Sukur-Karishma: আহি আছে শুকুৰ-কৰিশ্মাৰ নতুন প্ৰজেক্ট !
শুকুৰ আলী আৰু কৰিশ্মা নাথৰ অনুৰাগীৰ বাবে ভাল খবৰ ! কিয়নো, অতি সোনকালে দুয়োকে একেলগে দেখিবলৈ পাব। দুয়ো বৰ্তমান ব্যস্ত নতুন প্ৰজেক্টৰ শ্বুটিঙত। শুকুৰ-কৰিশ্মাৰ উপৰিও আৰু বহুলোকে অভিনয় কৰিছে তেওঁলোকৰ নতুন প্ৰজেক্টত।(Sukur-Karishma)
নতুন প্ৰজেক্টৰ শ্বুটিঙৰ এটা ভিডিঅ’ সামাজিক মাধ্যমত ভাইৰেল হৈছে। সেই ভিডিঅ’টোৰ পৰাই জানিব পৰা গৈছে তেওঁলোকৰ নতুন প্ৰজেক্টৰ বিষয়ে। অৱশ্যে তেওঁলোকৰ নতুন প্ৰজেক্টটো ছবি, চুটি ছবি নে মিউজিক ভিডিঅ’ এই সন্দৰ্ভত সঠিককৈ একো কোৱা নাই।
সেই ভাইৰেল ভিডিঅ’টোত হাজাৰ হাজাৰ কমেণ্ট অনুৰাগী আৰু সমালোচকৰ। কোনো কোনোৱে তেওঁলোকৰ সেই ভিডিঅ’টোত মৰম আৰু আশীৰ্বাদ দিছে যাতে তেওঁলোকে আগবাঢ়ি য়ায়। আনহাতে আন একাংশই তেওঁলোক দুয়োকে নানা অশ্লীল বাক্যৰে কমেণ্ট কৰিছে। ভাইৰেল ভিডিঅ’টো চাওক-
শুকুৰ-কৰিশ্মাৰ নতুন প্ৰজেক্টৰ সন্দৰ্ভত আপুনি কি ক’ব ?
দৈনন্দিন বাৰ্তাৰ সেৱা, দৰং, ২৯ মাৰ্চঃ গোৰেশ্বৰত অনুষ্ঠিত হোৱা বিহু সুৰক্ষা সমিতি(Bihu Suraksha Samiti) অসমৰ সপ্তম দ্বি-বাৰ্ষিক কেন্দ্ৰীয় পূৰ্ণকালীন অধিবেশনৰ ২৯ মাৰ্চত ৫ বজাত জাগৰন কাৰ্যসুচীৰে অনুষ্ঠিত হোৱা তিনিদিনীয়াকৈ অনুষ্ঠিত কৰা অধিৱেশনৰ আৰম্ভ হয়৷
৬ বজাত ৰূপায়ন হয় প্ৰভাতী অনুষ্ঠান, ৭-৩০ পৰিবেশ নিকাকৰন, ৮-৩০ গছপুলি ৰোপন, ১০ বজাত প্ৰতিনিধি, বিহুৱা-বিহুৱতী আৰু বিহু বিচাৰক সকলৰ নাম পঞ্জীয়ন, ১০-৩০ বজাত প্ৰদশৰ্নী আৰু গ্ৰন্থ বিপিনী উদঘাটন হোৱাৰ পিছতে ১১ বজাত অনুষ্ঠিত হয় মহিলা মঞ্চৰ কেন্দ্ৰীয় সমাৰোহ৷
মহিলা মাৰাথান দৌৰ প্ৰতিযোগিতা উদ্বোধন কৰিব অসম চৰকাৰৰ সমবায় বিভাগৰ সহ: পঞ্জীয়ক আব্দুল লতিফে। মহিলা মাৰাথান দৌৰ প্ৰতিযোগিতাৰ প্ৰথম বঁটা প্ৰয়াত সম্ভুৰাম দাস আৰু প্ৰয়াত আইতৰা দাস সোঁৱৰণী বঁটাৰ লগতে প্ৰাইজমাণি ৩০০১ টকা, দ্বিতীয় বঁটা প্ৰয়াত প্ৰণৱ ভক্ত সোঁৱৰণী বঁটাৰ লগতে প্ৰাইজমাণি ২০০১ টকা, তৃতীয় বঁটা প্ৰয়াত তুলসী বৈশ্য সোঁৱৰণী বঁটাৰ লগতে প্ৰাইজমাণি ১০০১ টকা দিয়া হ’ব। পুৱা ৮.৩০ বজাত বিভিন্ন খেল-ধেমালি প্ৰতিযোগিতা বংশৰ উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত হ’ব।
খেল-ধেমালি প্ৰতিযোগিতা উদ্বোধন কৰিব সদৌ বংশৰ ৰঙালী বিহু সন্মিলনৰ প্ৰাক্তন সভাপতি বিশ্বমোহন গোস্বামীয়ে, পুৱা ১০ বজাত বংশৰ উচ্চতৰ মাধ্যমিক বিদ্যালয়ত সাহিত্য প্ৰতিযোগিতা উদ্বোধন কৰিব ৰাজ্যিক কৃতি শিক্ষক বঁটা প্ৰাপক, অৱসৰী প্ৰধান শিক্ষক ভগৱান বৈশ্যই, বিয়লি ৪ বজাত মুকলি কুইজ প্ৰতিযোগিতা উদ্বোধন কৰিব কটন বিশ্ববিদ্যালয়ৰ সহযোগী অধ্যাপক ডঃ কমলকৃষ্ণ ৰাজবংশীয়ে, সন্ধিয়া ৬.৩০ বজাত সদৌ বংশৰ ৰঙালী বিহু সন্মিলনৰ প্ৰতিষ্ঠাপক সভাপতি প্ৰয়াত ইদ্ৰিশ আলী সোঁৱৰণী সাংস্কৃতিক মঞ্চত বন্তি প্ৰজ্বলন কৰিব সদৌ বংশৰ ৰঙালী বিহু সন্মিলনৰ প্ৰাক্তন সভাপতি তথা যুৱনেতা ছাইদুল ইছলামে, সন্ধিয়া ৬.৪৫ বজাত সাংস্কৃতিক মঞ্চ উদ্ধোধন কৰিব অসম চৰকাৰৰ মূখ্যমন্ত্ৰীৰ বিশেষ কৰ্তব্যৰত বিষয়া হেমন্ত চৌধুৰীয়ে,
সন্ধিয়া ৭ বজাত সাংস্কৃতিক সন্ধিয়া উদ্ধোধন কৰিব মাহেকীয়া সংস্কৃতিৰ দাপোণ কাকতৰ মুখ্য সম্পাদক দিনমনি ভাণ্ডাৰ কায়স্থই, সাংস্কৃতিক সন্ধিয়াত বিশিষ্ট অতিথি হিচাপে উপস্থিত থাকিব অসম চৰকাৰৰ পৰিবহণ বিভাগৰ বিশেষ কৰ্তব্যৰত বিষয়া গৌতম দাস, গুৱাহাটী গেট হস্পিটেলৰ চি এম ডি ডা: বেদব্ৰত পাঠক, প্ৰাক্তন ছাত্ৰ নেতা প্ৰকাশ দাস, দীনবন্ধু বঁটাপ্ৰাপক বলেন ৰাজবংশী, বিশিষ্ট সমাজকৰ্মী ডঃ কেশৱ কলিতাই।
Myanmar-Bangkok Earthquake: ম্যানমাৰৰ ভূমিকম্প: নিহতৰ সংখ্যা ১,০০২ অতিক্ৰম, উদ্ধাৰ অভিযান অব্যাহত; মৃত্যুৰ সংখ্যা বৃদ্ধিৰ আশংকা !
ম্যানমাৰত ভূমিকম্পৰ ফলত নিহতৰ সংখ্যা ১,০০০ অতিক্ৰম কৰিছে। শনিবাৰে পুৱা সংবাদ সংস্থাই দেশখনৰ সামৰিক জুণ্টা চৰকাৰৰ উদ্ধৃত কৰি কয় যে ভূমিকম্পৰ ফলত কমেও ৬৯৪ জন লোকৰ মৃত্যু হৈছে।(Myanmar-Bangkok Earthquake) আহতৰ সংখ্যা ১৬৭০ জন। ম্যানমাৰৰ চৰকাৰী সংবাদ মাধ্যমই পিছত মৃত্যুৰ সংখ্যা ১,০০২ জন বুলি কয়। মুঠ ২,৩৭৬ জন লোক আহত হৈছে। ত্ৰিশজন লোক সন্ধানহীন হৈ আছে। দেশৰ বৃহৎ অংশত এতিয়াও উদ্ধাৰ অভিযান চলি আছে। ফলস্বৰূপে, মৃত্যুৰ সংখ্যা আৰু বৃদ্ধি হোৱাৰ আশংকা কৰা হৈছে। ম্যানমাৰে এই কঠিন সময়ত আন দেশসমূহক সহায়ৰ বাবে আবেদন জনাইছে। ইতিমধ্যে ভাৰতৰ পৰা ১৫ টন সাহায্য সামগ্ৰী কঢ়িয়াই অনা এখন বিমান শনিবাৰে পুৱা ম্যানমাৰলৈ ৰাওনা হৈছে৷
শুকুৰবাৰে পুৱাৰ পৰা ভাৰতৰ পূব চুবুৰীয়া দেশৰ মাটি একেৰাহে ১৫ বাৰ কঁপে। প্ৰথম ভূমিকম্পৰ প্ৰাবল্য ৰিখটাৰ স্কেলত ৭.৭ আছিল। ১০ ঘণ্টাৰ ভিতৰত, ১৪ টা আফটাৰশ্বক (ভূমিকম্পৰ পৰবৰ্তী কম্পন) অনুভৱ কৰা হৈছিল। উল্লেখ্য যে ভূমিকম্পটোৱে এটা বৃহৎ অঞ্চল তছনছ কৰি পেলায়৷ ৭.৭ প্ৰাবল্যৰ ভূমিকম্পৰ কেইমিনিটমানৰ ভিতৰতে আটাইতকৈ শক্তিশালী আফটাৰশ্বকটো সংঘটিত হৈছিল। ৰিখটাৰ স্কেলত ইয়াৰ পৰিমাণ আছিল ৬.৭। দুয়োটা ক্ষেত্ৰতে, ভূমিকম্পৰ কেন্দ্ৰস্থল 10 কিলোমিটাৰ গভীৰ আছিল। এই দুটা কম্পনে আটাইতকৈ বেছি ক্ষতি সাধন কৰিছে বুলি ধাৰণা কৰা হয়। ইয়াৰ পিছত, বাকী ‘আফটাৰশ্বক’বোৰে আতংক বৃদ্ধি কৰে। নেচনেল চেণ্টাৰ ফৰ ছিছমোলজিৰ মতে, শুকুৰবাৰে নিশা ১১.৫৬ বজাত ম্যানমাৰত ভূমিকম্প হয়। ইয়াৰ তীব্ৰতা আছিল ৪.২। আফটাৰশ্বকে উদ্ধাৰ অভিযানক অধিক কঠিন কৰি তুলে। চুবুৰীয়া থাইলেণ্ডো ম্যানমাৰত হোৱা ভূমিকম্পৰ ফলত প্ৰভাৱিত হয়। তীব্ৰ কম্পনৰ ফলত ৰাজধানী চহৰ বেংককত এটা ৩০ মহলীয়া নিৰ্মাণাধীন অট্টালিকা খহি পৰে।
ধ্বংসস্তূপৰ তলত বহু লোকৰ মৃত্যু হয়। ভাৰতৰ প্ৰধানমন্ত্ৰী নৰেন্দ্ৰ মোদীয়ে শুকুৰবাৰে ম্যানমাৰ আৰু থাইলেণ্ডৰ পৰিস্থিতিৰ ওপৰত উদ্বেগ প্ৰকাশ কৰিছে। প্ৰধানমন্ত্ৰী মোদীয়ে কয় যে ভাৰতে যিমান পাৰে সহায় কৰিবলৈ সাজু। প্ৰধানমন্ত্ৰীয়ে এই সন্দৰ্ভত বৈদেশিক পৰিক্ৰমা মন্ত্ৰালয়কো প্ৰয়োজনীয় নিৰ্দেশনা দিয়ে। সংবাদ সংস্থাৰ মতে, ভাৰতীয় বায়ু সেনাৰ এখন চি১৩০জে বিমানে শনিবাৰে পুৱতি নিশা উত্তৰ প্ৰদেশৰ হিন্দন বায়ু সেনা কেন্দ্ৰৰ পৰা উৰা মাৰে। ইয়াত কমেও ১৫ টন সাহায্য সামগ্ৰী আছে। ভূমিকম্পপীড়িত ম্যানমাৰলৈ খাদ্য, কম্বল, তম্বু, টোপনিৰ মোনা (শ্লিপিং বেগ), সৌৰ চাকি, পানী পৰিশোধক আৰু অত্যাৱশ্যকীয় ঔষধ প্ৰেৰণ কৰা হৈছে। শুকুৰবাৰে সংবাদ প্ৰতিষ্ঠানে জনোৱা অনুসৰি ম্যানমাৰত দুখন দলং খহি পৰিছে। মান্দালয় চহৰখন আটাইতকৈ বেছি ক্ষতিগ্ৰস্ত হৈছে। এটা মছজিদ খহি পৰাৰ পিছত বহু লোকৰ মৃত্যু হয়। কেইবাটাও ঘৰ ধ্বংস হয়।
ৰাতিটোৰ ভিতৰতে, জাণ্টাৰ প্ৰধান মিন অং হ্লাইঙে কয় যে তেওঁ আশংকা কৰিছিল যে মৃত্যুৰ সংখ্যা বৃদ্ধি পাব পাৰে। ‘এতিয়াও বহুতো অঞ্চলত ঘৰ ধ্বংস অৱস্থাত আছে। উদ্ধাৰ অভিযান চলি আছে। আমি যিমান পাৰো উদ্ধাৰ অভিযান চলাই আছো। কিন্তু মই আন্তৰ্জাতিক সহায়ৰ বাবেও আবেদন জনাইছো। গৃহযুদ্ধত বিধ্বস্ত ম্যানমাৰৰ বিস্তীৰ্ণ অংশ জাণ্টৰ নিয়ন্ত্ৰণৰ বাহিৰত। সেই অঞ্চলবোৰত ভূমিকম্পৰ ফলত হোৱা ক্ষতিৰ পৰিমাণ এতিয়াও প্ৰকাশ হোৱা নাই। জাণ্টই শুকুৰবাৰে কমেও ছখন প্ৰদেশত জৰুৰীকালীন অৱস্থা ঘোষণা কৰে।
