নগাঁও : নগাঁও চহৰৰ হয়বৰগাঁও আৰক্ষী চকীৰ অন্তৰ্গত চিলঙনীত যোৱা নিশা প্ৰায় ৯.৩০বজাত নগাঁও আৰক্ষীয়ে এক গোপন সূত্ৰৰ খবৰৰ ভিৰ্তিত অভিযান চলাই পিষ্টল সহ দুজন দুধৰ্ষ ডকাইতক গ্ৰেপ্তাৰ কৰিবলৈ সক্ষম হয়। আৰক্ষীয়ে গ্ৰেপ্তাৰ কৰা ডকাইত দুজন হ’ল- চিলঙনী অঞ্চলৰ  কুদ্দুছ আলী(২১ ) আৰু আমিনুল হক(৩২ )। প্ৰাপ্ত তথ্য অনুসৰি, এক গোপন সূত্ৰৰ পমখেদি নগাঁও আৰক্ষীৰ উপ-আৰক্ষী অধীক্ষক কল্যাণ কুমাৰ দাস আৰু হয়বৰগাঁও আৰক্ষী চকীৰ ভাৰপ্ৰাপ্ত বিষয়া আবিদুৰ ৰহমানৰ নেতৃত্বত যোৱা এটা আৰক্ষীৰ দলে নগাঁও চহৰৰ ধিং গেটৰ সমীপৰ চিলঙনীত নিশা  অভিযান চলাই এই  দুধৰ্ষ ডকাইত দুজনক গ্ৰেপ্তাৰ কৰিবলৈ সক্ষম হয়। আৰক্ষীয়ে অভিযান কালত ধৃত ডকাইত দুজনৰ পৰ  এটা ৭.৬৫ পিষ্টল, ১৬জাই সজীৱ গুলী, মবাইল ফোন, ডকাইটৰ দলটোৱে ব্যৱহাৰ কৰা এ এছ ০২ জেদ ১৭১১ নম্বৰৰ  গ্লেমাৰ মটৰ চাইকেল খনৰ লগতে কেতবোৰ আপত্তিজনক সামগ্ৰী উদ্ধাৰ কৰে। আৰক্ষী সূত্ৰে জানিব পৰা মতে, ডকাইতৰ দলটোৱে ৰাষ্ট্ৰীয় ঘাইপথৰে নিশা চলাচল কৰা বাহনত ডকাইটি কাণ্ড সংঘটিত কৰাৰ পৰিকল্পনা কৰিছিল ।নিশা ডকাইতৰ দলটোৱে আৰক্ষীৰ অভিযানকাৰী দলটোৰ মুখামুখি হোৱাৰ পিছতে বাইকেৰে  পলায়ণ কৰাৰ চেষ্টা কৰিছিল যদিও আৰক্ষীৰ দলটোৱে  কৰায়ত্ত কৰিবলৈ সক্ষম হয়। উল্লেখযোগ্য যে জিলাখনত সন্ধ্যা ৭বজাৰ পুৱা ৭ বজালৈকে বলবৎ থকা সান্ধ্য আইনৰ সুযোগ গ্ৰহন কৰি বৰ্তমান দুধৰ্ষ ডকাইটৰ দলে নগাঁৱৰ ৰাষ্ট্ৰীয় ঘাইপথত ডকাইটি কৰাৰ পৰিকল্পনাৰ খবৰ নগাঁও আৰক্ষীয়ে ইতিপূৰ্বেই লাভ কৰিছিল। ইয়াৰ পাছৰে পৰা নগাঁও আৰক্ষী সষ্টম হৈ আছিল আৰু অৱশেষত ডকাইটৰ দলটোক গ্ৰেপ্তাৰ কৰি সফলতা লাভ কৰিছে । সম্প্ৰতি নগাঁও আৰক্ষীয়ে ডকাইট দুটাৰ বিৰুদ্ধে ১৭৪১/২০ নম্বৰৰ এক গোচৰ পঞ্জীয়ণ কৰি অধিক তথ্য উদঘাটনৰ বাবে তদন্ত অব্যাহত ৰাখিছে।

টংলা : আজি ওদালগুৰি জিলাৰ টংলা চহৰৰ মাজ মজিয়াত অবস্থিত  টংলা উচ্চতৰ মাধ্যমিক বিদ্যালয়ৰ সন্মুখত  অসমৰ কেবাটাও  জাতীয় সংগঠন আৰু জনগোষ্ঠীয় ছাত্ৰ সংগঠনৰ যৌথ উদ্যোগত কাৰাবন্দী হৈ থকা জননেতা অখিল গগৈ, দেবাঙ্গনা কলিতা আৰু বলদেৱ তাঁতীৰ অতিশীঘ্ৰে আৰু বিনাস্বৰ্তে মুক্তিৰ দাবীত মানব শৃঙ্খল কাৰ্য্যসূচী ৰূপায়ণ কৰে। কাৰ্য্যসূচীত অংশগ্রহণ কৰে ওদালগুৰি জিলাৰ কৃষক মুক্তি সংগ্ৰাম সমিতি, অসম জাতীয়তাবাদী যুৱ ছাত্ৰ পৰিষদ, আক্ৰাছু, আটচা, সদৌ বিটিআৰ গৰিয়া মৰিয়া দেশী ছাত্র সন্থা, এবিএমচু, কলিতা জনগোষ্ঠী ছাত্ৰ সন্থা, আছাৰ ওদালগুৰি জিলা সমিতিৰ বিভিন্ন  বিষয়ববীয়াৰ লগতে সদস্য সকলে। মানৱ শৃঙ্খল কাৰ্য্যসূচীত অংশগ্রহণ কৰি ওদালগুৰি জিলাৰ কৃষক মুক্তি সংগ্রাম সমিতিৰ সম্পাদক পংকজ অসমিয়াই সংবাদ মাধ্যমৰ আগত প্ৰকাশ কৰে যে আজি আমি কৰনা মহামাৰী পৰিপ্ৰেক্ষিতত যি সাবধানতা অৱলম্বন কৰিব লাগে তাৰ সকলো নিয়ম বৰ্তাই ৰাখি সামাজিক দূৰত্ব মানি ওদালগুৰি জিলাৰ কৃষক মুক্তি সংগ্ৰাম সমিতি,অসম জাতীয়তাবাদী যুৱ ছাত্ৰ পৰিষদ, আক্ৰাছু, আটচা, সদৌ বিটিআৰ গৰিয়া মৰিয়া দেশী ছাত্র সন্থা, এবিএমচু, কলিতা জনগোষ্ঠী ছাত্ৰ সন্থা, আছাৰ ওদালগুৰি জিলা সমিতিৰ বিভিন্ন বিষয়ববীয়াৰ লগতে সদস্য সকলে টংলাবাসী ৰাইজৰ সহযোগত প্ৰতিবাদী মানৱ শৃঙ্খল গঢ়ি তুলিছো, অখিল গগৈ, দেবাঙ্গনা কলিতা আৰু বলদেৱ তাঁতীৰ অতিশীঘ্ৰে বিনাস্বৰ্তে মুক্তি দিয়ক নহলে আমি ইয়াৰ পিছত তীব্র গণতান্ত্রিক আন্দোলন গড়ি তুলিম আৰু আমি ইয়াৰ পৰাই কব বিচাৰিছো বিজেপি,  আৰএছএছ আৰু অসমৰ বিজেপি নেতৃত্বাধীন চৰকাৰে গণতান্ত্রিক আন্দোলনক সন্মান কৰিবলৈ শিকক অন্যথা পৰিস্থিতি ভয়ংকৰ হ’ব। উল্লেখ্য যে মানৱ শৃঙ্খল কাৰ্য্যসূচীত অংশগ্রহণ কৰি ওদালগুৰি জিলা আক্ৰাছু পশ্চিমৰ সভাপতি হেমন্ত বড়া কোচে কয় যে যিহেতু বিশ্ব ত্ৰাসস মহামাৰী কভিড-১৯ পৰিপ্ৰেক্ষিতত সকলো ত্ৰাহিমান হৈ আছে তেনে সময়ত জননেতা অখিল গগৈক বিনাচৰ্তে মুক্তি দিয়ক কাৰণ ইয়াত এটা মানৱতাৰ কথা আছে যিহেতু মহামাৰী কভিড-১৯ৰ মাজতো অসমৰ বিভিন্ন প্ৰান্তত বিভিন্ন দল-সংগঠনে প্ৰতিবাদ কৰি আছে বা কৰিবলগীয়া হৈছে তেনে ক্ষেত্ৰত আমিও আক্ৰাছুৰ ফালৰ পৰা দাৱী জনাইছো অতিশীঘ্রেই জননেতা অখিল গগৈক বিনাচৰ্তে মুক্তি দিয়ক।