সদ্য ঘোষিত হাই স্কুল শিক্ষান্ত পৰীক্ষাত আজিও উৎফল্লিত বৃহত্তৰ সোণতলী ৷ দক্ষিণ কামৰূপৰ সংখ্যালঘু অধ্যুষিত সোণতলী অঞ্চলৰ আটাইবোৰ ব্যক্তিগত খণ্ডৰ ফলাফল সন্তোষজনক৷ ইয়াৰে সোণতলী এলেকাধীন আৰিকাটিস্থিত মোনছেৰ আলী মেম’ৰিয়েল একাডেমিৰ পৰা অষ্টম শ্ৰেণীলৈ পঢ়ি বিভিন্ন বিদ্যালয়ৰ পৰা এইবাৰ হাই স্কুল শিক্ষান্ত পৰীক্ষাত উত্তীৰ্ণ হৈ একাডেমিখনৰ লগতে অঞ্চললৈ গৌৰৱ কঢ়িয়াবলৈ সক্ষম হৈছে৷ বিশেষকৈ মোনছেৰ আলী মেম’ৰিয়েল একাডেমিৰ পৰা প্ৰাথমিক শিক্ষা গ্ৰহণ কৰা ইনামুল হকে চাৰিটা বিষয়ত লেটাৰ নম্বৰ লৈ ৮৬. ৮৩ শতাংশ, কাঞ্চন নেছায় দুটা বিষয়ত লেটাৰসহ ৭৭.১৬ শতাংশ নম্বৰ, জহুৰা খাতুনে এটা বিষয়ত লেটাৰ লৈ ৬৭ শতাংশ, জেনিফাৰ আহমেদে দুটা বিষয়ত লেটাৰ লৈ ৬৫.৫ শতাংশ নম্বৰ লৈ উত্তীৰ্ণ হয়৷

সেই হেতুকে মোনছেৰ আলী মেম’ৰিয়েল একাডেমিৰ ফালৰ পৰা এই সকল কৃতি ছাত্ৰ-ছাত্ৰীক আজি সম্বৰ্ধনা জনোৱা হয়৷ আব্দুছ ছামাদৰ পৌৰহিত্যত হোৱা সম্বৰ্ধনা অনুষ্ঠানত অভিভাৱক-অভিভাৱিকা সকল উপস্থিত থাকি ছাত্ৰ-ছাত্ৰীৰ উদ্দেশ্য ভাষণ প্ৰদান কৰে৷

সদ্য ঘোষিত হাই স্কুল আৰু হাই মাদ্ৰাছাৰ চূড়ান্ত পৰীক্ষাৰ ফলাফল ঘোষিত হোৱাত কীৰ্তি ছাত্ৰ-ছাত্ৰীক লৈ উৎফুল্লিত হৈ পৰিছে ছাত্ৰ-ছাত্ৰীৰ অভিভাৱক আৰু বিভিন্ন দল সংগঠনে। গৌৰীপুৰ সমষ্টিৰ বিভিন্ন প্ৰান্তত থকা কীৰ্তি ছাত্ৰ ছাত্ৰী সকলৰ লগতে অভিভাৱক সকলক ফুলাম গামোচা আৰু কলমৰে সম্বৰ্ধনা জনায় গৌৰীপুৰ সমষ্টিৰ AIUDF দলে। উল্লেখ্য যে আলমগঞ্জৰ পিতৃ হেৰুৱা ছোহেল ইফতিকাৰে পাঁচটা লেটাৰ সহ প্ৰথম বিভাগত উত্তীৰ্ণ হৈ আলমগঞ্জ অঞ্চল লৈ সুনাম কঢ়িয়াই আনে। লগতে মুছফিকা ৰহমানে 94.60 % নম্বৰ লাভ কৰি উত্তীৰ্ণ হোৱাত সমগ্ৰ আলমগঞ্জ অঞ্চলত উৎফুল্লিত হোৱা পৰিলক্ষিত হয়।

আনফালে দৰিদ্ৰতাই কোঙা কৰা ৰাজু খান আৰু মনিন্দ্ৰ ৰায়ক বিচলিত কৰিব পৰা নাই শিক্ষাৰ পৰা। স্মৰ্তব্য যে, প্ৰতি জন কীৰ্তি ছাত্ৰ ছাত্ৰীয়ে ভৱিশ্যতত চিকিৎসক হোৱাৰ সপোন দেখিছে যদিও সেয়া সময়তহে লক্ষণীয় হব।

শিক্ষা গ্ৰহনৰ ক্ষেত্ৰত বিশেষ ভাৱে সক্ষম কেতিয়াও হেঙাৰ হব নোৱাৰে । সেই কথা পুনৰ প্ৰতিপন্ন কৰিলে দৰং জিলাৰ কলাই গাওঁ বিধানসভা সমষ্টিৰ দেওধনী ঘাট হাই স্কুলৰ ছাত্ৰী‌ কংকনা কলিতাই। এইবেলি হাইস্কুল শিক্ষান্ত পৰীক্ষাত নামখলাৰ সমিপৰ আঠিয়াবাৰী গাঁৱৰ হিৰণ্য কলিতাৰ আৰু লাবণ্য কলিতাৰ জীয়ৰী বিশেষ ভাৱে সক্ষম কংকনা কলিতাই দৰিদ্ৰতাক নেওচি দ্বিতীয় বিভাগ লাভ কৰি অঞ্চলটোলৈ কঢ়িয়াই আনিছে এক গৌৰৱ।

নামখলা আঞ্চলিক ছাত্ৰ সন্থাকে ধৰি বিভিন্ন অনুষ্ঠান প্ৰতিষ্ঠানে অভিনন্দন জনাই।

এইবাৰ হাইস্কুল শিক্ষান্ত পৰীক্ষাত ৰাজ্যৰ 30খন বিদ্যালয়ৰ ফল শূন্য শতাংশ। 25খন মাধ্যমিক শিক্ষা বিভাগৰ আৰু 5খন সৰ্বশিক্ষা অভিযানৰ অধীনৰ। আনহাতে 108খন বিদ্যালয়ত উত্তীৰ্ণৰ হাৰ 10 শতাংশৰ কম। এনে বিদ্যালয়ৰ ভিতৰত কাছাৰৰ 14খনকৈ; কাৰ্বি আংলঙৰ 11খনকৈ; গোৱালপাৰাৰ 9খনকৈ, যোৰহাট, নগাঁও জিলাৰ 8খনকৈ কামৰূপ মহানগৰ জিলাৰ 6খনকৈ, ডিব্ৰুগড়, কৰিমগঞ্জৰ 5খনকৈ, পশ্চিম কাৰ্বি আংলং, ধুবুৰীৰ 4খনকৈ, দক্ষিণ শালমাৰা, বৰপেটাৰ তিনিখনকৈ, ওদালগুৰি, চৰাইদেউ, চিৰাং, দৰং, হাইলাকান্দি, কামৰূপ, লখিমপুৰ, তিনিচুকীয়াৰ 2খনকৈ, ধেমাজি, নলবাৰী, শোণিতপুৰ, শিবসাগৰ,বিশ্বনাথ আৰু হোজাইৰ এখনকৈ বিদ্যালয়ৰ উত্তীৰ্ণৰ হাৰ দহ শতাংশৰ তলত। এনে বিদ্যালয় বন্ধ কৰি দিয়াই ভাল। বছৰটো পঢুৱাই যদি শিক্ষাৰ্থীক উত্তীৰ্ণ কৰাব নোৱাৰে, তেন্তে শিক্ষকে নিজৰ দায়িত্ব পালন নকৰে।

সেইদৰে উচ্চতৰ মাধ্যমিক, স্নাতক, স্নাতকোত্তৰ পাঠ্যক্ৰমতো যিবিলাক শিক্ষানুষ্ঠানৰ উত্তীৰ্ণৰ হাৰ 50 শতাংশৰ তলত সেইবোৰৰ নিম্নগামী ফলাফলৰ বাবে দায়িত্ব শিক্ষকসকলেই ল’ব লাগিব। শিক্ষাৰ্থীয়ে কম নম্বৰ পাইছে বুলি তেওঁলোকেতো কম দৰমহা নলয়। যদি শিক্ষকে শিক্ষাৰ্থীৰ বৌদ্ধিক বিকাশ ঘটাবই নোৱাৰে , তেন্তে তেনে লোকে কৰ্তব্য সম্পাদন কৰাত হেমাহি কৰিছে।

হাইস্কুল শিক্ষান্ত পৰীক্ষাত তৃতীয় বিভাগত উত্তীৰ্ণ হোৱা অতি দৰিদ্ৰ পৰিয়ালৰ আৰু ১০ জন ছাত্ৰক লাহোৱাল মহাবিদ্যালয়ত নামভৰ্তি কৰোৱাৰ লগতে সম্পূৰ্ণ খৰচ বহন কৰাৰ কথা ঘোষণা। মনত প্ৰৱল ইচ্ছা থাকিলে মানুহে প্ৰৱল বাধাকো নেওঁচি যিকোনো কাম কৰি দেখুৱাব পাৰে তাকেই প্ৰমাণ কৰি দেখুৱালে চাবুৱাৰ অসম বিদ্যাপীঠ উচ্চতৰ মাধ্যমিক বিদ্যালয়ৰ বিশেষভাৱে সক্ষম এজন ছাত্ৰই। চাবুৱা নগৰৰ ৮ নং ৱাৰ্ডৰ নিবাসী পিতৃ মুকুট দত্ত আৰু মাতৃ মমী দত্তৰ জ্যেষ্ঠ পুত্ৰ মাধুৰ্য দত্তই হাইস্কুল শিক্ষান্ত পৰীক্ষাত এটা বিষয়ত লেটাৰ সহ ৬৩ শতাংশ লাভ কৰি সকলোকে সাহস আৰু একাগ্ৰতাৰ আদৰ্শ দেখুৱালে। এখন হুইল চেয়াৰতে পঢ়া শুনা কৰা মাধুৰ্যই টিউচনৰ অবিহনেই হাইস্কুল শিক্ষান্ত পৰীক্ষাত অৱতীৰ্ণ হৈছিল ! সমন্ধীয় ভাতৃ তথা সহপাঠীৰ সহযোগত পঢ়াত ব্যস্ত হৈ পৰিছিল ছাত্ৰ জনে । নিজে উঠিব বহিব নোৱাৰে যদিও প্ৰায় ক্লাছ নকৰাকৈয়েই মনৰ অদম্য সাহস আৰু একাগ্ৰতাৰ বাবে বিশেষভাৱে সক্ষমতাকো নেওচি আন দহোজন ছাত্ৰৰ বাবে আদৰ্শ হৈ পৰিছে মাধূৰ্য। যি সময়ত চৰকাৰী বিদ্যালয়ৰসমূহত ফলাফল অতি বেয়া হৈছে সেই সময়তেই এই ছাত্ৰজনৰ সফলতাই এতিয়া সমগ্ৰ চাবুৱা অঞ্চলৰ ৰাইজক উৎফুল্লিত কৰি তুলিছে! অতি দৰিদ্ৰ পৰিয়ালৰ ছাত্ৰজনৰ ঘৰত আজি সদৌ অসম মটক যুৱ-ছাত্ৰ সন্মিলনৰ কেন্দ্ৰীয় উপ সভাপতি অজয় গগৈয়ে সংগঠনটোৰ নেতা কৰ্মীসকলৰ লগত উপস্থিত হৈ ছাত্ৰজনক গামোচা, জাপিৰে সম্বৰ্ধনা জনোৱাৰ লগতে ৫০ হাজাৰ টকাৰে সহায় আগবঢ়ায় ! ডিকম ইকৰাতলিৰ সমাজকৰ্মী তথা সদৌ অসম মটক যুৱ-ছাত্ৰ সন্মিলনৰ কেন্দ্ৰীয় সমিতিৰ অজয় গগৈৰ এই পদক্ষেপক এতিয়া পৰিয়ালটোৰ লগতে সমগ্ৰ চাবুৱাবাসীয়ে শলাগ লোৱা পৰিলক্ষিত হৈছে।

সংবাদমাধ্যমৰ সন্মুখত অজয় গগৈয়ে অঞ্চলটোত হাইস্কুল শিক্ষান্ত পৰীক্ষাত তৃতীয় বিভাগত উত্তীৰ্ণ হোৱা অতি দৰিদ্ৰ পৰিয়ালৰ আৰু ১০ জন ছাত্ৰক লাহোৱাল মহাবিদ্যালয়ত নামভৰ্তি কৰোৱাৰ লগতে সম্পূৰ্ণ খৰচ বহন কৰাৰ কথা ঘোষণা কৰে ! লগতে এই অনুষ্ঠানটোত সংগঠনটোৰ চাবুৱা আঞ্চলিক সমিতিৰ সভাপতি গৌৰী কান্ত ডাঙৰীয়া ,সাধাৰণ সম্পাদক ৰক্তিম প্ৰতিম গগৈ ,উপ:সভাপতি:ঋতুপৰ্ণ শইকীয়াজিলা উপ সভাপতি মৃদুৰঞ্জন চেতিয়া আৰু কেন্দ্ৰীয় শিক্ষা সম্পাদক সৌমাৰ জ্যোতি গগৈ উপস্থিত থাকে।