পহিলা জানুৱাৰীৰ দিনাই আনয়ন দি হেবিট এনজিঅ’ৰ ব্যতিক্ৰমী প্ৰদক্ষেপ। টেঙাখাতৰ সৰস্বতী দেৱী বাগ্ৰদিয়া উচ্চ মাধ্যমিক বিদ্যালয়ৰ প্ৰাঙ্গনত নৱ প্ৰজন্মক গ্ৰন্থ অধ্যয়নৰ ক্ষেত্ৰত অধিক আকৰ্ষিত কৰিবলৈ ছাত্ৰ-ছাত্ৰীৰ মাজত গ্ৰন্থ প্ৰদান কৰে। ১৭০ জনতকৈও অধিক ছাত্ৰ ছাত্ৰীক গ্ৰন্থ উপহাৰ দিয়া হয়।

উক্ত অনুষ্ঠানৰ লগত সংগতি ৰাখি অসমীয়া ভাষা আৰু অনুবাদ সাহিত্যৰ ওপৰত বক্তৃতা প্ৰদান কৰে বিদ্যালয়খনৰ ভূমি দাতা বিশিষ্ট অনুবাদ সাহিত্যিক দেৱী প্ৰসাদ বাগ্ৰদিয়াই।এই অনুষ্ঠানত উপস্থিত থাকে বিশিষ্ট সাহিত্যিক গুণেশ্বৰ সোনোৱাল , প্ৰাক্তন প্ৰধান শিক্ষক যতিন্দ্ৰ নাথ সোনোৱাল , বিদ্যালয়ৰ খনৰ প্ৰধান শিক্ষয়িত্ৰী অঞ্জলি চমুৱাৰ লগতে স্থানীয় সংবাদ কৰ্মী আৰু শিক্ষক শিক্ষয়িত্ৰী সকল।

হাজো ৰাজহ চক্ৰৰ অন্তৰ্গত বৰছলি হাটখোলা উচ্চ মাধ্যমিক বিদ্যালয়ত এখনি মানৱ অধিকাৰ আইন সম্পৰ্কে সজাগতা সভা অনুস্থিত হয়।ৰামদিয়া বিনন্দি চন্দ্ৰ মেধি মহাবিদ্যালয়ৰ ৰাজনীতি বিজ্ঞান বিভাগৰ উদ্যোগত আৰু বৰছলি হাটখোলা উচ্চ মাধ্যমিক বিদ্যালয়ৰ সহযোগত অনুষ্ঠিত সজাগতা সভাখন সঞ্চালনা কৰে প্ৰধান শিক্ষক চান মহম্মদ আলীয়ে।বৃহত্তৰ বৰছলিৰ একমাত্ৰ উচ্চ শিক্ষাৰ অনুষ্ঠান বৰছলি হাটখোলা উচ্চ মাধ্যমিক বিদ্যালয়ৰ ছাত্ৰ-ছাত্ৰী তথা শিক্ষক-শিক্ষয়িত্ৰী সকলক লৈ আয়োজন কৰা এই সজাগতা সভাত গুৰুত্বপূৰ্ণ বক্তব্য আগবঢ়ায় ৰামদিয়া বিনন্দি চন্দ্ৰ মেধি মহাবিদ্যালয়ৰ ৰাজনীতি বিজ্ঞান বিভাগৰ সহযোগী অধ্যাপক ছাইদুৰ ৰহমানে।

ছাত্ৰ-ছাত্ৰীৰ অধিকাৰ,কৰ্তব্য, দায়িত্ব আদি পূংখানূপূংশ ভাৱে  বিশ্লেষন কৰে ৰহমানে।এইক্ষেত্ৰত ছাত্ৰ-ছাত্ৰী আৰু অভিভাৱক – অভিভাৱিকা আৰু শিক্ষক সকলৰ গুৰুত্ব  সমুহ আলোকপাত কৰা হয়।এই সজাগতা সভাত ৰামদিয়া বিনন্দি চন্দ্ৰ মেধি মহাবিদ্যালয়ৰ ৰাজনীতি বিজ্ঞান বিভাগৰ মূৰব্বী অধ্যাপক দিলীপ দাস,সহযোগী অধ্যাপক জিতেন্দ্ৰ ডেকা, বুৰঞ্জী বিভাগৰ মুৰব্বী অধ্যাপক আবু লেইচ, আৰবী বিভাগৰ সহযোগী অধ্যাপক নজৰুল ইছলাম,বৰছলি হাটখোলা উচ্চ মাধ্যমিক বিদ্যালয়ৰ শিক্ষক- শিক্ষয়িত্ৰী, ছাত্ৰ-ছাত্ৰী তথা ৰাইজ উপস্থিত থাকে।

ওদালগুৰি জিলাৰ মাজবাট শিক্ষা খণ্ডৰ অন্তৰ্গত সোনাজুলি প্ৰাথমিক বিদ্যালয়ৰ অৱসৰ প্ৰাপ্ত প্ৰধান শিক্ষক কনক কোচক ৩১ডিচেম্বৰত উষ্ম আদৰণি জনোৱা হয় । ১৯৮৫ চনৰ মে মাহত উক্ত বিদ্যালয় খনত প্ৰতিষ্ঠাপক প্ৰধান শিক্ষক হিচাপে যোগদান কৰা প্ৰধান শিক্ষক গৰাকীক আজি বিদ্যালয় পৰিচালনা সমিতি, ছাত্ৰ, ছাত্ৰী,অভিভাবক আৰু অঞ্চলটোৰ বিভিন্ন অনুষ্ঠান প্ৰতিষ্ঠানে শৰাই, ফুলাম গামোচা, কিতাপৰ টোপোলাৰে উষ্ম আদৰণি জনাই ।

এক গাম্ভীৰ্যপূৰ্ণ পৰিবেশত  বিদ্যালয় প্ৰাসংগত পুৰন সিং গোড়ৰ সভাপতিত্ব অনুষ্ঠিত হোৱা বিদায়ী তথা সম্বৰ্ধনা সভাত অবসৰ প্ৰাপ্ত শিক্ষক কনক কোচে  এই সভাত উপস্থিত ৰাইজ তথা অভিভাবক সকলে জনোৱা মৰম চেনেহ, শ্ৰদ্ধাভুক্তি দেখি আপ্লুত হোবা বুলি চমু বক্তব্য দিয়াৰ লগতে বিগত সময়চোৱাত বিদ্যালয়ৰ ছাত্ৰ ছাত্ৰী সকলক অধ্যয়নৰ তাগিদাতে অজানিতে কৰা মন্তব্যৰ বাবে ক্ষমা বিচাৰি আবেগিক হৈ পৰে ।

সোনাজুলি প্ৰাথমিক বিদ্যালয়ৰ প্ৰাক্তন সভাপতি ভানু চাহুবে আত ধৰা সভাখনত কাঠপুৰী লাট গাওঁ বুঢা পদ্মকান্ত ডেকা, ন গাওঁ দফলাপোটা প্ৰাথমিক বিদ্যালয়ৰ অবসৰ প্ৰাপ্ত প্ৰধান শিক্ষক বিনোদন কুমাৰ বৈশ্য, ভেলুগুৰি প্ৰাথমিক বিদ্যালয়ৰ প্ৰধান শিক্ষক কামাখ্যা শৰ্মা, শিক্ষক দিপালী গোড় প্ৰমুখ্যে ব্যক্তি সকলে অবসৰ প্ৰাপ্ত প্ৰধান শিক্ষক গৰাকীক উষ্ম আদৰণি জনাই  বক্তব্য দাঙি ধৰে।

৩০ডিচেম্বৰত ডিমাকুছি’ৰ  ওদালগুৰি জিলাৰ বৰঙাজুলী সত্ৰ সমন্বয়ৰ প্ৰতীক তথা সত্ৰাধিকাৰ ভকত শিৰোমণি বৰঙাজুলী সত্ৰৰ সত্ৰাধিকাৰ ভকত শিৰোমণি প্ৰভূ হৰেকৃষ্ণ মহন্ত বাপজনাই গড় দিয়া সত্ৰত ওদালগুৰি জিলাৰ বিজেপিৰ কৰ্মকৰ্তা সকলে সেৱা জনায় ৷ সেই দিনাই ডিমাকুছিৰ পৰিদৰ্শন বাংলাত ভাৰতীয় জনতা  যুৱ-মৰ্চা ওদালগুৰি জিলা সমিতিৰ প্ৰথমখন বিষয়ববীয়া সভা অনুষ্ঠিত হয় ৷উক্ত বিষয়ববীয়া সভাত বন্তি প্ৰজলন কৰি সভা খন আত ধৰে যুৱ মৰ্চাৰ জিলাৰ সাধাৰণ সম্পাদকদ্বয় জয়ন্ত কুমাৰ চক্ৰৱৰ্তী,কুশল বড়ো দেবে ,ভাৰত মাতৃ বন্দনা,  চিনাকি পৰিচয় পিছতেই আদৰনি ভাষণ দাঙি ধৰে  ৷ওদালগুৰি জিলা যুৱ মৰ্চাৰ সভাপতি  সমৰ হাজৰিকাই উক্ত আদৰনি ভাষনত উপস্থিত থকা সকলোকে সম্বোধন কৰি কয় যে যুৱ শক্তি ৰাষ্ট্ৰ শক্তি আৰু এই যুৱ শক্তিয়ে যেতিয়া একত্ৰিত হৈ আগবাঢ়ে তেতিয়া কৰিব নোৱাৰা কাম একোৱেই নাথাকে,৷

যি বাটেৰে যুৱ মৰ্চাই আগুৱাই যাব সেই বাটেৰেই উন্নয়ন হব লাগিব, ওদালগুৰি  দৰে  জিলা এখনত আগোন্তক আহি থকা সময়ত সকলো যুৱ মৰ্চাৰ কাৰ্য্যকৰ্তাই একত্ৰিত হৈ জিলা খনত বসবাস কৰা প্ৰতিটো জাতি জনগোষ্ঠী,ভাষা ভাষী, ধৰ্ম ধৰ্মাৱলম্বী সকলোকে একত্ৰিত কৰি সমন্বয়ৰ এনাজৰীৰে আগন্তক দিনত সমাজৰ লগতে বিজেপি দলৰ সাংগঠনিক ভেটি শক্তিশালী কৰি যাব লাগিব বুলি কয় আৰু লগতে কয় প্ৰতিজন নিষ্ঠাবান যুৱ-মৰ্চাৰ কাৰ্য্যকৰ্তা’ক নিজৰ আত্ম বিশ্বাসেৰে ,সততাৰে, সাহসেৰে, আগন্তক দিনত যুৱ মৰ্চাই যিকোনো পৰিস্থিতিৰ সন্মুখীন হৈ দলটোৰ ভবিষ্যত হিচাপে আৰু দলৰ লগতে সমাজৰ সেৱা কৰি যাব লাগিব বুলি কয়!  উক্ত সভাত উপস্থিত থাকে ওদালগুৰি জিলা বিজেপিৰ সভাপতি সুনিল কুমাৰ বসুমতাৰী , উপস্থিত থাকে ৰাজ্যিক যুৱ-মৰ্চা সম্পাদক তথা  ওদালগুৰি জিলা যুৱ মৰ্চাৰ  প্ৰভাৰী বিশ্বজিত হাজৰিকা, উপস্থিত থাকে জিলাৰ সাধাৰণ সম্পাদক বলেন ব্ৰহ্ম, বিজেপি জিলাৰ সম্পাদক যুৱ নেতা তথা গৃহ জিলাৰ প্ৰভাৰী  জৌচ্যাং বড়ো, ৰাজ্যিক যুৱমৰ্চাৰ দায়িত্বত থকা দ্বীপ জোতি ডেকা, ধ্ৰুৱজ্যোতি শৰ্মা , ওদালগুৰি জিলাৰ মহিলা মৰ্চাৰ জনপ্ৰিয় সভানেত্ৰী অৰ্পণা মেধি ৷

বিজেপিৰ সক্ৰিয় কাৰ্যকৰ্তা মিন্টু নাথ, ৰঞ্জন ডেকা,জিলাৰ যুৱ মৰ্চাৰ নতুন সমিতিত দায়িত্ব পোৱা বিষয়ববিয়া নিপজ্যোতি বৰুৱা, ডিগেন ৰোদ্ৰ কোছ,অনুপমা চহৰীয়া, সৰলা দাস,ৰত্নেশ্বৰ ৰাভা, নৱজিত দাস,ৰাতুল দাস,দ্বীপ জ্যোতি শৰ্মা, কুলজিত দাস,পাৰ্থ সেন,বিটু প্ৰসাদ , লোহিত কুমাৰ ডেকা, বিশ্বজিৎত তান্তি,ৰ লগতে ভেৰগাৱ মণ্ডল যুৱ মৰ্চাৰ সভাপতি উপস্থিত থাকি সহায় সহযোগিতা কৰে ৷