এই উপলক্ষে এক ৰাজহুৱা অনুষ্ঠান আয়োজন কৰা হয়, য’ত সেনাৰ সাহস আৰু বলিদানক স্মৰণ কৰি স্থানীয় ৰাইজে গভীৰ শ্ৰদ্ধাৰে অংশগ্ৰহণ কৰে।
উল্লেখযোগ্য যে, ৭ মে’ নিশা ভাৰতীয় সেনাই পাকিস্তানী সন্ত্ৰাসবাদীৰ বিৰুদ্ধে ‘অপাৰেচন সিন্দূৰ’ নামেৰে এক সফল সামৰিক অভিযান সম্পন্ন কৰিছিল। এই অভিযানৰ পাছতে পাকিস্তানৰ সেনাই সীমান্ত সংলগ্ন ভাৰতীয় আবাসিক অঞ্চলসমূহলৈ লক্ষ্য কৰি অপৰোচিতভাৱে গুলীচালনা কৰে, যাৰ ফলত কেইবাগৰাকী ভাৰতীয় সেনা শ্বহীদ হয়।
শ্বহীদসকলৰ ভিতৰত অসম সন্তান বীৰ লেন্স নায়ক দীনেশ কুমাৰ শৰ্মাও আছিল। তেওঁৰ অসীম সাহস আৰু বলিদানক স্মৰণ কৰি উপস্থিত সকলোৱে ১ মিনিট সময় মৌন প্ৰাৰ্থনা কৰে।
লিডুৰ তিনি আলি বাছ আস্থানত অনুষ্ঠিত এই শ্ৰদ্ধাঞ্জলি অনুষ্ঠানত বহু সংখ্যক স্থানীয় ৰাইজে অংশ গ্ৰহণ কৰে। এই অনুষ্ঠানত AIKS ৰ অসম ৰাজ্যিক কমিটিৰ সহকাৰী সম্পাদক সঞ্জীৱ গাংগুলী উপস্থিত থাকি, অপাৰেচন সিন্দূৰৰ সফলতাৰ বাবে ভাৰতীয় সেনাক অভিনন্দন জনায়।
পহলগাম আক্ৰমণৰ প্ৰত্যুত্তৰত বায়ুসেনাৰ কাৰ্য্য: 410 খনতকৈ অধিক বিমান বাতিল, 27 টা বিমানবন্দৰ সাময়িকভাৱে বন্ধ । Flights Channel
নতুন দিল্লী, ৮ মে’, ২০২৫ — FlightsChannel । পহলগামত হোৱা সন্ত্ৰাসবাদী আক্ৰমণৰ প্ৰত্যুত্তৰত ভাৰতীয় বায়ুসেনাই বৃহস্পতিবাৰে পাক অধিকৃত কাশ্মীৰত সন্ত্ৰাসবাদীৰ ঘাঁটিত কৰা সফল আক্ৰমণৰ পাছত দেশজুৰি বিমান সেৱাত ব্যাপক প্ৰভাৱ পৰিছে। যাত্ৰীসুৰক্ষাৰ কথা বিবেচনা কৰি উত্তৰ, পশ্চিম আৰু মধ্য ভাৰতৰ ২৭ টা বিমানবন্দৰ ১০ মে’ পৰ্যন্ত সাময়িকভাৱে বন্ধ ৰাখিবলৈ নিৰ্দেশ জাৰি কৰা হৈছে।
এই সিদ্ধান্তৰ ফলত বৃহস্পতিবাৰে মুঠ ৪১০ খনতকৈ অধিক বিমান বাতিল কৰা হয়, যাৰ ফলত হাজাৰ হাজাৰ যাত্ৰী বিপাকে পৰিছে। বন্ধ কৰা বিমানবন্দৰসমূহৰ ভিতৰত শ্ৰীনগৰ, জম্মু, অমৃতসৰ, লেহ, চণ্ডীগড়, ধৰ্মশালা, বিকানেৰ, যোধপুৰ, গোৱালিয়ৰ, কিষাণগঞ্জ, ৰাজকোট আৰু হিন্দন বিমানবন্দৰ অন্তর্ভুক্ত। এই বিমানবন্দৰসমূহৰ কেইটামানত আন্তঃৰাষ্ট্ৰীয় বিমানেও চলাচল কৰে, যিসকলক বৰ্তমানে অন্য স্থানলৈ ডাইভাৰ্ট কৰা হৈছে।
ইয়াৰ পূৰ্বে, বুধবাৰে দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত ৪ খন আন্তঃৰাষ্ট্ৰীয় আৰু ১৩১ খন ঘৰুৱা বিমান বাতিল কৰা হৈছিল। লগতে, ৩০০ খনতকৈ অধিক বিমান গড়ে ৭৪ মিনিটকৈ পলম হৈছিল। বাতিল হোৱা আন্তঃৰাষ্ট্ৰীয় বিমানসমূহৰ ভিতৰত ২ খন অৱতৰণ কৰাৰ কথা আছিল আৰু বাকী ২ খনে প্ৰস্থান কৰিবলৈ আছিল।
High Protein: কণী খোৱাৰ প্ৰয়োজন নাই, মচুৰ দাইল হৈছে প্ৰটিনৰ প্ৰকৃত উৎস !
প্ৰটিনৰ কথা আহিলে বেছিভাগ মানুহৰে মনলৈ প্ৰথমে আহে কণী, মাছ আৰু মাংসৰ কথা। কিন্তু নিৰামিষভোজীৰ বাবেও এটা দাইল আছে যিয়ে প্ৰটিনৰ ক্ষেত্ৰত কণী আৰু মাংসক পৰাস্ত কৰিব পাৰে।(High Protein)
আমি মচুৰ দাইলৰ কথা কৈছোঁ, মচুৰ দাইলত আছে যথেষ্ট পুষ্টি। ১০০ গ্ৰাম সিজোৱা মচুৰ দাইলত প্ৰায় ৯ গ্ৰাম প্ৰটিন থাকে। একে সময়তে দাইলত থকা চৰ্বিৰ পৰিমাণো অতি কম, যাৰ বাবে দাইলক হৃদযন্ত্ৰৰ বাবেও উপকাৰী বুলি গণ্য কৰা হয়।
এটা সিজোৱা কণীত গড়ে ৬ গ্ৰাম প্ৰটিন পোৱা যায়, আনহাতে ১০০ গ্ৰাম কুকুৰা মাংসত প্ৰায় ২০-২৫ গ্ৰাম প্ৰটিন পোৱা যায়। কিন্তু নিৰামিষ মচুৰ দাইলত আঁহ, আইৰণ, ফ’লেট আৰু এন্টিঅক্সিডেন্টও প্ৰচুৰ পৰিমাণে থাকে। এই কাৰণেই হৃদযন্ত্ৰৰ স্বাস্থ্য, হজম শক্তি আৰু ৰোগ প্ৰতিৰোধ ক্ষমতাৰ বাবে ই অতি উপকাৰী।
Operation Sindoor: ‘অপাৰেচন সিন্দূৰী’ৰ দিনটোত বিহাৰত জন্ম পোৱা এটি কন্যা শিশুৰ নাম ৰাখিলে ‘সিন্দূৰী’
‘অপাৰেচন সিন্দুৰ’ৰ সফলতাত সুখী সমগ্ৰ দেশ।(Operation Sindoor)সেই দিনটোতে বিহাৰৰ কাটিহাৰৰ এটা পৰিয়ালত এটি কন্যা সন্তান জন্ম হৈছিল, পৰিয়ালৰ লোকে কন্যা সন্তানটিৰ নাম ৰাখিলে সিন্দূৰী। পহলগাম আক্ৰমণৰ প্ৰতিশোধ ল’বলৈ ভাৰতীয় সেনাই পাকিস্তানৰ ৯টা সন্ত্ৰাসবাদী আত্মগোপন স্থান সম্পূৰ্ণৰূপে ধ্বংস কৰে। এই ঘটনাত এতিয়ালৈকে ৭০ৰো অধিক সন্ত্ৰাসবাদী নিহত হৈছে। এই অপাৰেচনত সমগ্ৰ দেশ সুখী আৰু উদযাপন কৰিছে সেনাৰ এই বিজয়।
যিদিনা ভাৰতীয় সেনাই পাকিস্তানত অপাৰেচন সিন্দুৰ আৰম্ভ কৰিছিল, সেইদিনা কাটিহাৰৰ নাৰ্চিং হোমত এটি কন্যা সন্তানৰ জন্ম হৈছিল। এই বিশেষ দিনটোৰ স্মৃতিত পৰিয়ালটোৱে নিজৰ কন্যাৰ নাম ৰাখিলে ‘সিন্দূৰী’। পৰিয়ালৰ লোকে কয় যে এই প্ৰাৰম্ভিক জয় আৰু একেদিনাই কন্যা সন্তান জন্ম দিয়াত তেওঁলোক সকলোৱে অত্যন্ত সুখী। সেইবাবেই কুৰ্চেলাৰ বাসিন্দা সন্তোষ মণ্ডল আৰু ৰাখী কুমাৰীয়ে তেওঁলোকৰ নৱজাত কন্যা সন্তানৰ নাম ৰাখিছে সিন্দুৰী।
