এজন অসম আৰক্ষী বেটেলিয়নৰ জোৱান । নাম চন্দ্ৰ কমল দাস । চাকৰি কৰিলেও খবৰ নাৰাখে সন্তান পত্নী, মাতৃৰ । ঘটনাটো নগাঁও জিলাৰ ৰহাৰ দেউবালিৰ । বিদেশী বিতাৰণৰ অসম আন্দোলনৰ শ্বহীদ মহেন্দ্ৰ দাসৰ পুত্ৰই পিতৃৰ শ্বহীদ হোৱাৰ পাছত চৰকাৰৰ পৰা লাভ কৰিলে এটা বেটেলিয়ানৰ চাকৰি । বৰহমপুৰৰ নৱম অসম আৰক্ষী বেটেলিয়নৰ জোৱান চন্দ্ৰ কমল দাসে চাকৰিৰ পাছত ৰঙীয়াৰ কয়াৰ পৰা বেলি দাসক বিয়া পাতি মাতৃ নিজৰা দাসৰ লগত ৰাখিলে ।প্ৰথমতে কেইবা বছৰ ঠিকে চলিল । এটা পুত্ৰ সন্তান জন্মাৰ পাছত এজনী ছোৱালীও পত্নীৰ জন্ম হল । দ্বিতীয় বাব সন্তান জন্মৰ বাবে পত্নী বেলী দাসক ৰঙিয়াৰ মাকৰ ঘৰলৈ পঠিয়ালে । প্ৰথম গৰাকী পত্নী ঘৰত নথকাৰ সুযোগতে একে গাৱৰে আন এজনী ছোৱালীক পত্নী ৰূপে গ্ৰহন কৰিলে চন্দ্ৰ কমলে । প্ৰথমা পত্নীয়ে কথাটো গম পাই ঘৰলৈ আহি আহি পতি চন্দ্ৰ মোহনৰ এই কামত আপত্তি কৰিলে । পত্নীক মাহে মাহে ১০ হেজাৰকৈ টকা দিব বুলি কথা দি দুবছৰমান টকা আদায় দিলে । পাছলৈ টকা দিয়া বন্ধ কৰিলে ।নৱম অসম পুলিচৰ বেটেলিয়ান হৈও নিজ জন্ম দাতা মাতৃ আৰু পত্নী পুত্ৰ কন্যাক যোৱা বিগত প্ৰায় আঠ বছৰৰ অধিক কাল কোনো খবৰ নোলোৱাকৈ আছে চন্দ্ৰকমলে। পিতৃ চন্দকমলে এবাৰলৈ খবৰ নলয় বুলি আঠ বছৰীয়া কন্যা ৰিয়াই কান্দি কান্দি এই প্ৰতিবেদকৰ ওচৰত হুক হুকাই কান্দিলে ।
এইবছৰ হাইস্কুল শিক্ষান্ত পৰীক্ষাত সুখ্যাতিৰে প্ৰথম বিভাগত উত্তীৰ্ণ হোৱা পুত্ৰ আকাশ দাসে পিতৃৰ পৰা পোৱা নাই কোনো ধৰনৰ ধৰণৰ শৈক্ষিক খৰচ। বিগত বহু বছৰ ধৰি পিতৃয়ে খবৰ লোৱা নাই পুত্ৰৰ । চন্দ্ৰ কমল দাসৰ প্ৰথমা পত্নী বেলি দাসে বেলেগৰ ঘৰত হাজিৰা কৰি পোহপাল দিছে চন্দ্ৰ কমল দাসৰ বৃদ্ধ মাতৃক, পঢ়াৰ খৰচ উলিয়াই পুত্ৰ আৰু কন্যাৰ । আইনৰ কাষ চাপিছে যদিও বিগত পাঁচ বছৰ ধৰি পোৱা নাই ন্যায় সাহাৰ্য্য । চৰকাৰী চাকৰি কৰা চন্দ্ৰ কমললৈ আদালতৰ নটিজ গলে আৰক্ষীয়ে তেনে ব্যক্তি নাই বুলি বাবে ৰিপৰ্ট দিয়ে বুলি হুক হকাই কান্দি বেলীয়ে কলে এতিয়া মই কি কৰিম ।লোকৰ ঘৰত হাজিৰা কৰি আদালতলৈ যাও । দিনটো আদালতৰ বাৰান্দাত বহি থাকো ।কেৱল তাৰিখ দিয়ে ।পইচা নাই কাৰনে উকীলেও বেছি গুৰুত্ব নিদিয়ে । এতিয়া আইনৰ প্ৰতিও মোহভংগ ঘটিছে বেলি দাসৰ। পাছ বছৰ কেৱল নতুন নতুন তাৰিখ দিলে ন্যায়ৰ নামত। এটা আকৰ তৰাদেখা জৰাজীৰ্ণ জুপুৰি গৃহত বাস কৰা চন্দ্ৰ কমলৰ মাতৃ পত্নী কন্যা পুত্ৰই ফেকুৰি ফেকুৰি হাতজোৰ কৰি মুখ্যমন্ত্ৰীৰ পৰা ন্যায়ৰ আশা কৰিছে। গাওঁ বাসীয়েও একমুখে কলে মুখ্যমন্ত্ৰীৰ কথা নমনা এই চন্দ্ৰ মোহনৰ ওপৰত চৰকাৰে ব্যৱস্থা গ্ৰহন কৰিব লাগে ।
