অসম সাহিত্য সভাৰ কেন্দ্ৰীয় কাৰ্যালয় চন্দ্ৰকান্ত সন্দিকৈ ভৱন প্ৰাঙ্গণস্থিত ৰাধাকান্ত সন্দিকৈ ভৱনৰ সভাকক্ষত লৱ(ৰাজু) কুমাৰ দত্তৰ সভাপতিত্বত অনুষ্ঠিত সভাত যোৰহাটৰ অংকুৰণ প্ৰকাশনে প্ৰকাশ কৰা ৬ খন গ্ৰন্থ উন্মোচন কৰা হয়। শৰ্মীষ্ঠা বৰ্মনে লেখা “মোৰ ভ্ৰমণ ডায়েৰী” অসম নাট্য সন্মিলনৰ প্ৰাক্তন সভাপতি ডঃ অখিল চক্ৰৱৰ্তীয়ে, শিক্ষয়িত্ৰী কুৰালগুৰিৰ ৰাজশ্ৰী বৰাই লেখা “হেঁপাহৰ আবিৰ” শিক্ষয়িত্ৰী বন্দনা দত্তই, যোৰহাটৰ নাৰায়ণ চন্দ্ৰ ঘোষে লেখা “স্মৃতিৰ সঁফুৰা” কবি সাহিত্যিক দেৱেন তাছাই, মাজুলীৰ ত্ৰিবেণী পায়েঙে লেখা “জ্যোতি” গোপালদেৱ সেৱক সমাজৰ যোৰহাটৰ সম্পাদক সুৰেশচন্দ্ৰ হাজৰিকাই, লখিমপুৰৰ আকবৰ পায়েঙে লেখা “নৱ যুৱ সমাজঃ তেজস্বী কলম” মাজুলীৰ সাংবাদিক অৱসৰপ্ৰাপ্ত শিক্ষক কিশোৰী মোহন পালে আৰু মাজুলীৰ পদ্ম পেগুৱে লেখা “মোৰ মুক্ত চিন্তা” নামৰ গ্ৰন্থখন আমাৰ অসমৰ পশ্চিম যোৰহাটৰ প্ৰতিবেদক ৰমেন শইকীয়াই উন্মোচন কৰি বক্তব্য আগবঢ়ায়। অংকুৰণ প্ৰকাশনৰ স্বত্বাধিকাৰ হেমেন নাথে আঁত ধৰা গ্ৰন্থ উন্মোচনী সভাখন ডঃ অখিল চক্ৰৱৰ্তীয়ে ধূপ-দীপ প্ৰজ্বলন কৰি শুভাৰম্ভ কৰে। অংগন-ই আলোচনীখনৰ সম্পৰ্কত ৰূপজ্যোতি নাথে বক্তব্য আগবঢ়োৱা কবিতা পাঠ অনুষ্ঠান পৰিচালনা কৰে অৰ্চনা শইকীয়াই। ৰাজ্যখনৰ বিভিন্ন স্থানৰ পৰা আহি সমবেত হোৱা সকলৰে সৌৰভ জ্যোতি দুৱৰা, ধন দাস, স্বেতা ছেত্ৰী, তেজস্বিনী বৰঠাকুৰ, ৰিতু ভৰালী, পংকজ দাস, অন্তৰীপ কাকতি, বুবুল শইকীয়া, আৰতী টুকুৰীয়া, আৰতী শইকীয়া, বিৰাজ দত্ত, প্ৰিয়ংকা কলিতা, চয়নিকা বৰুৱা, জোনা বৰঠাকুৰ, ৰাণুপ্ৰভা দত্ত, অঞ্জুমণি বৈৰাগী দত্তই স্ব-ৰচিত কবিতা পাঠ কৰে।অংকুৰণ প্ৰকাশনৰ উদ্যোগত অনলাইনযোগে আয়োজন কৰা নীলা খামৰ চিঠি প্ৰতিযোগিতাত যোৰহাটৰ বিশ্ব বৰুৱা, গোলাঘাটৰ নেইনা বৰঠাকুৰ, কাৰ্বি আংলঙৰ লক্ষ্যজিৎ শইকীয়াই, স্ব-ৰচিত কবিতা প্ৰতিযোগিতাত গুৱাহাটীৰ মধুমিতা বৰুৱা শইকীয়া, যোৰহাট টীয়কৰ ঋতুপৰ্ন দত্ত, শিৱসাগৰৰ পাৰ্থপ্ৰতিম নাথে, অংকুৰণ ৰঙালী বিহু মডেল প্ৰতিযোগিতাত শিৱসাগৰৰ কল্পদ্বীপ নাথ, যোৰহাট টীয়কৰ তছলিনা বেগম, দুলীয়াজানৰ পৰকাষ্ঠা শইকীয়াই ক্ৰমে প্ৰথম, দ্বিতীয়, তৃতীয়কৈ স্থান লাভ কৰাত পুৰষ্কাৰ প্ৰদানৰ লগতে দৰ্শনত সৰ্বোচ্চৰ বাবে শিৱসাগৰৰ অনুষ্পা দেৱীক বিশেষ পুৰষ্কাৰ ১২ ফেব্ৰুৱাৰীত অংকুৰণ প্ৰকাশনৰ উদ্যোগত ৰাধাকান্ত সন্দিকৈ ভৱনৰ প্ৰেক্ষাগৃহত অনুষ্ঠিত গ্ৰন্থ উন্মোচন আৰু কবিতা পাঠ অনুষ্ঠানত পুৰষ্কাৰ প্ৰদান কৰা হয়। উল্লেখ্য, এইঅনুষ্ঠানত অনুপস্থিত বিজয়ীসকলক কাৰ্যালয়ৰ পৰা তেওঁলোকৰ পুৰস্কাৰ সমূহ সংগ্ৰহ কৰিবলৈ অনুৰোধ জনায়।

ভাৰত চৰকাৰৰ সাংস্কৃতিক মন্ত্ৰনালয়ৰ অধীনৰ ৰাষ্ট্ৰীয় নাট্য বিদ্যালয়, নতুন দিল্লীৰ উদ্যোগত আৰু গোলাঘাট এমেচাৰ থিয়েটাৰ চ’চাইটিৰ সহযোগত চ’চাইটিৰ মঞ্চত অনুষ্ঠিত হ’ব নাট সমাৰোহ ।

অহা ২৪ ফেব্ৰুৱাৰীৰ পৰা আয়োজন কৰা নাট সমাৰোহ খনি ২৮ ফেব্ৰুৱাৰীলৈকে পাঁচদিনীয়াকৈ অনুষ্ঠিত হ’ব । নাট সমাৰোহ খনিৰ বিষয়ে কালি অনুষ্ঠিত এক সংবাদমেলত এই কথা প্ৰকাশ কৰে সমাৰোহৰ মুখ্য সমন্বয়ক ডা: মানস ৰয়ে । সমন্বয়ক গৰাকীয়ে সংবাদমেলত প্ৰকাশ কৰা অনুসৰি নাট সমাৰোহত ভাৰতৰ কেইবাগৰাকীও খ্যাতনামা নাট্যকাৰৰ নাটক মঞ্চায়ন কৰিব ৰাষ্ট্ৰীয় নাট্য বিদ্যালয়ৰ ৰেপাৰেটাৰী নাট্য দলে ।

ৰাষ্ট্ৰীয় ভাষা হিন্দীত মঞ্চায়ন হ’ব লগীয়া নাটক সমূহৰ সূচী  এনেধৰণৰ,  ২৪ ফেব্ৰুৱাৰীত নাটক ‘পেহলা সত্যাগ্ৰহী’ পৰিচালক প্ৰফেছাৰ সুৰেশ শৰ্মা । ২৫ ফেব্ৰুৱাৰীত নাটক ‘তাজমহল কি টেণ্ডাৰ’ পৰিচালক চিত্তৰঞ্জন ত্ৰিপাঠী । ২৬ ফেব্ৰুৱাৰীত নাটক  ‘জাত হী পুছৌ সাধু কি’ পৰিচালক ৰাজেন্দ্ৰ নাথ । ২৭ ফেব্ৰুৱাৰীত নাটক ‘খামোশী চিলি চিলি’ পৰিচালক প্ৰফেছাৰ সুৰেশ শৰ্মা আৰু ২৮ ফেব্ৰুৱাৰীত নাটক ‘বায়েন’  পৰিচালক ঊষা গাংগুলী  ।

উল্লেখিত ৫টা তাৰিখৰ প্ৰতি সন্ধিয়া ৬-৩০ বজাৰ পৰা নাটক মঞ্চস্থ কৰা হ’ব । কোনো প্ৰৱেশ পত্ৰৰ ব্যবস্থা নকৰা এই সমাৰোহত দৰ্শক সকলে বিনামুলীয়াকৈ নাটক উপভোগ কৰিব পাৰিব বুলি উল্লেখ কৰি সকলো নাট্য প্ৰেমী দৰ্শকক নিমন্ত্ৰণ জনাইছে সংবাদমেলৰ জৰিয়তে ।

সংবাদমেলত সমাৰোহৰ সমন্বয়ক ক্ৰমে ডা ; অজিত বৰুৱা, অনিল শৰ্মা, দীপমনি খাটনীয়াৰ, মৃদুল কাকতী, নিলোফাৰ -ই -মাহটাবী  উপস্থিত আছিল ।