একোটা অঞ্চলৰ একেটা বছৰত মেট্ৰিক পৰীক্ষাত অৱতীৰ্ণ হোৱা শিক্ষাৰ্থী সকলৰ ওপৰতো নিৰ্ভৰ কৰে একো একোটা অঞ্চলৰ উন্নয়ন৷
তেনে বহু শিক্ষাৰ্থীয়ে ব্যক্তিগতভাৱে প্ৰতিষ্ঠিত হোৱাৰ লগতে সমাজক নেতৃত্ব বহনেৰে আগবঢ়াই নিয়ে নিজ অঞ্চলটোক৷বৰপেটা চহৰৰ পৰা ১৯৮৫ চনত মেট্ৰিক পৰীক্ষাত অৱতীৰ্ণ শিক্ষাৰ্থীসকল আজি ভিন্ন ক্ষেত্ৰত প্ৰতিষ্ঠিত হোৱাৰ লগতে বৰপেটাৰ সমাজজীৱনৰ বিভিন্ন ক্ষেত্ৰত সেৱা আগবঢ়াই আহিছে৷বৰপেটা HSLC ১৯৮৫ কল্যাণ সমিতিৰ উদ্যোগত অনুষ্ঠানটোৱে আজি বৰপেটাত অনুষ্ঠিত কৰে পিতৃ-মাতৃৰ আশীষ বিচাৰি স্মৰণ আৰু সম্বৰ্ধনা অনুষ্ঠানৰ৷যিসকল পিতৃ মাতৃৰ অশেষ ত্যাগৰ ফলত নিজ সন্তানসকল প্ৰতিষ্ঠিত হবলৈ সক্ষম হৈছে সেই পিতৃ মাতৃসকলৰ সৈতে একেলগে এটা দিন উদযাপন কৰা, একেলগে খোৱা, একেলগে আনন্দ উপভোগ কৰাৰ উদ্দেশ্যৰে আজি পালন কৰা হৈছে পিতৃ-মাতৃৰ আশীষ বিচাৰি স্মৰণ আৰু সম্বৰ্ধনা অনুষ্ঠানৰ৷

কৰ্মব্যস্ততা আৰু কৰ্মসূত্ৰে পিতৃ মাতৃৰ পৰা আতৰি থকা নিজৰ সন্তানৰ লগতে আন সকলকো এনেদৰে একেলগে লগ পাই মনৰ বতৰা লৈ সুখী আৰু আনন্দিত হৈছে এইসকল পিতৃমাতৃ ৷

দক্ষিণ শালমাৰা মানকাচৰ জিলাৰ মানকাচৰ উন্নয়ন খণ্ডৰ ঝাউডাঙা গাওঁ পঞ্চায়তৰ অধীনস্থ আৰাট গাৱঁত চৰকাৰী ৰাস্তাৰ মাটি বেদখল কৰাক কেন্দ্ৰ কৰি তীব্ৰ প্ৰতিক্ৰিয়া সৃষ্টি হৈছে অঞ্চলজুৰি৷উল্লেখ্য যে, আৰাট গাৱঁৰ ৰাইজৰ যাতায়তৰ সুবিদাৰ্থে চৰকাৰৰ MGNREGA আঁচনিৰ অধীনত HM ৰাস্তাৰ পৰা আৰাট গাৱঁৰ ছামাদৰ ঘৰলৈকে এখন ৰাস্তা নিৰ্মাণৰ বাবে প্ৰায় ১০ লাখ টকা আৱণ্টন দিয়া হৈছিল ৷ উক্ত ৰাস্তা খনৰ নিৰ্মাণৰ কাম চৰকাৰী ৰাস্তাৰ মাটিত নহৈ একাংশ লোকৰ পাট্টা মাটিৰ ওপৰেদি নিৰ্মাণ হৈছিল বুলি অভিযোগ উত্থাপন হোৱাত বিষয়টো সম্পৰ্কে গঞা ৰাইজে এখন গাওঁ সভা অনুষ্ঠিত কৰি সভাৰ সিদ্ধান্ত মৰ্মে ৰাস্তাৰ সীমা নিৰ্ধাৰণৰ বাবে মানকাচৰ চক্ৰ বিষয়া কাৰ্যালয়ৰত এখন আবেদন জনায় গঞা ৰাইজে ৷

উক্ত আবেদনৰ ভিত্তিত ৰাস্তাৰ সীমা নিৰ্ধাৰণ কৰিছিল মানকাচৰ চক্ৰ বিষয়া কাৰ্যালয়ৰ লাট মণ্ডলে৷মণ্ডলে ৰাস্তাৰ সীমা নিৰ্ধাৰণ কৰি দিয়াৰ পিছতে ৰাস্তাৰ মাটিত থকা গছ-গছনি কাটি ৰাস্তা নিৰ্মাণৰ কাম আৰম্ভ কৰে যদিও দীৰ্ঘদিন ধৰি মাটি খিনি দখল কৰি ৰখা ব্যক্তি সকলে মানকাচৰ থানত এখন এজাহাৰ দাখিল কৰে৷যাৰ বাবে বৰ্তমানে উক্ত ৰাস্তাৰ কাম বন্ধ হৈ থকাৰ ফলত যাতায়াতৰ ক্ষেত্ৰ জমৰ যাতনাত ভূগিব লগীয়া হৈছে উক্ত গাওঁৰ ৰাইজে।ৰাস্থাখনৰ বাবে চলি থকা বিবাদৰ বিষয়ে উচিত তদন্ত কৰি অতি সোনাকলে ৰাস্তেৰ কাম আৰম্ভ কৰিবলৈ দাবি জনায় স্থানীয় ৰাইজে।

আভ্যন্তৰীণ গুণমান নিশ্চিতকৰণ কোষ(IQAC)সেৱা আঁচনি লাহোৱাল মহাবিদ্যালয় উদ্যোগত শ্ৰীমন্ত শংকৰদেৱ সভাকক্ষত ১৪মে’, ২১মে’, আৰু ২৮মে’,লৈকে তিনিদিনীয়াকৈ দক্ষতা বিকাশ কৰ্মশালা অনুষ্ঠিত আয়োজন কৰা হৈছে।উক্ত কৰ্মশালাত প্ৰথম দিনা পশু পালন যেনে গৰু,ছাগলী,গাহৰি ,হাঁহ-কুকুৰা কেনেকৈ পালন কৰি কেনেকৈ স্বাৱলম্বী হব পাৰি সেই উদ্দেশ্যে ছাত্ৰ ছাত্ৰীক প্ৰশিক্ষণ হয়।ঠিক সেইদৰে দ্বিতীয় দিনা কৃষি প্ৰযুক্তি আৰু উদ্যান শস্য ওপৰত প্ৰশিক্ষণ দিয়া হব।ঠিক সেই দৰে তৃতীয় দিনা কৰ্মশালা অনুজাৰী বিজ্ঞানসন্মত ভাবে মীন পালন পদ্ধতিৰে ছাত্ৰ ছাত্ৰী সকলে নিজৰ লগতে ঘৰখনকো কেনেকৈ আৰ্থিক দিশত কেনেকৈ টনকিয়াল কৰিব পাৰিব সেই উদ্দেশ্যে লাহোৱাল মহাবিদ্যালয় উদ্যোগ পুনঃপ্ৰথমবাৰ বাবে এই কৰ্মশালা অনুষ্ঠিত কৰে।

উল্লেখযোগ্য যে এই তিনিদিনীয়া কৰ্মশালৰ যোগেদি স্বাৱলম্বী হবলৈ পাৰিব নে নাই সেয়া সময়ত লক্ষণীয় হব।