আপোনাৰ বাৰীৰ চুকতো থাকিব পাৰে মাৰাত্মক কেঞ্চাৰ প্ৰতিৰোধী ঔষধ। কেঞ্চাৰে নহয় এজমা,ব্ৰেইন টিউমাৰ আদি ভিন্ন ৰোগ নিৰাময়ৰ ঔষধ থাকিব পাৰে আপোনাৰ কাষতে। বনৌষধি ঔষধ সেৱনেৰে বিভিন্ন ৰোগৰ পৰা মুক্তি পাব পাৰে আপুনি। লাহোৱালৰ ইকৰাতলী গাঁৱৰ এগৰাকী মহিলা এতিয়া চৰ্চাৰ কেন্দ্ৰবিন্দু। ইকৰাতলী জেউতী বৰুৱা ফুকনৰ ঘৰত বাৰীত আছে অজস্ব্ৰ বেমাৰৰ ঔষধ। এখন যেন ফাৰ্মাচীলৈ পৰিৱৰ্তিত হৈছে এই মহিলাগৰাকীৰ ঘৰখন। এইগৰাকী জেউতি বৰুৱা ফুকন নিজেই আক্ৰান্ত হৈছিল ব্লাড কেঞ্চাৰত। বহু বছৰ ধৰি ব্লাড কেঞ্চাৰত ভুগি আছিল তেওঁ। চিকিৎসা কৰি পোৱা নাছিল উপশম। অৱশেষত বাৰীতে থকা বনৌষধিৰে ঔষধ বনাই খাবলৈ লৈছিল তেওঁ আৰু সেইয়া যেন সফল হ’ল। সম্পূৰ্ণ ৰূপে সুস্থ হৈ উঠিল তেওঁ। ইয়াৰ পিছত তেওঁ ৰৈ থকা নাই, ঘৰতে বিভিন্ন পৰীক্ষা নিৰীক্ষা কৰি তেওঁ বহুজনক দিছে কেঞ্চাৰ,ব্ৰেইন টিউমাৰ, এজমা,পাইলচৰ ঔষধ। তেওঁ দাবী কৰিছে বহু ৰোগী সুস্থ হৈছে তেওঁৰ ঔষধ খাই। আজি কালি পুৱাই তেওঁৰ ঘৰত ভিৰ লাগে। ভিন্ন ৰোগৰ ঔষধ বিচাৰি জেউতী বৰুৱা ফুকনৰ ওচৰলৈ আহে ৰোগী।

নতুনকৈ তেওঁ চকুৰ ৰোগৰো ঔষধ উদ্ভাৱন কৰিছে। চকুৰ কেটেৰেক পৰাকে ধৰি ভিন্ন চকু ৰোগৰ ঔষধ বিচাৰি উলিয়াইছে। ইতিমধ্যো কেইবাজনো ৰোগীক এই ঔষধ দি সুস্থ কৰি তুলিবলৈ সক্ষম হৈছে। শেহতীয়াকৈ তেওঁৰ ঔষধত সুস্থ হৈছে ১০ জন ব্লাড কেঞ্চাৰ ৰোগী।অন্যহাতে চিকিৎসকে ৰিমভ কৰিবলৈ দিয়া ইউৰেটাচৰো ঔষধ আছে জেউতিৰ হাতত। ইউৰেটাছ ৰিমভ নকৰাকৈয়ে এই বনৌষধি ঔষধ খাই সুস্থ হ’ব পাৰিব। ইতিমধ্যো এই ঔষধ খাই ইউেৰটাছৰ পৰা মুক্ত হৈ এগৰাকী গৰ্ভৱতী মহিলাই সুন্দৰ ৰূপত সন্তান জন্ম দিয়া বুলি তেওঁ দাবী কৰিছে। বিগত ডেৰ দশক ধৰি তেওঁ বিভিন্ন ৰোগীক প্ৰদান কৰি আহিছে ঔষধ।

কিন্তু ৰাইজক আশ্বস্ত কৰিব পৰাকৈ তেওঁ এইবাৰ পাইছে চৰকাৰৰ স্বীকৃতি। কেন্দ্ৰীয় আয়ুষ মন্ত্ৰালয়ৰ অধীনত গোৱাত তেওঁ প্ৰশিক্ষন গ্ৰহণ কৰি স্বীকৃতি লাভ কৰিবলৈ সক্ষম হৈছে। জেউতি বৰুৱা ফুকনে এই ঔষধ তৈয়াৰ কৰিবৰ বাবে ব্যৱহাৰ কৰে বাৰীতে থকা কেইটামান বিশেষ বনৌষধি। লগতে ব্যৱহাৰ কৰে কম পৰিমাণে গো মূত্ৰ আৰু বনৌষধি সমূহ ছিঙি অনাৰ পিছত স্থানীয় কেইগৰাকীমান মহিলাৰ সৈতে লগ হৈ প্ৰস্তুত কৰে ঔষধ। জেউতী বৰুৱা ফুকনৰ এই ঔষধক লৈ এতিয়া সৰ্বত্ৰে চৰ্চা চলিছে। কেইবাজনো ৰোগী সুস্থ হোৱাৰ প্ৰমাণ লাভ কৰি বহুজনে ভিৰ কৰিছে তেওঁৰ ওচৰত।

“বেটি বচাও, বেটি পঢ়াও” এই শ্লোগানক বাস্তৱায়িত কৰাৰ লক্ষ্যৰে জনসাধাৰণৰ মাজত সজাগতা সৃষ্টিৰ উদ্দেশ্যে জিলা আইন সেৱা প্ৰাধীকাৰী নগাঁৱৰ উদ্যোগত আৰু নগাঁও আইন মহাবিদ্যালয়ৰ সহযোগত নগাঁও চহৰৰ নগাঁও কলেজ পইণ্টত এখনি সজাগতা বাটৰ নাট প্ৰদৰ্শন কৰা হয়।

বিশেষকৈ আগন্তুক প্ৰাক স্বাধীনতা দিৱসৰ লগত সংগতি ৰাখি আমাৰ সমাজত কন্যা শিশু সকলক সুৰক্ষা দিয়া আৰু পঢ়া শুনা কৰাৰ অধিকাৰ প্ৰদান কৰাৰ ক্ষেত্ৰত সকলোৰে মাজত সজাগতা সৃষ্টিৰ এক অভিনৱ পদক্ষেপ গ্ৰহণ কৰিয়েই জিলা আইন সেৱা প্ৰাধিকাৰী নগাঁৱৰ তৰফৰ পৰা ব্যৱস্থা লোৱা হৈছে বুলি জিলা আইন সেৱা প্ৰাধিকাৰীৰ সচিব মনিকা মিছঙে সংবাদ মাধ্যমৰ জৰিয়তে জনাই।

বৰপেটাৰোড সমীপৰ বালাভিঠা জনকল্যাণ গ্ৰামীণ ডেভেলপমেণ্ট ছ’চাইটিৰ সৌজন্যত ২৬ আগষ্টত অসম ভিত্তিত নাও খেল প্ৰতিযোগিতা অনুষ্ঠিত হ’ব। অসমৰ বিভিন্ন প্ৰান্তত অনুষ্ঠিত হৈ আছে নাও খেল প্ৰতিযোগিতা। তাৰে সমান্তৰালকৈ বৃহত্তৰ বালাভিঠা অঞ্চলৰ বালাভিঠা বেকী দলংৰ ওচৰত জনকল্যাণ গ্ৰামীণ ডেভেলপমেণ্ট ছ’চাইটিৰ সৌজন্যত অসম ভিত্তিত নাও খেল অনুষ্ঠিত হ’ব। সমাগত ১৫ আগষ্ট ৭৬ তম স্বাধীনতা দিৱস উপলক্ষে অহা ২৬ আগষ্টত সচেতন ৰাইজৰ তৎপৰতাত বৃহৎ নাও খেল প্ৰতিযোগিতা অনুষ্ঠিত হ’ব।

প্ৰথম গ্ৰুপত ৭৫ ফুটৰ ওপৰত নাও হ’ব লাগিব আৰু প্ৰথম পুৰস্কাৰ ৬০,০০১টকাৰ লগতে ট্ৰফি এটা দ্বিতীয় পুৰস্কাৰ ৪০,০০১টকাৰ লগতে ট্ৰফি এখন। দ্বিতীয় গ্ৰুপৰ ৭৫ ফুটৰ তলৰ নাও হ’ব লাগিব আৰু প্ৰথম পুৰস্কাৰ ৩০,০০১ টকাৰ লগতে ট্ৰফি এখন দ্বিতীয় পুৰস্কাৰ ২০,০০১ টকা ট্ৰফি এখন। সমাগত ২৬ আগষ্ট তাৰিখে হবলগীয়া নাও খেল প্ৰতিযোগিতাৰ আজি বেকী নদীত এখন নাৱেৰে প্ৰস্তুতি চলায়।