টীয়ক সমষ্টিৰ অন্তৰ্গত কাকজান চাওঁখাত ভৰলুৱা অঞ্চলৰ  এজন যুৱ সম্ভাৱনাময় কবি তথা লেখক বুবুল শইকীয়া । এই যুৱ সম্ভাৱনাময় লেখক জন থমকি ৰ’ব লগা হৈছে আৰ্থিক দৈন্যতাৰ বাবেই। উচ্চ শিক্ষাৰে শিক্ষিত বুবুলে সৰুৰে পৰাই কৰি গৈছিল সাহিত্য চৰ্চা । কুৰিৰো অধিক কবিতা প্ৰবন্ধ লিখা বুবুল শইকীয়াই পাঁচখন কৈ গ্ৰন্থ প্ৰকাশ কৰি উলিয়াবলৈ সক্ষম হৈছে ।২০০৮ চনত  ৰামধেনু প্ৰকাশনৰ পৰা প্ৰকাশ পোৱা প্ৰথম গ্ৰন্থ ‘আকৌ এটা চিঞৰ’ যোৰহাট অংকুৰণ প্ৰকাশন পৰা প্ৰকাশ পোৱা ‘চিৰন্তন’ “যথা ধৰ্ম” “বীজাণু” আদি।

বৰ্তমান এই যুৱ সম্ভাৱনাময়  লেখক জনে ‘অসম ভাষা গৌৰৱ ‘ আঁচনিৰ অন্তৰ্গত  ২০২১ চনৰ ১ ফেব্ৰুৱাৰীত শ্ৰীমন্ত শংকৰদেৱ কলাক্ষেত্ৰত অনুষ্ঠিত হোৱা অনুষ্ঠানত  ৫০ হাজাৰ টকা পাবলৈ সক্ষম হৈছিল যদিও সেই টকা গ্ৰন্থ তে খৰছ হোৱা বুলি জানিব পৰা গৈছে। সাহিত্য সাধনাত ব্ৰতী বুবুলে নিজৰ গ্ৰন্থ উন্মোচনী দিনাও গুৱাহাটীলৈ অহা যোৱা কৰিবৰ বাবে টকা যোগাৰ কৰিবৰ নোৱাৰাৰ কথাও সংবাদ মাধ্যমৰ আগত দুখৰে ব্যক্ত কৰে। বহুতো পাণ্ডুলিপি গ্ৰন্থ লেখা পৰি ৰৈছে ধনৰ অভাৱত এই যুৱ প্ৰতিভাৱান লেখক জনৰ।দিন হাজিৰা কৰা যুৱ লেখক জনৰ সু-হিদয়বান ব্যক্তি য়ে গ্ৰন্থ প্ৰকাশৰ ক্ষেত্ৰত   যদিহে সহায় কৰিব বিচাৰে যোৰহাটস্থিত পঞ্জাৱ নেচনেল বেংকৰ একাউণ্ট নং-0022010465472 IFSC -PUNB 0002220 বা ফোন নম্বৰ 9706480721 যোগাযোগ কৰি সহায় কৰিব পাৰিব 

শেহতীয়াকৈ নগৰবেৰাৰ টুপামাৰীৰ আশ্বিক জিয়াউল হক নামৰ এজন যুৱকৰ ব্যতিক্ৰমী উদ্যমী পদক্ষেপে দৃষ্টি আকৰ্ষণ কৰিছে সকলোৰে। শিক্ষাৰ ক্ষেত্ৰত ছাত্ৰ ছাত্ৰীৰ মাজত প্ৰতিযোগিতা সৃষ্টিৰ লক্ষেৰে যুৱক গৰাকীয়ে গ্ৰহণ কৰে এক বিশেষ পদক্ষেপ। টুপামাৰী অঞ্চলৰ কেবাখনকৈ শিক্ষানুষ্ঠানৰ শ্ৰেণীত প্ৰথম আৰু দ্বিতীয় স্থান দখল কৰা ছাত্ৰ- ছাত্ৰীক বিদ্যালয়ে বিদ্যালয়ে গৈ যুৱকজনে কিতাপ-কলম আদি উপহাৰ হিচাপে আগবঢ়ায়।

এই বছৰেই নহয়, আগলৈও প্ৰতিবছৰে এইদৰে শ্ৰেণীত প্ৰথম স্থান দখল কৰা ছাত্ৰ ছাত্ৰীক উপহাৰ দি যাব বুলি প্ৰতিশ্ৰুতি দিয়ে আশ্বিক জিয়াউল হকে। মুঠ সাত খন বিদ্যালয়ৰ প্ৰতিটো শ্ৰেণীত শাখা ভিত্তিক  ১২০ খন কিতাপ আৰু একোটাকৈ কলম কৃতী ছাত্ৰ-ছাত্ৰীৰ মাজত উপহাৰ হিচাপে আগবঢ়ায়। আশ্বিক জিয়াউল হকে শিক্ষাৰ ক্ষেত্ৰত  ছাত্ৰ ছাত্ৰীৰ মাজত উৎসাহ যোগোৱাৰ যি পদক্ষেপ লৈছে, সেই পদক্ষেপক অঞ্চলবাসী ৰাইজে ভূয়সী প্ৰশংসা কৰিছে।

বিশ্ব ফাৰ্মাছিষ্ট দিৱসৰ সংগতি ৰাখি অনুষ্ঠিত চিত্ৰাংকন প্ৰতিযোগিতাৰ পুৰস্কাৰসমূহ আজি ৩১ জানুৱাৰী তাৰিখে আনুষ্ঠানিকভাৱে প্ৰদান কৰা হয় । ঔষধালয়ৰ আৰ্হি বিষয়ৰে মেঘা মেডিক’জ, বৰপাৰা, বকোই ছাত্ৰ-ছাত্ৰীৰ উৎকৰ্ষ সাধনৰ বাবে অনুষ্ঠিত এই আয়োজনত প্ৰথম স্থান লাভ কৰে শংকৰদেৱ শিশু বিদ্যা নিকেতন, বকোৰ ফাৰ্‌হানা আহমেদে, দ্বিতীয় স্থান লাভ কৰে মডেল ইংলিছ স্কুলৰ সুৰভি মণ্ডলে আৰু তৃতীয় স্থান লাভ কৰে শংকৰদেৱ শিশু বিদ্যা নিকেতন, বকোৰ পৰাগজ্যোতি কাকতিয়ে । পুৰস্কাৰ হিচাপে প্ৰত্যেককে এখনি মানপত্ৰ , কিতাপ, এখনিকৈ গ্ৰীণ কাৰ্ড যাৰ পৰা প্ৰতিযোগী তথা পৰিয়ালে ঔষধ ক্ৰয় কৰিলে ১০% ৰেহাই মূল্যত পাব ।

বিচাৰকৰ দায়িত্ব সুচাৰুৰূপে পালন কৰা পূৰ্ণিমা পালকো এখনি মানপত্ৰ, গ্ৰীণ কাৰ্ড তথা তেওঁৰ চিকিৎসা সহায়ক হোৱাকৈ কিছু অৰ্থ সাহায্য প্ৰদান কৰে । মনোজ্ঞ আলোচনা চক্ৰৰ মাজেৰে সম্পন্ন হোৱা অনুষ্ঠানটিত নিজৰ বহুমূলীয়া বক্তব্য ৰাখে ক্ৰমে হেকেৰা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ ড° গণেশ্বৰ চহৰীয়া, অৱসৰপ্ৰাপ্ত বন বিষয়া তথা সংগীত, সাহিত্য চৰ্চাকাৰ প্ৰহ্লাদ বড়ো, বকো ছোৱালী হাইস্কুলৰ অৱসৰপ্ৰাপ্ত প্ৰধান শিক্ষক তথা বকো সাহিত্য সভাৰ সভাপতি সুৰেন চন্দ্ৰ কলিতা , নৃত্য শিল্পী – পৰিচালনা মনোজ দাস , বকোৰ বিশিষ্ট ব্যৱসায়ী তথা দীক্ষিতা চুইটছৰ স্বত্বাধিকাৰী জনাৰ্দন বড়ো, শিক্ষক সুনন্দ দাস, বকো সাহিত্য সভা তথা অসম বিজ্ঞান সমিতি, বকো শাখাৰ সহকাৰী সম্পাদক পৱিত্ৰ কৈৱৰ্ত্ত , ঔষধালয়ৰ কৰ্মচাৰী ৰাতুল কলিতা, শিৱম শৰ্মা , শিক্ষক অজিত মণ্ডল আৰু অন্যান্য বহুতো ব্যক্তি । উপস্থিত বিশিষ্ট ব্যক্তিসকলে  বকোৰ আন আন অনুষ্ঠানসমূহকো এনেকুৱা আন ধৰণৰ গঠনমূলক কাৰ্যসূচীলৈ অঞ্চলটিৰ ব্যৱসায়িকক্ষেত্ৰৰ লগতে আন আন ক্ষেত্ৰতো অৰিহণা যোগাবলৈ আহ্বান জনায়।