শীঘ্ৰে অসমত প্ৰৰ্ৱতন হ’ব নতুন শিক্ষা নীতি : য’ত থাকিব Vacational Educationৰ এটি অংশ

ধেমাজি  কাৰিকৰী শিক্ষা প্ৰতিস্ঠানত  মঙ্গলবাৰে বি এড পাঠ্যক্ৰমৰ  শুভ উদ্বোধন কৰা হয় ৷ এই উপলক্ষে প্ৰতিস্ঠানৰ চৌহদতে এখনি অতি গুৰুত্বপূৰ্ণ সভাও অনুস্ঠিত কৰা হয় ৷ ধেমাজি বালিকা মহাবিদ্যালয়ৰ অধ্যক্ষ দীপক বৰগোহাঁইয়ে সভাপতিত্বত অনুস্ঠিত হোৱা সভাত উদ্দেশ্য ব্যাখ্যা কৰে অধ্যক্ষ ভাগৱতী ৷ মুখ্য অতিথি হিচাপে অংশগ্ৰহণ কৰি লখিমপুৰৰ সাংসদ প্ৰদান বৰুৱাই পাঠ্যক্ৰমৰ শুভ উদ্বোধন কৰি পয্যাপ্ত যাৱতীয় সা-সুবিধা কৰি দিয়া হ’ব বুলি উল্লেখ কৰি এই পাঠ্যক্ৰমে ধেমাজি জিলাখনত শিক্ষাৰ ক্ষেত্ৰত এক আশাৰ ৰেঙনি আনিব বুলি অৱগত কৰে ৷ সভাত বিশিষ্ট অতিথি হিচাপে অংশলৈ ড° ৰণোজ পেগুৱে নতুন শিক্ষা নীতিৰ ওপৰত তত্ত্ব গধুৰ বক্তব্য ৰাখে ৷ভাষন প্ৰসঙ্গত ধেমাজি বিধায়ক ড” ৰনোজ পেগুৰে কয় যে – ভাৰতবৰ্ষত বত্তমানেও ৭০ বছৰীয়া ইংৰাজৰ শিক্ষা নীতি চলি আছে ৷ চৰকাৰে এই শিক্ষা নীতি আজিও পৰিবৰ্তন কৰা নাই ৷ যাৰ বাবে সমগ্ৰ ভাৰতৰ লগতে আমাৰ অসমৰ বাবে ডাঙৰ সমস্যাৰ সৃষ্টি হৈছে ৷কিন্তুু অসমীয়া নতুন বছৰৰ আৰম্ভণিতে প্ৰৱৰ্তন হ’ব লগা এই নতুন শিক্ষা নীতিত প্ৰথম শ্ৰেণীৰ পৰাই থাকিব বৃত্তিমুলক প্ৰশিক্ষণৰ পাঠদান ৷পৃথিৱীৰ উন্নত দেশ জাৰ্মানত ১৮ বছৰৰ তলৰ ৯৮% আৰু তাৰ তুলনাত ভাৰতবৰ্ষত মাত্ৰ ৪% হে কাৰিকৰী শিক্ষা লাভ কৰে বুলি মন্তব্য কৰে ৷অন্যহাতেদি আজি আমাৰ শিক্ষানীতিত ডাক্তৰ ইঞ্জিনীয়াৰ আদি হৈছে যদিও এজন নাপিত বা এজন সফল খেতিয়ক হ’ব পৰা নাই ৷এজন নাপিত বা সফল খেতিয়ক হ’বলৈকো লাগিব শিক্ষা ৷গতিকে বৃত্তিমুলক শিক্ষা আমাক অত্যন্ত দৰকাৰ ৷সেইয়েহে আমাৰ বিদ্যালয় সমুহত এনে পাঠ্যক্ৰমৰ আৱশ্যক বুলি মতপোষণ কৰে ৷