১২ডিচেম্বৰত জনসংখ্যা সমাধান ফাউনণ্ডেশ্যন ,ওদালগুৰি জিলা সমিতিৰ বাৰ্ষিক সাধাৰণ সভা ওদালগুৰি টাউন গোর্খা ভৱনত দিনৰ  ১১ বজাত অনুষ্ঠিত হয়।উক্ত সভাৰ সভাপতিত্ব কৰে জিলাৰ প্ৰাক্তন সভাপতি লোক বাহাদুৰ ছেত্ৰী দেৱে ।

ভাৰত মাতাক পূজনেৰে আৰম্ভণি কৰি দ্বীপ প্ৰজ্বলন কৰে ৰাজ্যিক সভাপতি তথা জিলা সভাপতি দ্বয়ে । শ্বহীদ CDS বিপিন ৰাৱট তথা তেওঁৰ পত্নী আৰু ১৩ জন শ্বাহীদৰ প্ৰতি শ্ৰদ্ধাঞ্জলিৰে এক মিনিটৰ মৌন প্ৰাৰ্থনা কৰা হয়। সভাত পুৰণা সমিতিৰ কাৰ্যকাল সমাপ্ত হোৱা বাবে সৰ্বসম্মতিৰে ভংগ কৰি সংযোজক পুষ্প ঢকাল দেৱক নতুন সভাপতিৰ দ্বায়িত্ব অৰ্পণ কৰা হয় আৰু ৫১ জনীয়া পূৰ্ণাংগ সমিতি গঠন কৰা হয়।

উক্ত সভাত জনসংখ্যা সমাধান ফৌণ্ডেশ্যনৰ উদ্দেশ্য বৃহৎ ভাৱে দাঙি ধৰে ৰাজ্যিক অধ্যক্ষ  হৰেন্দ্ৰ বৰা আৰু মহিলা শক্তি জাগৰণৰ বিষয় দাঙি ধৰে ৰাজ্যিক মহিলা অধ্যক্ষা ৰুবি সিংহই ৷ সভাত উপস্থিত থাকে ৰাজ্যিক মহাসচিব  ভাস্কৰ দাস আৰু শ্ৰী অপৰূপা বৰঠাকুৰ , জিলাৰ প্ৰভাৰী কেভিন সূত্ৰধৰ ,নেপালী সাহিত্য সভা জিল্লা সভাপতি  লক্ষ্মণ অধিকাৰী , সম্পাদক মোহন ৰাৱটকে মূখ্য কৰি জিলাৰ সকলো অঞ্চলৰে JSF ৰ প্ৰতিনিধি । সভাৰ অন্তত শলাগৰ শৰাই দাঙি ধৰে জিলা সাধাৰণ সম্পাদক চান গোস্বামীয়ে ৷

নব কুমাৰ ডেকা

অৰুনাচল সীমান্তৱৰ্তী ৰৌতা সংৰক্ষিত বনাঞ্চল পৰা ওলাই অহা  এটা  বনৰীয়া হাতীৰ দলে  ওৰাং মৌজাৰ লগতে ৰৌতা,মাজবাট,ওদালগুৰি আদি অঞ্চল সমুহত উপদ্ৰৱ সৃষ্টি কৰিছে ।

বনাঞ্চল খনৰ পৰা খাদ্যৰ সন্ধানত জলাঞ্চললৈ ওলাই অহা প্ৰায় ২৬  জনীয়া এই বনৰীয়া হাতীৰ জাকটোৱে নাহেৰুৱা ,পানবাৰী,লামাবাৰী, টিক্ৰীতুলা  আদি কেইবাটাওঁ আবাসিক এলেকাত আজি  ৭ দিন ধৰি কল-কুহিয়াৰ,শাক-পাচলি খাই তহিলং কৰাৰ লগতে তামোল ভাঙি খাস্তাং কৰিছে।মাজবাট বন বিভাগৰ  বিট অফিচাৰ মিন্টু বড়োৰ  নেতৃত্বত এটা  বন কৰ্মী দলে  বৃহৎ হাতীৰ জাকটোক পুনৰ বনাঞ্চললৈ খেদি পঠিয়াবলৈ অহৰহ প্ৰচেষ্টা  অব্যাহত ৰাখিছে যদিও এফালে খেদিলে হাতীৰ জাকটোৱে  বেলেগ এটা অঞ্চলত প্ৰৱেশ কৰাত বিপাঙত পৰিছে বন কৰ্মী সকল ।

প্ৰতি দিনে ৰৌতা সংৰক্ষিত বনাঞ্চলৰ দাঁতি কাষৰীয়া আবাসিক এলেকা সমুহত প্ৰৱেশ কৰাৰ উপৰিও  মাজবাট,ওদালগুৰি ৰাজহ চক্ৰৰ ওৰাং মৌজা এলেকাৰ নাহেৰুৱা, পানবাৰী, লামাবাৰী, টিক্ৰীতুলা ,ওদালগুৰি,ৰৌতা আদি অঞ্চলৰ গঞাই  হাতীৰ উপদ্ৰৱৰ ফলত নিশা উজাগৰে থাকিব লগীয়া হৈছে । প্ৰতি বছৰে এনেদৰে ৰৌতা সংৰক্ষিত বনাঞ্চল পৰা জাকে জাকে হাতী খাদ্যৰ সন্ধানত আবাসিক এলেকাত প্ৰৱেশ কৰি কৃষকৰ ধান খাই তহিলং কৰে যদিও এইবাৰ বনৰীয়া হাতী অহাৰ আগতেই কৃষক সকলে ধান কাতি সমাপ্ত কৰিলে ।

নব কুমাৰ ডেকা

দৰং জিলাৰ ছিপাঝাৰৰ পাথৰিঘাট মহকুমাৰ কৃষি কাৰ্যালয়ৰ নৱ নিযুক্ত কৃষি বিষয়া ক্ষিৰোদ চন্দ্ৰ শৰ্মাৰ ব্যৱহাৰ আৰু উপস্থিতিয়ে মহকুমাটোৰ কৃষক ৰাইজক বিশেষ ভাৱে আকৰ্ষিত কৰিছে। আজি প্ৰায় তিনি মাহ আগতে মহকুমাৰ কৃষি কাৰ্যালয়ত যোগদান কৰিছিল ক্ষিৰোদ চন্দ্ৰ শৰ্মা নামৰ বিষয়া গৰাকীয়ে।

বিষয়া গৰাকীয়ে যোগদান কৰা দিন ধৰি প্ৰতিটো দিশতে মহকুমা কৃষি কাৰ্যালয়ত  নিদিষ্ট সময়ত উপস্থিত থাকি  কৃষক ৰাইজৰ প্ৰতি আগবঢ়াই অহা সেৱাই সকলোকে আকৃষ্ট কৰিছে।তদুপৰি এগৰাকী বিষয়া হিচাপে তেওঁৰ মনত নাই কোনো গৰ্ব কিম্বা অহংকাৰ ।চহা কৃষক সকলৰ লগত সদায়ে বন্ধুত্ব সুলভ ব্যৱহাৰেৰে কম সময়ৰ ভিতৰতে আপোন হৈ পৰা বিষয়া গৰাকী  অন্য সকল বিষয়া-কৰ্মচাৰীৰ তুলনাত যেন সম্পূৰ্ণ বিপৰীত।

কৃষি বিষয়া হিচাপে কৃষকক সদাই সহায় আৰু উন্নতি কৰাটোৱেই যেন তেওঁৰ ধৰ্ম।কৃষকৰ লগত সংপৃক্ত হৈ থাকিব পৰাটোৱেই যেন তেওঁৰ বাবে আনন্দ।পাথৰিঘাট মহকুমা কৃষি কাৰ্যালয়ৰ অন্তৰ্গত কৃষক ৰাইজে বৃহত্তৰ কৃষি প্ৰধান অঞ্চলটোত এক বিশেষ ভূমিকা গ্ৰহণ কৰি চহা কৃষক ৰাইজক আগবঢ়াই নিয়াৰ বাবে আশা প্ৰকাশ কৰিছে।

মঃইন্দাদুল হক

হোজাই জিলাৰ মোৰাঝাৰ থানাৰ অন্তৰ্গত চাবাজপুৰত আজি বৃহৎ পৰিমানৰ ব্ৰাউন চুগাৰসহ গ্ৰেপ্তাৰ হয় তিনিজন সৰবৰাহকাৰী ৷ হোজাই আৰক্ষী অধীক্ষক বৰুণ পুৰকায়স্থৰ এক গোপন সূত্ৰৰ ভিত্তিত মোৰাঝাৰ আৰক্ষী বিষয়া মিন্টু শৰ্মাই AS 25 CC 8599 নম্বৰৰ টাটা মোবাইল আৰু NL 07 CA 8645 নম্বৰৰ চাৰিচকীয়া গ্লাঞ্জা বাহনখনৰ পৰা জব্দ কৰে সাতটা চাবোনৰ কেচ ভৰ্তি ব্ৰাউন চুগাৰখিনি ৷

আৰক্ষীয়ে খেদি খেদি জব্দ কৰে ব্ৰাউন চুগাৰ কঢ়িয়াই নিয়া বাহন দুয়োখন ৷ ঘটনা সংক্ৰান্তত আৰক্ষীয়ে শ্বাহাব উদ্দিন, আলা উদ্দিন আৰু আব্দুল মতিনক আটক কৰি জেৰা অব্যাহত ৰাখিছে ৷ উল্লেখ্য যে ধৃত তিনিওজনৰ ঘৰ ডবকাৰ সুতাৰগাঁৱত বুলি জানিব পৰা গৈছে ৷ তিনিওজনে ডিমাপুৰৰ পৰা ব্ৰাউন চুগাৰখিনি লৈ আহিছিল বিক্ৰী কৰিবলৈ ৷ সেই সময়তে আৰক্ষীয়ে সৰবৰাহকাৰী তিনিওকে আটক কৰাৰ লগতে জব্দ কৰে ব্ৰাউন চুগাৰখিনি ৷

জমিৰউদ্দিন তালুকদাৰ