দৈনন্দিন বাৰ্তা ডেস্ক : মুছলিমৰ ওপৰত নিৰ্মম অত্যাচাৰৰ কাহিনী প্ৰচাৰ হোৱাৰ পাচত বিশ্বৰ বেছিভাগ মুছলিম দেশে চীনৰ বিৰুদ্ধে ক্ষোভ প্ৰকাশ কৰিছে ৷ কিন্তু এই বিষয়ে কোনো প্ৰতিবাদ কৰা নাই পাকিস্তানে ৷ বৰং এক সংবাদ মাধ্যমক দিয়া সাক্ষাৎকাৰত পাকিস্তানৰ প্ৰধানমন্ত্ৰী ইমৰান খানে পৰিষ্কাৰ কৰি জনায় যে প্ৰিয় বন্ধু চীনৰ বিৰুদ্ধে কোনো মন্তব্য নকৰে ইছলামাবাদে ৷ তাৰেই পুৰস্কাৰ হিচাপে এইবাৰ পাকিস্তানক মুছলিম বিশ্বৰ দেশবোৰৰ নেতা সজাবলৈ বিচাৰিছে জিনপিং প্ৰশাসনে ৷ সম্প্ৰতি আন্তৰ্জাতিক সংবাদ মাধ্যমত প্ৰকাশিত এক প্ৰতিবেদনত উল্লেখ কৰা হৈছে, চীনে বিচাৰিছে পৃথিৱীৰ একমাত্ৰ পৰমাণু শক্তিৰ মুছলিম ৰাষ্ট্ৰ হিচাপে পাকিস্তানেই হওক ইছলামিক দেশবোৰৰ প্ৰধান ৷ এইখন দেশৰ নিৰ্দেশতে পৰিচালিত হওক মুছলিম বিশ্ব ৷ এনে ধৰণৰ বিভিন্ন পদক্ষেপ লৈছে চীনে ৷ এই উদ্দেশ্য চৰিতাৰ্থ কৰিবৰ বাবে পুৰণা সম্পৰ্ক ৰক্ষা কৰি মুছলিম বিশ্বৰ বিভিন্ন দেশলৈ অনুদান দিছে ৷ আনকি নানা প্ৰকল্পত মূলধন বিনিয়োগ কৰিছে ৷ এই পদক্ষেপৰ অংশ হিচাপে ইতিমধ্যে ইৰানত ৪০০ বিলিয়ন মাৰ্কিন ডলাৰ বিনিয়োগ কৰাৰ সিদ্ধান্ত লৈছে বেইজিঙে ৷ তেহৰাণৰ সৈতে ২৫ বছৰৰ চুক্তি কৰিছে জিনপিং প্ৰশাসনে৷ একেদৰে মাৰ্কিন বিৰোধী মুছলিম দিশবোৰৰ সৈতে সম্পৰ্ক বঢ়াইছে ৷ যাতে পাকিস্তানক নেতা সজাই নিজৰ ইচ্ছানুসৰি মুছলিম বিশ্বক পৰিচালনা কৰাত কোনো অসুবিধা নহয় তাৰ বাবে চীনে উদ্যোগ লৈছে ৷ ইপিনে ভাৰতৰ বিৰুদ্ধে যুঁজ কৰিবলৈ সাজু হৈছে পাকিস্তান ৷ পাকিস্তানে পাৰমানৱিক যুদ্ধ কৰিব বুলি ভাৰতক সতৰ্ক কৰি দাবী কৰি কয় যে এই অস্ত্ৰবোৰ মুছলিমৰ জীৱন ৰক্ষা কৰা আৰু কেৱল মাত্ৰ ভাৰতৰ অঞ্চলবোৰ লক্ষ্য কৰি লোৱা ৷ পাকিস্তানৰ মন্ত্ৰী শ্বেইখ ৰছিদে এক সাক্ষাৎকাৰত এই কথা কয়৷ মন্ত্ৰীজনে কয় যে পাকিস্তানে হিচাপ কৰি সৰু আৰু সুনিৰ্দিষ্ট অস্ত্ৰ প্ৰয়োগ কৰিব ৷ তেওঁ লগতে কয় যে তেওঁলোকৰ অস্ত্ৰবোৰ কেৱলমাত্ৰ অঞ্চলবোৰ লক্ষ্য কৰিবৰ কাৰণে অসমৰ সীমাৰ মাজতো পৰিব ৷ উল্লেখ্য যে পাকিস্তানে পাৰমানৱিক যুদ্ধ কৰাৰ এয়াই প্ৰথম ভাবুকি নহয় ৷ ২০১৯ চনত পাকিস্তানৰ প্ৰধানমন্ত্ৰী ইমৰান খানে ভাৰতৰ লগত কেইবাবাৰো পাৰমানৱিক যুদ্ধ কৰিব বুলি ভাবুকি দিছিল ৷

দৈনন্দিন বাৰ্তা ডেস্ক : শ্ৰী ৰাম জন্মভূমি তীৰ্থ ক্ষেত্ৰ ট্ৰাষ্টৰ সদস্যসকলে বৃহস্পতিবাৰে নতুন দিল্লীত মিলিত হৈ অযোধ্যাৰ ৰাম মন্দিৰ নিৰ্মাণৰ সন্দৰ্ভত আলোচনা কৰে ৷ সভাৰ পাচত শ্ৰী ৰাম জন্মভূমি তীৰ্থ ক্ষেত্ৰ ট্ৰাষ্টৰ তৰফৰ পৰা কয় যে অযোধ্যাত ৰাম মন্দিৰ নিৰ্মাণৰ কাম আৰম্ভ হৈছে ৷ ৰুৰকিৰ চিবিআৰআই আৰু মাদ্ৰাজ আইআইটিৰ অভিযন্তাৰ লগতে লাৰছেন এণ্ড ট’উব্ৰ’ৱে মন্দিৰ স্থাপন কৰা ঠাইৰ পৰা মাটি সংগ্ৰহ কৰি পৰীক্ষা কৰিছে ৷ ৰাম মন্দিৰ ট্ৰাষ্টে আশা প্ৰকাশ কৰে যে ৩৬-৪০ মাহৰ ভিতৰত নিৰ্মাণ কাৰ্য সম্পন্ন হ’ব ৷ শ্ৰী ৰাম জন্মভূমি তীৰ্থ ক্ষেত্ৰ ট্ৰাষ্টৰ মতে অযোধ্যাৰ ৰাম মন্দিৰটো পৌৰাণিক আৰু পৰম্পৰাগত প্ৰথাৰে নিৰ্মাণ কৰা হ’ব ৷ ট্ৰাষ্টৰ পৰা জনোৱা মতে ভূমিকম্প, ধুমুহা আৰু আন প্ৰাকৃতিক দুৰ্যোগৰ পৰা ৰক্ষা পাই থাকিব পৰাকৈ মন্দিৰটো নিৰ্মাণ কৰা হ’ব আৰু এই ঐতিহাসিক মন্দিৰটোত কোনো লোহা নিৰ্মাণ কাৰ্যত ব্যৱহাৰ কৰা নহ’ব ৷ মন্দিৰ নিৰ্মাণত তামৰ প্লেট প্ৰতিচপৰা ইটাৰ মাজত ব্যৱহাৰ কৰা হ’ব ৷ এই প্লেটবোৰ ১৮ ইঞ্চি দীঘল, ৩০ মিলিমিটাৰ বহল আৰু ৩ মিলিমিটাৰ গভীৰতাৰ ৷ নিৰ্মাণ কাৰ্যত ১০ হাজাৰ প্লেটৰ প্ৰয়োজন হ’ব ৷ শ্ৰী ৰাম ভক্তক তামৰ প্লেট দান কৰিবলৈ ট্ৰাষ্টে আহ্বান জনাইছে ৷

দৈনন্দিন বাৰ্তা ডেস্ক : কেন্দ্ৰীয় জলশক্তি মন্ত্ৰী গজেন্দ্ৰ সিং শ্বেখাৱটে বৃহস্পতিবাৰে ঘোষণা কৰে যে তেওঁ ক’ৰোনাত আক্ৰান্ত হৈছে ৷ ক’ৰোনা পৰীক্ষাৰ পাচত তেওঁ আক্ৰান্ত হোৱাৰ কথা নিশ্চিত হয় ৷ কেন্দ্ৰীয় মন্ত্ৰীজনে টুইট কৰি এই সংবাদ দিয়ে ৷ তেওঁ কয়, চিকিৎসকৰ পৰামৰ্শ মতে মই চিকিৎসালয়ত ভৰ্ত্তি হৈছো ৷ যোৱা কেইটামান দিনত যিসকল মোৰ ওচৰলৈ আহিছিল তেওঁলোকক মই অনুৰোধ কৰো যে তেওঁলোকে পৰীক্ষা কৰি নিজকে আইচলেট কৰি ৰাখক ৷ তেওঁ লগতে চিকিৎসাৰ বাবে চিকিৎসালয়ত থকাৰ কথাও জনায় ৷ উল্লেখ্য যে ভাৰতত ক’ৰোনাত আক্ৰান্তৰ সংখ্যা ২৮ লাখ চুলেগৈ ৷ যোৱা দিনটোত ৬৯৬৫২ জন লোক ক’ৰোনাত আক্ৰান্ত হয় ৷ আনহাতে দেশত মুঠ ৫৩৮৬৬ জন লোক ক’ৰোনাত আক্ৰান্ত হৈ মৃত্যু হয় ৷ যোৱা ২৪ ঘণ্টাত ৯৭৭ জন লোক ক’ৰোনাত আক্ৰান্ত হৈ মৃত্যু হয় ৷ ভাৰতত মুঠতে ২৮৩৬৯২৬ জন লোক ক’ৰোনাত আক্ৰান্ত হৈছে ৷ তাৰে ২০৯৬৬৬৫ জন লোক ইতিমধ্যে আৰোগ্য হৈছে ৷ বুধবাৰৰ দিনটোত ৯১৮৪৭০ জন লোকক পৰীক্ষা কৰা হয় ৷ 

দৈনন্দিন বাৰ্তা ডেস্ক : দেশৰ ভিতৰত সবাতোকৈ স্বচ্ছ চহৰ ঘোষণা কৰা হৈছে ৷ পৰিষ্কাৰ পৰিচ্ছন্নতাৰ পঞ্চম বাৰ্ষিক সমীক্ষাত প্ৰকাশ পাইছে তথ্য ৷ অসামৰিক বিমান পৰিবহণ মন্ত্ৰী হৰদ্বীপ সিং পুৰীয়ে এই কথাঘোষণা কৰিছে ৷ কেন্দ্ৰীয় গৃহ আৰু নগৰোন্নয়ন দপ্তৰে আয়োজন কৰা ‘স্বচ্ছ মহোত্‍‌সৱ’ নামৰ ভাৰ্চুৱেলঅনুষ্ঠানৰ যোগে স্বচ্ছতাত ঠাল কাম কৰা ১২৯ খন চহৰক তেওঁ পুৰস্কৃত কৰে ৷ সকলোতকৈ পৰিষ্কাৰ ৰাজ্য ছত্তীশগড় ৷ এশৰো বেছি চহৰযুক্ত ৰাজ্য হিচাপে দ্বিতীয়বাৰ পুৰস্কৃত হৈছে ছত্তীশগড় ৷ এশৰো কম চহৰৰ ৰাজ্য হিচাপে নিৰ্বাচিত হৈছে ঝাৰখণ্ড ৷ দেশৰ ভিতৰত পৰিষ্কাৰ চহৰ হিচাপে নিৰ্বাচিত হৈছে ইন্দোৰ ৷ ইয়াৰ পাচতে ছুৰাট দ্বিতীয় আৰু নভি মুম্বাইয়ে তৃতীয় স্থান লাভ কৰিছে ৷ আনহাতে মহাৰাষ্ট্ৰৰ কাৰাদ এক লাখ তলৰ জনসংখ্যা বিভাগত প্ৰথম হৈছে ৷ তাৰ পাচত স্থান পাইছে ছছৱাদে ৷ এই বিভাগত তৃতীয় স্থান পায় লোনাভালাই ৷ এক লাখৰ ওপৰৰ জনসংখ্যাৰ চহৰৰ ভিতৰত স্বচ্ছতাত সকলোতকৈ বেছি নাগৰিকৰ অংশগ্ৰহণৰ বিভাগত নিৰ্বাচিত হৈছে উত্তৰ প্ৰদেশৰ শ্বাহজাহনপুৰ ৷ এই বিভাগত এক লাখৰ কম জনসংখ্যাৰ চহৰবোৰৰ মাজত শীৰ্ষত আছে উত্তৰাখণ্ডৰ নন্দপ্ৰয়াগ ৷ ৩ লাখৰ পৰা ১০ লাখ জনসংখ্যাৰ চহৰত প্ৰথম কৰ্ণাটকৰ মাইছুৰ ৷ আনহাতে ১০ৰ পৰা ৪০ লাখৰ জনসংখ্যাৰ ভিতৰত সকলোতকৈ স্বচ্ছ বিজয়ৱাড়া ৷ ৪০ লাখৰ ওপৰ জনসংখ্যাৰ চহৰৰ ভিতৰত স্বচ্ছ আহমেদাবাদ ৷ বৃহৎ চহৰবোৰৰ ভিতৰত স্বচ্ছতাৰ সন্মান পায় ৰাজস্থানৰ যোধপুৰে ৷ ইপিনে সকলোতকৈ কেণ্টনমেণ্ট ব’ৰ্ডৰ পুৰস্কাৰ লাভ কৰিছে পাঞ্জাৱৰ জলন্ধৰে ৷ গংগা তীৰৱৰ্তী চহৰৰ পুৰস্কাৰ লাভ কৰিছে বাৰাণসীয়ে ৷ ইপিনে অসমৰ শিলচৰ নগৰে দেশৰ স্বচ্ছ নগৰৰ ভিতৰত ৩৪০ ৰেংক লাভ কৰিছে ৷ যোৱা বছৰ শিলচৰ নগৰৰ ৰাষ্ট্ৰীয় পৰ্যায়ৰ সমীক্ষাত চাৰিখন নগৰৰ ভিতৰত চতুৰ্থ আছিল ৷ ইপিনে শিলচৰৰ ৩৪০ ৰেংকৰ বিপৰীতে ডিব্ৰুগড়ৰ ৰাষ্ট্ৰীয় ৰেংক হ’ল ৩৫৩ ৷ আনহাতে ৰাষ্ট্ৰীয় ৰেংকত গুৱাহাটী ৩৫৬ স্থানত আৰু নগাঁও ৩৫৮ স্থান ৷ ফলত ৰাজ্যৰ ভিতৰত শিলচৰৰ পাচতে বাকী চহৰ কেইখনে স্থান লাভ কৰিছে ৷ অসমৰ এই চহৰ কেইখন ১-১০ লাখ জনসংখ্যা শাখাত অন্তভূক্ত ৷ ইয়াৰ লগতে ৫০ হাজাৰৰ পৰা ১ লাখ জনসংখ্যাৰ শাখাত কৰিমগঞ্জ নগৰে ৰাজ্যিক ৰেংকত নৱম স্থান পাইছে ৷ ২৫ হাজাৰৰ পৰা ৫৯ হাজাৰৰ জনসংখ্যাত ১ নং ৰেংক পাইছে হাইলাকান্দিয়ে ৷ ২৫ হাজাৰ জনসংখ্যাত ১ নং ৰেংক পাইছে লখিমপুৰে ৷