অসমীয়া সমাজত সচৰাচৰ সাধাৰণতে এটা ধাৰণা আছে যে গ্ৰামাঞ্চলৰ মহিলাসকল অৰ্থনৈতিক ভাবে পুৰুষ জনৰ ওপৰতেই নিৰ্ভৰশীল হৈ চলিব লাগে ৷ কিন্ত,এই ধাৰণক অসাৰ প্ৰতিপন্ন কৰি নগাঁৱৰ এখন গাঁৱৰ এদল মহিলাই স্বনিৰ্ভৰশীভাৱে আৰম্ভ কৰিছে এক অৰ্থনৈতিক বিপ্লৱ ৷
গাওঁখন হ’ল বৰচিলা ৷ নগাঁও জিলাৰ বেবেজীয়াৰ পশ্চিমাঞ্চলৰ তিৱা সম্প্ৰদায়কে ধৰি বিভিন্ন জাতি-জনগোষ্ঠীৰে পৰিবেষ্টিত বৰচিলাৰ মহিলাসকলে সম্প্ৰতি সুসংগঠিতভাৱে গঢ়ি তুলিছে গ্ৰাম্য অৰ্থনৈতিক বুনিয়াদ ৷ মহিলাসকলৰ এই অৰ্থনৈতিক সবলীকৰণ প্ৰচেষ্টাৰ বাবেই সমগ্ৰ অঞ্চলটোতে উজলি উঠিছে বৃহত্তৰ বৰচিলা গাওঁখন ৷
মহিলাসকলে পানীমেটেকা নিজে কাটি,কঢ়িয়াই,সংগ্ৰহ কৰি মেচিনত শুকোৱাই,ৰং সানি তেওঁলোকে বিভিন্ন সামগ্ৰী যেনে ফুলৰ টাব,কঠ,ঢাৰি,পাটী,ফাইল ক’ভাৰ,দলিচা,জুৱেলাৰী বেগ,টিফিন বেগ,ফ্লিলাস্কৰ বেগ,বজাৰ কৰা মোনা,মন্দিৰৰ ফলমুলৰ বেগ,মহিলা সকলৰ বাবে মোবাইল বেগ,মানি বেগ বিভিন্ন সৰু ডাঙৰ বেগকে ধৰি নানাবিধ সামগ্ৰী তৈয়াৰ কৰে আৰু সেই সামগ্ৰী সমূহ নগাঁও-মৰিগাঁও জিলাৰ বিভিন্ন বজাৰত বিক্ৰী কৰাৰ ওপৰি ডিব্ৰুগড়-তিনিচুকীয়া-যোৰহাট-গুৱাহাটী-কাৰ্বি আংলং-তেজপুৰ-লক্ষীমপুৰ-ধেমাজীকে ধৰি অসমৰ বিভিন্ন স্থানত বিক্ৰী কৰি আহিছে ৷
কেৱল যে অসমতেই বিক্ৰী হৈছে এইসমূহ সামগ্ৰীৰ তেনে নহয় ৷ পানীমেটেকাৰে নিৰ্মিত এই সামগ্ৰী সমূহ পৰ্যায়ক্ৰমে অসমৰ বাহিৰত যেনে মুম্বাই,নতুন দিল্লী,ৰাজস্থান,কেৰেলা,চেন্নাই,হায়দৰাবাদ,হিমাচল প্ৰদেশ আদিত অনুষ্ঠিত হোৱা বিভিন্ন প্ৰদৰ্শনীত এই ছ’চাইটিখনৰ মহিলা সকলে অংশগ্ৰহণ কৰি আহিছে ৷
ইয়াৰ ওপৰি উত্তৰ-পূৰ্বাঞ্চলৰ মেঘালয়,মনিপুৰ,অৰুনাচল প্ৰদেশ আদিতো অনুষ্ঠিত প্ৰদৰ্শনী সমূহত এইসকল কৰ্মোদ্যমী মহিলাই অংশগ্ৰহণ কৰি সমাদৰ বুটলিবলৈ সক্ষম হৈছে ৷ এই প্ৰদৰ্শনী সমূহত অংশগ্ৰহণেৰে দলংঘাট হেণ্ডিক্ৰাফট্ কো-অপাৰেটিভ ছ’চাইটি লিমিটেডৰ মহিলা সকলে বিগত বৰ্ষত প্ৰায় ১৫ লাখ টকাৰ সামগ্ৰী বিক্ৰী কৰিছে বুলি মহিলাসকলে জানিবলৈ দিছে ৷ অৱশ্যে যোৱাবাৰ ল’কডাউনৰ বাবে কিছু স্থবিৰতা আহিছিল যদিও বৰ্তমান পুনৰ ঠন ধৰি উঠিছে মহিলাসকলৰ ছ’চাইটিখন ৷
আধুনিক অসমীয়া ভাষা-সাহিত্যৰ অন্যতম কাণ্ডাৰী পদ্মনাথ গোহাঞিবৰুৱাৰ ১৫০ বছৰীয়া জন্ম জয়ন্তীৰ সামৰণী অনুষ্ঠান ঐতিহাসিক শিৱসাগৰ বর্ডিং খেলপথাৰত উদযাপন কৰা হৈছে।
তেখেতৰ জন্ম জয়ন্তীৰ লগত সংগতি ৰাখি ১০ ডিচেম্বৰৰ পৰা ১৬ ডিচেম্বৰলৈকে গ্রন্থমেলা, সদৌ অসম ভিত্তিত কুইজ প্রতিযােগিতা, জনগােষ্ঠীয় সাজপাৰ প্রতিযােগিতা আদি আয়ােজন কৰা হৈছে৷ সদৌ অসম আহােম সভা শিৱসাগৰ জিলা সমিতি আৰু শিৱসাগৰবাসী ৰাইজৰ সহযােগত অহা ১৫ আৰু ১৬ ডিচেম্বৰত সাহিত্যকাণ্ডাৰী গৰাকীৰ ১৫০ বছৰীয়া জন্ম জয়ন্তী পালন কৰা হৈছে ৷
দেওবাৰে জন্ম জয়ন্তীৰ লগত সংগতি ৰাখি এখনি জনগোষ্ঠীয় সাজ-পাৰ প্ৰতিযোগিতা অনুষ্ঠিত হৈ যায়।এই জনগোষ্ঠীয় সাজ-পাৰ প্ৰতিযোগিতাত বিভিন্ন অঞ্চলৰ ভালেসংখ্যক জনগোষ্ঠীৰ প্ৰতিযোগীয়ে অংশগ্ৰহণ কৰা পৰিলক্ষিত হয়।
বিটিএডিৰ ওদালগুৰি জিলাৰ ঐতিহ্যমণ্ডিত ৰৌতা অঞ্চলৰ শৈক্ষিক ক্ষেত্ৰত অগ্ৰণী তথা উজ্বল এখন শিক্ষানুষ্ঠান দণ্ড চহৰীয়া উচ্চতৰ মাধ্যমিক বিদ্যালয় । সুনাম থকা এই শিক্ষানুষ্ঠানখনৰ একাদশ শ্ৰেণীৰ দুগৰাকী ছাত্ৰ-ছাত্ৰীয়ে এইবেলি ২৯ তম ৰাষ্ট্ৰীয় শিশু-বিজ্ঞান সমাৰোহলৈ শিশু বিজ্ঞানী ৰূপে নিৰ্বাচিত হৈ বিদ্যালয়ৰ লগতে বৃহত্তৰ ৰৌতা অঞ্চলৰ তথা সমগ্ৰ জিলাখনলৈ গৌৰৱ আৰু আনন্দৰ সুবাস বিচ্ছূৰিত কৰিছে ।
বিদ্যালয় কৰ্তৃপক্ষই জানিবলৈ দিয়া মতে ধাৰাবাহিকতা অক্ষুন্ন ৰাখি তিনিবাৰকৈ এই বিদ্যালয়ে ৰাষ্ট্ৰীয় শিশু বিজ্ঞানী উপহাৰ লাভ কৰি প্ৰশংসা বুটলিবলৈ সক্ষম হৈছে । এইবাৰ ৰাষ্ট্ৰীয় শিশু বিজ্ঞান সমাৰোহলৈ নিৰ্বাচিত একাদশ শ্ৰেণীৰ ছাত্ৰী মেহেৰ আনছাৰী আৰু সহযোগী বিবেক পাটোৱাৰীক নিৰ্দেশনা-পথপ্ৰদৰ্শকৰ (শিক্ষক) দায়িত্বত আছে বৃত্তিমূখী শিক্ষক বিপুল চন্দ্ৰ ভৰালী ।
এই গুৰু-শিষ্যৰ মানস প্ৰজ্ঞাৰ একত্ৰ সৃষ্টি “Best quality organic compost along with insecticide made from ‘water hyacinth’ ” -শীৰ্ষক আকৰ্ষণীয় প্ৰকল্পৰে গুজৰাটৰ আহমেদাবস্থিত বিজ্ঞান নগৰী (Science City) ত ডিচেম্বৰৰ শেষ সপ্তাহত অনুষ্ঠিত ৰাষ্ট্ৰীয় পৰ্যায়ৰ সমাৰোহলৈ আদৰেৰে আমন্ত্ৰিত হৈছে ।
