পৌৰাণিক কীৰ্তিচিহ্ন আৰু বিভিন্ন ঐতিহাসিক  সম্পদৰ ক্ষেত্ৰত অন্যতম চহকী হৈছে   গোলাঘাট জিলাৰ ধনশিৰি মহকুমা। সমগ্ৰ ধনশিৰি মহকুমাৰ বিভিন্ন ঠাইত এতিয়াও সিচৰিত আছে এটা জাতিৰ  প্ৰাচীন ঐতিহ্য বহন কৰা বিভিন্ন পৌৰাণিক সমল।  তাৰেই ভিতৰত অন্যতম হৈছে মহকুমাটোৰ বৰপথাৰ মৌজাৰ  অন্তৰ্গত আলিচিঙা টেঙানি অঞ্চল।  1984 চনৰ পৰা বৰ্তমানলৈকে এই আলিচিঙা টেঙানি  অঞ্চলত উদ্ধাৰ হৈছে সপ্তম অষ্টম শতিকাৰ  বহু পৌৰাণিক সমল। তাৰেই ভিতৰত অন্যতম হৈছে প্ৰাচীন শিলালিপি,  স্তম্ভলিপি, পকী ঘৰ, পকী বেৰ, ৰাজহাউলি,   সূৰ্য্য মূৰ্তি,  বিষ্ণু মূৰ্তি,  শিৱ মূৰ্তি, শিৱ লিংগ, শিলৰ ভাস্কয্য,  সৰু-বৰ  পুখুৰী, গড়, খাৱৈ, পোৰা মাটিৰ লিপিযুক্ত মোহৰ, লো, তাম আৰু অন্যান্য ধাতুৰে নিৰ্মিত কাহী, বাতি, গিলাচ, হেতা আদি  অন্যতম । 1984 চনতে  অসম প্ৰত্নতত্ব সঞ্চালকালয়ৰ বিষয়া ড’ হেমেন্দ্ৰনাথ দত্তৰ নেতৃত্বত চলা খনন কাৰ্যত এই অঞ্চলৰ পৰা উদ্ধাৰ হৈছিল এটি পোৰা মাটিৰ লিপিযুক্ত মোহৰ। উদ্ধাৰ  হোৱা পোৰা মাটিৰ লিপিযুক্ত মোহৰত  শ্ৰী ৰ্ব্বসুন্ধৰ বৰ্মণৰ  নাম খোদিত হৈ আছে আৰু এই লিপি সপ্তম অষ্টম শতিকাৰ বুলি গৱেষক সকলে ঠাৱৰ কৰিছে । উল্লেখ্য যে  আলিচিঙা টেঙাণী অঞ্চলত উদ্ধাৰ হোৱা পোৰা মাটিৰ লিপিযুক্ত মোহৰটোৱেই হৈছে সেই সময়ত  অসমৰ ভূখণ্ডত  উদ্ধাৰ হোৱা প্ৰথম আৰু একমাত্ৰ মাটিৰ মোহৰ। বৰ্তমানে এই মোহৰটি গুৱাহাটীৰ অসম ৰাজ্যিক সংগ্ৰহালয়ত সংৰক্ষিত হৈ আছে।  এনে মাটিৰ মোহৰ প্ৰাচীন কালত স্বাধীন শাসনতন্ত্ৰ বা ৰাজতন্ত্ৰইহে ব্যৱহাৰ কৰিছিল আৰু  এই অঞ্চলটো ৰাজ শাসনতন্ত্ৰৰ কেন্দ্ৰস্হল বা ৰাজধানী আৰু শ্ৰী ৰ্ব্বসুন্ধৰ বৰ্মণ সেই সময়ৰ শাসন কৰ্তা বা ৰজা আছিল বুলি গৱেষণাৰ পৰা উদ্ধাৰ হৈছে। এই অঞ্চলত উদ্ধাৰ হোৱা পৌৰাণিক সমল সমূহৰ পৰা বৰ্মণ বংশৰ কছাৰী ৰজাই ৰাজত্ব কৰিছিল বুলি প্ৰমাণ পোৱা যায় । গৱেষকসকলৰ মতে শ্ৰী ৰ্ব্বসুন্ধৰ বৰ্মণ কছাৰী সকলৰ পূৰ্বৰ ৰজা আছিল । এই আলিচিঙা টেঙানি প্ৰত্নতাত্বিক স্থানতেই আছে মুখামুখিকৈ থকা দুটা বৃহৎ আকাৰৰ  পুখুৰী। পুখুৰী দুটা ইংৰাজী ইউ (U) আকৃতিৰ । শেষতীয়াভাৱে  এই পুখুৰী দুটাই আগুৰি থকা ঠাইডোখৰত 2018, 2019 আৰু 2020 বৰ্ষত অসম চৰকাৰৰ পুৰাতাত্বিক সঞ্চালকালয়ৰ সঞ্চালক ডঃ দীপি ৰেখা কৌলীৰ তত্বাৱধানত   ডেক্কান বিশ্ববিদ্যালয়, গুৱাহাটী বিশ্ববিদ্যালয়, কটন বিশ্ববিদ্যালয়, ইনষ্টিটিউট অব আৰ্কিঅ’লজি আৰু বিশ্ব ভাৰতীৰ  এদল গৱেষকে চলোৱা খনন কাৰ্যত এটি ৰাজহাউলি আৰু আন এটি গৃহ উদ্ধাৰ হৈছে । এইখিনিতে উল্লেখ কৰিব লাগিব যে এই অঞ্চলত কোৰ বা চিপৰাঙেৰে অকণমান মাটি খান্দিলেই বহল বহল আকাৰৰ ইটাৰ ভগ্নাৱশেষ  পোৱা যায় সকলোতে । আনহাতে 42 খনৰো অধিক গাঁও থকা বৃহত্তৰ টেঙানি অঞ্চলত এতিয়াও সিচৰিত হৈ আছে বহু পৌৰাণিক সম্পদ । কিন্তু পৰিতাপৰ কথা যে অৱহেলা আৰু সংৰক্ষণৰ অভাৱত  সেইবোৰৰ অধিকাংশই এতিয়া ধ্বংস স্তুপলৈ গতি কৰিছে । সেইসমূহৰ উপযুক্ত খনন আৰু পুনৰুদ্ধাৰৰ কৰি অধ্যয়ন আৰু গৱেষণাৰ জৰিয়তে অসমৰ ইতিহাসৰ বহু পৃষ্ঠা মুকলি হোৱাৰ থল আছে ।      অসম  চৰকাৰৰ প্ৰত্নতত্ব সঞ্চালকালয়ে ইতিমধ্যে এই ঠাইডোখৰ প্ৰত্নতাত্বিক স্থান হিচাপে ঘোষণা কৰিছে । কিন্তু পৰিতাপৰ কথা যে প্ৰত্নতাত্বিক স্থান হিচাপে ঘোষণা কৰাৰ বহু বছৰ  পাছতো কেৱল মাত্ৰ  সংৰক্ষণৰ নামত এখন  পকী বেৰহে নিৰ্মাণ কৰিছে। আনহাতে পকী বেৰৰ লগত স্হাপন কৰা দুখনকৈ লোহাৰ গেট নিৰ্মাণৰ এমাহৰ পিছতেই কোনো দুষ্কৃতিকাৰীয়ে চুৰ কৰি লৈ যায় । আজিকোপতি আৰক্ষীয়ে তদন্ত কৰি দুষ্কৃতিকাৰীক কৰায়ত্ব কৰিবলৈ সক্ষম নহ’ল । আনহাতে এই প্ৰত্নতাত্বিক স্থানৰ কাষেৰে বৈ যোৱা ধনশিৰি নদীৰ পাৰত 2002 -2003 বৰ্ষত প্ৰায় 15 ফুট বহল আৰু প্ৰায় 12 ফুট ওখৰ মাটিৰ ভিতৰত থকা এখন ইটাৰ বেৰ ৰাইছে প্ৰত্যক্ষ কৰিছিল । পকী বেৰখনৰ অৱস্হিতিলৈ চাই বহুতেই সেইয়া ঘৰ বা মন্দিৰ বুলি বহুতেই  অনুমান কৰিছিল। আনহাতে  বিভিন্ন সংবাদ মাধ্যমতো এই বিষয়ে প্ৰকাশ পাইছিল। কিন্তু উদ্ধাৰৰ ক্ষেত্ৰত কোনো ধৰণৰ ব্যৱস্হা গ্ৰহণ নকৰাত বাৰিষা  অহা বানপানীয়ে উটুৱাই লৈ যায়। এনেদৰেই বহু ৰজাদিনীয়া সম্পদ ধ্বংসস্তুপলৈ গতি কৰাৰ নিদাৰুণ অৱস্থালৈ  পৰিণত  হৈছে ।     

কছাৰী ৰজা দিনৰ ইংৰাজী ইউ (U) আকৃতিৰ মুখামুখিকৈ থকা  বৃহৎ পুখুৰী দুটা থকা ঠাইডোখৰ আছে  এক সুন্দৰ প্ৰাকৃতিক মনোমোহা পৰিবেশৰ মাজত । এই পুখুৰী দুটা স্হানীয় চৰাইৰ লগতে নানা ধৰণৰ পৰিভ্ৰমী চৰাইৰ বসতিস্থল । পৰ্যটন থলী হিচাপে গঢ় দিবলৈ প্ৰাকৃতিক ভাৱে সকলোবোৰ উপাদানেই আছে এই ঠাইডোখৰত । স্থানীয় ৰাইজৰ লগতে মহকুমাটোৰ বিভিন্ন দল সংগঠনে দীৰ্ঘদিনৰ পৰা ঠাইডোখৰক পৰ্যটন থলী হিচাপে গঢ়ি তুলিবলৈ চৰকাৰৰ ওচৰত দাবী জনাই আহিছে । চৰকাৰৰ অকণমান সদিচ্ছাত এই ঠাইডোখৰ হৈ পৰিব এক সুন্দৰ পৰ্যটন স্হলীলৈ । পৌৰাণিক কীৰ্তি চিহ্ন সমূহ সংৰক্ষণ হোৱাৰ লগতে দেশী বিদেশী পৰ্যটকৰ আকৰ্ষণৰ কেন্দ্ৰবিন্দু হব এই ঠাইখিনি। লগতে অধ্যয়ন আৰু গৱেষণাৰ সমল হব এই সম্পদৰাজি । আনহাতে ধনশিৰি বাসীৰ আন এক দীৰ্ঘদিনৰ সমস্যা হৈছে এখন উদ্যানৰ । মহকুমাটোৰ ৰাইজৰ আজৰি সময় কটোৱাৰ বাবে  আজিলৈকে এখনো উদ্যান স্হাপন নহ’ল । পৰ্যটন ক্ষেত্ৰ হিচাপে গঢ়ি তুলিলে মহকুমাবাসীৰ উদ্যানৰ ক্ষেত্ৰত থকা পুৰণি সমস্যা সমাধান হোৱাৰ লগতে চৰকাৰী ৰাজহ আহৰণৰো এক উৎস হৈ উঠিব । অকল সেইয়াই নহয় ঐতিহাসিক পুখুৰী দুটাত মৎস পালন, হাঁহ পালন, নৌকা চালন  লগতে ৰেষ্টুৰেন্ট, হোটেল,  আদি ব্যৱসায়ৰ জৰিয়তে কেইবাজনো স্থানীয় নিৱনুবা যুৱক-যুৱতী  সংস্হাপন লাভ কৰিব পাৰিব । লগতে স্থানীয় উৎপাদিত কৃষিজাত সামগ্ৰী বিক্ৰীৰ জৰিয়তে কৃষকসকল লাভান্বিত হ’ব পাৰিব । আনহাতে যুৱতী-মহিলা সকলেও  হাতে বোৱা পৰম্পৰাত  সাজ পোচাক বিক্ৰীৰ জৰিয়তে স্বাৱলম্বী হবলৈ সক্ষম হব। উল্লেখ্য যে কিছুদিনৰ আগেয়ে স্থানীয় বিধায়ক গৰাকীয়ে এই ঠাইডোখৰ  পৰিদৰ্শন কৰি উপযুক্ত সংৰক্ষণ আৰু পৰ্যটন স্হলী হিচাপে গঢ়ি তুলিবলৈ যাবতীয় ব্যৱস্থা গ্ৰহণ কৰা হব বুলি ৰাইজৰ আগত প্ৰতিশ্ৰুতি দিছিল । এইক্ষেত্ৰত বিধায়ক গৰাকীয়ে পৰৱৰ্তী সময়ত  কিদৰে কায্য প্ৰণালী গ্ৰহণ কৰে সেইয়াহে লক্ষ্যণীয় হব।

বিটিআৰ ওদালগুৰি জিলাৰ অন্তৰ্গত টংলা স্থিত টংলা চাটগাৰী উপডাকঘৰত গ্ৰাহকৰ ধন হৰলুকি কৰা ঘটনাই অঞ্চলটোত চাঞ্চল্যৰ সৃষ্টি কৰিছে।জানিব পৰা মতে গকুল দাস নামৰ কৰ্মচাৰী জনে দীৰ্ঘদিনে টংলা চাটগাৰি উপ ডাকঘৰত জমা থোৱা গ্ৰহকৰ ধন  পাচবুকত জমা ৰখাৰ পৰিৱৰ্তে গ্ৰাহকৰ ধন আত্মসাৎ কৰি আহিছে । যাৰ পৰিপেক্ষিতত আজি ভুক্তভোগী গ্ৰহকৰ পৰা সংশ্লিষ্ট ঘটনাৰ বিবৰণ জানিব পোৱা যায়।”উল্লেখ যে যোৱা ২০১৭ চনৰ পৰা টংলা চাটগাৰি উপডাকঘৰত প্ৰবিন কুৱৰ নামৰ এজন ব্যক্তিয়ে প্ৰতিমাহে ডাকঘৰ কৰ্মচাৰী গকুল দাসৰ দ্বাৰাই ডাকঘৰ পাচবুকত ধন সংগ্ৰহ কৰি আহিছিল যেতিয়ালৈকে গকুল দাসক টংলা ডাকঘৰৰ পৰা অইন ঠাইলৈ স্থানান্তৰ কৰা নাছিল।
কিন্তু কৰ্মচাৰী গকুল দাস যেতিয়া টংলা ডাকঘৰৰ পৰা অইন ঠাইলৈ স্থানান্তৰ কৰা হ’ল, তেতিয়া জমা থোৱা সৰ্বমুঠ টকাৰ ভিতৰতে হঠাৎ গ্ৰাহক প্ৰবিন কুৱৰৰ সাত হাজাৰ জমা ধন হৰলুকি হোৱাত ডাকঘৰ কৃতপক্ষক জনোৱা হয় যদিও বৰ্তমান গ্ৰাহকৰ ধন হৰলুকি হোৱাৰ ক্ষ্যত্ৰত কনো ধৰণৰ ব্যৱস্থা হাতত লোৱা নাই আৰু এতিমধ্যে টংলা চাটগাৰি উপডাকঘৰত এনেধৰণৰ ধন হৰলুকি হোৱা ঘটনা কেইবাৰো হৈছে বুলি গ্ৰাহক জনৰ মুখৰ পৰা জানিব পৰা যায়।।কিন্তু এক প্ৰশ্ন উত্থাপন হয় কি কাৰণত গ্ৰাহকৰ জমা থোৱা ধন  এনে ধৰণে হৰলুকি হ’ব পাৰে ।এনেহেন কৰ্মচাৰী তথা ডাকঘৰ কতৃপক্ষক চৰকাৰে খনে কি ব্যৱস্থা ল’ব পৰৱৰ্তি পৰ্যায়ত সেয়াহে লক্ষণীয় হ’ব।

ৰাজ্যৰ বিশিষ্ট আইনজীৱী তথা আন্ত:ৰাষ্ট্ৰীয় ক্ৰীড়া সংগঠক নিলয় দত্তৰ আজি পুৱতি নিশা কৰ্ণাটকৰ কুৰ্গত হৃদৰোগত আক্ৰান্ত হোৱাৰ পিছত মৃত্যু হয়। হঠাৎ হাৰ্ট এটেকৰ ফলত ৬৮ বছৰ বয়সত তেখেতৰ আজি মৃত্যু হয়। তেওঁ অৰুণাচল প্ৰদেশৰ এডভোকেট জেনেৰেল, অসম আইন আয়োগৰ সদস্য, সদৃশ উকীল সন্থাৰ পৰামৰ্শদাতা আৰু ক্ৰিকেট আম্পায়াৰ, ৰেফাৰী আৰু এজন প্ৰশাসক আছিল।

কালি অসম ৰাজ্যিক শিশু সুৰক্ষা সমিতিৰ সদস্য সচিব পাৰ্থ প্ৰতীম মজুমদাৰে তিনিচুকীয়া জিলাৰ শিশুসকলৰ অৱস্থাৰ বুজ লোৱাৰ লগতে জিলাখনৰ শিশুগৃহ সমূহো পৰ্যবেক্ষণ কৰে। ডুমডুমা আৰক্ষী থানাৰ অন্তৰ্গত  গংগাবাৰীৰ কেশৱ বাহেতী সূৰ্যোদয় শিশুগৃহৰ শিশু সকলে এটি সমবেত গীতেৰে সচিব গৰাকীক আদৰণি জনায়। কেশৱ বাহেতী সূৰ্যোদয় শিশুগৃহৰ সম্পাদক অখিল চন্দ্ৰ বৰুৱা, অধীক্ষক প্ৰিয়ংকা শৰ্মা আৰু বৰষা বৰঠাকুৰে শৰাই, চেলেং আৰু জাপিৰে সচিব পাৰ্থ প্ৰতীম মজুমদাৰক সম্বৰ্ধনা ঞ্জাপন কৰে। জিলাখনৰ বিশেষ ভাবে সক্ষম শিশুসকলক লৈ যে বিভিন্ন সমস্যাৰ সৃষ্টি হৈছে আৰু তেওলোকৰ সুৰক্ষাৰ বাবে প্ৰয়োজনীয় ব্যৱস্থা গ্ৰহনৰ আশ্বাস প্ৰদান কৰে সচিব গৰাকীয়ে। শিশুসকলক সুন্দৰ কৈ কেশৱ বাহেতী সূৰ্যোদয় শিশুগৃহত সুৰক্ষা দিয়াৰ বাবে সচিব গৰাকীয়ে শিশুগৃহৰ কৰ্তৃপক্ষক  ধন্যবাদ জ্ঞাপন কৰে। জিলা শিশুসুৰক্ষা গোটৰ বিষয়া ৰিজুৱানা তাচমিন হাজৰিকাই ফুলাম গামোছাৰে শিশুগৃহতেই সচিব গৰাকীক আদৰণি জনায় । জিলাখনৰ পূৰ্বোত্তৰ আৰু আদৰ নামৰ শিশুগৃহ দুটিও সচিব গৰাকীয়ে পৰ্যবেক্ষণ কৰে।

 তিনিচুকীয়া জিলাৰ অন্তৰ্গত মাৰ্ঘেৰিটা বিধানসভা সমষ্টিৰ অন্তৰ্গত অসম অৰুণাচলৰ সীমান্তবৰ্তী অঞ্চল মাধৱপুৰ বৰডুমচা বজাৰ তিনিআলিত ছাত্ৰ মুক্তি সংগ্ৰাম সমিতি বৰডুমচা পেঙেৰী আঞ্চলিক সমিতিয়ে অসমৰ শক্তিমন্ত্ৰী বিমল বৰাৰ প্ৰতিমূৰ্ত্তি দাহ কৰি বৈদ্যুতিক নিয়মীয়াকৰণ কৰিবলৈ প্ৰতিবাদ সাব্যস্ত কৰে। সংগঠনটোৰ অভিযোগ অনুসৰি মুখ্যমন্ত্ৰী শৰ্মাৰ নেতৃত্বাধীন বিজেপি চৰকাৰ খনে কোনো ধৰণৰ উন্নয়ন কৰিব নাই পৰা সেইয়া কৰ্মৰ মাজতে প্ৰকাশ পাইছে। ২৪ ঘন্টাই বিজুলী বাতি যোগান ধৰাৰ শ্লোগান গোৱা এই বিজেপি  চৰকাৰে প্ৰায় দুই ঘণ্টাও হঠিক ভাৱে বিজুলী বাতি যোগান ধৰিবলৈ সক্ষম হোৱা নাই।ইয়াৰ বাবে ৰাতিক দিন কৰি,দিনক ৰাতি কৰি গৰমৰ পৰা পৰিত্ৰাণ পাবলৈ বুঢ়ীদিহিংবাসীৰ বহুলোকে নিজৰ দৈনন্দিন জীৱনৰ কাৰ্য্যসূচী সলনি কৰি সমস্যা সমাধানৰ প্ৰয়াস কৰাৰ কথা প্ৰকাশ কৰে। বিজেপী চৰকাৰ গ বেগ, বিমল বৰা মুণ্ডবাদ, বিদ্যুৎ নিয়মীয়াকৰণ কৰিব লাগিবৈ, ছাত্ৰ মুক্তি সংগ্ৰাম সমিতি জিন্দাবাদ আদি শ্লোগানৰে অঞ্চলটোত এক মূহুৰ্তৰ বাবে যুকাৰণি সৃষ্টি কৰাৰ পৰিলক্ষিত হয়। তিনিচুকীয়া জিলাৰ অন্তৰ্গত দ্বিতীয় বৃহৎ বজাৰ মাধৱপুৰ বৰডুমচাৰ প্ৰায় পাঁচ শতাধিক লোকৰ ভিৰৰ মাজতে বিমল বৰাৰ প্ৰতিমূৰ্ত্তি দাহ কৰি বিদ্যুৎ যোগানৰ ক্ষেত্ৰত সহায় হোৱাকৈ বৈদ্যুতিক কণ্ট্ৰল চেণ্টাৰ স্থাপন, কেবুল লাইন প্ৰদান আৰু ২৪ ঘণ্টাই বিজুলী বাতি যোগান ধৰিবলৈ হুংকাৰ প্ৰদান কৰে।সংগঠনটোৰ আঞ্চলিক সমিতিৰ উপদেষ্টা গৌতম বৰুৱা, সম্পাদক মন্টুশ মৰাণৰ লগতে অন্যান্য সংগঠনটোৰ বিষয়ববীয়াসকলে অসম চৰকাৰৰ মুখ্যমন্ত্ৰী আৰু শক্তিমন্তিক  শ্ৰীঘেই উক্ত ব্যবস্থা গ্ৰহণ নকৰিলে সমূহ বুঢ়ীদিহিংবাসীক লগত লৈ  জংকী আন্দোলন কৰিবলৈ সাজু হোৱাৰ কথা সংবাদ মাধ্যমৰ আগত প্ৰকাশ কৰে।

ধৰ্ম নিৰপেক্ষ দেশ এখনত গণতান্ত্ৰিক চৰকাৰৰ বৈষ্যম্মমুলক আচৰণে ক্ষুদ্ধ কৰি তুলিছে জনগনক । তেত্ৰিছ খন জিলাৰ ভিতৰত ২৭ খন জিলাত টেট পৰীক্ষা কেন্দ্ৰ স্থাপন কৰে যদিও ৬খন জিলাক বাদ পেলোৱা ঘটনা বিজেপি চৰকাৰৰ বাবে তীব্ৰ নিন্দা জনক। উল্লেখ্য যে, ৰাজ্য খনৰ উপ – নিৰ্বাচনৰ ললীপপ হিচাপে ধৰ্মীয় সংখ্যালঘু অধ্যুষিত জিলা সমূহক বাদ দি টেট পৰীক্ষা কেন্দ্ৰ স্থাপন কৰা কাৰ্য্যই অকল মুছলমানেই নহয় হিন্দু সম্প্ৰদায়ৰ ছাত্ৰ ছাত্ৰী সকলোও বঞ্চিত হব লগীয়া কাৰ্য্যৰ বিৰুদ্ধে পৰ্বতঝোৰা জিলা আমছুৱে আজি দেবীতোলাত অসমৰ শিক্ষা মন্ত্ৰী ৰণোজ পেগুৰ প্ৰতিমূৰ্তি দাহ কৰে । স্মৰ্তব্য যে, যি বিলাক জিলাত কভিডৰ ভয়াৱহতা যথেষ্ট বেছি সেই সমূহ জিলা বাদ দিয়া নাই । কিন্তু ৰাজ্য খনৰ মূখ্যমন্ত্ৰীৰ স্বভাৱ সুলভ মন্তব্যই বাৰু কৈ লজ্জানত কৰি পেলাইছে সমগ্ৰ অসম বাসীক।