Breaking

সাংবাদিক সুৰেশ চন্দ্ৰ বৰঠাকুৰৰ মৃত্যুত শোক

0 43

টিংখাং

অসম বাৰ্তাজীৱী সংঘৰ প্ৰতিষ্ঠাপক উপ সভাপতি তথা বিশ্বনাথ জিলা বাৰ্তাজীৱী সংঘৰ উপদেষ্টা সুৰেশ চন্দ্ৰ বৰঠাকুৰৰ মৃত্যুত ডিব্ৰুগড় জিলা বাৰ্তাজীৱী সংঘই গভীৰ শোক প্ৰকাশ কৰিছে। ডিব্ৰুগড় জিলা বাৰ্তাজীৱী সংঘৰ সভাপতি অমৰজ্যোতি আৰন্ধৰা আৰু সাধাৰণ সম্পাদক দীপজয় শইকীয়াই আজি সংবাদ মাধ্যমলৈ প্ৰেৰণ কৰা এক বিবৃতিৰ জৰিয়তে জ্যেষ্ঠ সাংবাদিকজনৰ মৃত্যুত শোক প্ৰকাশ কৰাৰ লগতে তেওঁৰ আত্মাৰ সদগতি কামনা কৰি শোক সন্তপ্ত পৰিয়ালবৰ্গলৈ সমবেদনা জ্ঞাপন কৰে। তেওঁৰ মৃত্যুত অসমৰ সংবাদ জগতৰ অপূৰণীয় ক্ষতি বুলিও মত প্ৰকাশ কৰে। আনহাতে যোৰহাট জিলা বাৰ্তাজীৱী সংঘৰ সভাপতি অঞ্জন বৰা আৰু জ্ঞানাৰুণ কুমাৰ গগৈয়েও গভীৰ শোক প্ৰকাশ কৰে৷