দেশত এতিয়া মুঠেও সুৰক্ষিত নহয় নাৰী। নাৰীৰ বিৰুদ্ধে অপৰাধ আৰু ধৰ্ষণৰ দৰে ঘটনাসমূহে এতিয়া দেশৰ পৰিবেশ অধিক ভয়াৱহ কৰি তুলিছে। এনেসময়তে  মধ্যপ্ৰদেশৰ পৰ্যটন আৰু সংস্কৃতি দপ্তৰৰ  মন্ত্ৰী ঊষা ঠাকুৰে বৃহস্পতিবাৰে ধৰ্ষণকাৰীসকলক ৰাজহুৱাভাৱে ফাঁচী দিয়াৰ দাবী জনায় যাতে এনে ধৰণৰ শাস্তিয়ে অপৰাধীসকলৰ প্ৰতি এক বাৰ্তা কঢ়িয়াই লৈ যাব পাৰে।  তেওঁ কয় যে ধৰ্ষণকাৰীসকলক ৰাজহুৱাভাৱে ফাঁচী দিয়াৰ ব্যৱস্থা কৰিলে কোনেও পিছলৈ এনে অপৰাধত লিপ্ত হ’বলৈ সাহস নকৰে।
এই সপ্তাহৰ আৰম্ভণিতে ৰাজ্যখনৰ খাণ্ডৱা জিলাত এগৰাকী চাৰি বছৰীয়া কিশোৰীক ধৰ্ষণ কৰাৰ অভিযোগৰ পিছতে মন্ত্ৰীগৰাকীয়ে এনেদৰে মন্তব্য কৰে।
তেওঁ কয় “মধ্য প্ৰদেশৰ চৰকাৰে এনে বৰ্বৰ শক্তিবোৰক কঠোৰভাৱে আৰু সতৰ্কতাৰে মোকাবিলা কৰি আহিছে। এইখনেই দেশৰ প্ৰথম খন ৰাজ্য যিয়ে ধৰ্ষণকাৰীসকলক মৃত্যুদণ্ডৰ ব্যৱস্থা কৰিছে। এতিয়ালৈকে এনে ৭২ জন অপৰাধীক মৃত্যুদণ্ড প্ৰদান কৰা হৈছে,”।কিন্তু তাৰ পাছতো এনে ধৰণৰ বাৰে বাৰে অপৰাধ সংঘটিত হৈ আহিছে বুলি তেওঁ আক্ষেপ কৰে। তেওঁ কয় যে  সমাজৰ বাবে, গণতন্ত্ৰৰ চতুৰ্থ স্তম্ভ  সংবাদ মাধ্যমৰ বাবে আৰু আমাৰ সকলোৰে বাবে এয়া চিন্তাৰ বিষয়।

“আমি বিভিন্ন উপায়েৰে সমাজক আলোকিত কৰিব লাগিব। কোনোবাই কেনেকৈ এনে বৰ্বৰ কাৰ্য্যত লিপ্ত হ’ব পাৰে? মই মুখ্যমন্ত্ৰীক (শিৱৰাজ সিং চৌহান) অনুৰোধ কৰিম যে এনে অপৰাধীসকলক ৰাজহুৱা চৌহদত শাস্তি দিয়া উচিত।”— তেওঁ কয়।
“এজন অভিযুক্তক কাৰাগাৰত মৃত্যুদণ্ড দিয়া হয়, কিন্তু ক’ত সেয়া ঘটিছে সেয়া কোনেও নাজানে। যদি  শেহতীয়াকৈ সংঘটিত ধৰ্ষণৰ ঘটনাৰ সন্দৰ্ভত ধৰা পৰা অপৰাধী দুজনক খাণ্ডৱা চহৰৰ এটা স্কোৱেৰত ৰাজহুৱাভাৱে ফাঁচী দিয়া হয়, তেন্তে সকলো অপৰাধীয়ে   যিকোনো নাৰীক স্পৰ্শ কৰাৰ আগতে হাজাৰ বাৰ ভাবিব,” ঠাকুৰে কয়।
শেহতীয়া ঘটনাটোত, খাণ্ডৱাৰ কুঁহিয়াৰ পথাৰত এখনত চাৰি বছৰীয়া ছোৱালীজনীক যৌন নিৰ্যাতন কৰা হৈছিল।
সোমবাৰে জোপোহাৰ মাজত অচেতন অৱস্থাত উদ্ধাৰ হোৱা শিশুটো ইন্দোৰৰ এখন চিকিৎসালয়ত চিকিৎসাধীন হৈ আছে। সেই গোচৰটোৰ সন্দৰ্ভত এজন লোকক গ্ৰেপ্তাৰ কৰা হৈছে।

ভাৰতত এনেকুৱা কিছুমান মন্দিৰ আছে যিবোৰ অলৌকিকতাৰ বাবে বিখ্যাত। মথুৰাত এটা মন্দিৰ আছে। সেই মন্দিৰৰ চৌকা ৪৮০ বছৰ ধৰি অবিৰতভাৱে জ্বলি আছে। এই চৌকাতে প্ৰস্তুত কৰা হয় মন্দিৰৰ ভোগ। এই অনন্য মন্দিৰটোৰ নাম ৰাধাৰমণ লাল জু মন্দিৰ। মথুৰাৰ এই মন্দিৰটোক বৃন্দাবন ধামৰ সপ্তদেৱালয়ত অন্তৰ্ভুক্ত কৰা হৈছে, য’ত পাঁচ শতিকা ধৰি জ্বলি আছে মন্দিৰৰ চৌকাৰ জুই। এয়া ঈশ্বৰৰ লীলা বুলি বিশ্বাস কৰে ভক্তগণে। 

এই মন্দিৰৰ সেৱক শ্ৰীবাৎস গোস্বামীৰ মতে এই মন্দিৰ চৌহদত থকা প্ৰাচীন চৌকাটো দিনটো জ্বলি থাকে।  যোৱা ৪৮০ বছৰ ধৰি ই অখণ্ড শিখাৰ ৰূপত অবিৰতভাৱে জ্বলি আছে। ঈশ্বৰ সেৱাৰ সকলো কাম সমাপ্ত হোৱাৰ পাছত ৰাতি চৌকাটোত কিছু কাঠ ভৰাই ওপৰৰ পৰা ছাই উৰুৱাই দিয়া হয় যাতে জুই নুমাই নাযায়। পিছদিনা পুৱাৰ ভাগতো এগৰুৰ গোবৰ আৰু অন্যান্য খৰি দি জুইকুৰা জ্বলাই ৰখা হয়। এই জুই জ্বলোৱা প্ৰথা এই চৌকাটোৰ সমানেই পুৰণি। 
এই পবিত্ৰ অখণ্ড জুইৰ পৰা চাকি জ্বলোৱাৰ লগতে ঈশ্বৰৰ আৰতিতো ব্যৱহাৰ কৰা হয় আৰু ভোগ ৰন্ধা হয়। এই পাকঘৰত বাহিৰৰ লোকৰ প্ৰৱেশ কঠোৰভাৱে নিষিদ্ধ। এই মন্দিৰৰ পাকঘৰত কেৱল ধূতি পিন্ধিহে প্ৰৱেশ কৰে সেৱকগৰাকীয়ে। পাকঘৰলৈ যোৱাৰ পিছত সম্পূৰ্ণ প্ৰসাদ বনাইহে সেৱা কৰি তেওঁ ওলাই আহে। বাহিৰলৈ ওলাই যাব লগা হ’লেও তাৰপাছত আকৌ গা ধোৱাৰ পাছতহে মন্দিৰৰ পবিত্ৰ পাকঘৰত প্ৰৱেশ কৰে। কোৱা হয় যে ইয়াত অগ্নি অৰণ্য মন্থন কৰি প্ৰজ্বলিত কৰা হয়, তেতিয়াৰ পৰাই ইয়াৰ অখণ্ড পোহৰৰ ৰূপটো অক্ষত অৱস্থাত আছে।

মানি লণ্ডাৰিং প্ৰতিৰোধ আইনৰ অধীনত দুৰ্নীতিৰ অভিযোগত ইডিয়ে গ্ৰেপ্তাৰ কৰা   আপ নেতা সত্যেন্দ্ৰ  জৈনক তিহাৰ কাৰাগাৰৰ পৰা ন এখন কাৰাগাৰলৈ  স্থানান্তৰ কৰিব বিচাৰিছে চৰকাৰে।  ইডিয়ে পূৰ্বে এখন  শপতনামাত আদালতক কৈছিল যে সংস্থাটোৱে  সত্যেন্দ্ৰ জৈনক আন এখন কাৰাগাৰলৈ স্থানান্তৰিত  কৰাৰ অধিকাৰ সংৰক্ষিত ৰাখিছে।
কিয়নো তেওঁ তিহাৰত “ভিআইপি সুবিধা” লাভ কৰি আছে। সত্যেন্দ্ৰ  জৈনক আন এখন কাৰাগাৰলৈ স্থানান্তৰ কৰাৰ বাবে নতুনকৈ আবেদন দাখিল কৰা হ’ব পাৰে বুলি কাৰাগাৰৰ  সূত্ৰই প্ৰকাশ কৰিছে। বৃহস্পতিবাৰে প্ৰধান জিলা আৰু সত্ৰ ন্যায়াধীশে জৈনৰ জামিন আবেদনৰ সিদ্ধান্ত লোৱাৰ বাবে দিল্লীৰ সত্ৰ আদালতক অধিক সময় প্ৰদান কৰিছিল।
বিচাৰকে নিৰ্দেশ দিছিল যে অমীমাংসিত যুক্তিসমূহ ১১ নৱেম্বৰৰ ভিতৰত সমাপ্ত কৰা হ’ব। ন্যায়াধীশে লগতে উল্লেখ কৰিছিল যে প্ৰৱৰ্তন অতিৰিক্ত ছলিচিটৰ জেনেৰেল এছ ভি ৰাজু উপস্থিত নোহোৱাৰ বাবে সঞ্চালকালয়ে (ইডি) গোচৰটোত স্থগিতাদেশ বিচাৰিছিল। বিষয়টো ৭ নৱেম্বৰত পৰৱৰ্তী শুনানিৰ বাবে গ্ৰহণ কৰা হৈছে। ইয়াৰ আগতে, ন্যায়াধীশে বিষয়টো বিশেষ ন্যায়াধীশ বিকাশ ধুলেৰ আদালতলৈ স্থানান্তৰ কৰিছিল আৰু জামিন আবেদনৰ সিদ্ধান্ত লোৱাৰ বাবে নিৰ্ধাৰিত সময়সীমা বান্ধি দিছিল। 
দুৰ্নীতি প্ৰতিৰোধ আইনৰ অধীনত ২০১৭ চনত আপ নেতাজনৰ বিৰুদ্ধে দাখিল কৰা চিবিআইৰ এজাহাৰৰ ভিত্তিত ইডিয়ে জৈন আৰু আন দুজনক মানি লণ্ডাৰিং গোচৰত গ্ৰেপ্তাৰ কৰিছিল। তেওঁৰ সৈতে জড়িত চাৰিটা কোম্পানীৰ জৰিয়তে অবৈধ ভাবে  ধন সৰবৰাহ কৰাৰ অভিযোগ আছে। জৈনে কাৰাগাৰত ভিআইপিৰ সুবিধা  লাভ কৰি থকা বুলি বহুতে অভিযোগ কৰাৰ পিছতে তেওঁক তিহাৰৰ পৰা আন কাৰাগাৰলৈ স্থানান্তৰিত  কৰাৰ কথা ভাবিছে ইডিয়ে।