শৰীৰৰ প্ৰতিটো সৰু-বৰ পৰিৱৰ্তনৰ আঁৰত কিবা নহয় কিবা কাৰণ থাকে। বহু সময়ত মানুহে এই পৰিৱৰ্তনবোৰক আওকাণ কৰে। আজি আমি আপোনালোকক কম ফেটি লিভাৰ ৰোগৰ লক্ষণ সমূহৰ বিষয়ে। ‘ফেটি লিভাৰ’ হৈছে যকৃতত চৰ্বি জমা হোৱাৰ ফলত হোৱা এবিধ ৰোগ। এই ৰোগৰ সময়মতে চিকিৎসা নকৰিলে ইয়াৰ ফলত গুৰুতৰ সমস্যা হ’ব পাৰে। চৰ্বিযুক্ত যকৃতৰ ৰোগৰ লক্ষণ চিনাক্ত কৰাটো অতি কঠিন। বহুতৰে শৰীৰত এই ৰোগৰ কোনো লক্ষণো দেখা পোৱা নাযায়। এই ৰোগৰ পৰা হাত সাৰিবলৈ শৰীৰৰ কিছুমান অংশৰ পৰিৱৰ্তনৰ প্ৰতি গুৰুত্ব দিব লাগিব। এই পৰিৱৰ্তন বা ফেটি লিভাৰৰ লক্ষণ সমূহ হৈছে-

১) পেটঃ পেট ফুলিলে ফেটি লিভাৰ ৰোগৰ লক্ষণ হ’ব পাৰে। কাৰণ যেতিয়াই যকৃতত চৰ্বি জমা হয় তেতিয়াই পেটত ফুলাৰ সমস্যাৰ সৃষ্টি হয়। শৰীৰত এই লক্ষণ দেখা পালে চিকিৎসকৰ ওচৰলৈ যোৱাত পলম নকৰিব।

২) গোৰোহা: গোৰোহা ফুলাও এই ৰোগৰ লক্ষণ হ’ব পাৰে। কাৰণ যেতিয়া যকৃতত অধিক চৰ্বি জমা হয় তেতিয়া শৰীৰতো বিশেষকৈ ভৰিৰ গোৰোহাত তৰল পদাৰ্থ জমা হ’বলৈ আৰম্ভ কৰে। যদি আপোনাৰ ভৰিৰ গোৰোহা আৰু ভৰি ফুলিবলৈ আৰম্ভ কৰিছে, তেন্তে লগে লগে চিকিৎসকক পৰীক্ষা কৰাওক।

৩) চকুঃ চৰ্বিযুক্ত যকৃতৰ ৰোগৰ অন্যতম লক্ষণ হ’ল চকু ফুলা। যকৃতত অত্যধিক চৰ্বি জমা হ’বলৈ আৰম্ভ কৰিলে এনে হয়। ইয়াৰ প্ৰভাৱৰ বাবে চকুৰ আশে-পাশে থকা অংশত তৰল পদাৰ্থ জমা হ’বলৈ আৰম্ভ কৰে, যাৰ বাবে চকুত ফুলাৰ সমস্যাৰ সৃষ্টি হয়। যদি আপুনি চকুত ফুলাৰ সমস্যা অনুভৱ কৰি আছে, তেন্তে ইয়াক একেবাৰেই আওকাণ নকৰিব।

৪) ভৰিঃ ভৰিৰ ফুলাটোও ফেটি লিভাৰ ৰোগৰ লক্ষণ হ’ব পাৰে। ভৰিৰ বিষ, ফুলা আৰু ছালত অত্যধিক কোমলতা অনুভৱ কৰিলে তৎক্ষণাত চিকিৎসকৰ ওচৰলৈ যাওক।

৫) গাঁঠিৰ বিষ বা জঠৰতাঃ গাঁঠিৰ জঠৰতা আৰু বিষও ফেটি লিভাৰ ৰোগৰ লক্ষণ হ’ব পাৰে। যেতিয়া যকৃতত চৰ্বি অতিৰিক্তভাৱে জমা হয়, তেতিয়া শৰীৰত তৰল পদাৰ্থও জমা হ’বলৈ আৰম্ভ কৰে, যাৰ ফলত গাঁঠিবোৰত প্ৰভাৱ পৰিব পাৰে আৰু গাঁঠি ফুলি উঠিব পাৰে।

গতিকে এই সমস্যা সমূহক কেতিয়াও আওকাণ নকৰিব। ডাক্তৰৰ পৰামৰ্শ লোৱা উচিত।

থাইৰয়ডৰ সমস্যাৰ বাবে পেশীত যথেষ্ট বিষ হয়। যদি আপোনাৰ থাইৰয়ডৰ সমস্যা আছে, তেন্তে আপুনি কিছুমান বিশেষ বস্তু সেৱন কৰাটো পৰিহাৰ কৰিব লাগিব। থাইৰয়ড আমাৰ শৰীৰৰ বাবে অতি গুৰুত্বপূৰ্ণ গ্ৰন্থি, য’ৰ পৰা থাইৰ’ক্সিন হৰম’ন নিৰ্গত হয়। এই হৰম’নটো ইমানেই গুৰুত্বপূৰ্ণ যে ইয়াৰ হ্ৰাস বা অতিৰিক্ততা দুয়োটা এক ৰোগ। দুয়োটা পৰিস্থিতিতে এজন ব্যক্তিয়ে বিপদৰ সন্মুখীন হ’বলগীয়া হ’ব পাৰে। থাইৰয়ডৰ সমস্যাৰ বাবে পেশীত বহুত বিষ, গাঁঠিৰ বিষ, ছাল শুকান, মেদবহুলতা আদি সমস্যা হ’বলৈ আৰম্ভ কৰে। এনে পৰিস্থিতিত খাদ্য-পানীয়ৰ বিশেষ যত্ন লোৱা উচিত। থাইৰয়ডৰ সমস্যা থকা ব্যক্তিসকলে কি কি খাদ্য খাব নালাগে-

অধিক আঁহযুক্ত শাক-পাচলি স্বাস্থ্যৰ বাবে ভাল বুলি গণ্য কৰা হয়। কিন্তু আপুনি জানেনে যে থাইৰয়ড ৰোগীয়ে আঁহযুক্ত শাক-পাচলি খাব নালাগে। এইবোৰ সেৱন কৰিলে আপোনাৰ সমস্যা বৃদ্ধি পাব পাৰে, আনহাতে পেটৰ লগত জড়িত সমস্যাও হ’ব পাৰে। সেইবাবেই বীন, আঁহযুক্ত শাক-পাচলি খোৱাৰ পৰা বিৰত থাকিব লাগে।

যদি আপোনাৰ থাইৰয়ডৰ সমস্যা আছে, তেন্তে ভুলতেও সৰিয়হৰ সামগ্ৰী সেৱন কৰা উচিত নহয়। সৰিয়হৰ সামগ্ৰী সেৱন কৰিলে থাইৰয়ডৰ সমস্যা বৃদ্ধি পাব পাৰে। যদি আপুনি সুস্থ হৈ থাকিব বিচাৰে তেন্তে মৌ খোৱাৰ পৰাও বিৰত থাকিব।

থাইৰয়ড ৰোগীয়ে সেইবোৰ বস্তু খাব নালাগে য’ত গ্লুটেন প্ৰ’টিন থাকে। গ্লুটেনে থাইৰয়ডৰ ঔষধ নিষ্ক্ৰিয় কৰে, যাৰ বাবে সমস্যা বৃদ্ধি পাব পাৰে। সেইবাবেই গ্লুটেন ফুড যেনে ব্ৰেড, বাৰ্গাৰ, কেক, কেণ্ডি আদি বস্তু খোৱাৰ পৰা বিৰত থাকক।

থাইৰয়ডৰ সমস্যাত প্ৰচেছড খাদ্য খাব নালাগে। প্ৰচেছড খাদ্য সেৱন কৰিলে আপোনাৰ সমস্যা বৃদ্ধি পাব পাৰে।

ফটা গাখীৰ ব্যৱহাৰ কৰি জিলিকাই তুলক আপোনাৰ মুখখন। যদি গাখীৰ দৈ হয়, তেন্তে পেলোৱাৰ আগতে ইয়াৰ উপকাৰিতাৰ বিষয়ে জানি লওক। এই ফাটি যোৱা গাখীৰ ছালৰ বাবে বহু উপকাৰী। বাৰিষা কালত ছালৰ যত্নৰ পদ্ধতি সম্পূৰ্ণ বেলেগ। এই বতৰত কেতিয়াবা অতি গৰম আকৌ কেতিয়াবা ঠাণ্ডা বাঢ়ি যায়। কেতিয়াবা ঘাম ওলায় আৰু কেতিয়াবা গুটি ওলাই। ঘৰত ৰখা গাখীৰ ফাটি যোৱাৰ লগে লগে পেলাই নিদি সঠিক ব্যৱহাৰ কৰক।

ফটা গাখীৰৰ দ্বাৰা আপুনি মুখৰ বাবে চিৰাম বনাব পাৰে। এই ছিৰাম বনাবলৈ কেঁচা গাখীৰ একাপ, অলপ নেমু, আলপ হালধি, এচামুচ গ্লিচাৰিন আৰু অলপ নিমখৰ প্ৰয়োজন।

প্ৰথমে গাখীৰ দৈ কৰি ফেচ ছিৰাম বনাব লাগিব। ইয়াৰ বাবে প্ৰথমে গাখীৰ উতলাই ল’ব। গাখীৰ উতলিবলৈ আৰম্ভ হ’লে তাত নেমুৰ ৰস দিব। তেতিয়া গাখীৰ দৈ হ’ব। দৈযুক্ত গাখীৰখিনি ষ্ট্ৰেনাৰত লৈ ফিল্টাৰ কৰি লওক। গাখীৰৰ ডাঠ অংশ ব্যৱহাৰ কৰিব নালাগে। তাৰ সলনি ফটা গাখীৰৰ পানী ল’ব লাগিব। তাত গ্লিচাৰিন, হলাধি আৰু নিমখ দিব। বুজিব যে ফেচ ছিৰাম প্ৰস্তুত হৈছে। তাৰ পিছত গ্লাছৰ বটলত ভৰাই ফ্ৰীজত ৰাখিব।

এই ছিৰাম ব্যৱহাৰ কৰিবলৈ পৰিষ্কাৰকৈ ফেচ ৱাছ কৰাটো প্ৰয়োজনীয়। মুখখন ভালদৰে ধুব। হাতত কেইটোপালমান ছিৰাম লৈ মুখখন মালিচ কৰক। মুখৰ পৰা ডিঙিলৈকে মালিচ কৰক। ছালত উপস্থিত দৈযুক্ত গাখীৰৰ পানীয়ে ইয়াক ভালদৰে হাইড্ৰেট কৰিব। গ্লিচাৰিন থকাৰ বিপৰীতে হালধিত এন্টি অক্সিডেন্টৰ গুণেৰে ছালখন উজ্জ্বল কৰি তুলিব আৰু নিমখে ছালত উপস্থিত থকা মৃত ছালখন আঁতৰাই পেলাব।