Home Blog Page 323

Anuprabha Devi: অসম সাহিত্য সভাৰ হিতৈষী সভ্য শিক্ষক অনুপ্ৰভা দেৱীলৈ স্বর্ণজ্যোতি সাহিত্য প্ৰেৰণা বঁটা

Anuprabha Devi: অসম সাহিত্য সভাৰ হিতৈষী সভ্য শিক্ষক অনুপ্ৰভা দেৱীলৈ স্বর্ণজ্যোতি সাহিত্য প্ৰেৰণা বঁটা
Anuprabha Devi: অসম সাহিত্য সভাৰ হিতৈষী সভ্য শিক্ষক অনুপ্ৰভা দেৱীলৈ স্বর্ণজ্যোতি সাহিত্য প্ৰেৰণা বঁটা

অসম সাহিত্য সভাৰ অন্তৰ্গত মাজুলীৰ প্ৰথমটো সুহৃদ পৰিয়ালৰ অন্যতম হিতৈষী সভ্য, মাজুলী জিলা সাহিত্য সভাৰ প্ৰাক্তন কাৰ্যনিৰ্বাহক সদস্যা তথা শিক্ষক অনুপ্ৰভা দেৱীলৈ অসম সাহিত্য সভাৰ প্ৰথমগৰাকী মহিলা সভাপতি নলিনীবালা দেৱীৰ স্মৃতিত স্বর্ণজ্যোতি সাহিত্য প্ৰেৰণা বঁটা প্ৰদান কৰা হৈছে।(Anuprabha Devi)

গুৱাহাটী প্ৰেছ ক্লাবত স্বত্বিকা প্রিয়ম প্রকাশনৰ উদ্যোগত আয়োজিত এক গাম্ভীৰ্যপূৰ্ণ অনুষ্ঠানত গামোচা, জাপি, মানপত্ৰ, স্মাৰক আৰু স্বদেশ পটভূমি শীৰ্ষক গ্ৰন্থৰে সমাজ-সাহিত্য-শিক্ষাৰ সেৱাত ব্ৰতী অনুপ্ৰভা দেৱীয়ে উক্ত বঁটা গ্ৰহণ কৰে। স্বদেশ পটভূমিৰ মুখ্য সম্পাদক তথা আমাৰ অসমৰ জ্যেষ্ঠ সাংবাদিক ৰবীন ভূঞাই আদৰণী ভাষণ আগবঢ়োৱা আৰু বিশিষ্ট লেখিকা সুদক্ষিণা ভূঞাই আঁত ধৰা অনুষ্ঠানত বি বৰুৱা মহাবিদ্যালয়ৰ প্ৰাক্তন অধ্যক্ষ ড° দীনেশ বৈশ্য, বিশিষ্ট কবি নীলিম কুমাৰ, শিক্ষা বিভাগৰ প্রাক্তন শীর্ষ বিষয়া ড° বীৰেন চন্দ্ৰ বৰা প্ৰমুখ্যে বহুসংখ্যক বিশিষ্ট ব্যক্তিৰ উপস্থিতিত বঁটা গ্ৰহণ কৰি অনুপ্ৰভা দেৱীয়ে গৌৰৱ অনুভৱ কৰাৰ লগতে অনাগত দিনবোৰত দুগুণ উৎসাহেৰে সমাজ-কৰ্মজীৱনত উৎসৰ্গিত হ’বলৈ আশা ব্যক্ত কৰে।

ইফালে, এই বতৰা পাই উত্তৰ কমলাবাৰী শাখা সাহিত্য সভা, পুৰণিবাৰী সমন্বয় শাখা সাহিত্য সভা, বৰিটিকা প্ৰাথমিক বিদ্যালয় প্ৰমুখ্যে বহু সংখ্যক ব্যক্তি-সংগঠনে বঁটা প্ৰাপক দেৱীক শুভেচ্ছা-অভিনন্দন জ্ঞাপন কৰিছে।।

Saudi Arabia Visa ban: হজৰ পূর্বে ভাৰতকে ধৰি বিশ্বৰ ১৪খন দেশৰ ভিছা নিষিদ্ধ কৰিলে ছৌদি আৰবে

Saudi Arabia Visa ban: হজৰ পূর্বে ভাৰতকে ধৰি বিশ্বৰ ১৪খন দেশৰ ভিছা নিষিদ্ধ কৰিলে ছৌদি আৰবে
Saudi Arabia Visa ban: হজৰ পূর্বে ভাৰতকে ধৰি বিশ্বৰ ১৪খন দেশৰ ভিছা নিষিদ্ধ কৰিলে ছৌদি আৰবে

ছৌদি আৰবে ভাৰতকে ধৰি ১৪খন দেশৰ নাগৰিকৰ বাবে উমৰা,(Saudi Arabia Visa ban) ব্যৱসায়িক, আৰু পৰিয়ালৰ ভ্ৰমণৰ ভিছা প্ৰদান সাময়িকভাৱে বন্ধ কৰি দিছে৷ এই নিষিদ্ধকৰণ ২০২৫ চনৰ জুন মাহৰ মাজভাগলৈকে কাৰ্যকৰী হৈ থাকিব৷ ফলত এই নিষিদ্ধকৰণে ভাৰতৰ হজ তীৰ্থযাত্ৰীসকলক বিপাঙত পেলাব বুলি ধাৰণা কৰা হৈছে৷ প্ৰতিবেদন অনুসৰি এই সিদ্ধান্তৰ লক্ষ্য হৈছে হজৰ সময়ত অতিমাত্ৰা ভিৰ নিয়ন্ত্ৰণ কৰা আৰু সুৰক্ষা সম্পৰ্কীয় সমস্যাৰ সমাধান কৰা।

ছৌদি কৰ্তৃপক্ষই ২০২৫ চনৰ ১৩ এপ্ৰিলক উমৰাহ ভিছা প্ৰদানৰ শেষ তাৰিখ হিচাপে নিৰ্ধাৰণ কৰিছে, হজ সমাপ্ত নোহোৱালৈকে উক্ত ১৪ খন দেশৰ নাগৰিকসকলক এই ধৰণৰ নতুন ভিছা প্ৰদান কৰা নহয়।খবৰ অনুসৰি ভাৰত আৰু অন্যান্য তালিকাভুক্ত দেশৰ একাংশ ব্যক্তিয়ে উমৰাহ বা ভিজিট ভিছা লৈ ছৌদি আৰৱত প্ৰৱেশ কৰি চৰকাৰী ভাবে পঞ্জীয়ন নকৰাকৈয়ে হজ পালনৰ বাবে অতিৰিক্ত সময় থাকে।

সূত্ৰ অনুসৰি, ছৌদি কৰ্তৃপক্ষই ২০২৪ চনত হজৰ সময়ত ১২০০ৰো অধিক তীৰ্থযাত্ৰীৰ মৃত্যু হোৱাৰ পিছত অতিমাত্ৰা ভিৰ নিয়ন্ত্ৰণ কৰিবলৈ এনে ব্যৱস্থা গ্ৰহণ কৰিছে ৷ বিষয়াসকলে যুক্তি আগবঢ়ায় যে এনে ট্ৰেজেডীৰ পুনৰাবৃত্তি ৰোধ কৰিবলৈ ভিছাৰ নিয়ম কঠোৰ কৰাটো অতি প্ৰয়োজনীয়।চৌদি আৰৱৰ হজ আৰু উমৰা মন্ত্ৰালয়ৰ মতে, এই পদক্ষেপ নিৰাপদ ভাবে তীৰ্থযাত্ৰীক নিৰাপত্তাৰ নিশ্চয়তা প্ৰদানৰ কৰিব৷ প্ৰতিবেদন অনুসৰি পঞ্জীয়নভুক্ত তীৰ্থযাত্ৰীসকলে নিজৰ পৰিকল্পনা আগবঢ়াই নিব পাৰিব কাৰণ কূটনৈতিক ভিছা, ৰেচিডেন্সি পাৰ্মিট, আৰু হজ নিৰ্দিষ্ট ভিছাৰ ওপৰত কোনো প্ৰভাৱ নপৰে। ইফালে, ছৌদি কৰ্তৃপক্ষই সকীয়াই দিছে যে অনুমোদন অবিহনে হজ কৰা বা অনুমোদিত সময়সীমা অতিক্ৰম কৰা ব্যক্তিসকলে পাঁচ বছৰৰ বাবে প্ৰৱেশ নিষেধাজ্ঞাৰ সন্মুখীন হ’ব পাৰে।

চৌদি আৰবে এবছৰৰ বহু প্ৰৱেশ ভিছা অনিৰ্দিষ্টকাললৈ সাময়িকভাৱে বন্ধ কৰি দিয়াৰ পিছত আৰু ২০২৫ চনৰ ফেব্ৰুৱাৰী মাহত ৩০ দিনৰ বাবে বৈধ একক প্ৰৱেশ ভিছালৈ এই ১৪খন দেশৰ পৰা যাত্ৰা নিষিদ্ধ কৰাৰ পিছত এই ভিছা নিষেধাজ্ঞাৰ সৃষ্টি হৈছে৷ ৪–৯ জুনত অনুষ্ঠিত হ’বলগীয়া হজ ২০২৫ৰ আগতেই প্ৰৱেশত আৰু অধিক বাধা আৰোপ কৰাৰ কথাই বহুতোকে চিন্তিও কৰি তুলিছে। প্ৰতিবেদনত ১৩খন দেশৰ নাম স্পষ্টভাৱে উল্লেখ কৰা হৈছে আৰু মুঠ ১৪খন দেশৰ নাম নিশ্চিত কৰা হৈছে৷বভিছা নিষিদ্ধ হোৱা দেশৰ ভিতৰত আছে আলজেৰিয়া, বাংলাদেশ, ইজিপ্ত, ইথিওপিয়া, ভাৰত, ইণ্ডোনেছিয়া, ইৰাক, জৰ্ডান, মৰক্কো, নাইজেৰিয়া, পাকিস্তান, চুদান, টিউনিচিয়া আৰু য়েমেন৷

Horoscope: মিথুন ৰাশিৰ লোকৰ বাবে আজি দিনটো ভাল, সিংহ ৰাশিৰ লোকে বিবাদ পৰিহাৰ কৰিব ! আজিৰ ৰাশিফল ​​পঢ়ক

Horoscope: মিথুন ৰাশিৰ লোকৰ বাবে আজি দিনটো ভাল, সিংহ ৰাশিৰ লোকে বিবাদ পৰিহাৰ কৰিব !
Horoscope: মিথুন ৰাশিৰ লোকৰ বাবে আজি দিনটো ভাল, সিংহ ৰাশিৰ লোকে বিবাদ পৰিহাৰ কৰিব !

কিছুমান ৰাশিৰ বাবে এই সময়ে আত্মবিশ্বাস আৰু সিদ্ধান্ত গ্ৰহণ ক্ষমতা বৃদ্ধিৰ ইংগিত দিছে, আনহাতে কিছুমানে ধৈৰ্য্য আৰু সংযমৰ সৈতে কাম কৰিব লাগিব। মেষ ৰাশিৰ পৰা মীন ৰাশিৰ লোকৰ বাবে আজিৰ ৰাশিফল ​​জানো আহক।(Horoscope)জ্যোতিষৰ দৃষ্টিকোণৰ পৰা ১০ এপ্ৰিল দিনটো গুৰুত্বপূৰ্ণ হ’ব।

মেষ ৰাশি
আজি আপোনালোকৰ বাবে এক উৎসাহজনক দিন হ’ব। কৰ্মক্ষেত্ৰত নতুন প্ৰত্যাহ্বানৰ সন্মুখীন হ’ব আৰু সফলতা লাভ কৰিব। পৰিয়ালৰ সৈতে সময় কটোৱাৰ সুযোগ পাব, যিয়ে সম্পৰ্কবোৰ মধুৰ কৰি তুলিব। আপুনি এটা নতুন প্ৰজেক্ট আৰম্ভ কৰাৰ সুযোগ পাব। প্ৰেমৰ সম্পৰ্কত ইতিবাচক পৰিৱৰ্তন আহিব। পুৰণি বন্ধু এজনেও যোগাযোগ কৰিব পাৰে। আজি আত্মবিশ্বাসেৰে ভৰা দিন হ’ব। সামাজিক সন্মান বাঢ়িব।

বৃষ ৰাশি

আজি আপুনি ধৈৰ্য্য আৰু সংযমেৰে কাম কৰিব লাগিব। কৰ্মক্ষেত্ৰত সহকৰ্মীসকলৰ সৈতে সমন্বয় বজাই ৰাখিব। পৰিয়ালৰ কোনো সদস্যৰ স্বাস্থ্যৰ প্ৰতি চিন্তা হ’ব পাৰে। কেৰিয়াৰ সলনি হোৱাৰ সম্ভাৱনা আছে যদিও সিদ্ধান্ত বুদ্ধিমানৰূপে ল’ব। কাৰোবাৰ লগত বিবাদ হোৱাৰ সম্ভাৱনা আছে, শান্তিপূৰ্ণভাৱে বিষয়বোৰ সমাধান কৰক। খৰচৰ ওপৰত নিয়ন্ত্ৰণ ৰাখক। যান-বাহন বা ইলেক্ট্ৰনিক সামগ্ৰীৰ সমস্যা হব পাৰে। সন্ধিয়া শান্তি অনুভৱ কৰিব।

মিথুন ৰাশি

আজি আপোনাৰ বাবে এক উপকাৰী দিন হ’ব। সামাজিক আৰু অৰ্থনৈতিকভাৱে সমৃদ্ধিশালী হৈ থাকিব। পৰিয়ালৰ সদস্যৰ সৈতে সময় কটোৱাৰ সুযোগ পাব। পাবলগীয়া ধনখিনি উদ্ধাৰ কৰিব পাৰিব। ছাত্ৰ-ছাত্ৰীৰ বাবে দিনটো অনুকূল, কোনো প্ৰতিযোগিতাত সফলতা লাভ কৰিব পাৰে। আপুনি হয়তো কিছু ভাল খবৰ পাব। ভ্ৰমণ কৰিলে আপুনি লাভৱান হ’ব। বন্ধু-বান্ধৱীৰ সৈতে ভাল সময় কটাব।

কৰ্কট ৰাশি

আজি আপোনালোকৰ বাবে ভাল দিন। কৰ্মক্ষেত্ৰত সফলতা লাভ কৰিব আৰু উচ্চপদস্থ বিষয়াৰ পৰাও সমৰ্থন পাব। পদোন্নতিৰ সম্ভাৱনা আছে। ঘৰতে শুভ কামৰ পৰিকল্পনা কৰিব পাৰি। কৰ্মক্ষেত্ৰত আপোনাৰ পৰামৰ্শক গুৰুত্ব দিব। ভাগ্য আপোনাৰ পক্ষত থাকিব। আপুনি আপোনাৰ পত্নীৰ পৰা আশা কৰা ধৰণৰ সহায় পাব। চৰকাৰী কামত সফলতা লাভ কৰিব।

সিংহ ৰাশি

আজি হয়তো আক্ৰমণাত্মকতা আৰু খং প্ৰকৃতিত আছে। তৰ্ক এৰক আৰু নিজৰ ইগো নিয়ন্ত্ৰণত ৰাখক। ভাল অৱস্থাত থাকিব লাগে। চাকৰিত নতুন অফাৰ পাব পাৰে, কিন্তু খৰখেদা নকৰিব। পুৰণি বন্ধুৰ সৈতে আৱেগিক সাক্ষাৎ সম্ভৱ। গাড়ী সাৱধানে চলাব। যিকোনো গুৰুত্বপূৰ্ণ নথিপত্ৰত স্বাক্ষৰ কৰাৰ আগতে পঢ়ক। সন্তানৰ পৰা সুখ পাব।

কন্যা ৰাশি

আজি নতুন কাম আৰম্ভ কৰাৰ পৰা বিৰত থাকক। বিশেষকৈ পাচনতন্ত্ৰৰ লগত জড়িত স্বাস্থ্যজনিত সমস্যা হ’ব পাৰে। পৰিয়ালৰ কাৰোবাৰ লগত মতানৈক্য হ’ব পাৰে। মানসিক চাপৰ পৰা সকাহ পাবলৈ ধ্যান বা যোগাসনৰ সহায় লওক। সন্তানৰ পৰা ভাল খবৰ পাব পাৰে। দিনটোৰ আৰম্ভণি অলপ লেহেমীয়া হ’ব পাৰে, কিন্তু সন্ধিয়ালৈকে আপুনি সকাহ পাব। আৱেগিক সিদ্ধান্তৰ পৰা আঁতৰি থাকক। আত্মবিশ্বাস বজাই ৰাখক।

তুলা ৰাশি

আজি আপোনাৰ বাবে এটা ভাল দিন হ’ব। কৰ্মক্ষেত্ৰত সফলতা লাভ কৰিব আৰু নতুন সুযোগো পাব। অর্থনৈতিক পৰিস্থিতিৰ উন্নতি হ’ব৷ চাকৰিত পদোন্নতি বা প্ৰশংসা পাব পাৰে। বিবাহিত জীৱনত সম্প্ৰীতি বাঢ়িব। ঘৰত অতিথিৰ আগমন সম্ভৱ। বাকী থকা কাম সম্পূৰ্ণ হ’ব। সন্মান বাঢ়িব। অংশীদাৰিত্বৰ কামত আপুনি সুবিধা লাভ কৰিব পাৰে।

বৃশ্চিক ৰাশি

আজি আপুনি আপোনাৰ উপাৰ্জন বৃদ্ধিৰ নতুন সুযোগ পাব। সামাজিক প্ৰতিপত্তি বাঢ়িব। কৰ্মক্ষেত্ৰত নতুন দায়িত্ব পাব পাৰে। ভাষণত মধুৰতা ৰাখক, ইয়াৰ দ্বাৰা সম্পৰ্কবোৰ মজবুত হ’ব। ধৰ্মীয় কাম-কাজত অংশগ্ৰহণ সম্ভৱপৰ। অংশীদাৰিত্বত লাভ হ’ব। পুৰণি বিবাদবোৰ সমাধান কৰিব পাৰি। ঘৰত কিবা ধৰ্মীয় অনুষ্ঠান হব পাৰে। পিতৃ-মাতৃৰ পৰা সমৰ্থন পাব।

ধনু ৰাশি

আজি আপোনাৰ বাবে এক উপকাৰী দিন হ’ব। কৰ্মক্ষেত্ৰত আপুনি নতুন প্ৰত্যাহ্বানৰ সন্মুখীন হ’ব। আৰ্থিক অৱস্থা সুদৃঢ় হ’ব। বিদেশৰ লগত জড়িত কামত সফলতা লাভ কৰিব পাৰে। সম্পৰ্কবোৰত হয়তো নতুন মোড় আহিব পাৰে। ছাত্ৰ-ছাত্ৰীসকলে পথ প্ৰদৰ্শন লাভ কৰিব। দীৰ্ঘ দূৰত্বৰ যাত্ৰা কৰিলে আপুনি লাভৱান হ’ব। যিকোনো স্থবিৰ কাম হঠাতে সম্পূৰ্ণ হ’ব পাৰে। আত্মবিশ্বাস বাঢ়িব।

মকৰ ৰাশি

আজি দিনটো ভাল বেয়াৰ মাজেৰে পাৰ হ’ব। কৰ্মক্ষেত্ৰত আপোনাৰ কষ্ট অনুযায়ী ফলাফল পাব পাৰে। আৰ্থিক বিষয়ত সাৱধান হওক। কামৰ বোজা বাঢ়িব পাৰে, কিন্তু আপুনিও প্ৰশংসা লাভ কৰিব। আপুনি হয়তো পুৰণি বন্ধুৰ পৰা সহায় পাব। শিশুৰ সন্দৰ্ভত চিন্তা হ’ব পাৰে। ব্যৱসায়িক পৰিকল্পনা সম্প্ৰসাৰিত হ’ব পাৰে। ঘৰৰ পৰিৱেশ সুখদায়ক হ’ব।

কুম্ভ ৰাশি

আজিয়েই আপোনাৰ উপাৰ্জন বৃদ্ধিৰ বাবে নতুন বিকল্প বিচাৰিব। নতুন কাম আৰম্ভ কৰাৰ বাবে দিনটো শুভ। শান্ত মনেৰে পৰিয়ালৰ সমস্যা সমাধান কৰক। ঘৰতে পাব পাৰে কিছু ভাল খবৰ। নিয়োজিত লোকে বদলি বা পদোন্নতিৰ ইংগিত পাব পাৰে। শিক্ষা আৰু কেৰিয়াৰৰ লগত জড়িত সিদ্ধান্তৰ বাবে সময় অনুকূল। বিবাহিত জীৱনত নতুনত্ব থাকিব। বন্ধু-বান্ধৱীৰ পৰা সমৰ্থন পাব।

মীন ৰাশি

আজি স্বাস্থ্যৰ উঠা-নমা সম্ভৱ। পুৰণি বিনিয়োগৰ পৰা আৰ্থিক লাভ হ’ব। কৰ্মক্ষেত্ৰত সহকৰ্মীসকলৰ পৰা সমৰ্থন পাব। আধ্যাত্মিকতাৰ প্ৰতি আগ্ৰহ বাঢ়িব। এজন জ্যেষ্ঠ ব্যক্তিৰ পৰা গাইডেন্স পাব। ছাত্ৰ-ছাত্ৰীৰ বাবে সময় অনুকূল। কলা আৰু সৃষ্টিশীলতাৰ ক্ষেত্ৰৰ মানুহে স্বীকৃতি লাভ কৰিব। আৱেগিক সিদ্ধান্তত ভাৰসাম্য ৰক্ষা কৰক। প্ৰেমৰ সম্পৰ্কত মধুৰতা থাকিব।

Youth Award Honors:যুৱ সাহিত্যিক পাপৰি বৰ্মনলৈ ৰাষ্ট্ৰীয় বটাঁ

Youth Award Honors:যুৱ সাহিত্যিক পাপৰি বৰ্মনলৈ ৰাষ্ট্ৰীয় বটাঁ
Youth Award Honors:যুৱ সাহিত্যিক পাপৰি বৰ্মনলৈ ৰাষ্ট্ৰীয় বটাঁ

দৈনন্দিনবাৰ্তাৰ সেৱা, পশ্চিম নলবাৰী, ৯ এপ্ৰিল: পশ্চিম নলবাৰী অঞ্চলৰ চামতাৰ সন্তান তথা অসমীয়া সাহিত্য জগতৰ তৰুণ গল্পকাৰ পাপৰি বৰ্মনলৈ এইবাৰ আগবঢ়োৱা হৈছে ৰাষ্ট্ৰীয় সন্মান(Youth Award Honors)।

অসমীয়া গল্পৰ চৰ্চাৰ বাবে পাপৰি বৰ্মনলৈ(writer Papri Burman) ২০২৫ বৰ্ষৰ ভাৰতীয় ভাষা পৰিষদৰ ‘যুৱ পুৰস্কাৰ সন্মান'(National Award) আগবঢ়োৱা হৈছে।

আজি এই বঁটা ঘোষণাৰ পিছতেই অসমৰ সাহিত্য ক্ষেত্ৰৰ লগতে তেওঁৰ জন্মস্থান পশ্চিম নলবাৰীত আনন্দৰ বন্যা বোৱা পৰিলক্ষিত হৈছে। বিভিন্ন অনুষ্ঠান-প্ৰতিষ্ঠানৰ লগতে ব্যক্তিবিশেষে তেওঁক অভিনন্দন জ্ঞাপন কৰিছে।

উল্লেখ্য যে চামতাৰ ৰূপীয়াবাথান নিবাসী পাপৰি বৰ্মনে ‘পৰুৱা পোহনীয়া’ শীৰ্ষক গল্প সংকলনৰ বাবে ২০২৪ বৰ্ষৰ মুনীন বৰুৱা বটাঁৰে সন্মানিত হৈছিল।

২০১৭চনৰ পৰা সাহিত্যৰ  ক্ষেত্ৰখনত জড়িত হৈ সূনাম কঢ়িয়াই অনাত পাপৰি বৰ্মনে চামতালৈ সুনাম কঢ়িয়াইছিল। পাপৰি বৰ্মনৰ প্ৰথম গল্প সংকলন ‘পৰুৱা পোহনীয়া’ৰ মুনীন বৰকটকী বঁটা লাভ কৰাৰ পিছত গল্প চৰ্চাৰে তেওঁ আজি ঘোষিত ২০২৫ বৰ্ষৰ ভাৰতীয় ভাষা পৰিষদৰ ‘যুৱ পুৰস্কাৰ সন্মান’ লাভ কৰাটো অসমীয়া সাহিত্য জগতৰ বাবে আনন্দৰ বতৰা হিচাপে পৰিগণিত হৈছে।

নিৰৱচ্ছিন্নভাৱে সাহিত্যৰ ক্ষেত্ৰখনত আত্মনিয়োগ কৰা পাপৰি বৰ্মনে “জীৱনৰ স্বপ্ন দুৰ্নিবাৰ” শীৰ্ষক গল্পৰ  বাবে ২০২৫ চনৰ নতুন সাহিত্য পৰিষদ’ৰ দ্বাৰা আয়োজিত বিপুল খাটনিয়াৰ গল্প সাহিত্য বঁটাৰে সন্মানিত হয়।

আজি ২০২৫ বৰ্ষৰ ভাৰতীয় ভাষা পৰিষদৰ ‘যুৱ পুৰস্কাৰ সন্মান’ ঘোষণাৰ পিছতেই চামতা নিবাসী পাপৰি বৰ্মনে  নিজৰ অভিমত প্ৰকাশ কৰি কয়, “গল্প এটা লিখিবৰ সময়ত মোৰ মনত বিলাসী জীৱন যাপন কৰা বা বিলাসী গাড়ী এখনত বহিল থকা মানুহ এজনৰ ছবি ভাহি নুঠে।

ইয়াৰ বিপৰীতে শাল বি থকা মানুহগৰাকী, পাণ পাৰি থকা মানুহ এজন বা কোনো সৰ্বসাধাৰণ লোকৰ জীৱনৰ ছবিহে গল্প এটা লিখিবৰ সময়ত মোৰ মনত ভাহি উঠে।”

Chutia Jati Sammelan:১০ এপ্ৰিলত ঢকুৱাখনাত সদৌ চুতীয়া জাতি সন্মিলন অসমৰ শততম প্ৰতিষ্ঠা দিৱস

Chutia Jati Sammelan:১০ এপ্ৰিলত ঢকুৱাখনাত সদৌ চুতীয়া জাতি সন্মিলন অসমৰ শততম প্ৰতিষ্ঠা দিৱস
Chutia Jati Sammelan:১০ এপ্ৰিলত ঢকুৱাখনাত সদৌ চুতীয়া জাতি সন্মিলন অসমৰ শততম প্ৰতিষ্ঠা দিৱস

দৈনন্দিন বাৰ্তাৰ সেৱা, ঢকুৱাখনা, ৯ এপ্ৰিল : অসমৰ অন্যতম ভূমিপুত্ৰ চুতীয়া জনগোষ্ঠীৰ পৱিত্ৰ মঞ্চ ১৯২৫ চনৰ ১০ এপ্ৰিলত প্রতিষ্ঠা লাভ কৰা সদৌ চুতীয়া জাতি সন্মিলন(Chutia Jati Sammelan), অসমে ১০ এপ্রিল, ২০২৫ তাৰিখে শতবর্ষ সম্পূৰ্ণ কৰিছে।

(Dhakuakhana) চুতীয়া জাতিৰ উন্নয়ণৰ হকে নানা ঘাত-প্রতিঘাতৰ মাজেৰে কল্যাণ সাধনৰে সেৱা আগবঢ়াই অহা জাতীয় সংগঠনটোৰ জাতিৰ উপৰিপুৰুষসকলক স্মৰণ কৰাৰ লগতে ভৱিষ্যতৰ বাবেও সংকল্প গ্ৰহণৰ হেতুকে ঢকুৱাখনাৰ সাধনী ভৱনত(Sadhni Bhavan) দিনজোৰা কাৰ্যসূচীৰে জিলা পৰ্যায়ত প্রতিষ্ঠা দিৱসটি(100th Foundation Day) উদযাপন কৰা হৈছে।

কাৰ্যসূচী অনুসৰি পুৱা গছপুলি ৰোপণ কৰিব চুতীয়া উন্নয়ন পৰিষদৰ সদস্য চিত্ৰৰঞ্জন দাস,সাধনীৰ প্ৰতিমূৰ্তিত বন্তি আৰু পুষ্পাঞ্জলী অৰ্পণ কৰিব উপদেষ্টা দিগেন্দ্ৰনাথ হাজৰিকাই।পতাকা উত্তোলন কৰিব সদৌ চুতীয়া জাতি সন্মিলন, অসমৰ ঢকুৱাখনা জিলাৰ সভাপতি দিব্য খনিকৰ আৰু প্ৰতিটো ভাতৃ-ভগ্নী সংগঠনৰ সভাপতি, মূল সন্মিলনৰ প্ৰতিখন আঞ্চলিকৰ সভাপতিসকলে।

দুপৰীয়া সম্বর্ধনা অনুষ্ঠান আৰু মুকলি সভা অনুষ্ঠিত হ’ব। এই সভাত সভাপতিত্ব কৰিব ঢকুৱাখনা জিলাৰ সভাপতি দিব্য খনিকৰে। এই মুকলি সভাখনিত উদ্ধোধনী ভাষণ প্ৰদান কৰিব সদৌ চুতীয়া জাতি সন্মিলনৰ, অসমৰ প্রশাসনিক সম্পাদক নৃপেন শইকীয়াই।

নিদিষ্ট বক্তা হিচাবে সদৌ চুতীয়া জাতি সন্মিলন,অসমৰ উপদেষ্টা তুলসী প্রসাদ শইকীয়া, চুতীয়া যুৱ সন্মিলন, অসমৰ সাধাৰণ সম্পাদক কৌস্তভ কিশোৰ চুতীয়া উপস্থিত থাকিব।

বিশিষ্ট অতিথি হিচাপে উপস্থিত থাকিব ঢকুৱাখনা জিলাৰ প্রাক্তন সভাপতি হেম বৰুৱা, গঙ্গেশ্বৰ বৰুৱা, ঢকুৱাখনা জিলা চুতীয়া জাতি সন্মিলনৰ উপদেষ্টা সোনেপুৰ চুতীয়া, সদৌ চুতীয়া জাতি সন্মিলন, অসমৰ ৰাজ্যিক সদস্য বসন্ত শইকীয়া, সদৌ চুতীয়া জাতি মহিলা সম্মিলন, অসমৰ উপ-সভানেত্ৰী কল্পনা সেনাপতি, চুতীয়া উন্নয়ণ পৰিষদৰ সদস্য ৰত্নেশ্বৰ বৰা, সদস্যা ৰূপাঞ্জলী চুতীয়া, ঢকুৱাখনা জিলাৰ প্ৰাক্তন সম্পাদক অতুল চুতীয়া।

সন্ধিয়া বন্তি প্রজ্জ্বলনত মুখ্য প্রজ্জ্বলক হিচাপে উপস্থিত থাকিব ঢকুৱাখনা পৌৰসভাৰ পৌৰ আয়ুক্ত তিলেন দাসে। সেয়েহে এই অনুষ্ঠানটোত চুতীয়া জাতিৰ সকলো জ্ঞাতিৰ উপস্থিতি কামনা কৰিছে ঢকুৱাখনা জিলাৰ সম্পাদক গৌৰৱ বৰুৱাই।

25th Convocation of AAU:অসম কৃষি বিশ্ববিদ্যালয়ৰ ২৫সংখ্যক সমাৱৰ্তন

25th Convocation of AAU:অসম কৃষি বিশ্ববিদ্যালয়ৰ ২৫সংখ্যক সমাৱৰ্তন
25th Convocation of AAU:অসম কৃষি বিশ্ববিদ্যালয়ৰ ২৫সংখ্যক সমাৱৰ্তন

যোৰহাট, ৯ এপ্ৰিল: জলবায়ু পৰিৱৰ্তন কৃষিৰ বাবে এক গুৰুতৰ সমস্যা।বৰ্ধিত উষ্ণতা, অস্বাভাৱিক বৰষুণ(Unusual rainfall), খৰাং, বানপানী আৰু ধুমুহাই আমাৰ কৃষি ব্যৱস্থাত ব্যাঘাত জন্মায়।(25th Convocation of AAU) ইয়াৰ ফলত খাদ্য সুৰক্ষাই প্ৰভাৱিত হোৱাই নহয়, কৃষিৰ ওপৰত নিৰ্ভৰশীল লাখ লাখ লোকৰ জীৱিকাৰ ওপৰতো প্ৰভাৱ পৰিছে।

সেয়ে ভৱিষ্যতে কৃষিৰ উৎকৰ্ষ সাধনৰ বাবে কৃষি শিক্ষাৰ জ্ঞানক বহনক্ষম কৃষিৰ দিশত কেন্দ্ৰীভূত কৰিব লাগিব।অসম কৃষি বিশ্ববিদ্যালয়ৰ(Assam Agricultural University) ২৫ সংখ্যক সমাবৰ্তন সম্বোধন কৰি অসমৰ ৰাজ্যপাল তথা অসম কৃষি বিশ্ববিদ্যালয়ৰ আচাৰ্য লক্ষ্মন প্ৰসাদ আচাৰ্যই এই মত ব্যক্ত কৰে।

বিশ্ববিদ্যালয়ৰ যোৰহাটস্থ মুল চৌহদত আজি অনুষ্ঠিত সমাবৰ্তনত ৰাজ্যপালগৰাকীয়ে লগতে কয় যে কৃষিৰ স্নাতকসকলে জ্ঞান আৰু দক্ষতাক কৃষক, সমাজ আৰু জাতিৰ সেৱাত ব্যৱহাৰ কৰি দলীয় মনোভাৱেৰে অবিৰতভাৱে কাম কৰিব লাগিব।

আমি যেতিয়াই স্বাৱলম্বী ভাৰত আৰু স্বাৱলম্বী অসমৰ কথা কওঁ তেতিয়াই কৃষি খণ্ডৰ অৱদান আটাইতকৈ গুৰুত্বপূৰ্ণ।কৃষি খণ্ডত এই অৱদানৰ পৰিপ্ৰেক্ষিতত, চৰকাৰে কৃষিৰ বিকাশ আৰু কৃষকৰ সমৃদ্ধিৰ ওপৰত সৰ্বাধিক গুৰুত্ব দিছে।

মই গৌৰৱান্বিত যে কঠিন পৰিস্থিতিতো অসমৰ কৃষকসকলে নিজৰ কঠোৰ পৰিশ্ৰম আৰু নিষ্ঠাৰ জৰিয়তে উল্লেখযোগ্য সফলতা লাভ কৰিছে।

অসমৰ বহু সামগ্ৰী যেনে চাহ, মাজুলী চাউল, তেজপুৰ লিচি আৰু জোহা চাউলে ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত নিজৰ সুকীয়া পৰিচয় গঢ়ি তুলিছে। অসম কৃষি বিশ্ববিদ্যালয়ে অসমকে ধৰি সমগ্ৰ উত্তৰ-পূৰ্বাঞ্চলৰ কৃষি পৰিস্থিতিৰ বিকাশৰ ক্ষেত্ৰত অগ্ৰণী ভূমিকা পালন কৰিছে। দক্ষ মানৱ সম্পদ প্রস্তুত কৰা, শেহতীয়া প্রযুক্তি বিকশিত কৰা আৰু কৃষকৰ জীৱন সমৃদ্ধ কৰাত ই যথেষ্ট অৰিহণা যোগাইছে।

অসম কৃষি বিশ্ববিদ্যালয়ৰ উপাচাৰ্য ড: বিদ্যুৎ চন্দন ডেকাই আদৰণি ভাষণত বিশ্ববিদ্যালয়ৰ বৰ্তমানৰ অগ্ৰগতিৰ আৰু সামগ্ৰিক ৰূপৰেখা দাঙি ধৰা  অনুষ্ঠানটোত সমাবৰ্তনৰ মুল বক্তৃতা প্ৰদান কৰে অসম কৃষি আয়োগৰ চেয়াৰমেন ড: হৰিশংকৰ গুপ্তাই। 

উৰ্বৰ ভূমি, প্ৰচুৰ জলসম্পদ, চহকী জৈৱ বৈচিত্ৰ্যকে ধৰি প্ৰচুৰ প্ৰাকৃতিক সম্পদেৰে অসম চহকী যদিও ৰাজ্যখনৰ অৰ্থনীতিৰ এক গুৰুত্বপূৰ্ণ খণ্ড কৃষি অৱশ্যে যথেষ্ট প্ৰত্যাহ্বানৰ সন্মুখীন হৈছে বুলি উল্লেখ কৰি কয় যে অসমৰ প্ৰধান শস্য ধান খেতি বৰষুণৰ ওপৰত নিৰ্ভৰশীল আৰু জলবায়ু পৰিৱৰ্তনৰ ক্ৰমবৰ্ধমান অভাৱনীয়তাৰ দৰে কাৰকৰ বাবে ইয়াৰ উৎপাদনশীলতাত বাধাৰ সৃষ্টি হৈছে ।

বিশ্বজুৰি কৃষিৰ নাটকীয় পৰিৱৰ্তন হোৱাৰ লগে লগে  অসম কৃষি বিশ্ববিদ্যালয়ে কৃষিৰ অত্যাধুনিক ক্ষেত্ৰসমূহত নিজৰ গৱেষণা বৃদ্ধিৰ বাবে লোৱা পদক্ষেপ প্ৰশংসনীয় ইয়াৰ দ্বাৰা নিখুঁত আৰু সময়োপযোগী সিদ্ধান্ত গ্ৰহণ সম্ভৱ হ’ব, যাৰ ফলত সমগ্ৰ ৰাজ্যৰ কৃষকসকল উপকৃত হ’ব।

অসম কৃষি বিশ্ববিদ্যালয়ে কৃষি বিজ্ঞানৰ সকলো শাখাৰ এক সংহত গাঁথনি বজাই ৰাখিছে বুলি উল্লেখ কৰি  কেৱল অসমৰ নহয়,উত্তৰ-পূৰ্বাঞ্চলৰ  কৃষি আৰু সংশ্লিষ্ট খণ্ডসমূহৰ বাবে অধিক ফলপ্ৰসূভাৱে সেৱা আগবঢ়াব পাৰে।

বিশ্ববিদ্যালয়খনে পৰিৱেশ অনুকূল কৃষি পদ্ধতি, যেনে পানীৰ ব্যৱহাৰ হ্ৰাস কৰা, ৰাসায়নিক সামগ্ৰী কম কৰা, মাটিৰ স্বাস্থ্যৰ উন্নতি সাধন কৰাৰ দৰূবহনক্ষম পদ্ধতিসমূহে অসমৰ কৃষি পৰিৱেশক পৰৱৰ্তী পৰ্যায়লৈ আগুৱাই নিয়াৰ ক্ষেত্ৰত সহায়ক হ’ব।

কৃষক সমাজক শেহতীয়া কৃষি প্ৰযুক্তিৰ সুবিধাৰ প্ৰয়োজন, যাৰ বাবে কৃষি আৰু সংশ্লিষ্ট খণ্ডৰ সকলো ক্ষেত্ৰতে অত্যাধুনিক প্ৰযুক্তিৰ বিকাশ আৰু প্ৰচাৰৰ প্ৰয়োজন, যিয়ে পাছলৈ কৃষি পৰিয়াল আৰু সামগ্ৰিকভাৱে ৰাজ্যখনৰ আয় বৃদ্ধিত সহায় কৰিব। 

অসমৰ কৃষক সমাজক সৱল কৰি তুলিবলৈ কৃষি আৰু সংশ্লিষ্ট খণ্ডৰ সকলো ক্ষেত্ৰতে অত্যাধুনিক প্ৰযুক্তি বিকশিত আৰু প্ৰচাৰ কৰি অসম কৃষি বিশ্ববিদ্যালয়ে এই প্ৰচেষ্টাত গুৰুত্বপূৰ্ণ ভূমিকা গ্ৰহণ কৰিব পাৰে। 

অসম কৃষি বিশ্ববিদ্যালয়ৰ অন্তৰ্গত ৯খন মহাবিদ্যালয় পৰা স্নাতক আৰু স্নাতকোত্তৰ ডিগ্ৰীৰ লগতে পিএইচডি  লাভ কৰা ৫৪৮ শিক্ষাৰ্থীক আনুষ্ঠানিক ভাৱে ডিগ্ৰী প্ৰদান কৰাৰ লগতে সোণৰ পদক আৰু অন্যান্য পুৰস্কাৰ সমুহো প্ৰদান কৰা সমাবৰ্তনত সন্মানীয় অতিথি হিচাপে অসমৰ কৃষি মন্ত্ৰী অতুল বৰাই অংশগ্ৰহণ কৰে।ভাষণ প্ৰসংগত মন্ত্ৰী বৰাই কয় যে অসমৰ দৰে কৃষিভিত্তিক ৰাজ্য এখনৰ বাবে কৃষি শিক্ষা অতি গুৰুত্বপূৰ্ণ কাৰণ ই খাদ্য উৎপাদনৰ বাবে জ্ঞান আৰু দক্ষতা প্ৰদান কৰে।

সঁচা অৰ্থত শক্তিশালী জাতি হ’বলৈ এটা শক্তিশালী কৃষি ভিত্তি অতি প্ৰয়োজনীয়।  আমাৰ কৃষি বিজ্ঞানী আৰু সম্প্ৰসাৰণ বিশেষজ্ঞৰ সম্পূৰ্ণ সমৰ্থন অবিহনে আমাৰ বাবে এয়া সম্ভৱ নহয়। আমাৰ ৰাজ্যৰ সমৃদ্ধি  কৃষকৰ মংগল আৰু খেতিৰ উৎপাদনশীলতাৰ সৈতে গভীৰভাৱে জড়িত।  কৃষক সবলীকৰণ আৰু এই ক্ষেত্ৰত অগ্ৰাধিকাৰৰ জৰিয়তে সকলোৰে বাবে খাদ্য আৰু পুষ্টিৰ সুৰক্ষা লাভ কৰাৰ লগতে দৰিদ্ৰতা আৰু ক্ষুধাৰ বিৰুদ্ধে যুঁজত সহায় কৰিব।

কৃষি খণ্ডত উৎপাদনশীলতা বৃদ্ধিৰ বাবে আমি একত্ৰিতভাৱে কাম কৰি জলসম্পদৰ উন্নত ব্যৱস্থাপনা, উন্নত মানদণ্ডৰ বীজ, বৈজ্ঞানিক কৃষি পদ্ধতি, সাৰৰ যুক্তিসংগত ব্যৱহাৰ, সংহত কীট-পতংগ ব্যৱস্থাপনা আৰু শস্যৰ বৈচিত্ৰ্যৰ ওপৰত গুৰুত্ব দিয়া উচিত। 

যিহেতু এই সকলোবোৰ আন্তঃসম্পৰ্কীয়, গতিকে সমন্বিত পদ্ধতিৰ প্ৰয়োজন বাবে আমাৰ কৃষি বিজ্ঞানীসকলে বহনক্ষম কৃষিৰ ধাৰণাটোৰ দিশত কাম কৰাটো প্ৰয়োজন।সমাবৰ্তনত অৰণ্য মানৱ যাদৱ পায়েং(মুলাই)(Forest Man Yadav Payeng) আৰু  পূৰ্ণিমা দেৱী বৰ্মণক(Purnima Devi Barman) অসম কৃষি বিশ্ববিদ্যালয়ৰ সন্মানীয় ডক্টৰেট ডিগ্ৰী প্ৰদান কৰা হয়।ইয়াৰ পূৰ্বে আজি পুৱাই ৰেল যোগে আহি যোৰহাটত উপস্থিত হোৱা ৰাজ্যপাল তথা বিশ্ববিদ্যালয়ৰ আচাৰ্যগৰাকীক বিশ্ববিদ্যালয়ত আদৰণি জনোৱা হয়।

ইয়াৰ পাছত বিশ্ববিদ্যালয়ৰ কেন্দ্ৰীয় পুথিভঁৰালৰ সন্মুখৰ পৰা সমাবৰ্তনৰ শোভাযাত্ৰা কৰি বিশ্ববিদ্যালয়ৰ মাধৱ চন্দ্ৰ দাস সোঁৱৰণী প্ৰেক্ষাগৃহত সমাবৰ্তনৰ মুল কাৰ্যসূচী অনুষ্ঠিত হয়।

Panchayat Elections 2025:একেখন নাৱৰ যাত্ৰী হোৱাৰ সংকল্প ল’লে বিজেপি-অগপৰ বিধায়কে 

Panchayat Elections 2025:একেখন নাৱৰ যাত্ৰী হোৱাৰ সংকল্প ল'লে বিজেপি-অগপৰ বিধায়কে 
Panchayat Elections 2025:একেখন নাৱৰ যাত্ৰী হোৱাৰ সংকল্প ল'লে বিজেপি-অগপৰ বিধায়কে 

দৈনন্দিন বাৰ্তাৰ সেৱা, ডিব্ৰুগড়, ৯ এপ্ৰিল: সমাগত পঞ্চায়ত নিৰ্বাচনক(Panchayat Elections 2025) লৈ শাসক বিৰোধী সকলো ৰাজনৈতিক দলে কঁকালত টঙালী বান্ধিছে।(BJP-AGP) কিয়নো পঞ্চায়ত নিৰ্বাচনৰ পাছতে ২৬ৰ বিধানসভা নিৰ্বাচন।

গতিকে পঞ্চায়ত নিৰ্বাচনৰ ফলাফলৰ ওপৰত বহুখিনি নিৰ্ভৰ কৰিব ‘২৬ৰ বিধানসভা নিৰ্বাচন। সেয়ে পঞ্চায়ত নিৰ্বাচনৰ পূৰ্বে সমষ্টিয়ে সমষ্টিয়ে দলীয় সাংগঠনিক ভেঁটি শক্তিশালী কৰাত ব্যস্ত হৈছে শাসক দল বিজেপিৰ লগতে আন দলসমূহ।

ৰাজ্যৰ প্ৰধান ৰাজনৈতিক দল কংগ্ৰেছে দলীয় সংঘাতত লিপ্ত থকা সময়ত সমষ্টিয়ে সমষ্টিয়ে অনুষ্ঠিত হৈছে মিত্ৰজোঁটৰ বৈঠক। ডিব্ৰুগড়(Dibrugarh) জিলাৰ নৱ-গঠিত চাবুৱা-লাহোৱাল সমষ্টিত অসম গণ পৰিষদ আৰু বিজেপিয়ে মিত্ৰতাৰে পঞ্চায়ত নিৰ্বাচন খেলাৰ সিদ্ধান্ত চূড়ান্ত কৰিছে।(Same Boat) কিয়নো সমষ্টি পুনৰ নিৰ্ধাৰণৰ ফলত উজনিৰ ডিব্ৰুগড় জিলাৰ লাহোৱাল সমষ্টি বিলুপ্ত হ’ল।

লাহোৱাল সমষ্টি বিলুপ্ত কৰি চাবুৱা সমষ্টিৰ নতুন নামকৰণ কৰা হয় চাবুৱা- লাহোৱাল সমষ্টি(Chabua-Lahwal Constituency)। ফলত লাহোৱাল সমষ্টিৰ অধিকাংশ সমষ্টি অন্তৰ্ভুক্ত কৰা হয় চাবুৱা-লাহোৱাল সমষ্টিত।

ইয়াৰ লগে লগে চাবুৱাৰ অসম গণ পৰিষদৰ বিধায়ক পোনাকণ বৰুৱা আৰু বিলুপ্ত হোৱাত লাহোৱাল সমষ্টিৰ বিজেপিৰ বিধায়ক বিনোদ হাজৰিকাই  পৃথকে পৃথকে নিজ নিজ দলৰ সাংগঠনিক কামকাজত ব্যস্ত হৈছিল চাবুৱা-লাহোৱাল সমষ্টিত।

কিন্তু কেইটামান দিনৰ পূৰ্বে ডিব্ৰুগড়ত কেন্দ্ৰীয় মন্ত্ৰী সৰ্বানন্দ সোণোৱালে সকলো ডিব্ৰুগড় লোকসভা সমষ্টিৰ বিধায়কক একলগ কৰি আলোচনাত মিলিত হৈছিল।সকলোকে মিত্ৰতাৰে পঞ্চায়ত নিৰ্বাচন খেলাৰ নিৰ্দেশ দিছিল। ইয়াৰ পাছতে খং, আক্ষেপ এৰি  মিত্ৰতাৰে পঞ্চায়ত নিৰ্বাচন খেলাৰ কথা ঘোষণা কৰিলে বিধায়ক বিনোদ হাজৰিকাই।

অগপৰ বিধায়ক পোনাকণ বৰুৱাৰ সৈতে আলোচনাৰ অন্তত এই ঘোষণা বিধায়ক বিনোদ হাজৰিকাৰ।দলীয় নেতৃত্বৰ নিৰ্দেশত মিত্ৰতাৰে পঞ্চায়ত নিৰ্বাচন খেলিবলৈ সাজু হোৱা বিজেপিৰ বিধায়ক বিনোদ হাজৰিকাই কয়, “দলৰ নিৰ্দেশত আৰু মুখ্যমন্ত্ৰীৰ আহ্বানত মিত্ৰতাৰে পঞ্চায়ত নিৰ্বাচন খেলাৰ বাবে সাজু হৈছো।

চাবুৱা-লাহোৱাল সমষ্টিৰ ১৮খন আঞ্চলিক পঞ্চায়তৰ ১১খন আসনত বিজেপি আৰু ৭খন আসনত এজিপিয়ে নিৰ্বাচন খেলিব।চাৰিখন জিলা পৰিষদৰ দুখন আসনত বিজেপিয়ে আৰু দুখন আসনত অগপই প্ৰতিদ্বন্দিতা কৰিব।ডিকম আৰু বকুল জিলা পৰিষদত বিজেপি প্ৰাৰ্থী থাকিব আৰু  দিনজয়  আৰু মদাৰখাত জিলা পৰিষদত অগপই প্ৰাৰ্থিত্ব প্ৰদান কৰিব।অগপ দলৰ হৈতে আলোচনা কৰি এই সিদ্ধান্ত গ্ৰহণ কৰা হৈছে।

বিধায়ক পোনাকণ বৰুৱা আৰু বিধায়ক বিনোদ হাজৰিকাৰ মাজত  আলোচনাৰ অন্তত এই মিত্ৰতা হ’লেও সমষ্টিটোত দলীয় কৰ্মীৰ মাজত কিছু অসন্তুষ্টি দেখিবলৈ পোৱা যায়।

এই সম্পৰ্কত বিধায়ক বিনোদ হাজৰিকাই কয়, “সমষ্টিত কোনো ধৰণৰ সংঘাত নাই।সমষ্টিত এই সম্পৰ্কত খবৰ কৰা হৈছে। ৱাৰ্ডসমূহত দলীয় কৰ্মীসকলে দলীয় চিহ্নৰ বাহিৰত নিৰ্বাচন অৱতীৰ্ণ হ’ব পাৰে।কিন্তু ৱাৰ্ডসমূহৰ পৰা অৰাজনৈতিক ব্যক্তি জয়লাভ হোৱাটো বিচাৰো।

Assam Girls Football Team:অসম ছোৱালী ফুটবল দলৰ কৰ্ণাটকক ২-০ গ’লৰ ব্যৱধানত পৰাস্ত কৰি অভিযান আৰম্ভ

Assam Girls Football Team:অসম ছোৱালী ফুটবল দলৰ কৰ্ণাটকক ২-০ গ’লৰ ব্যৱধানত পৰাস্ত কৰি অভিযান আৰম্ভ
Assam Girls Football Team:অসম ছোৱালী ফুটবল দলৰ কৰ্ণাটকক ২-০ গ’লৰ ব্যৱধানত পৰাস্ত কৰি অভিযান আৰম্ভ

দৈনন্দিন বাৰ্তাৰ ক্ৰীড়া প্ৰতিবেদক, গোগামুখ, ৯ এপ্ৰিলঃ  গোৱাৰ ওটৰদাত অনুষ্ঠিত হোৱা  ড্ৰীম  স্প’ৰ্ট ছোৱালীৰ ১৭ বছৰ  অনুৰ্ধ্ব ৰাষ্ট্ৰীয় ফুটবল চেম্পিয়নশ্বপত অসমৰ ছোৱালী ফুটবল দলে(Assam Girls Football Team) অগ্ৰগতি লাভ কৰিছে৷(National Football Championship)

আজি পুৱাৰ ভাগত গোৱাৰ ওটৰদা খেলপথাৰত অনুষ্ঠিত হোৱা খেলখনত অসম ছোৱালী ফুটবল  দলে কৰ্ণাটক ফুটবল দলক ২-০ গ’লৰ ব্যৱধানত পৰাস্ত কৰি নিজৰ অভিযান আৰম্ভ কৰিছে৷

অসম ছোৱালী ফুটবল দলে প্ৰথমাৰ্ধত আক্ৰমণাত্মক খেল প্ৰদৰ্শন কৰে আৰু ৰাইট উইংগাৰ কৰিণা নৰহৰ(Right winger Kareena Narah) সুন্দৰ গ’লেৰে ১-o গ’লৰ  ব্যৱধানত অগ্ৰগতি লাভ কৰে৷

প্ৰথমাৰ্ধ সমাপ্ত হ’বলৈ কিছু সময় বাকী থকা সময়ত অসম দলৰ লেফ্ট উইংগাৰ ছেৰবিকা টেৰাংপিয়ে(Left winger Serbika Terangpi)  আন  ১ গ’ল দি অসমক ফুটবল দলক  ২-০ গ’লত অগ্ৰগতি প্ৰদান কৰে৷দ্বিতীয়াৰ্ধত কৰ্ণাটক দলে গ’ল পৰিশোধ কৰিবলৈ আপ্ৰাণ প্ৰচেষ্টা চলাইছিল যদিও অসম দলৰ অভিজ্ঞ গ’লকীপাৰ কুমকুম কুমাৰীয়ে(Experienced goalkeeper Kumkum Kumari) কৰ্ণাটকৰ সকলোবোৰ আক্ৰমণ প্ৰতিহত কৰে৷

১১ এপ্ৰিলল  অসম ফুটবল দলে আয়োজক গোৱা ছোবালী ফুটবল দলৰ বিৰুদ্ধে অবতীৰ্ণ হ’ব৷

Dhakuakhana Press Guild:ঢকুৱাখনা প্ৰেছ গীল্ডৰ ২৩সংখ্যক প্ৰতিষ্ঠা দিৱস পালন

Dhakuakhana Press Guild:ঢকুৱাখনা প্ৰেছ গীল্ডৰ ২৩সংখ্যক প্ৰতিষ্ঠা দিৱস পালন
Dhakuakhana Press Guild:ঢকুৱাখনা প্ৰেছ গীল্ডৰ ২৩সংখ্যক প্ৰতিষ্ঠা দিৱস পালন

দৈনন্দিন বাৰ্তাৰ সেৱা, ঢকুৱাখনা, ৯ এপ্ৰিল: ঢকুৱাখনাৰ সংবাদ কৰ্মী আৰু সাংবাদিকসকলৰ উমৈহতীয়া মঞ্চ প্ৰেছ গীল্ড ঢকুৱাখনাই(Dhakuakhana Press Guild) গতিপথত ২৩টা বর্ষত প্ৰদাৰ্পণ কৰিলে। ঢকুৱাখনা উপ-জিলাখনৰ সাংবাদিকসকলৰ এক উল্লেখযোগ্য অনুস্থান ঢকুৱাখনা প্ৰেছ গীল্ডৰ প্ৰতিষ্ঠা দিৱস(Foundation Day) বুধবাৰে অনুষ্ঠিত হয়।

ঢকুৱাখনা প্ৰেছ গীল্ডৰ ২৩সংখ্যক প্ৰতিষ্ঠা দিৱস উপলক্ষে পুৱা ৯বজাত গীল্ডৰ পতাকা উত্তোলন কৰে গীল্ডৰ সভাপতি তথা জ্যেষ্ঠ সাংবাদিক তোলন চন্দ্ৰ দত্তই। পতাকা উত্তোলন কৰি দত্তই কয় যে ঢকুৱাখনা প্ৰেছ গীল্ডে উপ-জিলাখনৰ আৰ্থ সামাজিক সাংস্কৃতিক আদি দিশ জনসাধাৰণৰ ওচৰত দাঙি ধৰি সাংবাদিকতাৰ বৃত্তি সঠিকভাৱে পালন কৰি আহিছে।

এই ক্ষেত্ৰত ঢকুৱাখনা প্ৰেছ গীল্ডৰ সমুহ সদস্য ধন্যবাদৰ পাত্ৰ। পতাকা উত্তোলন কাৰ্য্যসূচীৰ পিছতে প্ৰেছ গীল্ডৰ প্ৰাক্তন সভাপতি দুলেন চমুৱাই স্মৃতি তৰ্পণ কাৰ্যসূচী শুভাৰম্ভ কৰি প্ৰেছ গীল্ডৰ প্ৰয়াত সদস্যসকলৰ উপৰি অসমৰ সমাজ জীৱনৰ পৰা হেৰাই যোৱা মহান পুণ্যত্মাসকলক স্মৰণ কৰে।

এই স্মৃতি তৰ্পণ কাৰ্যসূচীত অংশগ্ৰহণ কৰে জ্যেষ্ঠ সাংবাদিক অমৃত পৱন বৰা, বিপুল গগৈ, হেমন্ত কুমাৰ বৰুৱা, ৰাজীৱ বৰুৱা, পুলকজ্যোতি বৰা, পাপু বৰুৱা, প্ৰতাপ দত্তৰ লগতে প্ৰেছ গীল্ডৰ সভাপতি তোলন চন্দ্ৰ দত্তই।

দুপৰীয়া গীল্ডৰ সভাপতি তোলন চন্দ্ৰ দত্তৰ সভাপতিত্বত অনুষ্ঠিত প্ৰতিষ্ঠা দিৱস আৰু বিশেষ সম্বৰ্ধনা সভাত অৱসৰী শিক্ষাবিদ পদ্মা বৰা দাস, জ্যেষ্ঠ নাগৰিক লালিত্য কুমাৰ দাস, বিশিষ্ট নাট্যসাধক নন্দ চুতীয়া, জ্যেষ্ঠ নাগৰিক, অৱসৰপ্ৰাপ্ত শিক্ষাবিদ তৰুণ চন্দ্ৰ পাতিৰ, মানস নেওগ, প্ৰেছ গীল্ডৰ প্ৰতিষ্ঠাপক সভাপতি আলোক চমুৱা, প্ৰাক্তন সভাপতি দুলেন চমুৱাকে প্ৰমুখ্যে কৰি গৰিষ্ঠসংখ্যক অভ্যাগত অতিথি উপস্থিত থাকি বক্তব্য আগবঢ়োৱা জনাকীৰ্ণ সভা যোগানন্দ সূতৰ উদ্বোধনী ভাষনেৰে উদ্বোধন কৰা হয়।

ঢকুৱাখনাৰ শংকৰদেৱ শিশু নিকেতন(Sankardev Shishu Niketan) আৰু আমগুৰি প্ৰাথমিক বিদ্যালয়ৰ(Amguri Primary School) শিশু শিক্ষাৰ্থীসকলৰ শ্ৰুতিমধুৰ গানেৰে সভাখনৰ গাম্ভীৰ্যতা দুগুণ বৃদ্ধি কৰে।

সভাত প্ৰতিষ্ঠাপক সভাপতি আলোক চমুৱা,  প্ৰবীণ শিক্ষাবিদ প্ৰেছ গীল্ডৰ শুভাকাংক্ষী তৰুণ পাতিৰ, নাট্যকৰ্মী নন্দ চুতীয়া, প্ৰতিষ্ঠাপক সভাপতি আলোক চমুৱা, সম্পাদক অমৃত পৱন বৰা আৰু কিছু সংখ্যক সংবাদকৰ্মীক স্মাৰকসহ গামোচাৰে সম্বৰ্ধনা জনোৱা হয়।(Lakhimpur)

ইয়াৰ পাছতে গীল্ডৰ প্ৰতিষ্ঠা দিৱস উপলক্ষে সন্ধিয়া কাৰ্যলয়ৰ চৌহদত বন্তি প্ৰজ্বলন কাৰ্য্যসূচী ৰূপায়ন পাছতে ঢকুৱাখনা নগৰৰ গান্ধী মৌদানৰ প্ৰাংগনত বিশিষ্ট, জ্যেষ্ঠ ব্যক্তি, কবি-গীতিকাৰসকলৰ উপস্থিতিত এক শব্দ আৰু সুৰৰ এসন্ধ্যা অনুষ্ঠানৰ পাছেত সামৰণি পৰে প্ৰতিষ্ঠা দিৱসৰ৷

Student Visa: ট্ৰাম্প প্ৰশাসনৰ ৱৰ্ক ভিছা বন্ধ কৰাৰ পৰিকল্পনাঃ কৰ্মসংস্থাপনহীনতাৰ আতংকই খেদি ফুৰিছে বহু ভাৰতীয় শিক্ষাৰ্থীক

Student Visa: ট্ৰাম্প প্ৰশাসনৰ ৱৰ্ক ভিছা বন্ধ কৰাৰ পৰিকল্পনা
Student Visa: ট্ৰাম্প প্ৰশাসনৰ ৱৰ্ক ভিছা বন্ধ কৰাৰ পৰিকল্পনা

আমেৰিকাত ৱৰ্ক ভিছা বন্ধ কৰাৰ পৰিকল্পনাৰ সময়তে বিপাঙত পৰিছে বহু ভাৰতীয় ছাত্ৰ। প্ৰব্ৰজনকাৰীৰ বিতাড়ন আৰু কঠোৰ ভিছা নিয়ন্ত্ৰণ ড’নাল্ড ট্ৰাম্পৰ প্ৰচাৰ অভিযানৰ প্ৰতিশ্ৰুতিৰ এটা মূল অংশ আছিল। যাৰ ফলত বৰ্তমানৰ এফ-১ আৰু এম-১ ভিছাধাৰীসকলৰ মাজত অস্বস্তিৰ সৃষ্টি হৈছে।(Student Visa)

মাৰ্কিন কংগ্ৰেছত উত্থাপন কৰা এখন নতুন বিধেয়কে আন্তঃৰাষ্ট্ৰীয় ছাত্ৰ-ছাত্ৰীসকলৰ মাজত আতংকৰ সৃষ্টি কৰিছে। বিশেষকৈ বিজ্ঞান, প্ৰযুক্তি, অভিযান্ত্ৰিক আৰু গণিত (STEM) পাঠ্যক্ৰম গ্ৰহণ কৰা ছাত্ৰ-ছাত্ৰীসকলৰ মাজত এই নতুন বিধেয়ক খনে আতংকৰ সৃষ্টি কৰিছে।এই বিধেয়কৰ জড়িয়তে আমেৰিকাত স্নাতক হোৱাৰ পিছত তিনি বছৰলৈকে দেশত থাকিবলৈ দিয়া কামৰ অনুমোদন কাৰ্যসূচী অপচনেল প্ৰেকটিকেল ট্ৰেইনিং (OPT)ৰ অন্ত পেলাবলৈ বিচৰা হৈছে।

এই পদক্ষেপে আমেৰিকাত থকা হাজাৰ হাজাৰ ভাৰতীয় ছাত্ৰ-ছাত্ৰীৰ কেৰিয়াৰৰ সম্ভাৱনাত ব্যাঘাত জন্মোৱাৰ ভাবুকি কঢ়িয়াই আনিছে।অ’পেন ড’ৰ্ছ ২০২৪ৰ প্ৰতিবেদন অনুসৰি ২০২৩–২০২৪ শিক্ষাবৰ্ষত আমেৰিকাত আন্তঃৰাষ্ট্ৰীয় ছাত্ৰ-ছাত্ৰীৰ আকৰ্ষণৰ শীৰ্ষ দেশ হিচাপে আত্মপ্ৰকাশ কৰিছিল, য’ত ৩৩১,৬০২ গৰাকী ছাত্ৰ-ছাত্ৰী আছিল, যিটো পূৰ্বৰ বছৰৰ তুলনাত ২৩ শতাংশ বৃদ্ধি।ইয়াৰে প্ৰায় ৯৭,৫৫৬ জন ছাত্ৰ-ছাত্ৰীয়ে ঐচ্ছিক ব্যৱহাৰিক প্ৰশিক্ষণ (অ’পিটি)ত অংশগ্ৰহণ কৰিছিল, যিয়ে ৪১ শতাংশ বৃদ্ধিৰ প্ৰতিফলন ঘটাইছে।

এতিয়া ভাৰতীয় ছাত্ৰ-ছাত্ৰীৰ বাবে ডাঙৰ চিন্তাৰ বিষয়টো হ’ল আৰ্থিক আঘাত। অ’পিটি অবিহনে ছাত্ৰ-ছাত্ৰীসকলে বছৰ বছৰ ধৰি আমেৰিকাত তেওঁলোকে চাকৰি কৰিব নোৱাৰিব।