বি টি আৰৰ ৩ নং শ্ৰীৰামপুৰ সমষ্টিৰ অন্তৰ্গত সাপকাটা ভি চি ডি চিৰ কাৰ্যালয়ৰ আজি লাইখুঁটা স্থাাপন কৰা হয়৷ ২৮ নং গোসাইগাঁও বিধান সভা সমষ্টিৰ বিধায়ক জিৰন বসুমাতাৰীয়ে লাইখুঁটা স্থাপন কৰি বিধায়ক বসুমাতাৰীয়ে সংবাদ মাধ্যমৰ আগত কয় যে বি টি আৰৰ প্ৰমোদ বড়ো নেতৃত্বতাধীন বি টি আৰ চৰকাৰে ৰাইজৰ সুবিধাৰ্থে বহু কাম কৰি আছে ৷ তাৰে এটা অংশ হৈছে বি টি আৰৰ প্ৰতিটো সমষ্টিত ভি চি ডি চিৰ কাৰ্য্যলয় নিৰ্মানৰ কাম দ্ৰুতগতিত চলি আছে ৷

ৰাইজে ভি চি ডি চি পৰ্যায়ৰ কাম- কাজ সমূহ ভি চি ডি চিৰ কাৰ্যালয়তে কৰাৰ সুবিধা লাভ কৰিব ৷ ভি চি ডি চিৰ কাৰ্যালয় নিৰ্মান হোৱাৰ লগে লগে সাপকাটা অঞ্চলৰ ৰাইজ যথেষ্ট উপকৃৃ হ’ব বুলি আশা প্ৰকাশ কৰে ৷ ভি চি ডি চিৰ কৰ্যালয়টো ২৫ লাখ টকাৰ ব্যয়সাপেক্ষ নিৰ্মান হ’ব বুলিও সদৰী কৰে বিধায়ক গৰাকীয়ে ৷

গোসাইগাঁৱৰ পৰা আজিজুল হকৰ প্ৰতিবেদন

বিতৰ্কৰ অন্তত মুক্তি পোৱা শ্ৰীৰঘুপতিয়ে বৰ্তমান সময়ত সমাদৰ লাভ কৰিছে বহুজন দৰ্শকৰ মাজত। ব্যতিক্ৰম নহয় নাজিৰা বোলছবিৰ পৰিৱেশ। পুৱাৰে পৰা দীঘলীয়া শাৰী দৈখিবলৈ পোৱা গৈছে নাজিৰা বোলছবি গৃহত। শ্ৰী ৰঘুপতি মুক্তিৰ প্ৰথমটো দিনৰে পৰা নাজিৰা বোলছবিত অসমীয়া ছবি খন চাবলৈ ভিৰ কৰিছে বহুজন দৰ্শকে । ছবি খন চাবলৈ অহা দৰ্শক সকলে মত প্ৰকাশ কৰি কয় যে , ৰঘুপতি এখন সুন্দৰ অসমীয়া ছবি; ৰঘুপতি উপভোগ কৰি দক্ষিণৰ ছবি উপভোগ কৰাৰ মাদকতা লাভ কৰিছো।

মুঠৰ ওপৰত এতিয়া এনেদৰে অসমৰ ভিন্ন প্ৰান্তৰ ছবি গৃহ সমূহৰ সমান্তৰালকৈ নাজিৰা বোলছবিতো অসমীয়া ছবি ৰঘুপতি চোৱাৰ উদ্দেশ্যে নাজিৰা বোলছবিত ভিৰ কৰিছেহি বহুজনে। মুক্তি পোৱাৰ প্ৰথম দিনাৰ পৰাই দেখিবলৈ পোৱা গৈছে দৰ্শকৰ ভিৰ আগন্তুক দুটা দিনৰ টিকট সম্পূৰ্ণ বিক্ৰী হৈ গৈছে বুলি পৰিচালনা সমিতিয়ে জানিবলৈ দিয়ে।

নাজিৰাৰ পৰা দিলীপ হাজৰিকাৰ প্ৰতিবেদন

সদৌ অসম সংখ্যালঘু ছাত্ৰ ইউনিয়ন চমুকৈ আমছুৰ পশ্চিম কোকৰাঝাৰ জিলা সমিতিৰ নিৰ্দেশমৰ্মে গোসাইগাঁও আঞ্চলিক সমিতি আমছুৰ উদ্যোগত শুক্ৰবাৰে ৰাতি ছেৰফাংগুৰীস্থিত শংকৰ আজান জাতীয় বিদ্যালয় প্ৰাংগনত এখন সধাৰণ সভা অনুষ্ঠিত হয় ৷ আমছুৰ গোসাইগাঁও আঞ্চলিক সমিতিৰ সভাপতি আব্দুল হাইৰ সভাপতিত্বত অনুষ্ঠিত হোৱা সাধাৰণ সভাত আমছুৰ কেন্দ্ৰীয় সমিতিৰ উপ সভাপতি ৰফিকুল ইছলামে আমছুৰ ইতিবৃত্ত সম্পৰ্কে ভাষন প্ৰদান কৰে ৷ আমছুৰ পশ্চিম কোকৰাঝাৰ জিলা সমিতিৰ সাধাৰণ সম্পাদক সফিকুল ইছলাম ওৰফে বাবুলে আমছু সংগঠনৰ নীতি আদৰ্শ সম্পৰ্কে বিস্তাৰিত ব্যাখ্যা দাঙি ধৰি ভাষণ আগবঢ়াই৷

উক্ত সভাতে সৰ্বসন্মতি ক্ৰমে আব্দুৰ ৰহিম শ্বেখক সভাপতি আৰু ছানোৱাৰ আলীক সাধাৰণ সম্পাদক হিচাপে লৈ ৫১ জনীয়া সদস্যৰে আমছুৰ ২ নং ছেৰফাংগুৰী শাখা সমিতিখন গঠন কৰা হয় ৷ লগতে নৱ সদস্য সকলক এখনকৈ ফুলাম গামোছাৰে আদৰি লয়।নৱ গঠিত শাখা সমিতিখনে বাল্যবিবাহ ,বহু বিবাহ ,নিচামুক্ত সমাজ গঢ়াৰ স্বাৰ্থত দায়বদ্ধতাৰে কাম কৰি যাব বুলি সদৰী কৰে লগতে শিক্ষাৰ ক্ষেত্ৰত জাগৰণ অনাৰ দৃঢ় সংকল্পৰে সমাজৰ হিতাৰ্থে কাম কৰি যাব বুলি আমছুৰ নৱ গঠিত শাখা সমিতিয়ে পণ লয় ৷

গোসাইগাঁৱৰ পৰা আজিজুল হকৰ প্ৰতিবেদন