দিল্লীৰ কলকাজী মন্দিৰত বি প্ৰাকে সংগীত পৰিৱেশন কৰি থকাৰ সময়তে সংঘটিত হয় অঘটনৰ। এজনৰ মৃত্যু হয় আৰু ১৭ জনকৈ লোক আহত হয়। দুৰ্ঘটনাত মৃত্যু লোকগৰাকী এগৰাকী মহিলা। গায়ক বি প্ৰাকৰ গান শুনিবলৈ তাত উপস্থিত হৈছিল ১৫০০ৰো অধিক লোক। ছ’চিয়েল মিডিয়াত এটা ভিডিঅ’ শ্বেয়াৰ কৰি এই ঘটনাক লৈ শোক প্ৰকাশ কৰে গায়কগৰাকীয়ে। মাজনিশা ১:২০ বজাত এই ঘটনা সংঘটিত হোৱা বুলি জানিব পৰা গৈছে। ঘটনাৰ সময়ত বৃহৎ সংখ্যক লোক মঞ্চত উঠিছিল, যাৰ বাবেই এই দুৰ্ঘটনা সংঘটিত হৈছিল। মঞ্চ ভাঙি পৰাৰ পিছত হুলস্থুলৰ সৃষ্টি হয়, যাৰ ফলত এগৰাকী মহিলাৰ মৃত্যু হয় আৰু বহু লোক গুৰুতৰভাৱে আহত হয়। আহতসকলক এইমছ, চফদৰজং আৰু দিল্লীৰ মেক্স হাস্পতালত ভৰ্তি কৰোৱা হৈছে। এই ঘটনাক লৈ শোক প্ৰকাশ কৰিছে গায়ক বি প্ৰাকে।
তেওঁ এই কাহিনীটো ছ’চিয়েল মিডিয়া প্লেটফৰ্ম ইনষ্টাগ্ৰামত শ্বেয়াৰ কৰি কয়, মই অতি হতাশ আৰু দুখী। যিসকল আঘাতপ্ৰাপ্ত হৈছে, আশা কৰিছো সকলোৱে সোনকালে সুস্থ হৈ উঠিব। প্ৰথমবাৰৰ বাবে মোৰ সন্মুখত এনে ঘটনা ঘটা দেখিলোঁ। ভৱিষ্যতে আমি বহুত সাৱধান হ’ব লাগিব। পৰিচালনাও অতি গুৰুত্বপূৰ্ণ। আমি শিশু আৰু বৃদ্ধৰ যত্ন লোৱা উচিত। জীৱনতকৈ ডাঙৰ একো নাই।
অহা ৩১ জানুৱাৰী, ১,২ আৰু ৩ ফেব্ৰুৱাৰীত ৰহাৰ বাৰপূজীয়াত অনুষ্ঠিত হ’ব অসম সাহিত্য সভাৰ একাদশ বাৰ্ষিক বিশেষ অধিৱেশন। অধিৱেশনক লৈ ব্যস্ত সকলো। বাৰপূজীয়া পাঁজোৰজা সমন্বয় ক্ষেত্ৰত অনুষ্ঠিত হ’ব লগা অধিৱেশনক লৈ চলিছে পূৰ্ণ প্ৰস্তুতি। আদৰণি সমিতিয়ে জানিব দিয়া মতে একেলগে দহ হাজাৰ লোক বহিব পৰাকৈ নিৰ্মাণ কৰা হৈছে মূল সভা মণ্ডপ। একেলগে পোন্ধৰ হাজাৰ লোকে আহাৰ গ্ৰহণ কৰিব পৰাকৈ নিৰ্মাণ কৰা হৈছে ভোজনালয় গৃহ। অসমৰ বিভিন্ন সংস্কৃতিৰ প্ৰয়োভৰে নিৰ্মাণ কৰা হৈছে বৃহত আকাৰৰ মূল প্ৰৱেশদ্বাৰ।
লগতে আছে বৃহত এলেকাজোৰা বাণিজ্য মেলা। মুঠতে যুদ্ধকালীন তৎপৰতাৰে পূৰ্ণ প্ৰস্তুতি চলিছে সাহিত্য সভাৰ। বাৰপূজীয়া শতদল শাখা সাহিত্য সভাৰ আহ্বানত অসম সাহিত্য সভাই আহ্বান কৰা সাহিত্য সভাক সফল কৰি তুলিবলৈ আদৰণি সমিতিয়ে গঠন কৰিছে ৩৪ খন উপসমিতি। দিনে-নিশাই ব্যস্ত হৈ পৰিছে আদৰণি সমিতিৰ বিষয় ববীয়া আৰু স্থানীয় ৰাইজ।
