Breaking

সোণোৱাল চৰকাৰক কঁপাইছে দেৱালৰ এখন ছৱিয়ে

0 42
বশিষ্ঠ স্থিত নিধি ভৱনৰ সন্মুখৰ দেৱালত অংকন কৰা অখিল গগৈৰ প্ৰতিচ্ছবি

অখিল গগৈলৈ ভয় কৰে নেকি অসমৰ বাজেপি চৰকাৰে । কাৰণ এখন ছৱিয়ে কপনি তুলিছে সোণোৱাল চৰকাৰৰ। অখিল গগৈ কোনো দেশদ্ৰোহী নহয়, কিন্তু তেওঁৰ ফটো দেৱালত অংকন কৰাৰ বাবেই কেইজনমান চিত্ৰ শিল্পীক বলপূৰ্বকভাৱে উঠাই লৈ যায় আৰক্ষীয়ে ।

শাসকীয় চৰকাৰৰ গুণ্ডাৰাজৰ আন এক কাহিনী । এইবাৰ ৰং তুলিকাতো সোণোৱালৰ আৰক্ষী বাহিনীৰ হাতোৰা । অংগ আৰ্ট কালেক্টিভ নামৰ এটা সংগঠনে অখিল গগৈৰ মুক্তিৰ দাবীত ধ্ৰুৱজিৎ, প্ৰাঞ্জল কলিতা আৰু ৰাহুল নামৰ চিত্ৰ শিল্পীকেইজনে বশিষ্ঠ স্থিত নিধি ভৱনৰ সন্মুখত অংকন কৰিছিল চৰকাৰৰ আক্ৰোশৰ বলি হৈ যোৱা ৩৪৩ দিন ধৰি কাৰাগাৰত দিন কটাবলগীয়া হোৱা কৃষক মুক্তি সংগ্ৰাম সমিতিৰ উপদেষ্টাগৰাকীয়ে অখিল গগৈৰ প্ৰতিচ্ছবি । ছৱিখনৰ কাম সম্পূৰ্ণ কৰিবলৈ নাপাওঁতেই চিত্ৰ অংকন কৰি থকা অৱস্থাতে বশিষ্ঠ আৰক্ষী ছৱি অংকন কৰি থকা স্থলীত উপস্থিত হৈ বশিষ্ঠ আৰক্ষীয়ে ছৱিখন মচি পেলাবলৈও নিৰ্দেশ দিয়ে শিল্পীকেইগৰাকীক আৰু অংগ আৰ্ট কালেক্টিভৰ সদস্য কেইজনক টনা আজোৰা কৰি থানালৈ বলপূৰ্বকভাৱে উঠাই লৈ যায়।

Photo Credit: Social Media

আৰক্ষী প্ৰশাসনৰ এই বৰ্বৰতাৰ পাছতে কৃষক মুক্তি সংগ্ৰাম সমিতিৰ দলীয় নেতাসকল জাঙুৰ খাই উঠা দেখা পোৱা গৈছে । সমানে সামাজিক মাধ্যমতো দেখা গৈছে সৰৱ চৰ্চা।

Photo Credit: Social Media

ন্যায়ালয়ত তাৰিখৰ পিছত তাৰিখ পিছুৱাই যোৱা ২০ অক্টোবৰৰ পিছত চূড়ান্ত শুনানিৰ বাবে ৬ নৱেম্বৰ তাৰিখ ধার্য কৰিছিল যদিও পৰৱৰ্তী শুনানিৰ দিন ১৯ নৱেম্বৰ অৰ্থাৎ আজিৰ দিন ধার্য কৰা হৈছিল। কিন্তু আজি পূৰণ ১৯ নৱেম্বৰৰ পৰা ৮ ডিচেম্বৰলৈ পিছুওৱা হ’ল শুনানি ।