দৰঙত মন্ত্ৰী নৱ দলে : গ্ৰামোন্নয়ন বিভাগত কম-বেছি পৰিমানে চলিছে দুৰ্নীতি

মঙলদৈ

শনিবাৰে দৰঙৰ উপায়ুক্তৰ সভাকক্ষত পঞ্চায়ত আৰু গ্ৰামোন্নয়ন বিভাগৰ এক পৰ্যালোচনা বৈঠকত অংশগ্ৰহণ কৰি মন্ত্ৰী নৱ দলে স্বীকাৰ কৰিলে বিভাগটোত চলি অহা বিয়াগোম দুৰ্নীতি৷ মন্ত্ৰী দলে বিজেপি দলৰে বিধায়ক শিলাদিত্য দেৱে হোজাইত কৰা মন্তব্যৰ পোনপটীয়া প্ৰত্যুত্তৰ নিদি আগন্তুক দিনত এনে অভিযোগ পালে মন্ত্ৰীয়ে কাৰ্যব্যৱস্থা ল’বলৈ বিভাগীয় বিষয়া-কৰ্মচাৰীক নিৰ্দেশ দিয়া বুলি প্ৰকাশ কৰে৷ একেদৰে হোজাই জিলাৰ উপায়ুক্তক বিধায়ক শিলাদিত্যৰ অভিযোগক শীঘ্ৰে তদন্ত কৰিবলৈ আহ্বান জনায়৷ মন কৰিবলগীয়া যে বিধায়ক শিলাদিত্যৰ অভিযোগৰ প্ৰসংগ উত্থাপিত হোৱাৰ লগে লগে মন্ত্ৰী নৱ দলে অপ্ৰস্তুত হৈ পৰে আৰু সলনি হয় ব’ডি লেংগুৱেজ৷ বাৰে বাৰে সন্মুখত থকা টেবুলত চপৰিয়াবলৈ আৰম্ভ কৰে৷