Breaking

হাজোৰ পথাৰ পৰিভ্ৰমণ কৃষি মন্ত্ৰী অতুল বৰাৰ

0 6

গুৱাহাটী

আজি কৃষি আৰু পশুপালন মন্ত্ৰী অতুল বৰাই বিধায়িকা সুমন হৰিপ্ৰিয়া আৰু বিভাগীয় বিষয়া সহ হাজোৰ ৰামদিয়া আৰু বঙালপাৰা অঞ্চল পৰিদৰ্শন কৰি কৃষক সকলৰ সমস্যাৰ বুজ লয়। মন্ত্ৰী বৰাই বঙালপাৰা গাঁওত ১২৫ হেক্টৰ ভূমিত ধান খেতি কৰা যুৱ কৃষকৰ লগত মত বিনিময় কৰি তেওঁলোকৰ কৰ্মস্পৃহাৰ শলাগ লয়। অঞ্চলটোৰ খেতিয়ক সকলে  বিভাগীয়ভাবে যোগান ধৰা ধানৰ উন্নত বীজ  DRR 42 আৰু হাইব্ৰিড বীজ DRD 775, DRRH 3 ব্যৱহাৰ কৰি সুফল পোৱা বুলি অৱগত কৰে। পৰিদৰ্শন কালত জনস্বাস্থ্যৰ প্ৰতি লক্ষ্য ৰাখি খেতিত অত্যধিক ৰাসায়নিক সাৰ আৰু কীটনাশক আদি  প্ৰয়োগৰ পৰা বিৰত থাকি জৈৱিক পদ্ধতিৰে খেতি কৰিবলৈ কৃষকসকলক আহ্বান জনায়।  লকডাউনৰ ফলত ক্ষতিগ্ৰস্ত কৃষকসকলক ক্ষতিপূৰণ আদায় দিয়াৰ বাবে ব্যৱস্থা গ্ৰহণ কৰা হ’ব বুলিও কৃষক সকলক তেওঁ আশ্বাস দিয়ে। কৃষিমন্ত্ৰীৰ এই পথাৰ পৰিদৰ্শনে স্হানীয় কৃষক সকলক যথেষ্ট উৎসাহ যোগোৱা বুলি কৃষকসকলে প্ৰকাশ কৰিছে।