পেন্সন সেৱা কেন্দ্ৰটো আনুষ্ঠানিক ভাৱে মুকলি কৰে মন্ত্ৰী চন্দ্ৰমোহন পাটোৱাৰীয়ে।আমিনগাঁৱস্থিত জিলা প্ৰাথমিক শিক্ষা বিষয়াৰ কাৰ্যালয়ত এমট্ৰনৰ দ্বাৰা স্থাপিত কামৰূপ জিলাৰ পেঞ্চন সেৱা কেন্দ্ৰটি উদ্বোধন কৰি শিক্ষক সমাজক অভিনন্দন জনাই মন্ত্ৰী চন্দ্ৰমোহন পাটোৱাৰীয়ে।

জীৱনত অধিক সেৱাৰ মনোভাবেৰে কৰ্ম কৰা চৰকাৰী পেঞ্চনাৰসকলে পেঞ্চন লাভৰ ক্ষেত্ৰত সন্মুখীন হোৱা কষ্ট হ্ৰাস কৰাৰ বাবে আজি ২৭খন জিলাত পেঞ্চন সেৱা কেন্দ্ৰ মুকলি কৰা হয় ৷এমট্ৰনে অনলাইন কৃতজ্ঞতা প’ৰ্টেলৰ জৰিয়তে পেঞ্চন সম্পৰ্কীয় বিষয় সন্নিৱিষ্ট আবেদন দাখিল কৰাৰ লগতে ছাৰ্ভিচ বুক স্কেন/আপলোড কৰাৰ সুবিধাৰ বাবে পেঞ্চন সেৱা কেন্দ্ৰ স্থাপন কৰিছে ।পেঞ্চনাৰসকলে নিজৰ নিজৰ জিলাত এই সেৱা কেন্দ্ৰৰ জৰিয়তে বিভিন্ন সুবিধা লাভ কৰিব পাৰিব আৰু এই সেৱাৰ দ্বাৰা পেঞ্চন লাভৰ প্ৰক্ৰিয়া এতিয়াৰে পৰা অধিক সৰলীকৃত হ’ব ৷

এই অনুষ্ঠানত উপস্থিত থাকে মুখ্যমন্ত্ৰী OSD হেমন্ত চৌধুৰী, বিধায়িকা সুমন হৰিপ্ৰিয়া, বিধায়িকা নন্দিতা দাস, কামৰূপ জিলা উপায়ুক্ত কীৰ্তি জ্বল্লী, অতিৰিক্ত উপায়ুক্ত সকল আৰু জিলাখন ভালে সংখ্যক শিক্ষক-শিক্ষয়ত্ৰী।

ৰাজ্যৰ ইমূৰৰ পৰা সিমূৰলৈ জাতীয় পতাকা প্ৰস্তুত কৰাত ব্যস্ত মহিলা।জাতীয় পতাকা প্ৰস্তুতিকৰণত ব্যস্ত যোগীঘোপাৰ আত্মসহায়ক গোটৰ এদল মহিলা।অসমত এইবাৰ প্ৰয়োজন হ’ব ৮০ লাখ জাতীয় পতাকা।ভাৰতৰ ৭৫ সংখ্যক স্বাধীনতা দিৱস উপলক্ষে সমগ্ৰ দেশজুৰি অনুষ্ঠিত হ’ব স্বাধীনতাৰ অমৃত মহোৎসৱ৷

আজাদী কা অমৃত মহোৎসৱ পালনৰ জৰিয়তে এইবাৰ “হৰ ঘৰ তিৰংগা” কাৰ্যসূচী গ্ৰহণ কৰিছে কেন্দ্ৰীয় চৰকাৰৰ সাংস্কৃতিক মন্ত্ৰ্যালয়ে। জন অংশীদাৰিত্বৰে ‘হৰ ঘৰ তিৰংগা’ কাৰ্যসূচী সফলমণ্ডিত কৰাৰ বাবে ইতিমধ্যে প্ৰধানমন্ত্ৰী মোডীয়ে দেশবাসীক আহ্বান জনাইছে ৷ আনহাতে মুখ্যমন্ত্রী ড° হিমন্ত বিশ্ব শৰ্মাই আজাদী কী অমৃত মহোৎসৱৰ লগত সংগতি ৰাখি ১৩ আগষ্টৰ পৰাই পদূলিয়ে পদূলিয়ে ত্ৰিৰংগ পতাকা উৰুৱাবলৈ আহ্বান জনাইছে ৰাজ্যবাসীক। সেয়েহে ৰাজ্যৰ বিভিন্ন প্ৰান্তৰ লগতে বঙাইগাঁও জিলাৰ যোগীঘোপাতো ইয়াৰ ব্যাপক প্ৰস্তুতি চলা পৰিলক্ষিত হৈছে৷

এতিয়া ঘৰে ঘৰে মহিলাসকল ব্যস্ত হৈ পৰিছে তিনি বৰণীয়া জাতীয় পতাকা চিলোৱাত। যোগীঘোপাৰ গাওঁ পঞ্চায়তৰ অন্তৰ্গত আত্মসহায়ক গোটৰ একাংশ মহিলাই পোন প্ৰথমবাৰৰ বাবে ৰাষ্ট্ৰীয় পতাকা নিৰ্মাণ কৰিবলৈ পাই যথেষ্ট আনন্দিত বুলি উল্লেখ কৰে।

যোগীঘোপাৰ পৰা জাহিৰুল ইছলামৰ প্ৰতিবেদন

২০ হাজাৰ ঘোচ লৈ গ্ৰেপ্তাৰ আবকাৰী অধীক্ষক বৰষা বৰা বৰদলৈ।

বাৰৰ মালিকৰ পৰা লৈছিল ২০ হাজাৰ টকাৰ ঘোচ মৰিগাঁ‌ৱৰ আবকাৰী অধীক্ষক বৰষা বৰা বৰদলৈয়ে।দুৰ্নীতি নিবাৰক শাখাই গ্ৰেপ্তাৰ কৰিলে আবকাৰী অধীক্ষক বৰষা বৰা বৰদলৈক।

ওদালগুৰি জিলাৰ মাজবাটৰ দেউচানী গাওঁৰ সমাজ সেৱক তথা গাওঁৰক্ষী বাহিনিৰ প্রাক্তন সম্পাদক পুনেশ্বৰ গোৱালা (৫৫) বহু দিনৰ পৰা শয্যাগত অবস্থাত বিছনাতে থাকিব লগা হৈছে। পুনেশ্বৰ গোৱালায় সাংবাদিকক জানিবলৈ দিয়া মতে যোৱা ২০২০ চনৰ ৫ ছেপ্তেম্বৰ তাৰিখে আবেলি ৪ মান বজাত পথাৰৰ পৰা দেউচানী গাওঁৰ ৰাস্তায় দি নিজৰ গৰু ঘৰলৈ আনি থাকোতে পিছফালৰ পৰা অহা তীব্রবেগী মটৰ চাইকেল আৰহি এজনে নিয়ন্ত্রণ হেৰোৱাই পুনেশ্বৰ গোৱালাক খুন্দা মাৰি পলায়ন কৰে।

মটৰ চাইকেলৰ খুন্দাত পুনেশ্বৰ গোৱালাৰ বাওঁ ফালৰ হাত আৰু ভৰি ভাংঙি যায়। পৰিয়ালৰ লোকে লগে লগে আঘাত প্রাপ্ত গোৱালাক ঢেকিয়াজুলিৰ জে কে নাথৰ বেক্তিগত চিকিৎসালয়লৈ নিয়ে যদিও চিকিৎসকে তেজপুৰ মেডিকেল কলেজ হাসপাতাললৈ প্রেৰন কৰে। তেজপুৰ মেডিকেল কলেজ হাসপাতালৰ চিকিৎসাকে অস্ৰপ্ৰচাৰ কৰিব লাগিব বুলি কৱাত দুখীয়া পৰিয়ালটিয়ে অস্ত্রপচাৰ নকৰি নিজ ঘৰলৈ ওভতি আহি প্রায় এক মাহ মান পিছত গোহালীৰ গৰু, ছাগলী, মুৰ্গী আদি বিক্রি কৰি অস্ত্রপচাৰ কৰিবলৈ গুৱাহাটী জি এন আৰ চিত লৈ যায়। জি এন আৰ চিৰ চিকিৎসকে চোৱা চিতা কৰাৰ পিছত অস্ত্রপচাৰ কৰাবলৈ পৰামর্শ দিয়ে। পৰিয়ালৰ লোকে অস্ত্রপচাৰ কৰাবলৈ কিমান খৰচ হব বুলি কোৱাত দুই লাখ টকা খৰচ হৱ বুলি চিকিৎসকে কয়। দুখীয়া পৰিয়ালটিয়ে দুই লাখ টকা কত পাৱ কি কৰিব কি নাই ।

ঘৰৰ গৰু ছাগলি বিক্রি কৰি ৩০ হেজাৰ মান হে টকা লগত লৈ গৈছিল পৰিয়ালটিয়ে। অৱশেষত অস্ত্র পচাৰ নকৰি ঘৰলৈ ওভতাই লৈ আনে গোৱালাক। এতিয়া ঘৰ খনৰ এক মাত্র উপাৰ্জনকাৰী বিচনাত শয্যাগত অবস্থাত। এতিয়া আঘাত প্ৰাপ্ত পুনেশ্বৰ গোৱালায় অসমৰ মাননীয় মুখ্যমন্ত্রী হিমন্ত বিশ্ব শৰ্মাক কৰো যোৰে প্রাৰ্থণা জনায় যে মোক অলপ সহায় কৰি অস্ত্রপচাৰটো কৰাই দি পৰিয়াল টোক পোহপাল কৰাত সহায় কৰক। আপোনাক ভগৱানে সহায় কৰিব।