ভাৰতত সন্ত্ৰাসবাদৰ বৃহৎ নেটৱৰ্ক স্থাপনৰ চেষ্টা পাকিস্তানৰ, ভাৰতক অশান্ত কৰাৰ ভয়াৱহ ষড়যন্ত্ৰ পাকিস্তানী সন্ত্ৰাসবাদীৰ। চোৰাংচোৱা সংস্থা (আইবি)ৰ সূত্ৰ অনুসৰি, পাকিস্তানে দাৱত-ই-ইছলামীৰ জৰিয়তে ২,৫০০ তকৈও অধিক লোকৰ শ্লিপাৰ চেল ভাৰতত স্থাপন কৰিছে। এতিয়ালৈকে এয়া হৈছে দেশৰ সন্ত্ৰাসৰ সৰ্ববৃহৎ নেটৱৰ্ক। উদয়পুৰ সন্ত্ৰাসবাদী আক্ৰমণৰ ঘটনাৰ তদন্তত নিয়োজিত সংস্থাসমূহে দেশখনত সক্ৰিয় সন্ত্ৰাসবাদৰ এক বৃহৎ নেটৱৰ্কৰ বিষয়ে জানিব পাৰিছে। উদয়পুৰত কানহাইয়ালালৰ হত্যাকাণ্ডৰ মূল অভিযুক্ত ৰিয়াজ আটাৰী আৰু গৌছ মহম্মদ এই শ্লিপাৰ চেলৰ অংশ। বেছিভাগ শ্লিপাৰ চেল ৰাজস্থান, উত্তৰ প্ৰদেশ, মহাৰাষ্ট্ৰ, পশ্চিম বংগ, মধ্যপ্ৰদেশ, বিহাৰ, গুজৰাট আৰু কেৰালাৰ। ইয়াৰে পশ্চিমবংগ আৰু কেৰালাত শ্লিপাৰ চেলে সৰ্ববৃহৎ নেটৱৰ্ক স্থাপন কৰিছে। এই নেটৱৰ্কৰ অন্তৰালত পিএফআইৰ লগতে চচিয়েল ডেমক্ৰেটিক পাৰ্টি অফ ইণ্ডিয়াৰ (এছডিপিআই) সৈতেও সম্পৰ্ক আছে। পাকিস্তানৰ ১৮ টা ফোন নম্বৰৰ অনুসন্ধানত প্ৰকাশ পাইছে এই তথ্য। যিসমূহ নম্বৰ ৰিয়াজ আৰু গাউছৰ কল বিৱৰণত পোহৰলৈ আহিছে।

এই নম্বৰসমূহৰ সৈতে দেশৰ ২৫ খন ৰাজ্যৰ ৩০০ জন লোকে যোৱা কেইবা বছৰ ধৰি একেৰাহে কথা পাতি আছে। তেওঁলোকৰ কলৰ বিৱৰণত প্ৰায় ৪০০০ সন্দেহজনক নম্বৰ পোৱা গৈছে। তেওঁলোকৰ অনুসন্ধানত, প্ৰথমতে ২৫০০ ৰো অধিক লোকক চিনাক্ত কৰা হৈছে যাৰ কাৰ্যকলাপ সন্দেহজনক। অসমৰ বহু লোকৰ সৈতেও এই নম্বৰ সমূহৰ সৈতে কথা পতাৰ তথ্য পোৱা গৈছে। আই.বি.-ৰ মতে, পি.এফ.আই. সন্ত্ৰাসৰ এই নেটৱৰ্কৰ মুল পৃষ্ঠপোষক। পিএফআইৰ ভাতৃ সংগঠন এছডিপিআইয়ে ৰাজনৈতিক বিষয়ত শ্লিপাৰ চেল নিয়োগ কৰে। এছডিপিআইয়ে নুপুৰ শৰ্মাৰ বিৰুদ্ধে সমগ্ৰ দেশতে প্ৰদৰ্শন কৰিছিল। কানহাইয়ালালৰ হত্যাকাণ্ডৰ মূল অভিযুক্ত ৰিয়াজ আটাৰী ২০১৯ চনত এই সংগঠনটোৰ সৈতে জড়িত আছিল। একেটা গোচৰত এনআইএৰ দ্বাৰা গ্ৰেপ্তাৰ হোৱা ফাৰহাদ মহম্মদ শ্বেখো এছডিপিআইৰ সদস্য। সংগঠনটোৰ বেছিভাগ লোক চিমি কেডাৰ আৰু এহল হাদিছ আৰু ছালাফি আদৰ্শৰ দ্বাৰা প্ৰভাৱিত। মন কৰিবলগীয়া যে সন্ত্ৰাসবাদী সংগঠন লস্কৰ-ই-তৈবায়েও এহল হাদিছৰ আদৰ্শক মানি চলিছিল।

সোমবাৰে অনুষ্ঠিত হ’ব ৰাষ্ট্ৰপতি নিৰ্বাচন। এন ডি এ প্ৰাৰ্থী দ্ৰৌপদী মুৰ্ম আৰু বিৰোধিৰ উমৈহতীয়া প্ৰাৰ্থী যশৱন্ত সিনহাৰ মাজত ৰাষ্ট্ৰপতিৰ আসন কোনে দখল কৰিব তাক লৈ হ’ব প্ৰতিদ্বন্বিতা। ৬৪ বছৰীয়া এন ডি এ প্ৰাৰ্থী দ্ৰৌপদী মুৰ্ম আছে আগত। প্ৰথমে বিৰোধীয়ে শক্তিশালী প্ৰতিদ্বন্বিতা আগবঢ়াব বুলি ভৱা হৈছিল যদিও অন্তিম পৰ্যায়ত একত্ৰিত হৈ থাকিব নোৱাৰিলে বিৰোধী শক্তি।মহাৰাষ্ট্ৰৰ শেহতীয়া ৰাজনৈতিক পট পৰিৱৰ্তন, এ আই ইউ ডি এফৰ স্থিতিৰ উপৰিও ভিতৰুৱাকৈ আদিবাসী প্ৰাৰ্থী হোৱাৰ বাবে বহু কেইটা বিৰোধী দলে শেষ মুহুৰ্তত দ্ৰৌপদী মুৰ্মৰ পক্ষতে থিয় দিয়াৰ সম্ভাৱনাই সেই যুঁজখন সহজ কৰি তুলিলে। ৰাষ্ট্ৰপতি নিৰ্বাচনৰ বাবে ১৫ জুন ২০২২ ত অধিসূচনা জাৰি কৰা হৈছিল। ১৮ জুলাই ২০২২ ত অনুষ্ঠিত হ’ব লগা নিৰ্বাচনৰ ভোট গণনা আৰু ফলাফল ঘোষণা কৰা হ’ব ২১ জুলাই ২০২২ত। লোকসভাত এন ডি এৰ মুঠ আসনৰ সংখ্যা ৩৩৬ । ইয়াৰ বিপৰীতে ইউ পি এৰ মুঠ সাংসদৰ সংখ্যা ১১০। অন্যান্য দলৰ সাংসদৰ সংখ্যা ৯৭। লোকসভাত বৰ্তমান মুঠ সদস্যৰ সংখ্যা ৫৪৩।

লোকসভাৰ সাংসদ সকলৰ উপৰিও ইলেক্ট্ৰৰেল কলেজ পদ্ধতিৰে ২৮ খন ৰাজ্যৰ বিধানসভাৰ নিৰ্বাচিত সদস্য সকলে কেন্দ্ৰীয় শাসিত অঞ্চল দিল্লী, পডুচেৰী, আৰু জম্মু কাশ্মীৰৰ বিধায়ক সকলে ৰাষ্ট্ৰপতি নিৰ্বাচনত ভোটদান কৰিব। অৱশ্যে এইবাৰ জম্মু কাশ্মীৰ বিধানসভা ভংগ কৰি থোৱাৰ বাবে ৯০ জন সদস্যই ভোটদান কৰিব নোৱাৰিব। ৰাজ্যসভা আৰু লোকসভা মিলি মুঠ ৭৭৬ জন আৰু বিধান সভাৰ মুঠ ৪৩৩ জন বিধায়কে ভোট দান কৰিব নোৱাৰিব নিৰ্বাচনত। বৰ্তমান ৰাজ্যসভাত এনডিএৰ ২০৩ জন সাংসদৰ ভিতৰত ১০৮জন এন ডি এৰ, ৫০ জন ইউপিএৰ, ৭৪ জন অন্যান্য দলৰ সাংসদ আছে। বিধায়ক সকলৰ ভিতৰত ১৭৬৮ জন এনডিএৰ, ১০৩৩ জন ইউপিএৰ, ১২২৫ জন অন্যান্য দলৰ বিধায়ক আছে। অৱশ্যে সমগ্ৰ দেশত ৯৭ টা বিধায়কৰ পদ বৰ্তমান খালী আছে। লোকসভাত এনডিএৰ ইলেক্ট্ৰৰেল কলেজৰ ভিতৰত ২৩৫২০০ অৰ্থাত লোকসভাত ৬২ শতাংশ ইলেক্ট্ৰৰেল কলেজ দ্ৰৌপদী মুৰ্মৰ পক্ষত আছে। ৰাজ্যসভাত ৭২ হাজাৰ ৮০০ আছে এন ডি এৰ পক্ষত, ৩৭ হাজাৰ ১০০ আছে ইউ পি এৰ পক্ষত। ইতিমধ্যে আপে মুকলিকৈ ঘোষনা কৰিছে তেওঁলোকে বিৰোধী উমৈহতীয়া প্ৰাৰ্থীক ভোটদান কৰিব ।