অসম কৃষি বিশ্ববিদ্যালয়ৰ কৃষি অৰ্থনীতিবিদলৈ বিশেষ সন্মান ।

কৃষি অৰ্থনীতিৰ শিক্ষা, গৱেষণা আৰু সম্প্ৰসাৰণৰ দিশত আগবঢ়োৱা বিশেষ অৱদানৰ বাবে অসম কৃষি বিশ্ববিদ্যালয়ৰ কৃষি অৰ্থনীতিৰ গৱেষক বিজ্ঞানীক ভাৰতীয় কৃষি অৰ্থনীতি সংস্থাই বিশেষ সন্মান প্ৰদান কৰিছে । বিশিষ্ট কৃষি অৰ্থনীতিবিদ তথা অসম কৃষি বিশ্ববিদ্যালয় চীফ লাইব্ৰেৰীয়ান ড: চন্দন হাজৰিকাক ২০২২ বৰ্ষৰ সন্মানীয় ফেল সন্মান প্ৰদান কৰিছে ।

মণিপুৰৰ ইম্ফলত ১১ আৰু ১২ নবেম্বৰত অনুষ্ঠিত ভাৰতীয় কৃষি অৰ্থনীতি সংস্থাৰ ৮২ সংখ্যক অধিবেশনত কেন্দ্ৰীয় জলশক্তি মন্ত্ৰী গজেন্দ্ৰ সিং শেখাৱতে ড: হাজৰিকাক এই সন্মান প্ৰদান কৰে । উত্তৰ পূৰ্বাঞ্চলৰ ভিতৰত প্ৰথমবাৰৰ বাবে ড: হাজৰিকাই এই সন্মান লাভ কৰিছে ।আনহাতে অসম কৃষি বিশ্ববিদ্যালয়ৰ কৃষি অৰ্থনীতি বিভাগৰ মুৰব্বী ড: নিবেদিতা ডেকা আৰু সহকাৰী অধ্যাপিকা ড: উদেষ্ণা তালুকদাৰৰ ” ফ্লাড মেনেজমেন্ট ষ্ট্ৰেটেজিচ এণ্ড ইকনমিক্স অৱ ষ্ট্ৰেচ টলাৰেণ্ট ৰাইচ ভেৰাইটিছ ইন আচাম'” শীৰ্ষক গৱেষণা পত্ৰখন শ্ৰেষ্ঠ গৱেষণা পত্ৰ হিচাপে বিবেচিত হয় ।

বিশ্ববিদ্যালয়ৰ গৱেষক শিক্ষাৰ্থী নিহাৰিকা বৰবৰুৱা আৰু দীপজ্যোতি ভৰালী শ্ৰেষ্ঠ গৱেষণা পত্ৰ পৰিবেশক পুৰস্কাৰ লাভ কৰিবলৈ সক্ষম হয় । উল্লেখ্য যে ১৯৩৭ চনতে ভাৰতৰ কৃষি অৰ্থনীতিৰ বিকাশৰ বাবে গঠিত
ভাৰতীয় কৃষি অৰ্থনীতি সংস্থাই ইয়াৰ বাৰ্ষিক অধিবেশনত সৰ্বভাৰতীয় পৰ্যায়ত এই সন্মান আৰু পুৰস্কাৰ সমুহ প্ৰদান কৰি আহিছে । ইম্ফলৰ এই অধিৱেশনৰ সন্মান প্ৰদান অনুষ্ঠানত অসম কৃষি বিশ্ববিদ্যালয়ৰ পূৰ্বৰ উপাচাৰ্য ড: কমল মল্ল বুজৰবৰুৱাৰ লগতে দেশৰ কেবাজনো খ্যাতিসম্পন্ন কৃষি অৰ্থনীতিবিদ উপস্থিত থাকে ।

আজি শিশু দিৱস ৷ লাহোৱাল সমষ্টিৰ অন্তৰ্গত জিলিগুৰী মধ্য ইংৰাজী বিদ্যালয়ত দিনযোৰা কাৰ্যসূচীৰে ছাত্ৰ-ছাত্ৰীসকলে ব্যতিক্ৰমীভাৱে পালন কৰিলে শিশু দিৱস ৷ শিশু দিৱসৰ দিনটোত বিদ্যালয়খনৰ ছাত্ৰ ছাত্ৰী আৰু অভিভাৱক সকলে প্ৰথমে পতাকা উত্তোলন আৰু শ্বহীদ তৰ্পণ কৰা পাছতে শোভাযাত্ৰা উলিয়াই।

শোভাযাত্ৰাৰ পাছতেই বিদ্যালয়ৰ আছুতীয়া প্ৰেক্ষাগৃহত জৱাহৰলাল নেহেৰু,প্ৰতিচ্ছবিত মাল্যপন আৰু বন্তি প্ৰজ্বলন কৰি দিহানামে আৰম্ভ কৰে । ছাত্র ছাত্ৰী সকলৰ মাজত চিত্ৰাঙ্কন,খেল ধেমালি, আৰু বিভিন্ন প্ৰতিযোগিতা আৰম্ভ কৰে ।