আজি মহাপুৰুষ শ্ৰীমন্ত শংকৰদেৱ গুৰুজনাৰ ৫৭৫ সংখ্যক জন্মজয়ন্তী।

জন্মজয়ন্তী উপলক্ষে গুৰুজনাৰ জন্মস্থান বটদ্ৰৱাত উপস্থিত মুখ্যমন্ত্রী ড০ হিমন্ত বিশ্ব শৰ্মা।

হৰি নামৰ ভক্তি ৰসেৰে মুখৰিত হৈ পৰিছে বটদ্ৰবা।

অসমীয়া সাহিত্যৰ পথাৰখনত নবীন-প্ৰবীণ লেখক লেখিকা সকলক একত্ৰিত কৰি এখন উমৈহতীয়া মঞ্চ তৈয়াৰ কৰাৰ উদ্দেশ্য আগত ৰাখি ২০২১ চনৰ ছেপ্টেম্বৰ মাহত জন্মলাভ কৰে অসমীয়া সাহিত্য সংস্কৃতিৰ বিকাশ মঞ্চ। অসম নামৰ মঞ্চ খনে ২০২৩ বৰ্ষৰ ছেপ্টেম্বৰ মাহত দুট বৰ্ষ অতিক্ৰম কৰি তৃতীয় বৰ্ষত ভৰি দিছে। দুবছৰীয়া এই যাত্ৰাত বিভিন্ন ঘাট-প্ৰতিঘাট, বাধা-প্ৰত্যাহ্বান নেওচি নিজৰ লক্ষ্য আৰু উদ্দেশ্যেত অটল থাকি অহা অক্টোবৰ মাহৰ ১ তাৰিখ দেওবাৰে দ্বিতীয় বর্ষপূৰ্তি অনুষ্ঠান ভাগ গুৱাহাটী স্থিত বিষ্ণু-নিৰ্মলা ভৱনত অনুষ্ঠিত কৰিবলৈ সিদ্ধান্ত গ্ৰহণ কৰিছে। প্ৰথম বর্ষপূৰ্তিৰ ধাৰা অব্যাহত ৰাখি মঞ্চৰ তৰফৰ পৰা দ্বিতীয় বর্ষপূৰ্তিটো তিনিগৰাকী বিশেষ ব্যক্তিক বঁটা প্ৰদান কৰাৰ বাবে নিৰ্বাচন কৰা হৈছে। সাহিত্য আৰু সামাজিক কামৰ স্বীকৃত স্বৰূপে মঞ্চৰ তৰফৰ পৰা বিশিষ্ট শিশু সাহিত্যক আৰু সমাজকৰ্মী সুৰেন্দ্ৰ মোহনদাসক সাহিত্য সঞ্জীৱনী বঁটা, বিশিষ্ট কবি ইপুল হুছেইনক সাহিত্য উদগনি বঁটা, বিশিষ্ট লেখিকা মানিষা শৰ্মাক সাহিত্য প্ৰেৰণা বঁটাৰ বাবে নিৰ্বাচন কৰা হৈছে। ইয়াৰ ওপৰিও মঞ্চৰ কেন্দ্ৰীয় সমিতিৰ সিদ্ধান্ত অনুসৰি সাহিত্য উদ্দীপনা বঁটা-২০২২ ৰ বাবে প্ৰকাশিত কবিতাৰ গ্ৰন্থ আহ্বান কৰা হৈছিল। অসমৰ বিভিন্ন প্ৰান্তৰ পৰা প্ৰায় অৰ্ধ শতাধিক কবিয়ে তেওঁলোকৰ কবিতা পুথি প্ৰেৰণ কৰিছিল।

এই কবিতা পুথি সমুহৰ মাজৰ পৰা বিচাৰকে জুবিলী গগৈৰ “যি কথা কাকো কোৱা ন’হল”, জিতেন নাথৰ “পানী যুৱলিৰ ঘৰ”, গীতাঞ্জলী বৰকটকী ভাগৱতীৰ “শামুকৰ খোলাত শুই আছে চহৰখন” নামৰ তিনিখন কবিতা পুথি সাহিত্য উদ্দীপনা বঁটাৰ বাবে নিৰ্বাচন কৰে। দ্বিতীয় বর্ষপূৰ্তি অনুষ্ঠানৰ লগত সংগতি ৰাখি মঞ্চৰ তৰফৰ পৰা অনলাইন যোগে সদৌ অসম ভিত্তিত অনুষ্ঠিত হৈছিল কবিতা, গল্প আৰু অণুগল্প প্ৰতিযোগিতা। কবিতা প্ৰতিযোগিতা অনন্ত কুমাৰ ভূঞাই প্ৰথম স্থান, চঞ্চল দেৱনাথ আৰু বিজুলতা পায়েঙে যুটীয়াভাৱে দ্বিতীয় স্থান আৰু ৰশ্মিৰেখা দুৱৰা আৰু মুনমী স্নিগ্ধা গুঞ্জনে যুটীয়াভাৱে তৃতীয় স্থান লাভ কৰিবলৈ সক্ষম হয়। গল্প প্ৰতিযোগিতাত মালবিকা দেৱীয়ে প্ৰথম স্থান, ৰঞ্জিত বৰ্মনে দ্বিতীয় স্থান আৰু গিৰিন্দ্ৰ কলিতা আৰু কামাখ্যা প্ৰসাদ হাজৰিকাই যুটীয়াভাৱে তৃতীয় স্থান লাভ কৰিবলৈ সক্ষম হয়। অণুগল্প প্ৰতিযোগিতাত পল্লৱী ডেকাই প্ৰথাম স্থান, দীপ্তি গগৈ বুঢ়াগোহাঁই দ্বিতীয় স্থান, হিমাজ্যোতি তালুকদাৰে তৃতীয় স্থান আৰু নুৰ আলম শইকীয়াই উদগনিমূলক পুৰস্কাৰ লাভ কৰিবলৈ সক্ষম হয়। ১ অক্টোবৰ দেওবাৰে ৰাতিপুৱা ৯ বজাৰ পৰা অনুষ্ঠিত হব লগা মঞ্চৰ দ্বিতীয় বর্ষপূৰ্তি অনুষ্ঠানত আটাইকেইগৰাকী ব্যক্তিকে বঁটা আৰু পুৰস্কাৰ সমূহ আনুষ্ঠানিক ভাৱে প্ৰদান কৰা হব। বঁটা আৰু পুৰস্কাৰ গ্ৰহণৰ বাবে আটাইকেইগৰাকী ব্যক্তিকে অনুষ্ঠানত উপস্থিত থাকিবলৈ মঞ্চৰ কেন্দ্ৰীয় সমিতিৰ বিষয়ববীয়া সকলে অনুৰোধ জনাইছে। মঞ্চৰ দ্বিতীয় বর্ষপূৰ্তি অনুষ্ঠানটোত বিশিষ্ট সাহিত্যিক তথা শিক্ষাবিদ ডঃ দয়নন্দ পাঠক মুখ্য অতিথি হিচাপে উপস্থিত থকাৰ উপৰিও দৈনন্দিন বাৰ্তা কাকতৰ সম্পাদক শংকৰ গোহাঁই আৰু নিউজ লাইভৰ বাতৰি পৰিবেশক আৰু জ্যেষ্ঠ সাংবাদিক বনদ্বীপ গোস্বামী বিশিষ্ট অতিথি হিচাপে উপস্থিত থাকিব বুলি অসমীয়া সাহিত্য সংস্কৃতিৰ বিকাশ মঞ্চ : অসমৰ কেন্দ্ৰীয় সমিতিৰ সভাপতি হিমাংশু পাঠক, কাৰ্য্যকৰী সভাপতি প্ৰসন্ন কুমাৰ বৰা, মুখ্য সম্পাদক দেবর্ষি গৌতম, সম্পাদক ভাস্কৰ প্ৰিয়ম হাজৰিকা স্বাক্ষৰিত প্ৰেছ বিজ্ঞপ্তি যোগে জানিবলৈ দিছে।

অনুষ্ঠানটো সঞ্চালনা কৰিব মহানগৰ কবি কাননৰ সভাপতি তথা বিশিষ্ট কবি কমলজিৎ কলিতাই। ইয়াৰ উপৰিও মঞ্চৰ মুখ্য উপদেষ্টা বিশিষ্ট সাহিত্যিক ৰঞ্জন জ্যোতি শর্মা বৰদলৈ, উপদেষ্টা বিশিষ্ট লেখক মুকুট শৰ্মা, বিশিষ্ট লেখক-সমালোচক বিপুল শৰ্মা, বিশিষ্ট গল্পকাৰ অজয় কুমাৰ বৰা, বিশিষ্ট লেখিকা-গল্পকাৰ নীলাঞ্জনা পাচনী, বিশিষ্ট কবি-সমাজকৰ্মী মেৰাজ ৱাচিকুৰ ৰহমান উপস্থিত থাকিব। অনুষ্ঠানটো সুকলমে অনুষ্ঠিত কৰিবলৈ প্ৰতিগৰাকী সাহিত্য প্ৰেমী ৰাইজৰ সহায়-সহযোগ আৰু দিহা-পৰামৰ্শ মঞ্চৰ কেন্দ্ৰীয় সমিতিৰ বিষয়ববীয়া সকলে কামনা কৰিছে।

ব্যক্তিৰ ব্যক্তিগত দায়বদ্ধতা আৰু কৰ্মনিপুনতাৰ অথবা দক্ষতা বিকাশৰ লক্ষ্যৰ মাজেৰেহে এখন সমাজ, এখন দেশ তথা একোটা জাতিৰ সভ্যতা আৰু সংস্কৃতিৰ বিকাশ সম্ভৱ হৈ পৰে।ব্যক্তি বিশেষে আজিৰ বৰ্তমান সমাজখনৰ পৰিপ্ৰেক্ষিতত ভৱিষ্যত প্ৰজন্ম সকলৰ মনত অন্তদৃষ্টি সম্পন্ন এক ভাৱাত্মক, আচৰণাত্মাক আৰু কৰ্ম কৌশলৰ বিকাশ সাধন কৰিব পাৰে।সেয়ে জ্যেষ্ঠজনৰ জীৱন আদৰ্শ নৱপ্ৰজ্বন্মৰ বাবে আশাৰ প্ৰেৰণা স্বৰূপ হৈ পৰে। অসম সাহিত্য সভাৰ অন্যতম শাখা দমদমা সাহিত্য সভাৰ উদ্যোগত শিক্ষাবিদ, অসম সাহিত্য সভাৰ আজীৱন সভ্য, জনতা বিদ্যাপীঠ এম ই স্কুলৰ অৱসৰী প্ৰধান শিক্ষক তাৰিনী কান্ত শৰ্মাৰ আশী বছৰীয়া ওপজা দিন উপলক্ষে আজি হাজোৰ নকুচিত অনুস্থিত এক অভিনন্দন আৰু গ্ৰন্থ উন্মোচনী সভাত বিশিষ্ট অতিথি হিচাপে অংশ গ্ৰহণ কৰি অসম সাহিত্য সভাৰ প্ৰাক্তন উপ সভাপতি মৃণালিনী দেৱীয়ে এনেদৰে বক্তব্য আগবঢ়াই।দমদমা সাহিত্য সভাৰ সভাপতি কৰুনা কান্ত কলিতাৰ সভাপতিত্বত আৰু সম্পাদক মুনীন্দ্ৰ মহন্তই আত ধৰা এই অনুস্থানত প্ৰাক্তন উপসভাপতি দেৱীয়ে পুনৰ কয়, যি সকল ব্যক্তিয়ে নিজৰ সমাজখনক অথবা ভৱিষ্যত প্ৰজন্মক জীৱনৰ প্ৰতি দায়বদ্ধ হৈ এখনি আদৰ্শ মানৱ সমাজ গঢ়িবৰ বাবে সেৱা আৰু ত্যাগৰ আদৰ্শৰে আগবাঢ়ি যোৱাৰ সাহস তথা প্ৰেৰণা যোগাব পাৰে, সেই সকল ব্যক্তি সমাজৰ বাবে আদৰনীয় হৈ পৰে। এই অনুষ্ঠানত শিক্ষাবিদ তাৰিনী কান্ত শৰ্মাৰ আশী বছৰীয়া উপজা দিন উপলক্ষে প্ৰকাশিত অভিনন্দন গ্ৰন্থ ” প্ৰাজ্ঞপুজ্য ” উন্মোচন কৰি অসম সাহিত্য সভাৰ প্ৰাক্তন সভাপতি ডঃ ধ্ৰুৱজ্যোতি বৰাই ভাষন প্ৰসংগত কয়, সফল শিক্ষক এগৰাকী সমাজৰ বাবে আদৰনীয় হৈ ৰয়।

নিজ সমাজত বৌদ্ধিক পৰিমণ্ডল গঢ়ি তোলাৰ দায়িত্বৰ বাবে একো একোজন ব্যক্তি নমস্য হিচাপে চিহ্নিত হয়।শিক্ষাবিদ তাৰিনী কান্ত শৰ্মাৰ আশী বছৰীয়া জন্মদিন উপলক্ষে উন্মোচিত অভিনন্দন মূলক গ্ৰন্থখন এক প্ৰকাৰ ব্যতিক্ৰম।কিয়নো মহা মহা মুনি-মণিষী সকলৰ দ্বাৰা প্ৰকাশিত গ্ৰন্থ সমুহৰ প্ৰকাশ ধাৰাবাহিক।কিন্তু গ্ৰাম্যাঞ্চলত জন্ম গ্ৰহণ কৰা, গাওঁৰ পৰিবেশত জীৱন কটোৱা আৰু গ্ৰাম্যাঞ্চলৰ বায়ু-পানী খাই জীৱন অতিবাহিত কৰা এইজনা অৱসৰী শিক্ষক শৰ্মাৰ জন্মদিনত এখন গ্ৰন্থ উপহাৰ দিয়াটো এক ব্যতিক্ৰমী চিন্তা।

বিশিষ্ট সংগীত পৰিচালক,গীতিকাৰ, কণ্ঠশিল্পী জে পি দাসে শুভ উদ্বোধন কৰা অভিনন্দন গ্ৰন্থ উন্মোচনী সভাত অংশ গ্ৰহণ কৰি অসম সাহিত্য সভাৰ প্ৰধান সম্পাদক ডঃ উপেন্দ্ৰজিত শৰ্মাই ভাষন প্ৰসংগত কয়, শিক্ষাবিদ তাৰিনী কান্ত শৰ্মাৰ বৰ্ণিল জীৱন পৰিক্ৰমাৰ ওপৰত আলোকপাত কৰি সমাজ, ভাষা,সাহিত্যৰ উত্তৰণৰ হকে কাম কৰি যাবলৈ নৱপ্ৰজ্বন্মৰ প্ৰতি আহ্বান জনায়।এই অনুষ্ঠানত প্ৰথিতযশা সাহিত্যিক, সাংবাদিক মনোজ কুমাৰ গোস্বামী, চিন্তাবিদ শংকৰ দাস, এমন্টনৰ উপ প্ৰৱন্ধক দিণমনি ভাণ্ডাৰ কায়স্থ, সংগীত শিল্পী কল্লোল বৰঠাকুৰ, হিয়া মেধি, অভিনেত্ৰী আশা বৰদলৈ,পঞ্চতীৰ্থৰ দলৈ শিৱ প্ৰসাদ শৰ্মা, শিক্ষাবিদ প্ৰসন্ন কুমাৰ দাস, কামৰূপ জিলা সাহিত্য সভাৰ সম্পাদক ৰজনী শালৈকে ধৰি কেইবা গৰাকীও বিশিষ্ট ব্যক্তিয়ে অংশ গ্ৰহণ কৰে। অনুষ্ঠানত দমদমা সাহিত্য সভাৰ উপৰিও বিভিন্ন অনুষ্ঠান- প্ৰতিষ্ঠান আৰু ব্যক্তি বিশেষে শিক্ষাবিদ তাৰিনী কান্ত শৰ্মাক উপজা দিনৰ ওলগ জনায়। এই অনুষ্ঠানতে দমদমা সাহিত্য সভাই কামৰূপ জিলা সাহিত্য সভাৰ বিষয়ববীয়া আৰু জিলাৰ অন্তৰ্গত শাখা সভা সমুহৰ বিষয়ববীয়া সকলক গামোচাৰে আদৰণি জ্ঞাপন কৰে।