২২ জানুৱাৰীত অযোধ্যাত ৰাম মন্দিৰ উদ্বোধনৰ পূৰ্বে ভোজপুৰী ছুপাৰষ্টাৰ ৰবি কিষানে মুক্তি দিছে তেওঁৰ নতুন গীত ‘অযোধ্যা কে শ্ৰী ৰাম’। এই গীতটোত তেওঁক ৰাম ভক্তিত নিমগ্ন হৈ থকা দেখা গৈছে। বৰ্তমান চৌদিশে ৰাম মন্দিৰ উদ্বোধনী অনুষ্ঠানক লৈ ব্যাপক উচ্চাহ। সাধাৰণ জনতাৰ পৰা চেলিব্ৰিটিলৈকেও ৰাম ভক্তিত নিমগ্ন হোৱা দেখা গৈছে।
ৰবি কিষাণৰ গীতটোত ভগৱান শ্ৰীৰামৰ শ্লোগান উত্থাপন কৰা দেখা গৈছে। এই গীতটো মুক্তি পোৱাৰ লগে লগে ছ’চিয়েল মিডিয়াত জনপ্ৰিয় হৈ পৰিছে। অভিনেতা গৰাকীৰ এই গীতটিয়ে সমগ্ৰ পৰিৱেশকে মন্ত্ৰমুগ্ধ কৰি তুলিছে।
ৰবি কিষাণ ভোজপুৰী উদ্যোগৰ এটা ডাঙৰ নাম। অভিনেতাগৰাকীৰ নাম ভোজুৰি উদ্যোগৰ অমিতাভ বচ্চন। ভোজপুৰীৰ সমান্তৰালকৈ তেওঁ বলীউডৰ বহুকেইখন মহান ছবিতো অভিনয় কৰিছে। শেহতীয়াকৈ তেওঁক অক্ষয় কুমাৰৰ ছবি মিছন ৰাণীগঞ্জত দেখা গৈছিল। দীৰ্ঘদিন ধৰি ভোজপুৰী উদ্যোগত শাসন কৰি অহা ৰবি কিষান কোটি কোটি টকাৰো মালিক। নিজৰ নেট ৱৰ্থৰ কথা ক’বলৈ গ’লে ৰবি কিষণৰ হাতত ২০ৰ পৰা ২১ কোটি টকা। চলচ্চিত্ৰৰ সমান্তৰালকৈ ৰাজনীতিতো ৰবি কিষাণ অতি সক্ৰিয়। ২০১৪ চনত কংগ্ৰেছৰ নিৰ্বাচনত পৰাস্ত হোৱাৰ পিছত ২০১৭ চনত তেওঁ বিজেপি দলত যোগদান কৰে। ২০১৯ চনত তেওঁ গোৰখপুৰৰ পৰা নিৰ্বাচনত প্ৰতিদ্বন্দ্বিতা কৰিছিল আৰু তেওঁ জয়ী হৈছিল। এতিয়া তেওঁ সাংসদ পদত অধিষ্ঠিত হৈছে।
