অসম জাতীয়তাবাদী যুৱ-ছাত্ৰ পৰিষদ, দক্ষিণ বৰভাগ আঞ্চলিক সমিতিৰ উদ্যোগত কৰিয়া উচ্চতৰ মাধ্যমিক বিদ্যালয়ত এখনি চিত্ৰাংকণ আৰু ৰচনা প্ৰতিযোগিতা অনুষ্ঠিত কৰা হয়। দুটাকৈ শাখাত অনুষ্ঠিত কৰা দুয়োটা প্ৰতিযোগিতাত প্ৰায় অৰ্ধশতাধিক ছাত্ৰ-ছাত্ৰীয়ে অংশগ্ৰহণ কৰে। প্ৰতিযোগিতা সমূহ শেষ হোৱাৰ পিছত বঁটা বিতৰণ কৰ্যসূচী অনুষ্ঠিত কৰা হয়। চিত্ৰাংকণ প্ৰতিযোগিতাৰ নিম্ন শাখাত প্ৰথম স্থান লাভ কৰে মঃ চাজিদ উল্লাহে, দ্বিতীয় স্থান লাভ কৰে কৃতাৰ্থ কলিতাই,তৃতীয় স্থান লাভ কৰে কুলদিপ দাসে। চিত্ৰাংকণ প্ৰতিযোগিতাৰ উচ্চ শাখাত প্ৰথম স্থান লাভ কৰে ভাৰ্গৱ তালুকদাৰে, দ্বিতীয় স্থান লাভ কৰে বনজিত দাসে, তৃতীয় স্থান লাভ কৰে দেৱাশীষ পাটোৱাৰীয়ে। আকৌ, ৰচনা প্ৰতিযোগিতাৰ নিম্ন শাখাত প্ৰথম স্থান লাভ কৰে পূৰ্ণিমা দাসে, তৰালী দাসে, তৃতীয় স্থান লাভ কৰে কৃতাৰ্থ কলিতাই। উচ্চ শাখাত প্ৰথম স্থান লাভ কৰে দেৱাশীষ পাটোৱাৰীয়ে, দ্বিতীয় স্থান লাভ কৰে জ্যোতিৰাজ বেজবৰুৱাই, তৃতীয় স্থান লাভ কৰে ভাৰ্গৱ তালুকদাৰে। বৰভাগ আঞ্চলিক সমিতিৰ ভাৰপ্ৰাপ্ত সভানেত্ৰী জ্যোতিষ্মিতা শৰ্মাৰ সঞ্চালনাত অনুষ্ঠিত উক্ত সভাত উদ্বোধক হিচাপে উপস্থিত থাকে অসম জাতীয়তাবাদী যুৱ-ছাত্ৰ পৰিষদ, নলবাৰী জিলা সমিতিৰ সাংগঠনিক সম্পাদক তাজিমউদ্দিন আহমেদ, মুখ্য অতিথি তথা নিৰ্দিষ্ট বক্তা হিচাপে উপস্থিত থাকে বৰভাগ আঞ্চলিক কৰ্মচাৰী পৰিষদৰ সভাপতি কুলেশ চন্দ্ৰ ডেকা। লগতে উপস্থিত থাকে অসম জাতীয়তাবাদী যুৱ-ছাত্ৰ পৰিষদ বৰভাগ আঞ্চলিক সমিতিৰ যুটীয়া সম্পাদক জিয়াউল ৰহমান, সংগঠনিক সম্পাদক বিৰু আলী আৰু বিতোপন হালৈ, সমাজসেৱা সম্পাদক দেৱাশিষ কলিতা, দক্ষিণ বৰভাগ শাখা সমিতিৰ সভাপতি প্ৰাঞ্জল হালৈ আৰু সাধাৰণ সম্পাদক বিকাশ দাস, উপ-সভাপতি পল্লৱ দাস, ভাস্কৰজ্যোতি দাস, কংকণ হালৈ আৰু চাহিদুল আলি আদি। প্ৰেৰণাদায়ক বক্তৱ্যৰে সমাপন হোৱা উক্ত সভাত স্থান প্ৰাপ্ত সকলক কিতাপৰ টোপোলা আৰু মানপত্ৰৰে পুৰস্কৃত কৰা হয়।

অসমৰ ঐতিহ্য নগৰী হিচাপে খ্যাত শিবসাগৰ জিলাৰ তলাতল ঘৰৰ বাকৰিত আয়োজিত ২৮ আৰু ২৯ জানুৱাৰী তাৰিখে দুই দিনীয়া কাৰ্যসুচীৰে মুকলি সভাত বৰপেটা সদৰ থানাৰ চক্ৰ সংগঠক যোগেন দাসক শ্ৰেষ্ঠ গাওঁৰক্ষী বঁটা প্ৰদান কৰে ।  প্ৰত্যেক বছৰে ২৮  আৰু ২৯ জানুৱাৰীত গাওঁৰক্ষী বাহিনীৰ জন্ম দাতা হৰিনাৰায়ন বৰুৱাক সোঁবৰণত বাবে ৰাজ্যিক ভিত্তিত অসমৰ জিলা সমুহত  দুই দিনীয়া কাৰ্যসুচীৰে পালন কৰে আৰু জিলাৰ একোখনকৈ দক্ষ চক্ৰ সংগঠকক পুৰস্কাৰ কৰে । এইবাৰো শিবসাগৰত অনুষ্ঠিত কৰা অনুষ্ঠানত  আৰক্ষী সঞ্চালক প্ৰধান,কেইবাগৰকী বিধায়ক মন্ত্ৰী সহ অসমৰ মুখ্য মন্ত্ৰী সৰ্বানন্দ সোনোৱালে বৰপেটা সদৰ থানাৰ চক্ৰ সংগঠক যোগেন দাসক আনুষ্ঠানিকভাৱে শ্ৰেষ্ঠ বটা প্ৰদান কৰে ।২০২০ বৰ্ষত  জিলাৰ ভিতৰতে উল্লেখযোগ্য দক্ষতাৰে সেৱা আগবঢ়োৱাৰ বাবে বৰপেটা সদৰ থানাৰ চক্ৰ সংগঠক যোগেন দাসক হাতত এখন বটা আৰু প্ৰংশসা পত্ৰ  আগবঢ়ায়।

চলিত খাৰিফ বিপণন বৰ্ষত দেশৰ প্রায় ৮৬ লাখ ৭৯ হাজাৰ কৃষক লাভান্বিত হৈছে। এই সময়চোৱাত কৃষকসকলে এক লাখ ১২ হাজাৰ ৭০৯ কোটি টকাৰ ন্যূনতম সমর্থন মূল্য লাভ কৰিছে। কেন্দ্রীয় কৃষি মন্ত্রালয়ে এই বিষয়ে প্রকাশ কৰি কৈছে যে দেশৰ ১৬ খন ৰাজ্যত নিয়াৰিকৈ ধানৰ ক্রয় প্রক্রিয়া অব্যাহত আছে।

ভাৰত চৰকাৰৰ অধীনস্থ অইল ইণ্ডিয়া লিমিটেড আৰু পেট্ৰলিয়াম সংৰক্ষণ আৰু অনুসন্ধান সংঘৰ আহ্বান ক্ৰমে স্বাস্হ্য ৰক্ষা আৰু পৰিৱেশ সংৰক্ষণৰ উদ্দেশ্যেৰে আজি নগাঁও চহৰত এক চাইকেল ৰেলী উলিওৱা হয়। আজি পুৱা প্ৰায় ৮ বজাত চহৰ খনৰ পানীগাঁও চাৰিআলিৰ ডচন হাইস্কুল খেলপথাৰৰ পৰা ওলোৱা এই চাইকেল ৰেলীত বিশিষ্ট সমাজকৰ্মী তথা বৰ্ষীয়ান নাগৰিক মুকুট ভূঞা, প্ৰবীন ক্ৰীড়া সংগঠক ৰাজেন বৰকাকতিয়ে অংশ গ্ৰহণ কৰাৰ লগতে প্ৰায় ডেৰ শতাধিক ব্যক্তিয়ে ৰেলীটোত অংশ গ্ৰহণ কৰে। নৱপ্ৰজন্মক পেট্ৰলিয়াম সংৰক্ষণ আৰু পৰিৱেশ সংৰক্ষণ কৰাৰ অৰ্থে আয়োজন কৰা এই চাইকেল ৰেলীটো নগাঁও চহৰৰ প্ৰায় ১০ কিলোমিটাৰ পথেৰে পৰিভ্ৰমণ কৰে। উল্লেখযোগ্য যে, অইল ইণ্ডিয়া লিমিটেডৰ আহ্বান ক্ৰমে আজি নগাঁৱৰ লগতে গুৱাহাটী, যোৰহাট আৰু তেজপুৰতো একে উদ্দেশ্যেৰে চাইকেল ৰেলী অনুষ্ঠিত হয়।

স্বৰ্গৰ অধিপতি,জলৰ অধিপতি,জ্ঞানৰ দেৱতা,দেৱগুৰু,মৃতকসকল,যম-যখিনী,সপ্তমণ্ডলৰ গৰাকী,পৃথিৱীৰ গৰাকী আৰু ব্ৰজ-বিজুলী আদিক পূজা-অৰ্চনা কৰাৰ উদ্দেশ্যে ৩১ জানুৱাৰীত  সমগ্ৰ ৰাজ্যৰ লগতে পশ্চিম যোৰহাটৰ বিভিন্ন স্থানত মে-ডাম-মে-ফি পালন কৰা হয়।উপৰিপুৰুষসকলক আৰু দেৱ-দেৱতাসকলক সন্তুষ্ট কৰি ৰখাৰ বাবেই জাতীয় সাজপাৰ পৰিধান কৰি টাই আহোমসকলে বিভিন্ন নৈবেদ্য উপকৰণ আগবঢ়াই মে-ডাম-মে-ফি ম’হবন্ধা স্থিত ছুকাফা সমণ্বয় ক্ষেত্ৰত অসম চৰকাৰৰ সাংস্কৃতিক সঞ্চালকালয় অধীনস্থ সাংস্কৃতিক কেন্দ্ৰটোৰ সহযোগত ছুকাফা সমণ্বয় ক্ষেত্ৰ পৰিচালনা সমিতিখনে পালন কৰা মে-ডাম-মে-ফিৰ কাৰ্যসূচীত বহুসংখ্যক লোকে অংশগ্ৰহণ কৰে।মে-ডাম-মে-ফিৰ তাৎপৰ্য সম্পৰ্কত অৰুণ বৰপাত্ৰগোহাঁই,যোগেশ্বৰ গগৈ প্ৰমুখ্যে বিভিন্নজনে উপস্থিতসকলক বুজাই দিয়ে।অঞ্চলটোৰ মেলেঙ্গীয়ালটো দীপক গগৈ প্ৰমুখ্যে যুৱকসকলৰ উদ্যোগত মে-ডাম-মে-ফি পালন কৰা হয়।অঞ্চলটোৰ আহোম বসতি প্ৰধান গাঁওসমূহত পালন কৰা মে-ডাম-মে-ফিত কাষৰীয়া গাওঁসমূহৰ বিভিন্ন সম্প্ৰদায়ৰ লোকসকলে সহযোগিতা কৰে।