ক’ৰোণা মহামাৰীৰ বাবে চৰকাৰে জাৰি কৰা লকডাউনৰ সময়ছোৱাত আৰ্থিকভাৱে ভাগি পৰা দৰিদ্ৰ পৰিয়াল সমূহক সাময়িক সকাহ দিয়াৰ বাবে চৰকাৰে প্ৰধান মন্ত্ৰী গৰীব কল্যাণ আঁচনিৰ জৰিয়তে প্ৰদান কৰিছে চাইল ৷ সমবায় সমিতি সমূহৰ ডীলাৰৰ জৰিয়তে প্ৰদান কৰা চাউল আজি দক্ষিণ কামৰূপৰ বকোৰ ছমৰীয়া সত্ৰ এলেকাৰ হিতাধিকাৰীৰ মাজতো বিতৰণ কৰা হয় ৷ ছমৰীয়া সত্ৰৰ ডীলাৰ প্ৰদীপ কলিতাৰ অধীনৰ ১১৮ গৰাকী ৰেচন কাৰ্ডধাৰী হিতাধিকাৰীৰ মাজত কাপোৰৰ মোনাৰ সৈতে ৫ কেজিকৈ চাউল বিতৰণৰ কৰা কাৰ্যসূচীৰ আজি আনুষ্ঠানিকভাৱে মুকলি কৰে ছমৰীয়া সত্ৰৰ জেষ্ঠ বিজেপি কৰ্মী দীপু বায়নে ৷ ইতিমধ্যে, ছমৰীয়া গাওঁপঞ্চায়ত সমবায় সমিতিৰ অধীনৰ ৮১৫৬ গৰাকী ৰেচন কাৰ্ডধাৰী হিতাধিকাৰীৰ মাজত ছমৰীয়া মণ্ডল বিজেপিৰ সভাপতি ৰাজেশ মজুমদাৰৰ তৎপৰতাত প্ৰধান মন্ত্ৰী গৰীব কল্যাণ আঁচনিৰ চাউল বিতৰণ অভিযান চলি থকা বুলি জানিবলৈ দিয়ে জেষ্ঠ বিজেপি কৰ্মী গৰাকীয়ে ৷

মাৰ্ঘেৰিটা বিধান সভাৰ কাকপথাৰ উন্নয়ন খণ্ডৰ অন্তৰ্গত পুৰণি পুখুৰী গাঁও পঞ্চায়তখনত বহুকেইটা দুৰ্নীতি অনিয়ম সংঘটিত হোৱাৰ অভিযোগ উঠিছে । উত্থাপিত অভিযোগ মতে পঞ্চায়তখনৰ গণ্ডীৰ ভিতৰত অৱস্থিত বৰডুমচা মাধৱপুৰ বৃহস্পতিবৰীয়া সাপ্তাহিক বজাৰখন জিলা পৰিষদৰ যোগে নিবিদা প্ৰদানেৰে আৱণ্টন দি কৰ সংগ্ৰহ প্ৰক্ৰিয়া চলি থকা স্বত্বেও তিনি বৰ্ষ জোৰা বজাৰ দিনা  স্থানীয় পুৰনি পুখুৰী গাঁও পঞ্চায়তৰ সভানেত্ৰী গৰাকীৰ দ্বাৰা বজাৰখনৰ গৰু আৰু ছাগলী বজাৰত অতিৰিক্ত ভাৱে ৩০ শতাংশ কৰ সংগ্ৰহ কৰি আহিছে । বজাৰখনত পঞ্চায়তৰ যোগে সংগ্ৰহিত কৰি অহা উক্ত অবৈধ কৰৰ বৃহৎ ধন আৰু পঞ্চায়তখনলৈ অন্যান্য উৎসৰ পৰা সংগ্ৰহিত ধন ৰাইজৰ অজ্ঞাতে  ক’ত ক’ত ব্যৱহাৰ কৰিছে কিম্বা ক’ত জমা ৰাখিছে আদিবোৰ  তথ্য পঞ্চায়ত বাসীয়ে ৰাজহুৱা কৰিবলৈ সভানেত্ৰী গৰাকীক দাবী জনাই আহিছে যদিও সভানেত্ৰী গৰাকীয়ে কোনো কাণসাৰ নিদিয়া কাৰ্যক তীব্ৰ প্ৰতিক্ৰিয়া প্ৰকাশ কৰি সভানেত্ৰী গৰাকীৰ নেতৃত্বতে পঞ্চায়তৰ বিভিন্ন আঁ‌চনি সমূহত দুৰ্নীতি সংঘটিত হৈ অহাৰ অভিযোগ তুলি ছাত্ৰ মুক্তি সংগ্ৰাম সমিতি বৰডুমচা পেঙেৰী আঞ্চলিক সমিতিয়ে পঞ্চায়তৰ বিৰোদ্ধে গণতান্ত্ৰীক আন্দোলনৰ হুংকাৰ প্ৰদানেৰে আজি পঞ্চায়ত সচিৱলৈ এক স্মাৰক পত্ৰ প্ৰেৰণ কৰিছে । স্থানীয় মাৰ্ঘেৰিটাৰ বিধায়ক,তিনিচুকীয়া জিলা পৰিষদৰ মুখ্য কাৰ্যবাহী বিষয়া আৰু কাকপথাৰ আঞ্চলিক পঞ্চায়তৰ সহকাৰী কাৰ্যবাহী বিষয়ালৈ প্ৰতিলিপি প্ৰেৰণ কৰা  ছাত্ৰ মুক্তি সংগ্ৰাম সমিতিৰ  উক্ত পত্ৰত উল্লেখিত অভিযোগ অনুসৰি পুৰণি পুখুৰী গাওঁ পঞ্চায়তৰ সভানেত্ৰী গৰাকীয়ে পঞ্চায়তৰ যিকোনো চৰকাৰী আঁ‌চনি ৰূপায়ণত ৰাইজৰ অজ্ঞাতে কোনো সভা অনুষ্ঠিত নকৰাকৈ নিজাববীয়া সিধান্ত গ্ৰহণ কৰি নিজৰ আত্মীয় কুটুম্বক সুযোগ সুবিধা দি অহাৰ উপৰিও পঞ্চদশ বৃত্তীয় আয়োগৰ ধনেৰে নিৰ্মান কৰা মাধৱপুৰ সাপ্তাহিক বজাৰখনৰ নলা নিৰ্মাণ কাৰ্য বিভাগীয় কাৰিকৰী অনুমোদন লাভ কৰা আগতেই নিজ ইচ্চাকৃত ব্যক্তিক কামৰ দায়িত্ব অৰ্পনেৰে ধনৰ অংকত কাম সম্পাদনৰ প্ৰস্তুতিৰে কাম চলাই আহিছে । ইয়াৰোপৰি পঞ্চায়ত কতৃপক্ষৰ দুৰ্নীতিৰ বাবেই চতুৰ্থদশ বৃত্তীয় অয়োগৰ প্ৰায় ১০ লক্ষ্য ধনেৰে  মাধৱপুৰ কালী মন্দিৰৰ পৰা অৰুণাচলস্থিত সেনা চাউনি সমীপৰ পথত সংযুক্ত ২০০ মিটাৰ দৈৰ্ঘৰ ফেভাৰ ব্লকেৰে নিৰ্মাণ সম্পন্ন হোৱা পথটো নিৰ্মাণৰ ছয় মাহ নৌহওতেই বখলা বখলে এৰি যোৱা আদিবোৰ অভিযোগ আনি ছাত্ৰ মুক্তি সংগ্ৰাম সমিতিৰ স্থানীয় আঞ্চলিক গোটে পঞ্চায়তখনৰ সংঘটিত হৈ অহা অনিয়ম দুৰ্নীতিসমূহ বিভাগীয় উৰ্ধতম কতৃপক্ষই তদন্ত কৰি  উচিত ব্যৱস্থা লবলৈ দাবী উত্থাপন কৰিছে । উল্লে্যযোগ্য যে ছাত্ৰ মুক্তি সংগ্ৰাম সমিতিৰ স্থানীয় আঞ্চলিক সমিতিৰ উপদেষ্টা গৌতম বৰুৱাই সংবাদ মাধ্যমৰ আগত অহা ৪৮ ঘণ্টাৰ ভিতৰত যদি স্মাৰক পত্ৰত উল্লেখ কৰা বিষয়ৰ লগত জঢ়িত বিষয়ৰ ওপৰত পুৰণি পুখুৰী গাওঁ পঞ্চায়তৰ কৰতৃপক্ষয় কোনো ব্যবস্থায নলয় পঞ্চায়তত তলা লগাই বন্ধ কৰি দিয়াৰ হুংকাৰ প্ৰদান কৰে।

নাজিৰা বিধান সভা সমষ্টিৰ অন্তৰ্গত বহু জৰাজীৰ্ণ বাট – পথে জনগণৰ বাবে মৃত্যু দূত স্বৰূপ হৈ পৰিছে । বিগত সময়চোৱাত এই বিধ্বস্ত পথ সমূহ নিৰ্মাণৰ দাবীত বিভিন্ন সংগঠনৰ লগতে ” বীৰ লাচিত সেনা , অসম ” ৰ নাজিৰা মহকুমা আৰু শিৱসাগৰ জিলা সমিতিয়ে বহুবাৰ প্ৰতিবাদী কাৰ্যসূচী গ্ৰহণ কৰি আহিছে যদিও বি জে পি নেৰ্তৃত্বাধীন চৰকাৰে নাজিৰা সমষ্টিৰ বাট – পথকে ধৰি অন্যান্য ক্ষেত্ৰত উন্নয়নৰ দিশত বৈষম্যতাৰ বাবেই কোনো গুৰুত্বাৰূপ কৰা নাই । এই অভিযোগেৰে আজি ” বীৰ লাচিত সেনা , অসম ” ৰ নাজিৰা মহকুমা আৰু শিৱসাগৰ জিলা সমিতিয়ে সমষ্টিটোৰ আন আন পথ সমূহৰ লগতে বিশেষকৈ অতি বিধ্বস্ত ঐতিহাসিক নগা আলি , ঐতিহাসিক ৰমণী আলি , গড়মূৰ – চণ্টক সংযোগী ৰাজগড় পথ , লিগিৰী পুখুৰী খনিকৰ গাওঁ ঔগুৰি পথ , গেলেকী গোহাঁই বাৰী পথ , ঐতিহাসিক মেজেঙ্গা – বগীদল সংযোগী বাহগড় পথ , গেলেকী দোলাকাষৰীয়া ন – পাম বাৰুৱতী সংযোগী পথ বিজ্ঞান সন্মতভাৱে পুনৰ নিৰ্মাণৰ দাবীত লোক নিৰ্মাণ বিভাগৰ নাজিৰা আৰু আমগুৰি ক্ষেত্ৰীয় সংমণ্ডল কাৰ্যালয় ঘেৰাও কৰি এক প্ৰতিবাদী কাৰ্যসূচী ৰূপায়ন কৰে । সংগঠনটোৰ প্ৰায় শতাধিক কৰ্মীয়ে অংশগ্ৰহণ কৰা এই প্ৰতিবাদী কাৰ্যসূচীত ” ৰাইজ আজি ৰাজপথত হিমন্তৰ কাম নাই , মুখ্যমন্ত্ৰী হিমন্ত বিশ্ব শৰ্মা হুঁচিয়াৰ , লোক নিৰ্মাণ বিভাগৰ মন্ত্ৰী অজন্তা নেওগ মুৰ্দাবাদ , বি জে পি নেৰ্তৃত্বাধীন চৰকাৰ হায় হায় , আছে হেংদাং লোৱা নাই – ললে হেংদাং ৰক্ষা নাই ” আদি বিভিন্ন প্ৰতিবাদী ধৰ্ণাৰে কাৰ্যালয়টোৰ কাম – কাজ অচল কৰি তোলে । পিছত সংগঠনটোৰ নাজিৰা মহকুমা সমিতিৰ সভাপতি প্ৰাঞ্জল শইকীয়া , সহকাৰী সম্পাদক দ্বয় উজ্জ্বল গগৈ আৰু কৃষ্ণ কান্ত কোৱৰৰ স্বাক্ষৰেৰে উক্ত পথসমূহ শীৰ্ঘ্ৰে নিৰ্মাণৰ দাবীত অসমৰ মুখ্যমন্ত্ৰী আৰু লোক নিৰ্মাণ বিভাগৰ মন্ত্ৰীলৈ এখনি স্মাৰক পত্ৰ প্ৰেৰণ কৰাৰ লগতে দাবীসমূহ এমাহৰ ভিতৰত কাৰ্যকৰী নহলে লোক নিৰ্মাণ বিভাগৰ সংমণ্ডল কাৰ্যালয়টো অনিৰ্দিষ্ট কাললৈ তলা বন্ধ কৰা হ’ব বুলি সকীয়াই দিয়ে । 

দক্ষিণ শালমাৰা মানকাচাৰ জিলাৰ অন্তৰ্গত মানকাচৰ খণ্ড উন্নয়নৰ অধীনত থকা কালাপানী গাওঁ পঞ্চায়তত বিভিন্ন আচনিৰ নামত কেইবা কৌটি টকা লুন্ঠন কৰাৰ বিৰুদ্ধে ভয়ংকৰ অভিযোগ পএ দাখিল । অভিযোগ মতে বিত্তীয় বছৰ ২০১৮ চনৰ পৰা ২০২১ ২২ বৰ্ষত পঞায়ত খনত প্ৰধান মন্ত্ৰী গৃহ আৱাস যোজনাৰ গৃহ নিৰ্মাণ নামত বহু দুখীয়া হিতাধিকাৰীৰ পৰা সভাপতি মজিবৰ ৰহমান, সচীব জহিৰুল ইছলাম আৰু জি আৰ এচে বৃহৎ পৰিমাণৰ কমিচন সংগ্ৰহ কৰি লুণ্ঠন চলাই আছে। বিভাগীয় নীতি নিয়মক জলাঞ্জলি দি পঞ্চায়তৰ বিষয় ববীয়াৰ নিৰ্দেশত নিজৰ খেয়াল খুচি মতে গৃহ নিৰ্মাণ কৰিছে যদিও বহু গৃহৰ কাম নকৰি বেলেগ মানুহৰ ঘৰৰ ফটো সংলগ্ন কৰি ফটো আপলোড দি তাতো চৰকাৰ তথা বিভাগীয় উৰ্দ্ধতম কৰ্তৃপক্ষক বিপথে পৰিচালিত কৰাৰ ভয়ংকৰ অভিযোগ উত্থাপন হয়। অভিযোগ পএত উল্লেখ কৰা মতে আধাৰ কাৰ্ড বনোৱাৰ নামত প্ৰতিজন হিতাধিকাৰী অথবা গ্ৰাহকৰ পৰা ৫০ টকাৰ পৰা ১০০ টকা পৰ্যন্ত কমিচন সংগ্ৰহ কৰাৰ কথা অভিযোগ পএত উল্লেখ কৰে । পঞ্চায়ত খনত জব কাৰ্ড বনোৱাৰ নামত ১০০ টকাকৈ সংগ্ৰহ কৰি তাতো বহু টকা লুন্ঠন কৰে। অসম চৰকাৰৰ পঞ্চায়ত আৰু গ্ৰামোন্নয়ন বিভাগে 14 Finance ৰ নামত আৰ্থ ফিলিংগ, ছি ছি ব্লগ, ছোলাৰ পাৱাৰ প্ৰজেক্ট, ফ্লৰ কাচটিং, বিভিন্ন প্ৰতিষ্ঠানৰ চাৰিসীমাৰ পকী বেৰৰ নামত কেইবা কৌটি টকা আৱণ্টন দিছিল আৰু ধনো মোকলাই দিছিল চৰকাৰে। কিন্তু উক্ত আচনিৰ মাথো ২০% শতাংশ কাম কৰি বাকী ৮০ শতাংশ টকা লুন্ঠন চলোৱা বুলি জানিব পৰা গৈছে। বিত্তীয় বছৰ ২০২০ চনত মাৰাত্মক কৰণা ভাইৰাছ প্ৰতিৰোধ কৰিব বাবে বিভাগে দুটা কিস্তিত ৫ লাখ ৮০ হাজাৰ টকা মাক্স ঞয় কৰি ৰাইজৰ মাজত বিতৰণ কৰিবলৈ ধন আৱণ্টন দিছিল যদিও মাথাে ৬০০০ হাজাৰ টকাৰ মাক্স বিতৰণ কৰি বাকী ৫ লাখ ৭৭ হাজাৰ টকা আত্মসাৎ কৰে। ইয়াৰ উপৰিও সৌৰচালিত চোলাৰ অতি নিম্ন গামী পঞ্চায়তৰ বিভিন্ন ঠাইত দিছিল যদিও এমাহৰ ভিতৰত সকলো সোলাৰ নষ্ট হৈ যায়। গতিকে অনতি পলমে উক্ত দুৰ্ণীতি পৰায়ন সচীব, জি আৰ এছ আৰু সচীবৰ দুৰ্ণীতিৰ বিৰুদ্ধে তদন্ত কৰি গ্ৰেপ্তাৰৰ দাবী জনায় অভিযোগ কাৰীয়ে ।এতিয়া জিলা উপায়ুক্ত কি ব্যৱস্থা লয় সেয়া লক্ষনীয় হব ।

বজাৰত লাগিছে জুই ,যোগান মন্ত্ৰী আছে শুই আদি ধ্বনিৰে প্ৰতিদিনেই বিভিন্ন দল সংগঠনে ৰাজ্য খনৰ আকাহ বতাহ কপাই তোলাৰ সময়তে  কেঁচা চাহ পাতৰ বজাৰ মুল্য দিনক দিনে হ্ৰাস পোৱাত ক্ষোভিত হৈ পৰিছে ক্ষুদ্ৰ চাহ খেতিয়ক সকল ।দেৰগাঁও নগৰৰ সমিপৰ তেলিয়া সোনাৰী গাৱত সদৌ অসম ক্ষুদ্ৰ চাহ খেতিয়ক সন্থাৰ অন্তৰ্গত গোলাঘাট উত্তৰ আঞ্চলিক ক্ষুদ্ৰ চাহ খেতিয়ক সন্থাই এখনি সংবাদ মেলৰ আয়োজন কৰে ।প্ৰতিদিনেই খাদ্য সামগ্ৰীৰ দাম আকাশ লংঘী হৈ আছে যদিও কেচা চাহ পাতৰ দাম নিম্নগামী হোৱাত শংকিত হৈ সন্থাৰ বিষয় ববীয়াই সংবাদমেল যোগে ক্ষোভ প্ৰকাশ কৰে ।সংবাদ মেলত উপস্থিত থকা সদৌ অসম ক্ষুদ্ৰ চাহ খেতিয়ক সন্থাৰ সভাপতি গোপাক কৃষ্ণ খাউণ্ডে কেচা চাহ পাতৰ দাম নিৰ্ধাৰণ কৰা বিভাগ বোৰ কাৰ নিৰ্দেশত উঠা বহি কৰি ৰাইজৰ তেজ শুহি খাইছে বুলি প্ৰশ্ন উত্থাপন কৰিছে ।উদ্যোগ মন্ত্ৰী চন্দ্ৰ মোহন পাটোৱাৰীয়ে নিজ বিভাগ পৰিচালনা কৰাত চুড়ান্ত ব্যৰ্থ হোৱা বুলি অভিযোগ তুলি মুখ্য মন্ত্ৰীৰ হস্তক্ষেপ দাবী কৰে এই খেতিয়ক সকলে ।কৃষিমন্ত্ৰী অতুল বৰাৰ গৃহ জিলা গোলাঘাটতেই কৃষক সকলৰ চৰম দুৰ্দশা ।নিজা পৰিশ্ৰমৰে গাৰ ঘাম মাটিত পেলাই চাহ খেতি কৰা কৃষক সকলে উচিত দামৰ পৰা বঞ্চিত হোৱাৰ লগতে সময় মতে পথাৰত দিব নোৱাৰে ইউৰিয়া সাৰ ।এই জিলাৰ পৰাই সাৰৰ ব্যাপক চিণ্ডিটেক হয় বুলি গুৰুত্বৰ অভিযোগ উত্থাপন কৰিছে সংবাদ মেল খনত ।খুচুৰা দোকানীয়ে সাৰ ক্ৰয়ৰ বাবদ ‘আই ডি ‘ৰ প্ৰয়োজন হব বুলি জিলা কৃষি বিষয়াই জানিবলৈ দিয়ে যদিও খুচুৰা দোকানীক ‘আই ডি’ প্ৰদানৰ নামত ভেকুভাওনা কৰি আহিছে বিভাগটোয়ে ।যাৰ ফলত ইউৰিয়া সাৰ নোহোৱাকৈয়ে কৰিব লগীয়া হৈছে খেতি ।উল্লেখযোগ্য যে যি সময়ত এক কেজি চাহ পাত নিম্নতম ৩০০ টকা দৰদ ক্ৰয় কৰিব লাগে এজন গ্ৰাহকে সেইসময়তে কিন্তু এজন খেতিয়কে আজিৰ তাৰিখত এক কেজি কেচা চাহ পাত বিক্ৰী কৰিব লগীয়া হৈছে ৭-৮ টকা দৰদ ।ইপিনে বগা হাতীত পৰিনত হল ভাৰতীয় চাহ বৰ্ড বুলি কটাক্ষ কৰে সংবাদমেল খনত ।কল ঘৰ সমুহে খেতিয়ক সকলক উচিত দাম দিবলৈ কোনো দিনেই কামনা নকৰে ।আনকি দিনটোত তিনিবাৰ পৰ্যন্ত্য কেচা চাহ পাতৰ দাম উঠা নমা কৰে একাংশ ব্যক্তিৰ নিজ খেয়াল খুচি মতে ।কল ঘৰৰ মালিকক নিয়ন্ত্ৰণ কৰিবৰ বাবে কোনো শক্তিৰ আজি পৰ্যন্ত জন্ম নহল এইখন অসমত ।এশ এবুৰি সমস্যাৰে ভাৰাক্ৰান্ত এই কৃষক সকলৰ সমস্যা সমাধান কৰাৰ লগতে প্ৰাপ্য দাম নিৰ্ধাৰণ কৰিবৰ বাবে সংবাদ মেলৰ যৰিয়তে চৰকাৰলৈ দাবী জনাই সন্থাটোয়ে । আজিৰ সংবাদ মেলত গোলাঘাট উত্তৰ আঞ্চলিক ক্ষুদ্ৰ চাহ খেতিয়ক সন্থাৰ সভাপতি গকুল বৰা আৰু সম্পাদক বীৰেন হাজৰিকা, বিভূতি হাজৰিকা, বুবুল হাজৰিকা, পৰেশ হাজৰিকা, জিলা সমিতিৰ নবীন বৰুৱা, ৰিপুন হাজৰিকা আদি ব্যক্তি সকল উপস্থিত থাকে।উল্লেখযোগ্য যে সংবাদমেল খনত বাংলাদেশীতকৈও ভয়ংকৰ হৈ পৰিছে হিন্দী বলয়ৰ লোক সকল বুলি এক তাৎপৰ্য পুৰ্ন মন্তব্য প্ৰদান কৰে সন্থাৰ বিষয় ববীয়াই ।