অসম-মেঘালয়ৰ সীমা বিবাদক লৈ উত্তেজনা চলি থকাৰ মাজতেই এইবাৰ অসমৰ ভূমিত পুনৰ চলিছে নগাৰ আগ্ৰাসন। নাজিৰাৰ বিহুবৰৰ ঔগুৰিজানত আজি পুৱাই জেচিবি লগাই নগা আৰক্ষীয়ে ভাঙি তহিলং কৰিছে কেইবাখনো দোকান ঘৰ।
ঘটনাস্থলীৰ পৰা কিছু নিলগতেই থকা বিহুবৰ আৰক্ষী থানা থকাৰ পিছতো কিদৰে চুবুৰীয়া ৰাজ্য নাগালেণ্ডৰ নগা আৰক্ষীয়ে এই দোকান সমূহ ভাঙি তহিলং কৰিলে তাক লৈও সৃষ্টি হৈছে তীব্ৰ প্ৰতিক্ৰিয়াৰ।
-নাজিৰাৰ পৰা দিলীপ হাজৰিকা প্ৰতিবেদন
কামৰূপ জিলাৰ বকোত বুধবাৰে বকো আৰক্ষী থানা,কামৰূপ জিলা ৰাভা ছাত্ৰ সন্থা, বগাই সাংস্কৃতিক ও ক্ৰীড়া সংগঠনৰ লগতে স্থানীয় যুৱকৰ উদ্যোগত উদযাপন কৰা হয় বীৰ লাচিত বৰফুকনৰ ৪০০ সংখ্যক জন্ম জয়ন্তী।এই জন্ম জয়ন্তীৰ লগত সংগতি ৰাখি পুৱাই বকো গান্ধী মৈদানৰ পৰা বকো বজাৰ হৈ এক সাংস্কৃতিক শোভাযাত্ৰা উলিওৱা হয়।
সাংস্কৃতিক শোভাযাত্ৰা মুকলি কৰে বকো আৰক্ষী থানাৰ ভাৰপ্ৰাপ্ত বিষয়া ফনীন্দ্ৰ নাথে।শোভাযাত্ৰা মুকলি কৰা প্ৰাকমুহৰ্তত ভাৰপ্ৰাপ্ত বিষয়া গৰাকীক এখন ফুলাম গমোচাৰে সম্বৰ্ধনা জ্ঞাপন কৰে বগাই সংগঠনৰ মূল সমিতিৰ সভাপতি ছংগিত বড়োৱে।
ইয়াৰ পিছতে আৰক্ষী বিষয়া গৰাকীয়ে দুআষাৰ উদ্বোধনী ভাষণ দি শোভাযাত্ৰা মুকলি হোৱা বুলি ঘোষণা কৰে। এই বাৰেৰহনীয় সাংস্কৃতিক শোভাযাত্ৰাত অংশগ্ৰহন কৰে ৰাভা,গাৰো,গোৰ্খা,বড়ো আদিকে ধৰি বিভিন্ন জাতি জনগোষ্ঠী তথা দল সংগঠনে। এই শোভাযাত্ৰাৰ সামৰনি পৰে বকো গান্ধী মৈদানত। ইয়াৰ পিছতে বীৰ লাচিত বৰফুকনৰ জন্ম জয়ন্তী সন্দৰ্ভত বকো গান্ধী মৈদানত এখনি আলোচনা সভা অনুষ্ঠিত হয়।
ইণ্ডোনেছিয়াত সংঘটিত শেহতীয়া ভয়াৱহ ভূমিকম্পৰ পিছতে এইবাৰ ভূমিকম্পই কঁপাই তুলিছে তুৰস্ক। আজি পুৱা উত্তৰ-পশ্চিম তুৰস্কত হোৱা ৬.১ প্ৰাবল্যৰ ভূমিকম্পৰ ফলত ৩৫ গৰাকী লোক আহত হয়।
দেশখনৰ সৰ্ব্ববৃহৎ চহৰ ইস্তানবুলৰ পৰা প্ৰায় ১৭০ কিলোমিটাৰ পূবে এই তীব্ৰ ভূমিকম্পৰ জোকাৰণি অধিক ৰূপত অনুভূত হয় বুলি স্থানীয় প্ৰশাসনে সদৰী কৰিছে।
তুৰ্কী কৰ্তৃপক্ষই এই ভূমিকম্পৰ প্ৰাবল্য ৫.৯ বুলি উল্লেখ কৰাৰ বিপৰীতে আমেৰিকাৰ ভূতাত্ত্বিক জৰীপে ভূমিকম্পৰ তীব্ৰতা ৬.১ প্ৰাবল্যৰ বুলি প্ৰকাশ কৰিছে।
জানিব পৰা মতে, এই ভূমিকম্পৰ অভিকেন্দ্ৰ আছিল ডুজচে প্ৰদেশৰ গোলিয়াকা জিলা। দেশৰ কেইবাখনো চহৰত ভূমিকম্পৰ জোকাৰণি অনুভৱ কৰা হৈছিল বুলি স্থানীয় সংবাদ মাধ্যমত প্ৰকাশ পাইছে।
তুৰস্ক প্ৰশাসনৰ তথ্য অনুসৰি ভূমিকম্পৰ ফলত ডুজচেত ৩২ গৰাকী, ইস্তানবুলৰ এগৰাকী তথা বলু আৰু জোংগুলডাক প্ৰদেশত আন দুগৰাকীকে ধৰি মুঠ ৩৫ গৰাকী লোক আহত হৈছে।
এই তীব্ৰ ভূমিকম্পৰ পিছত প্ৰায় ৭০ টা ক্ষুদ্ৰ কঁপনিৰ সৃষ্টি হয় বুলি তুৰস্ক প্ৰশাসনে সদৰী কৰিছে। অৱশ্যে এতিয়ালৈকে ভূমিকম্পত নিহতৰ লোকৰ কোনো তথ্য পোৱা নাই বুলি উল্লেখ কৰি প্ৰশাসনে লগতে পৰিস্থিতিৰ ওপৰত নিৰন্তৰ পৰ্যবেক্ষণ কৰা হৈছে বুলি জানিবলৈ দিয়ে।
ইন্দিৰা গান্ধীৰ জন্ম বাৰ্ষিকীঃ প্ৰাক্তন প্ৰধানমন্ত্ৰী ইন্দিৰা গান্ধীক জন্ম বাৰ্ষিকীত শ্ৰদ্ধাঞ্জলি জ্ঞাপন কৰে ছোনিয়া, ৰাহুলকে ধৰি অন্যান্য কংগ্ৰেছ নেতাসকলে , আজি ইন্দিৰা গান্ধীৰ ১০৫ সংখ্যক জন্ম জয়ন্তী উপলক্ষে বহু কংগ্ৰেছ নেতাই তেওঁক শ্ৰদ্ধা জনাই তেওঁক স্মৰণ কৰে।
ইন্দিৰা গান্ধীক ‘আইৰন লেডী’ বুলিও কোৱা হয়। ছবিত চাওক। ৰাজঘাটত ইন্দিৰা গান্ধীৰ ১০৫ সংখ্যক জন্ম জয়ন্তীত ৰাজস্থানৰ মুখ্যমন্ত্ৰী অশোক গেহলটে ফুলৰ শ্ৰদ্ধাঞ্জলি জ্ঞাপন কৰে।
ছোনিয়া গান্ধীয়েও ১০৫ সংখ্যক জন্ম জয়ন্তীত শাহুৱেক ইন্দিৰা গান্ধীক স্মৰণ কৰে। ভাৰত জোডো যাত্ৰাত ব্যস্ত থকাৰ পিছতো ৰাহুল গান্ধীয়ে সময় উলিয়াই আইতাক ইন্দিৰা গান্ধীৰ ১০৫ সংখ্যক জন্ম জয়ন্তীত শ্ৰদ্ধাঞ্জলি জনায়।
আজি ইন্দিৰা গান্ধীৰ ১০৫ সংখ্যক জন্ম জয়ন্তী উপলক্ষে ফুলৰ শ্ৰদ্ধাঞ্জলি জ্ঞাপন কৰি উভতি অহা কংগ্ৰেছৰ সভাপতি মল্লিকাৰ্জুন খাৰ্গে।
জানুৱাৰী মাহত টাটা গ্ৰুপে এয়াৰ ইণ্ডিয়াৰ ‘ঘৰৱাপ্সী’ৰ পিছৰে পৰা বিমান সংস্থাটোৱে বিমান সংস্থাটোৰ সামগ্ৰিক ভাবমূৰ্তি বৃদ্ধিৰ বাবে অহৰহ পৰিৱৰ্তন কৰি আহিছে। বিমানৰ মূল্যায়নৰ পৰা আৰম্ভ কৰি খাদ্য তালিকা সলনি কৰালৈকে এয়াৰ ইণ্ডিয়াই বিমান উদ্যোগত নিজৰ ভাবমূর্তি পুনৰ বিকশিত কৰিছে৷ বিমান সংস্থাটোৰ কাৰ্যক্ষমতা বৃদ্ধিৰ বাবে আৰু এখোজ আগুৱাই টাটা গ্ৰুপৰ মালিকানাধীন এয়াৰ ইণ্ডিয়াই নিজৰ চাৰিখন বয়িং ৭৪৭-৪০০ জাম্বো বিমান বিক্ৰীৰ বাবে ৰাখিছে। চলিত বৰ্ষৰ আৰম্ভণিতে অসামৰিক বিমান পৰিবহণ সঞ্চালকালয়ে এই বিমানসমূহৰ পঞ্জীয়ন বন্ধ কৰি দিছিল। এয়াৰ ইণ্ডিয়াই ব্ৰিটেইনস্থিত পুনৰ বিপণন সংস্থা স্কাইটেক-এআইচিক নিজৰ চাৰিখন বয়িং ৭৪৭-৪০০ জাম্বো বিমান বিক্ৰীৰ বাবে নিৰ্দেশ দিছে।
২১ নৱেম্বৰত এক বিবৃতিত স্কাইটেক-এআইচিয়ে কয় যে এয়াৰ ইণ্ডিয়াই চাৰিখন বয়িং ৭৪৭-৪০০ বিমান সম্পূৰ্ণৰূপে বিক্ৰীৰ বাবে বজাৰত বিক্ৰী কৰিবলৈ নিযুক্তি দিছে। প্ৰাট আৰু হুইটনী ৪০৫৬ চালিত আৰু ১৯৯৩ চনৰ পৰা ১৯৯৬ চনৰ ভিতৰত নিৰ্মাণ কৰা এই বিমানসমূহ তাৎক্ষণিকভাৱে ডেলিভাৰীৰ বাবে আগবঢ়োৱা হৈছে বুলিও কোৱা হৈছে।
ভাৰতৰ ফ্লেগ কেৰিয়াৰ এয়াৰ ইণ্ডিয়াই এই গুৰুত্বপূৰ্ণ কামৰ বাবে নিৰ্বাচিত হোৱাত আমি সন্মানিত হৈছো আৰু ছিংগাপুৰ এয়াৰলাইন্স গ্ৰুপ, কুৱেইট এয়াৰৱেজ, এয়াৰ গ্ৰীণলেণ্ড, আৰু ইউৰোপৰ টি ইউ আই গ্ৰুপ, ২০২০ৰ দৰে একেধৰণৰ আগশাৰীৰ বিমান সংস্থাৰ সৈতে তেওঁলোকক পুনৰ বিপণন ক্লায়েণ্ট হিচাপে আদৰণি জনাই আনন্দিত হৈছো। ” স্কাইটেক-এআইচিৰ পৰিচালন সঞ্চালক জুলিয়ান বালামে কোম্পানীটোৰ ৱেবছাইটত প্ৰকাশ কৰা বিবৃতিটোত এইদৰে কয়।”
মঙলবাৰে এয়াৰ ইণ্ডিয়াৰ এগৰাকী মুখপাত্ৰই এক বিবৃতিত কয় যে ৭৪৭ বিমানখন তেওঁলোকৰ বহৰৰ বহু প্ৰিয় ফ্লেগশ্বিপ আৰু “আমি ইয়াক এৰি দিবলৈ পাই দুখী”। বিমান সংস্থাটোৱে বৰ্তমানৰ বহৰখনক ভৱিষ্যতৰ বাবে সাজু কৰি তুলিবলৈ সক্ৰিয়ভাৱে মূল্যায়ন আৰু পৰ্যালোচনা কৰি আছে।
“এয়াৰ ইণ্ডিয়াৰ ভৱিষ্যতৰ আকাংক্ষা আৰু বৃদ্ধিৰ পৰিকল্পনাক শক্তি প্ৰদান কৰিবলৈ আমি শেহতীয়া প্ৰজন্মৰ, অধিক ইন্ধন ক্ষমতাসম্পন্ন আৰু অধিক পৰিৱেশ অনুকূল বিমান আনিবলৈ আগ্ৰহী। আমি নিশ্চিত যে বহু যাত্ৰী এয়াৰ ইণ্ডিয়ানৰ সৈতে যোগ দি আকাশৰ ৰাণীক মৰমলগা আৱেগিক বিদায় দিয়ে।” ,” মুখপাত্ৰগৰাকীয়ে কয়।
ভাৰতৰ ভিভিআইপি — ৰাষ্ট্ৰপতি, উপ-ৰাষ্ট্ৰপতি, আৰু প্ৰধানমন্ত্ৰীক ফেৰী চলোৱাৰ উপৰিও এই চাৰিখন জাম্বো বিমান উচ্চ ঘনত্বৰ ঘৰুৱা আৰু আন্তঃৰাষ্ট্ৰীয় পথত নিয়োজিত কৰা হৈছিল।
২০২০ চনত তেতিয়া চৰকাৰৰ মালিকানাধীন এয়াৰ ইণ্ডিয়াই ভিভিআইপি ফেৰীৰ বাবে উন্নত প্ৰতিৰক্ষা ব্যৱস্থাৰে সজ্জিত দুখন কাষ্টমাইজড বয়িং ৭৭৭ বিমান লাভ কৰিছিল। ইয়াৰ পিছত দুখন জাম্বো জেট বিমান কাৰ্যক্ষমতাৰ পৰা আঁতৰাই দিয়া হয় আৰু তাৰ আগতে এনে দুখন বিমান মাটিত ৰখা হয়।
এই বিমানসমূহৰ অন্যতম প্ৰাথমিক পৰিচালক এয়াৰ ইণ্ডিয়াই ১৯৭১ চনৰ পৰাই নিজৰ বহৰত জাম্বো বিমান অন্তৰ্ভুক্ত কৰিবলৈ আৰম্ভ কৰে।দশক দশক ধৰি বিমান সংস্থাটোৱে এনে বিমান পৰ্যায়ক্ৰমে বন্ধ কৰি ইয়াৰ ঠাইত বয়িং ৭৭৭ আৰু বয়িং ৭৮৭ বিমান ব্যৱহাৰ কৰি আহিছে, যিবোৰক অধিক ইন্ধন-দক্ষ বুলি গণ্য কৰা হয় .
বুধবাৰে কাৰাবন্দী দিল্লীৰ মন্ত্ৰী সত্যেন্দৰ জৈনৰ এটা নতুন ভিডিঅ’ ওলাইছে য’ত দেখা গৈছে যে আপ নেতাই তিহাৰ কাৰাগাৰ চৌহদৰ ভিতৰত একাধিক প্লাষ্টিকৰ পাত্ৰৰ পৰা চালাড আৰু ফল-মূল আৰু খাদ্য খাই আছে। তিহাৰ জেলৰ বিষয়াসকলৰ মতে, জৈনৰ নতুন ভিডিঅ’টোৱে জেলৰ ভিতৰত উপযুক্ত খাদ্য যোগান নধৰাৰ অভিযোগক নস্যাৎ কৰিছে। মঙলবাৰে তেওঁ আদালতত অভিযোগ দিছিল যে জেলৰ ভিতৰত পৰ্যাপ্ত আৰু উপযুক্ত খাদ্য নোপোৱাৰ বাবে তেওঁৰ ওজন প্ৰায় ২৮ কিলো কমি গৈছে। তিহাৰ জেলৰ সূত্ৰ অনুসৰি কাৰাগাৰত থকা আপ নেতাগৰাকীয়ে জেলত থকা সময়ছোৱাত ২৮ কেজি ওজন কমাব পৰা নাছিল যদিও দৰাচলতে “৮ কেজি ওজন বৃদ্ধি” কৰিছিল। আপ নেতাগৰাকীয়ে দিল্লী আদালতৰ কাষ চাপিছিল আৰু তেওঁৰ ধৰ্মীয় বিশ্বাস অনুসৰি তেওঁক খাদ্য যোগান ধৰিব লাগে বুলি জেলৰ বিষয়াসকলক নিৰ্দেশনা বিচাৰিছিল।
আবেদনত জৈনে কয় যে ৩১ মে’ত গ্ৰেপ্তাৰ হোৱাৰ পিছৰে পৰা তেওঁক মৌলিক খাদ্য আৰু ঔষধৰ পৰা বঞ্চিত কৰা হৈছে।যোৱা ১২ দিন ধৰি কাৰাগাৰ প্ৰশাসনে তেওঁৰ ধৰ্মীয় বিশ্বাস অনুসৰি মৌলিক খাদ্য যোগান ধৰা বন্ধ কৰি দিছে বুলি জৈনে অভিযোগ কৰে।
‘আবেদনকাৰীক জেল কৰ্তৃপক্ষই অনাহাৰে ৰাখিছে আৰু আনকি তেওঁৰ মংগল বজাই ৰাখিবলৈও তেওঁক জীৱিকা বা পুষ্টি দিয়া হোৱা নাই। আবেদনকাৰীয়ে নিজৰ ধৰ্মীয় বিশ্বাস আৰু উপবাসৰ প্ৰতি লক্ষ্য ৰাখি উক্ত মৌলিক খাদ্য সামগ্ৰীৰ অধিকাৰী।’- নিয়মৰ উদ্ধৃতি দি তেওঁৰ আবেদনত এইদৰে কোৱা হৈছে।
মন্ত্ৰীগৰাকীয়ে ধৰ্মীয় উপবাসত আছিল য’ত ৰন্ধা খাদ্য, দালি, শস্য আৰু গাখীৰৰ পৰা তৈয়াৰী সামগ্ৰী নিষিদ্ধ কৰা হৈছিল, তেওঁৰ অধিবক্তাই যুক্তি দিছিল আৰু মিষ্টাৰ জৈন “জৈন ধৰ্মৰ কঠোৰ অনুগামী” বুলি দৃঢ়তাৰে কয়।
“যোৱা প্ৰায় ছমাহ ধৰি তেওঁ কেৱল ফলমূল, শাক-পাচলি, গুটি আৰু শুকান ফল বা খেজুৰ খাই জীয়াই আছে। এইখিনি তেওঁ সকলো কয়দীৰ বাবে উপলব্ধ নিজৰ কোটাৰ ৰেচনৰ পৰা ক্ৰয় কৰিছিল। ইয়াৰ মাজতে জেলত ডাঙৰ পতন ঘটিছে যাৰ ফলত মেৰুদণ্ডত গুৰুতৰভাৱে আঘাত পাইছে, যাৰ বাবে তেওঁক এল এন জে পি হাস্পতালত চিকিৎসা প্ৰদান কৰা হৈছে। তেওঁৰ হাওঁফাওঁৰ পেচো আছে, যিটো ক’ভিডৰ পিছৰ লক্ষণ।’- জৈনৰ আবেদনত দাবী কৰা হৈছে।
‘কাৰাগাৰৰ প্ৰশাসনে আবেদনকাৰীক ফল-মূল বা শাক-পাচলি, মিশ্ৰিত বীজ, শুকান ফল-মূল আৰু খেজুৰ যোগান ধৰা বন্ধ কৰি দিছে। যিহেতু আবেদনকাৰীয়ে যোৱা ছমাহ ধৰি ধৰ্মীয় উপবাসত আছে – তেনে মৌলিক খাদ্য সামগ্ৰীৰ খাদ্য গ্ৰহণ তেওঁৰ জীৱিকা, পুষ্টি আৰু জীয়াই থকাৰ বাবে প্ৰয়োজনীয়। যে উক্ত ধৰ্মীয় উপবাসৰ বাবেই – প্ৰটিন আৰু আইৰণৰ অভাৱৰ গুৰুতৰ আশংকা আছে আৰু সেয়েহে, জেল আৰু চিকিৎসালয়ত চিকিৎসক বা খাদ্য বিশেষজ্ঞই উক্ত খাদ্য প্ৰেছক্ৰিপচন কৰিছিল,” ইয়াত লগতে কোৱা হৈছে।
উপবাসৰ সময়ত খাদ্য বন্ধ কৰাটো “অবৈধ”, “স্বেচ্ছাচাৰী” আৰু “হাৰাশাস্তি”ৰ সমান আছিল, জৈনে অভিযোগ কৰে।
কংগ্ৰেছে প্ৰধানমন্ত্ৰী নৰেন্দ্ৰ মোডীৰ বিৰুদ্ধে এজাহাৰ দাখিল কৰিব, বিজেপিয়ে প্ৰধানমন্ত্ৰীৰ সৈতে পোজ দি থকা অৱস্থাত দলটোক প্ৰশংসা কৰা ভিডিঅ’ টুইট কৰাৰ পিছতে কংগ্ৰেছে এজাহাৰ দাখিল কৰিব।
কংগ্ৰেছে কয় যে মঙলবাৰে নেশ্যনেল কমিছন ফৰ প্ৰটেকচন অৱ চাইল্ড ৰাইটছৰ সৈতে যোগাযোগ কৰি অভিযোগ দাখিল কৰিব।
টিএমচিয়ে গুজৰাটত নিৰ্বাচনী প্ৰচাৰৰ বাবে বিজেপিয়ে নাবালক ব্যৱহাৰ কৰাৰ অভিযোগ উত্থাপন কৰে।
অসম-মেঘালয়ৰ মাজত সংঘটিত হোৱা গুলীচালনাৰ ফলত বৰ্তমান দুয়োখন ৰাজ্যতেই এক চেপা উত্তেজনা বিৰাজমান। অসমৰ পঞ্জীয়নকৃত বাহন মেঘালয়ত প্ৰৱেশত বাধা আৰোপ কৰিছে। লগতে অসম আৰক্ষীয়ে অসমৰ ৰাইজক মেঘালয়লৈ নাযাবলৈ আহ্বান জনাইছে।
মঙলবাৰে শ্বিলঙত অসমৰ পৰা যোৱা বাহন জ্বলোৱা হৈছে বুলি জানিব পৰা গৈছে। বৰ্তমান বহু পৰ্যটকৰ লগতে বাহন মেঘালয়ত আৱদ্ধ হৈ আছে। উল্লেখ্য যে, মেঘালয়ত অসমৰ এটা শিল্পী দল আৱদ্ধ হোৱাৰ লগতে চেৰাপুঞ্জীত অসমৰ ৭খন বাহন আৱদ্ধ হৈ আছে। মেঘালয়ত এই পৰ্যন্ত অসমকে ধৰি মুঠ ৩২খন বাহন আৱদ্ধ হৈ আছে। জানিব পৰা মতে, ৩ জন বিদেশী পৰ্যটকো ৰাজ্যখনৰ বিশ্ববিদ্যালয় নেহু (NEHU)ত আৱদ্ধ হৈ আছে। এই তথ্য নৰ্থ–ইষ্ট পুলিচ এছ’চিয়েছনৰ পৰা
ইফালে অসম চৰকাৰে মুক্ৰ’ কাণ্ডৰ তদন্ত ঘোষণা কৰিছে। এই সন্দৰ্ভত অসমৰ মুখ্যমন্ত্ৰীয়ে ৩ মাহৰ ভিতৰত উক্ত তদন্তৰ প্ৰতিবেদন দাখিল কৰাৰ নিৰ্দেশ দিয়ে।
মন কৰিবলগীয়া যে, আজি মুক্ৰ’ অঞ্চললৈ কাৰ্বি পৰিষদৰ এটা দলে ঘটনাটোৰ বুজ ল’বলৈ
মেঘালয়লৈ যাব। ৰাজ্যখনৰ মুখ্যমন্ত্ৰীয়েও মুক্ৰ’ অঞ্চলটো পৰিদৰ্শন কৰিব। বৰ্তমান সীমান্তত আৰক্ষী–CRPFৰ বৃহৎ দল মোতায়েন কৰা হৈছে।
এইখিনিতেই উল্লেনীয় যে, ২২ নৱেম্বৰৰ পুৱা পশ্চিম কাৰ্বি আংলং জিলাৰ অন্তৰ্গত জিৰিকিন্দিং আৰক্ষী থানাৰ অন্তৰ্গত মক্ৰত অবৈধ কাঠ সৰবৰাহক লৈ অসমৰ বন বিষয়া আৰু খাচী দুৰ্বৃত্তৰ মাজত বাক-বিতণ্ডাৰ সময়ত গুলীচালনাৰ ঘটনা সংঘটিত হৈছিল। এই ঘটনাত মেঘালয়ৰ ৫ জন লোক আৰু অসমৰ এজন বনকৰ্মীৰ মৃত্যু হয়।
মুক্ৰ’ কাণ্ডক লৈ মেঘালয় চৰকাৰ উদ্বিগ্ন হৈ আছে আৰু এই ঘটনাৰ বিষয়ে কেন্দ্ৰীয় গৃহমন্ত্ৰী অমিত শ্বাহক সাক্ষাত্ কৰি অৱগত কৰাৰ সিদ্ধান্ত লৈছে মেঘালয় চৰকাৰে। ইয়াৰোপৰি মেঘালয় চৰকাৰে ঘটনা সন্দৰ্ভত NIA, CBIৰ দ্বাৰা তদন্তৰ দাবী কৰে। কেন্দ্ৰীয় সংস্থাই গোচৰটো গ্ৰহণ নকৰালৈকে এই কাণ্ডৰ তদন্তৰ বাবে মেঘালয় চৰকাৰে SIT গঠন কৰিব, ৰাষ্ট্ৰীয় মানৱ অধিকাৰ ওচৰত সমগ্ৰ বিষয়টো উত্থাপন কৰিব বুলি ব্যক্ত কৰে। ৩০ নৱেম্বৰলৈ মেঘালয়ৰ সকলো চৰকাৰী আৰু বেচৰকাৰী অনুষ্ঠান বাতিল কৰাৰ ঘোষণা কৰে ৰাজ্যখনৰ চৰকাৰে। পৰিস্থিতি অধিক ভয়াৱহ নহ’বলৈ মেঘালয় চৰকাৰে ইয়াৰ একাংশ জিলাত ইণ্টাৰনেট সেৱাও বন্ধ কৰিছে।
“কাটাৰ বিশ্বকাপেই হ’ব শেষ বিশ্বকাপ”— ইতিপূৰ্বেই ঘোষণা কৰি থৈছে বিশ্ব ফুটবলৰ মুকুটবিহীন সম্ৰাট গৰাকীয়ে। ইয়াৰ পিছতে কোটি কোটি অনুৰাগীৰ মাত্ৰ এটাই আশা, এটাই স্বপ্ন- অন্তিম বিশ্বকাপত প্ৰথমটো বিশ্বকাপ খিতাপ হাতত তুলি লওক প্ৰিয় তাৰকাগৰাকীয়ে, চুম্বন দিয়ক আকাংক্ষিত স্বৰ্ণীল ট্ৰফীটোত !
কিন্তু এই স্বপ্ন পূৰণৰ প্ৰথমটো খোজতে উজুটি খালে লিঅ’নেল মেছিৰ ‘হট ফেভাৰিট’ আৰ্জেণ্টিনাই। সমগ্ৰ বিশ্বক হতবাক কৰি শক্তিশালী আৰ্জেণ্টিনাক ২-০ গলৰ ব্যৱধানত পৰাস্ত কৰি কাটাৰত প্ৰথমটো অঘটন ঘটালে তুলনামূলকভাৱে দুৰ্বল চৌদি আৰৱে।
খেলৰ মাত্ৰ ১০ মিনিটতে পেনাল্টিৰ সুযোগ কাৰ্যকৰী কৰি প্ৰত্যাশিত আৰম্ভণি দিছিল মহাতাৰকা মেছিয়ে। ইয়াৰ পিছতো চলিল উপৰ্যুপৰি কেইবাটাও আক্ৰমণ। কিন্তু অফচাইডৰ ভূতে পিছ নেৰা আৰ্জেণ্টিনা বঞ্চিত হয় দুটাকৈ গলৰ পৰা।
প্ৰথমাৰ্ধ এই এটা গলৰ ব্যৱধানৰ অগ্ৰগতি লৈ আৰ্জেন্টিনাৰ দ্বিতীয়াৰ্ধত হেৰাই গ’ল স্বাভাৱিক ছন্দ। দলৰ সেই পৰিচিত খেলৰ ভংগী হেৰাই গ’ল চৌদিৰ দুৰ্দান্ত প্ৰদৰ্শনৰ সমুখত।
দ্বিতীয়াৰ্ধৰ মাত্ৰ তিনি মিনিটত চৌদিৰ ছালেহ আলছেহৰীয়ে এক দৰ্শনীয় শ্বটেৰে আৰ্জেণ্টাইন গলৰক্ষক মাৰ্টিনেজক পৰাভূত কৰে। এই গলটোৰ পাঁচ মিনিট পাছতে চালেম আল্ডাওছাৰীয়ে চৌদিক দিয়ে দ্বিতীয়টো গলৰ সোৱাদ।
চৌদিৰ এই দুৰন্ত প্ৰদৰ্শনৰ ফলত মূৰত সৰগ ভাগি পৰে আৰ্জেণ্টাইন অনুৰাগীৰ। দলটোৰ দেৱাল সদৃশ ডিফেঞ্চ আৰু গলৰক্ষক মহম্মদ আল অ’ৱাইছৰ চমকপ্ৰদ প্ৰদৰ্শনে ব্যৰ্থ কৰি তুলিলে আৰ্জেণ্টিনাৰ কেইবাটাও আক্ৰমণ।
অৱশ্যে পৰিচিত ভংগীৰ তুলনাত আৰ্জেণ্টিনা আজি তেনেই নিষ্প্ৰভ। দলৰ নাছিল কোনো লং বা চৰ্ট পাছৰ চোক অথবা ডিফেঞ্চৰ শেহতীয়া প্ৰদৰ্শনৰ ছায়া। যাৰ বাবে দলটোৰ ৩৬ খন মেচত অপৰাজেয় ধাৰা আজি ভংগ হয়।
চৌদিৰ বিৰুদ্ধে এই অকল্পনীয় পৰাজয়ৰ পিছত এতিয়া ধূসৰ হৈ পৰিছে আৰ্জেণ্টিনাৰ বিশ্বজয়ৰ স্বপ্ন। কিয়নো গ্ৰুপ ‘চি’ৰ আন দুটা দল মেক্সিকো আৰু পোলেণ্ড তুলনামূলকভাৱে চৌদি আৰৱতকৈ শক্তিশালী দল।
এনে পৰিস্থিতিত মেছিৰ বিশ্বকাপ ট্ৰফীত চুম্বনৰ সেই পৰম আকাংক্ষিত দৃশ্যটি যেন আকাংক্ষিত হৈয়েই থাকি যাব, তেনে এক সন্দেহেই গা কৰি উঠিছে।
ৰাষ্ট্ৰসংঘৰ সৰ্বোচ্চ পৰিৱেশ বঁটা – CHAMPION OF THE EARTH, 2022 ৰ বাবে গ্ৰীণ অস্কাৰ বঁটা বিজয়ী ড° পূৰ্ণিমা দেৱী বৰ্মনক প্ৰদান কৰা হৈছে।
বিলুপ্ত প্ৰায় চৰাই প্ৰজাতিৰ হাৰগিলাৰ ত্ৰাণকৰ্তা হিচাপে বিশ্বজুৰি পৰিচিত আৰু হাৰগিলা বাইদেউ নামেৰেও বিখ্যাত ড° বৰ্মন। ২০১৮ চনত ভাৰতৰ প্ৰধানমন্ত্ৰী নৰেন্দ্ৰ মোডীক এই বঁটাৰে সন্মানিত কৰা হৈছিল।
