ৰাজস্থানত বিজেপিৰ পোষ্টাৰ যুদ্ধ আৰম্ভ৷ বিধানসভা নিৰ্বাচনৰ পূৰ্বে ৰাজস্থানত বিজেপিয়ে শাসকীয় কংগ্ৰেছ দলক আক্ৰমণ কৰিবলৈ আৰম্ভ কৰিছে পোষ্টাৰ যুদ্ধ৷ বিজেপিয়ে শেহতীয়াকৈ ৰাস্থানৰ কৃষকসকলৰ মন আকৰ্ষণ কৰাৰ বাবে কৃষকসকলৰ সৈতে সম্পৰ্কিত এখন পোষ্টাৰ মুকলি কৰিছে৷ পোষ্টাৰ খনত কোৱা হৈছে- ১৯ হাজাৰৰো অধিক কৃষকৰ ভূমিৰ নিলাম, ৰাজস্থানে সহ্য নকৰে। এই পোষ্টাৰত এজন কৃষকৰ ফটোও দিয়া হৈছে । আনহাতে পোষ্টাৰত দিয়া একেজন কৃষকে দাবী কৰিছে যে তেওঁৰ ফটোখন অনুমতি অবিহনে ব্যৱহাৰ কৰা হৈছে৷ কৃষকজনে এইবুলিও কৈছে যে তেওঁৰ কোনো ঋণ নাই বা তেওঁৰ মাটি নিলাম কৰা হোৱা নাই। তেওঁৰ ২০০ বিঘা মাটি আছে।এতিয়া কৃষকজনে বিজেপিৰ বিৰুদ্ধে মানহানিৰ গোচৰ ৰুজু কৰাৰ কথা ভাবিছে। এই ছবিখন জয়পুৰৰ মালৱীয় নগৰত অৱস্থিত এমএনআইটি বাছ ষ্টপৰ ওচৰত আঁৰি দিয়া হৈছিল৷ বিজেপিয়ে প্ৰচাৰ শ্লোগানেৰে মধুৰাম নামৰ কৃষক জনৰ এখন ফটো পোষ্টাৰত ব্যৱহাৰ কৰিছিল৷ এজন যুৱকে এই বিষয়ে মধুৰামক জনোৱাৰ পিছতেই তেওঁ বিজেপিৰ বিৰুদ্ধে আইনী ব্যৱস্থা গ্ৰহণৰ কথা চিন্তা কৰিছে৷ কৃষক মধুৰাম জয়পালে (৭০) কয় যে বিজেপিৰ বেনাৰত থকা ফটোখন তেওঁৰ। তেওঁ কৈছে যে তেওঁ গাঁৱৰ এজন যুৱকৰ পৰা বেনাৰত থকা তেওঁৰ ফটোৰ বিষয়ে জানিব পাৰিছিল।মধুৰামে কয় যে তেওঁৰ গাঁৱৰ এজন যুৱক কেইদিনমান আগতে জয়পুৰলৈ আহিছিল। তেওঁ জয়পুৰৰ বহু ঠাইত এই বেনাৰখন দেখিছিল। পোষ্টাৰত মধুৰামৰ এখন ফটো আছিল। তেওঁ বেনাৰখনৰ এখন ফটো তুলিছিল আৰু ইয়াক গাওঁখনৰ এটা হোৱাটছএপ গ্ৰুপত শ্বেয়াৰ কৰিছিল। কৃষকগৰাকীৰ পুত্ৰ এই গোটটোৰ সৈতে জড়িত আছিল।

মধুৰামে কয় “প্ৰথমে, মোৰ পুত্ৰই মোক কথাটো কৈছিল ৷ মই একো বুজি পোৱা নাই কিয়নো বেনাৰত মাটি নিলাম কৰাৰ কথা আছিল, কিন্তু মোৰ কোনো মাটি নিলাম কৰা হোৱা নাই’’। মধুৰামে কয় – মোৰ ফটোখন কোনো কাৰণ নোহোৱাকৈ লগোৱা হৈছিল। তেওঁলোকে মোক এই বিষয়ত সোধা নাছিল। মোৰ কোনো ঋণ নাই। এই ফটোখন নোহোৱা কৰক।

কেন্দ্ৰীয় মন্ত্ৰী নীতিন গাডকাৰীৰ দেশৰ ৰাজনীতিত এক বিশেষ অৱদান আছে। তেওঁৰ ৰাজনৈতিক জীৱনে মানুহক যিমান অনুপ্ৰাণিত কৰে, তেওঁৰ ব্যক্তিগত জীৱনেও বহুতকে অনুপ্ৰাণিত কৰে। গাডকাৰীৰ জীৱনৰ ওপৰত ভিত্তি কৰি এখন ছবি নিৰ্মাণ কৰা হৈছে৷ ছবি খনৰ শিৰোনাম হৈছে ‘গাডকাৰী’। ছবি খনৰ মুক্তিৰ তাৰিখো থিৰাং কৰা হৈছে।কেন্দ্ৰীয় মন্ত্ৰী নীতিন গাডকাৰী দেশৰ ৰাজনীতিত এটা চৰ্চিত নাম। ভাৰতত পথ পৰিবহণ আৰু ঘাইপথৰ বাবে দীৰ্ঘদিন ধৰি কাম কৰা নীতিন গাডকাৰীক ‘হাইৱে মেন অৱ ইণ্ডিয়া’ বুলিও জনা যায়। দেশৰ উন্নয়নৰ ক্ষেত্ৰত সদায় আগভাগ লোৱা নীতিন গাডকাৰীৰ জীৱনৰ ওপৰত আধাৰিত ‘গাডকাৰী’ ছবিখন শীঘ্ৰেই দৰ্শকৰ সন্মুখলৈ আহিব। শেহতীয়াকৈ গাডকাৰী ছবিখনৰ পোষ্টাৰ ছচিয়েল মিডিয়াত মুকলি কৰা হৈছে। অভিজিত মজুমদাৰ আৰু অক্ষয় দেশমুখ ফিল্মছৰ দ্বাৰা প্ৰযোজিত এই ছবিখনৰ কাহিনী আৰু পৰিচালনা অনুৰাগ ৰাজন ভুছাৰীয়ে কৰিছে। ‘গাডকাৰী’ত নীতিন গাডকাৰীৰ চৰিত্ৰত কোনে অভিনয় কৰিব? বহু দৰ্শকেই এয়া জানিবলৈ উৎসাহিত হৈ পৰিছে। মানুহে ‘গাডকাৰী’ ছবিখনৰ ট্ৰেইলাৰ আৰু টিজাৰৰ বাবে আগ্ৰহেৰে অপেক্ষা কৰি আছে।

পৰিচালক অনুৰাগ ভুছাৰীয়ে ছবিখনৰ বিষয়ে কয়, ‘নীতিন গাডকাৰীৰ ৰাজনৈতিক কেৰিয়াৰ অতি ভাল। পণ্ডিত, সুদক্ষ বক্তা, ডাঙৰ মনৰ নেতা, পথ সংস্কাৰৰ অগ্ৰণী ব্যক্তি। মানুহে তেওঁৰ ব্যক্তিত্বৰ প্ৰতিটো দিশ জানে। সমাজ কল্যাণৰ প্ৰতি আগ্ৰহী এই নেতাজনৰ ৰাজনৈতিক যাত্ৰা বহুতে জানে, কিন্তু তেওঁৰ ব্যক্তিগত জীৱনৰ কথাও সমানে আকৰ্ষণীয়। এই ছবিখনৰ জৰিয়তে দৰ্শকৰ সন্মুখত এনে এজন নেতাৰ জীৱনৰ কথা উপস্থাপন কৰাৰ চেষ্টা কৰা হৈছে। ছবিখন ২৭ অক্টোবৰত মুক্তি পাব।’