৰবাৰৰ নিশা ডিব্ৰুগড় জিলাৰ টিংখাঙৰ দুই নং নাচনী গাঁৱত এক হত্যাকাণ্ড সংঘটিত হয়। ঘটনাটোত এজন লোকক এখন চোকা দাৰে ঘপিয়াই হত্যা কৰা বুলি জানিব পৰা গৈছে। ঘটনাটোৰ বিৱৰণী মতে গাঁওখনৰ নোমল চাউদাং (৬৫) নামৰ লোক এজনক দ্বীপ কোচে (৩০) নামৰ যুৱক এজনে দাৰে ঘপিয়াই হত্যা কৰে। ঘটনাটো সংঘটিত কৰাৰ পাছতে নিশাই গাঁওখনৰ পৰা ঘাতক দ্বীপে পলায়ন কৰে। আৰক্ষীয়ে শনিবাৰে ঘাতক দ্বীপ কোচক ৰাজগড় সমীপৰ নাহৰপাৰা বৰবিল গাঁৱত থকা নিজৰ পিতৃৰ বাসগৃহৰ পৰা গ্ৰেপ্তাৰ কৰিবলৈ সক্ষম হয়। এই ঘটনাই সমগ্ৰ অঞ্চলটোত ব্যাপক চাঞ্চল্যৰ সৃষ্টি কৰিছে। জানিব পৰা মতে নোমল চাউদাঙৰ পৰিয়ালটোেৰ দ্বীপৰ সঘন আহ যাহ আছিল বুলি জানিব পৰা গৈছে। অৱশ্যে ঘটনাটোৰ প্ৰকৃত কাৰণ অদ্যপি জানিব পৰা নাই। আৰক্ষীয়ে ঘটনাটোৰ সন্দৰ্ভত এটা গোচৰ ৰুজু কৰি অনুসন্ধান চলোৱা বুলি জানিব পৰা গৈছে। নিহত নোমল গগৈৰ মৃতদেহ আৰক্ষীয়ে মৰণোত্তৰ পৰীক্ষাৰ বাবে ডিব্ৰুগড় অসম চিকিৎসা মহাবিদ্যালয় হাস্পতাললৈ প্ৰেৰণ কৰিছে।