চৰ ধাম সুৰংগঃ উত্তৰাখণ্ডৰ উত্তৰকাশীৰ সুৰংগত আবদ্ধ হৈ থকা ৪০ জন শ্ৰমিকক দুৰ্ঘটনাৰ ৪৮ ঘণ্টাৰ পাছতো উদ্ধাৰ কৰিব পৰা নাই। অৱশ্যে সুৰংগটোত আবদ্ধ হৈ থকা শ্ৰমিকসকলৰ সৈতে যোগাযোগ কৰি তেওঁলোক সুৰক্ষিত হৈ থকাৰ কথা অৱগত কৰিছে। উদ্ধাৰ অভিযানৰ বাবে আজি এক অতি গুৰুত্বপূৰ্ণ দিন। সাহায্যৰ কাম কৰা দলটোৱে কয় যে সকলো শ্ৰমিক সুৰক্ষিত। এই সুৰংগ নিৰ্মাণ কৰা কোম্পানীটোৱে কয় যে সুৰংগটোৰ ভিতৰৰ পৰা মাটি আঁতৰোৱা হৈছে ‘শ্বটক্ৰেটিং’ (কংক্ৰিট স্প্ৰে’)ৰ দ্বাৰা। আনহাতে, ‘হাইড্ৰলিক জেক’ৰ সহায়ত ভিতৰত ৯০০ মিলিমিটাৰ ব্যাসৰ তীখাৰ পাইপ সোমোৱাৰ পৰিকল্পনা কৰা হৈছে, যাতে সুৰংগটোত আবদ্ধ হৈ থকা লোকসকলক উদ্ধাৰ কৰিব পৰা যায়।
৪৮ ঘণ্টাত কি কি কৰা হৈছে-
- ২৫ মিটাৰ পৰ্যন্ত ধ্বংসাৱশেষ আঁতৰাই পেলোৱা হ’ল।
- ৪০ জন শ্ৰমিকক খাদ্য যোগান ধৰা হয়।
- শ্ৰমিকক যোগান ধৰা হয় অক্সিজেন।
- খননৰ সময়ত পুনৰ সৰি পৰে ধ্বংসাৱশেষ।
- প্ৰধানমন্ত্ৰী নৰেন্দ্ৰ মোদীয়ে মুখ্যমন্ত্ৰী পূষ্কৰ সিং ধামীৰ পৰা তথ্য গ্ৰহণ কৰে।
- হাইড্ৰলিক জেকৰ জৰিয়তে ষ্টীলৰ পাইপ সুমুৱাই দিয়া হৈছে।
- পাইপৰ জৰিয়তে শ্ৰমিক সকলক উলিয়াই অনাৰ প্ৰচেষ্টা।
- NDRF-SDRF দলসমূহ থিতাতে ব্যস্ত।
- ৱাকি-টকিৰ জৰিয়তে শ্ৰমিকৰ লগত কথা পাতিলে।
- গ্ৰাউণ্ড জিৰ’ত উপনীত হৈছিল মুখ্যমন্ত্ৰী পুষ্কৰ সিং ধামী।
উত্তৰকাশী সুৰংগত চলি থকা উদ্ধাৰ অভিযানৰ ওপৰত চকু ৰাখিছে প্ৰধানমন্ত্ৰী নৰেন্দ্ৰ মোদীয়ে। একেৰাহে দ্বিতীয় দিনৰ বাবে মুখ্যমন্ত্ৰী পুষ্কৰ সিং ধামীৰ সৈতে ফোনযোগে পৰিস্থিতিৰ বুজ লৈছে প্ৰধানমন্ত্ৰী মোদীয়ে। মুখ্যমন্ত্ৰী ধামীয়েও এই ঘটনা সন্দৰ্ভত ধাৰাবাহিকভাৱে তথ্য গ্ৰহণ কৰি আছে।
