Home Blog Page 3295

হিন্দু ক্ৰান্তি দল নলবাৰী জিলা সমিতিৰ সংবাদমেল।

By
দৈনন্দিন বাৰ্তা
-
0
হিন্দু ক্ৰান্তি দল নলবাৰী জিলা সমিতিৰ সংবাদমেল।

নলবাৰী :

সুদিৰ্ঘ কালৰে পৰা অসম আৰু অসমীয়া খিলিঞ্জীয়া অসমীয়াৰ ভৱিষ্যৎ সুৰক্ষাৰ স্বাৰ্থত  আৰু বেদেশী হাতোৰাৰ পৰা কেনেকৈ পৰিত্ৰাণ পাব পাৰি তাৰ চেষ্টা কৰি আছিল। আৰু সেই মহান উদ্যেশ্যে আগত লৈ অসমৰ ৰাইজে অতি নিষ্ঠা আৰু সততাৰে ভাৰতীয় জনতা পাৰ্টিক ৰাজপাটত বহুৱাইছিল। অসমৰ ৰাইজৰ সপোন আছিল কেনেকৈ এই দানৱ সকলক নিৰ্মুল কৰিব পাৰি হিন্দু ক্ৰান্তি দলৰ নলবাৰীৰ সংযোজক নিৰ্মল ৰাজবংশীৰ মন্তব্য। নলবাৰীত হিন্দু ক্ৰান্তি দল নলবাৰী সমিতিয়ে অনুষ্ঠিত কৰা এক সংবাদ মেলত নিৰ্মল ৰাজবংশীয়ে আকৌ কয় যে ৰাইজৰ সকলো আবেগ অনুভুতিক ৰাজ্য চৰকাৰে ধূলিষাৎ কৰিলে। তাৰ ফল স্বৰুপে হাজোৰ সনাতন ডেকা আৰু নুনমাতি ঋতুপৰ্ণ পেগুৰ নিম্নয হত্যাকাণ্ড। অতিকৈ দুখজনক আৰু লজ্জিত বিষয় এই যিখন চৰকাৰক অসমৰ ৰাইজৰ হিয়াৰ আমুঠু হিচাবে লৈছিল আকৌ সেইখন চৰকাৰৰ দিনতে অসমৰ ৰাইজে নিজৰ নিৰাপত্তাৰ কাৰণে হাহাকাৰ কৰিবলগীয়া হল। সেয়েহে হিন্দু ক্ৰান্তি দলৰ দাবী হত্যাকাৰীক ফাচী দিব লাগে অন্যাথায় হিন্দু ক্ৰান্তি দলে হাত সাবতি বহি নেথাকে। লগতে সংযোজক গৰাকীয়ে কয় যে অসমৰ দৃষ্টিপাত সলনি কৰিব বিচৰা পূৰ্ববংগীয়। মুছলমান অসমীয়াৰ বাবে মৃত্যু ঘণ্টা স্বৰুপ। পূৰ্ব বংগীয় মুছলমানে অসমত পেটৰ ভোকত বেপাৰ কৰিব অহা। যদি পেটৰ ভোকত আহিলেহেতেন তেন্তে এজনে ৫জনিকৈ বিয়া পাতি ১০/২০ জনকৈ লৰা-ছোৱালী জন্ম নিদিলেহেতেন।এটাই উদ্যেশ্য অসমখন ইছলামিক স্থান কৰা। সেয়েহে হিন্দু ক্ৰান্তি দলৰ স্পষ্ট কথা এইবোৰক চৰকাৰে কঠোৰ হাতেৰে দমন কৰিব লাগে। আৰু যদি নোৱাৰে হিন্দু ক্ৰান্তি দলে নিজে সিদ্ধান্ত লবলৈ বাধ্য হব। উক্ত সংবাদ মেলত হিন্দু ক্ৰান্তি দল নলবাৰীৰ সাংগঠনিক লিংকন কলিতা, মিন্টু কলিতা উপস্থিত আছিল।

ছাত্ৰনেতাৰ বিৰুদ্ধে এজাহাৰ দাখিল অতিৰিক্ত উপায়ুক্ত-পিংকু দাসৰ । সংবাদমেলত দৰং অনুসূচীত জাতি পৰিষদৰ সভাপতিৰ বিৰুদ্ধে ভুৱা প্ৰচাৰ ।

By
দৈনন্দিন বাৰ্তা
-
0
ছাত্ৰনেতাৰ বিৰুদ্ধে এজাহাৰ দাখিল অতিৰিক্ত উপায়ুক্ত-পিংকু দাসৰ । সংবাদমেলত দৰং অনুসূচীত জাতি পৰিষদৰ সভাপতিৰ বিৰুদ্ধে ভুৱা প্ৰচাৰ ।

মঙলদৈ : সদৌ অসম অনুসূচিত জাতি ছাত্র সন্থা আৰু দৰং জিলা অনুসূচীত জাতি পৰিষদৰ মাজত সৃষ্টি হোৱা অভিযোগ-প্ৰতিঅভিযোগৰ যুঁজৰ মাজতেই বিষয়টি সন্দৰ্ভত দৰঙৰ এগৰাকী অতিৰিক্ত উপায়ুক্ত আৰু জিলা অনুসূচীত পৰিষদৰ সভাপতি পিংকুমণি দাসে অসম অনুসূচিত জাতি ছাত্র সন্থাৰ সভাপতি যুগল কিশোৰ বনিয়াৰ বিৰুদ্ধে মঙলদৈ থানাত সুকীয়া সুকীয়াকৈ এজাহাৰ দাখিল কৰিছে। উল্লেখ্য যে, যোৱা ১০ জুনত মঙলদৈ প্ৰেছ ক্লাৱত অনুস্থিত কৰা এক সংবাদমেলত অনুসৃচীত জাতি ছাত্ৰ সংগঠনতোৰ সভাপতি যুগল কিশোৰ বণিয়াই দৰং জিলা অনুসৃচীত জাতি পৰিষদৰ সভাপতি পিংকুমণি দাসে অনুসূচিত জাতিৰ ভুৱা প্ৰমাণ পত্ৰ উলিয়াই বিভিন্ন চৰকাৰী সুবিধা যেনে বিদেশী সুৰাৰ দোকান, মঙলদৈ কেন্দ্ৰীয় বিদ্যালয় আদিত অবৈধভাবে সুবিধা লাভ কৰি অহা বুলি গুৰুতৰ অভিযোগ উত্থাপন কৰাৰ লগতে তেওঁৰ এনে কাৰ্যত একাংশ বিষয়া কৰ্মচাৰীয়ে সহায় কৰি অহাৰ অভিযোগ উত্থাপন কৰিছিল। ইয়াৰ পৰবৰ্তী সময়ত দৰং জিলা অনসূচীত জাতি পৰিষদৰ সভাপতি পিংকুমণি দাসে আন এক সংবাদমেল অনুষ্ঠিত কৰি উক্ত অভিযোগ দৃঢ়তাৰে নাকচ কৰাৰ লগতে জনমানসত সভাপতি গৰাকীৰ ভাবমূৰ্তি বিনষ্ট কৰাৰ বিৰুদ্ধে আইনগত বৱস্থা গ্ৰহণ কৰিব বুলি জনাইছিল। সেইমৰ্মে জিলা সভাপতি পংকুমণি দাসে মঙলদৈ থানাত অনুসৃচীত জাতি ছাত্ৰ সংগঠনতোৰ সভাপতি যুগল কিশোৰ বণিয়াৰ বিৰুদ্ধে এজাহাৰ দাখিল কৰিছে।উক্ত এজাহাৰৰ ভিত্তিত মঙলদৈ থানাৰ গোচৰ নম্বৰ ৩৩৮/২০২০ মৰ্মে ভাৰতীয় দণ্ডবিধি আইনৰ ২৯৪(বি),৫০০,৫০৬ মৰ্মে এক গোচৰ পঞ্জীয়ন কৰিছে। অনুৰূপধৰণে দৰঙৰ অতিৰিক্ত উপায়ুক্ত কে ডেকাইয়ো যুগল কিশোৰ বনিয়াৰ বিৰুদ্ধে আন এখন এজাহাৰ দাখিল কৰাত আৰক্ষীয়ে মঙলদৈ থানাৰ গোচৰ নম্বৰ ৩৩৪/২০২০ মৰ্মে ভাৰতীয় দণ্ডবিধি আইনৰ ২৯৪(ক)৩৫৩,৩৮৫,৫০০, ৫০৬ মৰ্মে আন এক গোচৰ ৰুজু কৰিছে।    

পিছুৱালে অস্কাৰ অনুষ্ঠান ।

By
দৈনন্দিন বাৰ্তা
-
0

দৈনন্দিন বাৰ্তা প্ৰতিবেদন:

ক’ৰোনা সংক্ৰমণৰ আতংকই পৃথিৱীৰ আন ক্ষেত্ৰৰ লগতে ছবি জগতকো স্পৰ্শ কৰিছিল৷ অৱশেষত ছবি জগতৰ সৰ্বোচ্চ স্বীকৃতি প্ৰদান অনুষ্ঠানতো পৰিল ক’ৰোনা আতংক৷ এই অস্কাৰ অনুষ্ঠান আয়োজন কৰাৰ কথা আছিল ২০২১ চনৰ ফেব্ৰুৱাৰীত৷ কিন্তু ক’ৰোনা সংক্ৰমণৰ প্ৰতি লক্ষ্য ৰাখি দিন সলনি কৰি স্থিৰ কৰিলে ২৫ এপ্ৰিল৷ ৯৩তম অস্কাৰ অনুষ্ঠান আঠ সপ্তাহ পিছুৱাই দিয়া হ’ল৷ উল্লেখ্য যে অস্কাৰ ইতিহাসত এনে ঘটনা এয়ে প্ৰথম নহয়৷ এইবাৰকে লৈ এই অনুষ্ঠান চতুৰ্থবাৰলৈ পিছুৱালে৷ ১৫ জুনত এই কথা ঘোষণা কৰে দ্য অকাডেমী অব ম’ছন পিকচাৰ আৰ্টছ এণ্ড ছায়েন্সছ আৰু এবিচি টেলিভিচ নেটৱৰ্কে৷

অভিনেতা সুশান্তৰ শেষকৃত্যৰ সময়ত বৌৱেকৰ মৃত্যু ।

By
দৈনন্দিন বাৰ্তা
-
0

মাত্ৰ ৩৪ বছৰ বয়সতে যোৱা ১৪ জুনত আত্মঘাতী হোৱা বলীউডৰ অভিনেতা সুশান্ত সিং ৰাজপুতৰ মৃত্যুক লৈ দেশবাসীৰ মাজত আলোচনা অব্যাহত আছে৷ তেওঁৰ মৃত্যুত দেশত শোকৰ ছাঁ পৰে৷ দেওৰেক সুশান্তৰ মৃত্যুক সহজভাৱে ল’ব পৰা নাছিল তেওঁৰ বৌৱেকে৷ সুশান্ত মৃত্যুৰ খবৰত মৰ্মাহত হৈ পৰিচিল বৌৱেক৷ অৱশেষত মৃত্যু হ’ল সুশান্তৰ বৌয়েকৰ৷ স্থানীয় সংবাদ মাধ্যমত প্ৰকাশ যে সুশান্তৰ মৃত্যুৰ খবৰত বৌৱেক মানসিকভাৱে ভাগি পৰিছিল৷ সেইবাবেই তেওঁৰ মৃত্যু হয় বুলি প্ৰকাশ৷ উল্লেখ্য যে সোমবাৰে মুম্বাইৰ ভিলে পাৰ্লে শ্মশানত সুশান্তৰ শেষকৃত্য কৰি থকাৰ সময়তে বিহাৰৰ পূর্ণিয়া জিলাৰ মলডীহা গাঁৱত তেওঁৰ বৌৱেক সুধা দেৱীৰ মৃত্যু হয়৷ মন কৰিব লগা যি সুধা দেৱী কিছুদিন ধৰি অসুস্থ হৈ আছিল৷ এনে অৱস্থাত সুশান্তৰ মৃত্যুৰ খবৰ পাই সুধা দেৱীয়ে খোৱা বোৱা এৰি দিছিল৷ ফলত ক্ৰমশঃ তেওঁৰ স্বাস্থ্য অৱনতি ঘটে৷ বাৰে বাৰে সংজ্ঞাহীন হৈ পৰে৷ তেওঁৰ অৱস্থা বেয়া হোৱাত চিকিৎসা কৰোৱা৷ হয়৷ সংজ্ঞা ঘূৰি আহিলে কেৱল সুশান্তৰ কথা জানিবলৈ বিচাৰিছিল৷ শেষত সোমবাৰৰ বিয়লি তেওঁৰ মৃত্যু হয়৷ সুধা দেৱীৰ স্বামী অমৰেন্দ্ৰ সিঙে জনোৱা মতে সোমবাৰে পুৱা সুধা দেৱীৰ শৰীৰৰ অৱস্থাৰ অৱনতি ঘটিছিল৷ বিয়লি ৫ বজাত তেওঁৰ মৃত্যু হয়৷

ক’ৰোনা ভাইৰাছত মৃত্যুৰ তালিকাত পৃথিৱীৰ অষ্টম স্থানত ভাৰত ।

By
দৈনন্দিন বাৰ্তা
-
0

দৈনন্দিন বাৰ্তা প্ৰতিবেদন:

দেশত নতুনকৈ ১০ হাজাৰৰ অধিক লোক ক’ৰোনাত আক্ৰান্ত হৈছে৷ যোৱা ২৪ ঘণ্টাত দেশত ১০৬৬৭ জন লোকৰ ক’ভিড ৰিপৰ্ট পজিটিভ৷ ইয়াকে লৈ দেশত মুঠ আক্ৰান্তৰ সংখ্যা ৩৪৩০৯১জন হ’লগৈ৷ দেশৰ ভিতৰত মহাৰাষ্ট্ৰত আক্ৰান্তৰ সংখ্যাই আগেয়ে লাখৰ ঘৰ অতিক্ৰম কৰিলে৷ আনহাতে তামিলনাডু আৰু দিল্লীত ৫০ হাজাৰৰ ঘৰৰ ওচৰ পাইছেহি৷ আনহাতে আক্ৰান্তৰ লগতে মৃত্যুৰ সংখ্যা উদ্বেগজনকভাৱে বৃদ্ধি পাইছে৷ মৃত্যুৰ হিচাপত বেলজিয়ামক পিছ পেলাই পৃথিৱীৰ অষ্টম স্থান পাইছেহি ভাৰত৷ কেন্দ্রীয় স্বাস্থ্য মন্ত্ৰালয়ৰ তথ্য মতে, যোৱা ২৪ ঘণ্টাত দেশত ক’ৰোনাত মৃত্যু হোৱা লোকৰ সংখ্যা হ’ল ৩৮০ জন৷ ইয়াকে লৈ ভাৰতত মুঠ মৃত্যুৰ সংখ্যা হ’ল ৯৯০০জন৷ তাৰ ভিতৰত মহাৰাষ্ট্ৰত মৃত্যু হৈছে ৪১২৮, গুজৰাটত ১৫০৫, দিল্লীত ১৪০০ জন৷ আনহাতে পশ্চিম বংগত ৪৮৫, তামিলনাডুত ৪৭৯, মধ্য প্ৰদেশত ৩৯৯, ৰাজস্থানত ৩০১, তেলেংগানাত ১৮৭ আৰু হাৰিয়ানাত ১০০ জনৰ মৃত্যু হৈছে ৷

বেদখলকাৰীৰ কবলত নগাঁৱৰ ঐতিহাসিক মৰিকলং বিল। জিলা প্ৰশাসনৰ আওকণীয়া মনোভাৱত নিঃশেষৰ পথত মৰিকলং বিল।

By
দৈনন্দিন বাৰ্তা
-
0
মৰিকলং বিল পুতি দালান নিৰ্মাণ ।

দৈনন্দিন বাৰ্তা:

নগাঁও জিলাৰ এখন ঐতিহাসিক বিল মৰিকলং বিল৷ নগাঁও চহৰৰ একেবাৰে গাতে লাগি আছে এই মৰিকলং বিল৷ আজি কিছু বছৰৰ আগলৈকে বিভিন্ন পৰিভ্ৰমী পক্ষীৰ কল-কাকলিৰে পূৰ্ণ হৈ আছিল বিলৰ পাৰ আৰু অসংখ্য মাছ-পুঠিৰ লগতে কাছৰ আৱাসস্থলীৰে ভৰি আছিল বিলৰ পানী৷ লাহে-লাহে সময়ৰ সুতত বিলৰ দুয়োপাৰত ভৰি পৰা ঘন জনবসতিৰ ফলত কমি আহিল পৰীভ্ৰমী পক্ষীৰ প্ৰব্ৰজন৷ এসময়ত পৰিভ্ৰমী পক্ষী শৰালিহাঁহ, হাড়গিলা পক্ষীৰ প্ৰব্ৰজনস্থলী হিচাপে সু-পৰিচিত মৰিকলং বিলত এতিয়া শৰালিহাঁহৰ লগতে হাড়গিলা এটাও দেখা পাবলৈ নাই৷ কিন্তু লগতে তাতোকৈও ভয়াৱহ কথাটো হ’ল বৰ্তমান ঐতিহাসিক মৰিকলং বিল খন বহু বেদখলকাৰীৰ কবলত পৰাটোহে৷ উল্লেখ্য যে, শিয়ালেখোৱা, বৰঘাট, বেঙেনাআটী, পাখিমৰীয়া, মৰিকলং, ধেপাজান, ছোটহয়ৱৰ লগতে আন কেইবাটাও অঞ্চলৰ প্ৰায় ৩৫৮ বিঘাৰো অধিক মাটি সামৰি এসময়ত এক বৃহৎ বিলৰূপে পৰিগণিত হোৱা মৰিকলং বিলখন আজি সকলো ফালৰ পৰাই বেদখলকাৰীৰ কবলত পৰি নিশেষঃ হ’বলৈ ধৰিছে৷ এনে অৱস্থাত আৰু কেইবছৰমানৰ ভিতৰতে হয়তো মৰিকলং বিলৰ অস্তিত্বই হেৰাই যাব নগাঁৱৰ বুকুৰ পৰা তথা নগাঁৱৰ মানচিত্ৰত দেখা পোবা নাযাব বৃহত্তৰ মৰিকলং বিলৰ কোনো চিন মকাম৷ যদিও নগাঁওবাসীৰ সুবিধাৰ বাবেই, তথাপিও বিল খনৰ কিছু অংশ পোতাৰ কাম আৰম্ভ হয় চৰকাৰৰ ফালৰ পৰাই৷ স্মৰ্তব্য এই যে, আজি প্ৰায় ২৫ বছৰৰ আগতে ৰাইজৰ সুবিধাৰ কাৰণে এটা বাছ আস্থান বহাবৰ বাবেই বিলৰ প্ৰায় পাঁচ বিঘা চাৰি কঠা দহ লেচা মাটি পুতি পেলোবা হয় সম্পূৰ্ণ চৰকাৰী আদেশত৷ তাৰপিছৰে পৰাই ৩৬ নং ৰাষ্ট্ৰীয় পথৰ মৰিকলং বাছ আস্থানৰ নিচেই কাষৰ পৰা আৰম্ভ কৰি মৰিকলঙৰ দিশৰ পৰা আৰু অধিকাংশই কছলুখোৱা দিশৰ পৰা ভিন্নজন ভদ্ৰতাৰ মুখাপিন্ধা সম্ভ্ৰান্ত পৰিয়ালৰ বেদখলকাৰী ব্যক্তিয়ে মৰিকলং বিলৰ মাটি পুতি সাধাৰণ ঘৰৰ পৰা আৰম্ভ কৰি বিভিন্ন ব্যৱসায়ীক প্ৰতিষ্ঠান, জাৰ্চি গৰুৰ ফাৰ্ম, ব্ৰয়লাৰ ফাৰ্ম, বৃহৎ বৃহৎ কেইবাটাও দালান, বিভিন্ন ধৰ্মীয় অনুষ্ঠানলৈকে বনাবলৈ আৰম্ভ কৰে৷ ঠিক সেইদৰে বেঙেনাআটী, ছোটহয়ৱৰ, ধেপাজান, শিয়ালেখোৱা, বৰঘাট, পাখিমৰীয়া আদি অঞ্চলতো বহু বেদখলকাৰীয়ে যধেমধে বিলৰ মাটি অবাধ হাৰত বেদখল কৰি নিৰ্মাণ কৰি গৈছে এটাৰ পিছত এটাকৈ বাহঁৰ ঘৰৰ উপৰি পকী ঘৰ, বিয়াগোম ফাউণ্ডেচনৰে অট্টালিকা, বিভিন্ন ব্যৱসায়ীক প্ৰতিষ্ঠান, ব্যক্তিগত ব্যৱসায়ীক কাৰ্যালয় আদি৷ মৰিকলং লয়লা ইংলিছ মিডিয়াম হাইস্কুলৰ ঠিক পোনে পোনে কছলুখোৱা বৰ মছজিদৰ নিচেই কাষতে এটা স্থানত একোটা বৃহৎ চাৰিমহলীয়া অট্টালিকাৰ পিছৰ অংশই বিলৰ মাজভাগ পৰ্যন্ত সামৰি লোৱা কাৰ্যই সকলোবে চকু কপালত তুলিছে৷ ৩৬ নং ৰাষ্ট্ৰীয় পথৰে পাৰা পাৰ হোবা প্ৰতিজন সমাজ তথা পৰিৱেশ সচেতন লোকেই এই আট্টালিকা নিৰ্মাণ কৰা গৰাকীৰ মইমতালি আৰু হঠকাৰীতাত তবধ মানিছে৷ প্ৰশাসনৰ বিভিন্ন বিভাগ সমূহৰ আৰ্ষীশধন্য নহলে এই ভয়ংকৰ কাৰ্য কৰিবলৈ কোনেও সাহস কৰিব নোবাৰে বুলিও বহুতে কব খোজে৷ তাৰ সমান্তৰালভাৱে আন আন একাংশ ঘৰৰ সীমাৰ ইটা আৰু শিলৰ বল্ডাৰে গঠিত উৱাল দিনক দিনে বিলৰ মাজভাগলৈকে আগুৱাই গৈ আছে৷ তাৰ ওপৰি বৰ্তমান ঠায়ে ঠায়ে কেইবাটাও ব্যৱসায়ীক প্ৰতিষ্ঠান আৰু ঘৰ নিৰ্মাণৰ কাম পূৰ্ণগতিত চলি আছে বিলখনৰ পাৰত৷ ইয়াৰ ওপৰি অঞ্চলৰ একাংশ অৱসৰপ্ৰাপ্ত প্ৰশাসনিক বিষয়াই লুলুপ দৃষ্টিৰে চৰকাৰী মাটিৰ লগতে বিলৰ মাটি বেদখল কৰাত উঠি পৰি লাগিছে৷ তথাপি সদৰ ৰাজহ চক্ৰ বিষয়াৰ লগতে জিলা প্ৰশাসন চকু মুদা কুলিৰ ভাও ধৰি হাত সাবতি বহি আছে৷ ঐতিহাসিক মৰিকলং বিলৰ ওপৰত এই অবাধ হাৰত হৈ থকা বেদখল সন্দৰ্ভত স্থানীয় বাসিন্দা সকলে মুখ খুলিব নিবিচাৰে যদিও ২০০০ চনত আৰু ২০১৮ চনত বৃহত্তৰ মৰিকলং অঞ্চলৰ স্থানীয় এক প্ৰকৃতিপ্ৰেমী যুৱ সংগঠনে ইয়াৰ বিৰুদ্ধে প্ৰতিবাদ কৰি মাত মাতিছিল আৰু বিলখনক বেদখলকাৰীৰ কবলৰ পৰা উদ্ধাৰৰ বাবে জিলা উপায়ুক্তক বহু আবেদন-নিবেদনো কৰিছিল৷ কিন্তু, তেওঁলোকে জিলা প্ৰশাসন-চৰকাৰ তথা স্থানীয় ৰাইজৰ কোনো বিশেষ সহাঁৰি নাপালে৷ তথাপি বৰ্তমানেও সমাজ তথা পৰিৱেশ সচেতন যুৱ সংগঠনৰ দায়িত্বৰত যুৱক সকলে চেষ্টা কৰি আছে কিবা উপায়েৰে বিলখন উঠি অহা নতুন প্ৰজন্মৰ বাবে বচাবলৈ তথা সংৰক্ষণ কৰিবলৈ৷ তাৎপৰ্যপূৰ্ণ বিষয় এই যে, বিলখনৰ কছলুখোৱা, বেঙেনাআটী, ধেপাজান, ছোটহয়ৱৰ, শিয়ালেখোৱা, পাখিমৰীয়া আদিত বিলৰ পাৰৰ বসতি অঞ্চলৰ শ-শ ঘৰৰ কেঁচা শৌচালয়ৰ বাবেও বিলৰ বৰ্তমান পৰিৱেশ বহু পৰিমানে দূষিত হৈ পৰিছে৷ যাৰ ফলত বিলৰ হাজাৰ হাজাৰ মাছ-পুঠি দূষিত পানীৰ বাবে মাজে মাজে মৃত্যুবৰণ কৰি বিলৰ পানীত উপঙি থকা দেখা যায়৷ বিলৰ দাতিকাষৰীয়া অঞ্চলৰ বহু পৰিয়ালৰ লোকে এই বোৰ দেখি-শুণি ঘিনা উপজাত ক্ৰমাত এতিয়া মৰিকলং বিলৰ মাছ খাবলৈকে এৰি দিয়া লেখিয়া হৈছে৷ পূৰ্বতে এই মৰিকলং বিলৰ মাছ বুলে চহৰে-নগৰে মানুহৰ সুত ববলৈ ধৰিছিল মৰিকলং বিললৈ মাছ নিবলৈ বুলি৷ আনহাতে, কিছু বছৰৰ আগলৈকে মৰিকলং বিলত বৰষি বাবলৈ অহা দূৰ-দূৰনীৰ লোকে লোকাৰণ্য হৈ পৰিছিল বিলৰ দুয়ো পাৰ৷ বহু লোকৰ মাছ খোৱাতকৈ ধৰাটোহে এক প্ৰকাৰৰ চখ৷ তৎচতেও প্ৰতিজনৰ বৰষিত দুই-তিনি পৰা আঠ-দহ কেজি মাছ কেবল বৰষিতে উঠিছিল৷ সেই সকল বৰষি বাউতাই পিছত আনন্দ মনেৰে মাছ বিলাই দিহে ঘৰমুৱা হৈছিল৷ নগাঁও চহৰৰ বহু সম্ভ্ৰান্ত পৰিয়ালৰ চৰকাৰী উচ্চ-প্ৰদস্থ আমোলা-বিষয়া,অৱসৰপ্ৰাপ্ত বিষয়া-শিক্ষক-কৰ্মচাৰী,ব্যৱসায়ী,চৰকাৰী চাকৰিয়াল স্বামী-স্ত্ৰী দুয়ো অফিছ-কাছাৰী বন্ধৰ দিনত মৰিকলং বিলৰ গাতে লাগি থকা নগাঁও বন বিভাগৰ অধিনস্থ সামাজিক বনানি কৰণৰ সৰু পাৰ্ক খনত যন্ত্ৰ চালিত বৰষিৰে মাছ ধৰি আনন্দত বিভুৰ হৈ পৰিছিল৷ আজি যে সেই সকলোবোৰ দৃশ্য এক নষ্টালজিয়াত পৰিণত হল৷ বৃহত্তৰ অঞ্চলৰ বহু কেইজন জ্যেষ্ঠ ব্যক্তিৰ চকুৰ সন্মুখতে তাহানিৰ বোৱতী সুতিত গা-ধোৱা, কাপোৰ ধোৱা, ঘৰৰ অন্যান্য কামৰ বাবে পানীৰ এক মাত্ৰ সমল কলং নৈ লগত সংলগ্ন হৈ থকা এটি সুতি মৰাকলং খন ১৯৫০ চনৰ বৰভূইকম্পত এৰাসুতিত পৰিণত হল৷ তেতিয়াৰে পৰা পূৰ্বৰ কলং নৈৰ সুতি মৰাকলঙৰ পৰা মৰিকলং লৈ ৰূপ ললে৷ সময়ৰ গতিত মৰাকলং সুতি পৰা মৰিকলং বিললৈ পৰ্যবসিত হল৷ আজি প্ৰশাসনক চকুত আঙুলি দি দেখুৱাই দিলেও একো নেদেখাৰ ভাওঁ জুৰাহে পৰিলক্ষিত হৈছে৷ এই ক্ষেত্ৰত স্থানীয় পুৰণি বাসিন্দা সকলৰ নীৰৱ স্থিতিয়ে নতুন নতুন বেদখলকাৰীক আৰু অধিক সাহস যোগোৱাৰ অনুমান কৰে বহু সচেতন লোকে৷ এনে অৱস্থাত নগাঁও জিলা প্ৰশাসন-সদৰ ৰাজহ চক্ৰ বিষয়াই কোনো বিশেষ কাৰ্যকৰী ব্যৱস্থা হাতত নললে অতি সোনকালে ঐতিহাসিক মৰিকলং বিলৰ অৱস্থান ইতিহাসৰ বুকুত হেৰাই যোবাৰ সম্ভাৱনাই অধিক প্ৰবল হৈ পৰিছে৷

ডবকাৰ ৰাষ্ট্ৰীয় ঘাই পথত প্ৰকাণ্ড শাল গছ বগৰাই ডকাইতি কৰাৰ পৰিকল্পনা দুৰ্বৃত্তৰ ।

By
দৈনন্দিন বাৰ্তা
-
0
ডবকাৰ ৰাষ্ট্ৰীয় ঘাই পথত প্ৰকাণ্ড শাল গছ বগৰাই ডকাইতি কৰাৰ পৰিকল্পনা দুৰ্বৃত্তৰ ।

দৈনন্দিন বাৰ্তা:

ডবকা ৩৬ নং ৰাষ্ট্ৰীয় ঘাইপথত ডিফু ৰোড শাল বাগানত যোৱা নিশা দুৰ্বৃত্তই প্ৰকাণ্ড শাল গছ ৰাস্তাৰ মাজত  বগৰাই দিয়াত তীব্ৰ চাঞ্চল্যৰ সৃষ্টি কৰিছে ডবকা অঞ্চলত।  ৰাষ্ট্ৰীয় পথত  দুৰ্বৃত্তই প্ৰকাণ্ড শাল গছ বগৰাই ডকাইতি বা অন্য দুস্কাৰ্য সংঘটিত কৰাৰ পৰিকল্পনা কৰাৰ সন্দেহ প্ৰকাশ কৰিছে বন কৰ্মীৰ লগতে স্থানীয় লোকে। নিশা এক মান বজাত প্ৰকাণ্ড গছ বগৰাৰ  শব্দ শুনি ঘটনাস্থলিত উপস্থিত হয় বন বিভাগৰ লোকসকলে, নিশাৰ ভাগতেই ব্যাপক যান-যটৰ সৃষ্টি হয় পথটোত। বন বিভাগৰ লোক ঘটনাস্থলিত উপস্থিত হোৱাৰ উমান পাই দুৰ্বৃত্তৰ দলটোৱে ঘটনা স্থৱিৰ পৰা পলায়ন কৰে। ডবকা বন বিষয়াৰ কাৰ্যালয়ৰ নিচেই কাষতে সংঘটিত হৈছে এই ঘটনা।পুৰ্বেও বহুবাৰ শাল বাগানত প্ৰকাণ্ড প্ৰকাণ্ড মূল্যবান শাল গছ আৰু চেগুন গছ বগৰাই ডকাইতি কৰাৰ লগতে ৰহস্যজনকভাৱে এটুকুৰা গছৰ খুণ্ডা লৈ নাযায়। একাংশ বন মাফিয়াই কেতিয়াবা বন বিষয়াক বদলিৰ বাবে মানুহ লগাই এনেবোৰ নিকৃষ্ট কাণ্ড সংঘটিত কৰি বন বিষয়াৰ বিৰুদ্ধে গভীৰ ষড়যন্ত্ৰত লিপ্ত হোৱাৰো অভিযোগ আছে অনেক। বিগত বহু বছৰৰ পৰাই কেবাজন বন বিষয়াৰ বদলি নহ’লে এনেবোৰ ঘৃণনীয় কাণ্ড সংঘটিত কৰি বিষয়াক বদনাম কৰাৰ লগতে বদলিকৰণ কৰিবলৈ উচ্চ পদস্থ বিষয়ালৈ অভিযোগ দিয়াৰো অভিযোগ আছে। আৰত বৃহৎ বন মাফিয়া জড়িত থকাৰ সন্দেহ প্ৰকাশ কৰিছে ডবকাৰ সচেতন ৰাইজে। ঘটনা সংক্ৰান্তত বন বিভাগে তদন্ত অব্যাহত ৰাখিছে যদিও কোনো এজন দুৰ্বৃত্তক আটক কৰিবলৈ সক্ষম হোৱা নাই।

জামুগুৰিহাটৰ সংগীয়া মাজৰ চুকৰ নাৰায়ণ হাজৰিকাৰ মৃত্যু।

By
দৈনন্দিন বাৰ্তা
-
0
জামুগুৰিহাটৰ সংগীয়া মাজৰ চুকৰ নাৰায়ণ হাজৰিকাৰ মৃত্যু।

দৈনন্দিন বাৰ্তা:

জামুগুৰিহাটৰ সংগীয়া মাজৰ চুক গাঁৱৰ সৰবৰহী ব্যক্তি, সমাজকৰ্মী নাৰায়ণ হাজৰিকা(৬৪)ৰ দেওবাৰে নিশা পৰলোকপ্ৰাপ্তি ঘটে৷ দেওবাৰে হঠাৎ উচ্চ ৰক্তচাপিত ৰোগত আক্ৰান্ত হোৱাত লোকজনক ততাতৈয়াকৈ তেজপুৰস্হিত মিচন হস্পিতালত ভৰ্তি কৰোৱা হৈছিল যদিও নিশা ১১ বজাত চিকিৎসাসাধীন অৱস্থাতে শেষ নিশ্বাস ত্যাগ কৰে লোকজনে৷ আৰক্ষী বিভাগৰ এগৰাকী প্ৰাক্তন কৰ্মচাৰী হাজৰিকাই অৱসৰৰ পিছতেই সামাজিক কৰ্মৰ সৈতে জড়িত হৈ পৰিছিল৷ সংগীয়া মাজৰ চুক যুৱক সংঘৰ লগত ওতঃপ্ৰোতভাৱে জড়িত হাজৰিকা যুৱক সংঘৰ উপদেষ্টাৰ দায়িত্বত থকাৰ লগতে শ্ৰীমন্ত শংকৰদেৱ সংঘৰো এগৰাকী সদস্য আছিল৷ ইয়াৰোপৰি শংকৰী কলা কৃষ্টিৰ লগত জড়িত হাজৰিকা এগৰাকী সু-নিপুন ভাৱৰীয়াও আছিল৷ হাজৰিকাৰ মৃত্যুৰ খবৰ বিয়পি পৰাৰ লগে লগে হাজৰিকাৰ বাসগৃহত গুণমুগ্ধসকল উপস্থিত হৈ হাজৰিকাৰ নশ্বৰদেহত সংগীয়া মাজৰ চুক যুৱক সংঘ, সংগীয়া মাজৰ চুক মহিলা সমিতি, শ্ৰীমন্ত শংকৰদেৱ সংঘৰ সংগীয়া মাজৰ চুক প্ৰাথমিক শাখা, শ্ৰীমন্ত শংকৰদেৱ নামধৰ্ম সমাজৰ সংগীয়া মাজৰ চুক প্ৰাথমিক শাখাকে  ধৰি বহুকেইটা অনুষ্ঠান প্ৰতিষ্ঠান আৰু ব্যক্তিবিশেষে শেষ শ্ৰদ্ধাঞ্জলী জ্ঞাপন কৰে৷ মৃত্যুৰ সময়ত হাজৰিকাই পত্নী-দুই পুত্ৰসহিতে এক ভৰা সংসাৰ ইহ সংসাৰত এৰি থৈ যায়৷ হাজৰিকাৰ মৃত্যুয়ে সমগ্ৰ অঞ্চলটিতে শোঁকৰ ছাঁ পেলাইছে৷ 

অসাধু চক্ৰৰ বিৰুদ্ধে সাজু চিবিআই : মাৰাত্মক ৰাসায়নিক দ্ৰব্যৰে বজাৰত বিক্ৰী নকল ছেনিটাইজাৰ ।

By
দৈনন্দিন বাৰ্তা
-
0
মাৰাত্মক ৰাসায়নিক দ্ৰব্যৰে বজাৰত বিক্ৰী নকল ছেনিটাইজাৰ ৷

দৈনন্দিন বাৰ্তা:

ক’ৰোনৰ বিৰুদ্ধে অন্যতম অস্ত্ৰ হেণ্ড ছেনিটাইজাৰ৷ এই হেণ্ড ছেনিটাইজাৰ লৈ সাৱধানবাণী শুনালে চিবিআইয়ে৷ চিবিআইয়ে সতৰ্ক কৰিছে যে মাৰাত্মক ৰাসায়নিক দ্ৰব্য দি নকল ছেনিটাইজাৰ বজাৰত বিক্ৰীৰ বাবে এৰি দিছে৷ ইয়াৰ ব্যৱহাৰ হ’ব পাৰে ভয়ংকৰ৷ বিষাক্ত মিথানল দি তৈয়াৰ কৰা হৈছে নকল ছেনিটাইজাৰ৷ অতিৰিক্ত মুনাফাৰ লোভত কেতবোৰ অসাধু ব্যৱসায়ীয়ে এইবোৰ তৈয়াৰ কৰিছে৷ এই বিষয়ে চিবিআইক কিছুদিনৰ আগতে ইণ্টাৰপ’লে কিছু তথ্য দিছিল৷ আন্তর্জাতিক আৰক্ষীয়ে জনায়, কেইখনমান দেশে নকল ছেনিটাইজাৰ বজাৰত এৰি দিছে৷ সেইবোৰত বিষাক্ত ৰাসায়নিক পদাৰ্থ ব্যৱহাৰ কৰা হৈছে৷ এইবোৰ স্বাস্থ্যৰ বাবে অতি বিপদজনক৷ ভাৰতত একেই কার্যকলাপ চলিছে৷ চিবিআইয়ে লগতে জনায় যে এইবাৰ পিপিই বা ছেনিটাইজাৰ বিক্ৰীৰ নামত অনলাইনত ফান্দ পাতিছে কিছুমান অসাধু চক্ৰই৷ গ্ৰাহকৰ পৰা অনলাইনত টকা লৈ সামগ্ৰী দিয়া নাই৷ তেওঁলোকলৈ ফোন কৰিলেও কোনো উত্তৰ নিদিয়ে৷ এই সমগ্ৰ ঘটনাৰ তদন্ত আৰম্ভ কৰিব চিবিআইয়ে৷ 

মাজুলীৰ দৰিদ্ৰ মেধাৱী ছাত্ৰ দিগন্ত কাকতিক বাইচাইকেল প্ৰদান কৰুণা ফাউণ্ডেচনৰ ।

By
দৈনন্দিন বাৰ্তা
-
0
মাজুলীৰ দৰিদ্ৰ মেধাৱী ছাত্ৰ দিগন্ত কাকতিক বাইচাইকেল প্ৰদান কৰুণা ফাউণ্ডেচনৰ ।

বিকাশ শইকীয়া :

চলিত বৰ্ষৰ হাইস্কুল শিক্ষান্ত পৰীক্ষাত সুখ্যাতিৰে তিনিটা বিষয়ত লেটাৰসহ ৭৮.১৬ শতাংশ নম্বৰলৈ ষ্টাৰ পাই উত্তীৰ্ণ হয় মাজুলীৰ দক্ষিণপাট দীঘলী গাঁৱৰ গণেশ কাকতিৰ পুত্র দিগন্ত কাকতি। দিগন্তৰ পিতৃ পেচাত এজন ঠেলা চালক। দৰিদ্ৰ পৰিয়ালটিৰ  জেষ্ঠ কণ্যা যোৰহাট চিনামৰাস্হিত মৃণালী কাকতিয়ে পৰীক্ষাৰ ফলাফল ঘোষণাৰ পাছদিনা একমাত্ৰ ভায়েক দিগন্তৰ উচ্চ শিক্ষা আহৰণৰ কাৰণে দৰিদ্ৰ পৰিয়ালটিৰ এটি চাৰ্ট, এখন চাইকেল  যোগাৰ দিৱলৈ অপাৰগ আদি কথা অৱগত কৰি মাজুলীৰ জনপ্ৰিয় সামাজিক, সাংস্কৃতিক অনুষ্ঠান মাজুলী ডায়েৰী পৰিয়ালৰ মুখ্য সঞ্চালকলৈ ডিজিটেল মাধ্যমৰ জড়িয়তে এখনি পত্ৰৰে বিষয়টি অৱগত কৰি পাৰে যদি যিকোনো প্ৰকাৰে হলেও সহায়ৰ হাত আগবঢ়াৱলৈ অনুৰোধ কৰে। লগে লগে পৰিয়ালটিৰ সঞ্চালকে  কেইবাজনো ভাতৃ প্ৰতিম সংবাদ বন্ধুক বিষয়টি অৱগত কৰি বাতৰি পৰিৱেশন কৰিৱলৈ অনুৰোধ জনায়। ইয়াৰ পাছতে মাজুলীৰ ৰিয়েল নিউজৰ সংবাদকৰ্মী পাপু বৰা, নিয়মীয়া বাৰ্তা তথা ঈশান নিউজৰ প্ৰাঞ্জল খাউণ্ড, BMC  নিউজৰ সঞ্জিত শইকীয়া, অসম আদিত্যৰ কল্পজিত শইকীয়াকে ধৰি আৰু কেইবাজনেও লগে লগে ছাত্ৰজনৰ ঘৰলৈ গৈ বিতংকৈ ছাত্ৰজনৰ বাতৰি পৰিবেশন কৰে। অতি দৰিদ্ৰ পৰিয়ালৰ ছাত্ৰজনে বহু অভাৱৰ মাজতে  ভাল ফলাফল পাৱলৈ সক্ষম হোৱা তথা ঘৰখনৰ আৰ্থিক দুৰৱস্থাৰ বিষয়ে সংবাদ মাধ্যমত  বিস্তৃত ভাবে প্ৰচাৰ হোৱাৰ পিছত তেওঁক সহায় কৰিবলৈ আগবাঢ়ি আহিছে মাজুলীৰ লগতে মাজুলীৰ বাহিৰৰো বিভিন্ন দল, সংগঠন, ব্যক্তি। আজি সাংসদ তপন কুমাৰ গগৈৰ জেষ্ঠ ভ্ৰাতৃ গৌৰীসাগৰ  শালকাথনি মধ্য ইংৰাজী বিদ্যালয়ৰ প্ৰধান শিক্ষক দ্বিপেন গগৈয়ে কিছু আৰ্থিক সাহাৰ্য্য প্ৰদান কৰাৰ লগতে মাজুলীৰ জনপ্ৰিয় প্ৰাক্তন বিধায়ক স্বৰ্গীয় কৰুণা দত্তৰ স্মৃতিত গঢ় লৈ উঠা মাজুলীৰ অন্যতম জনপ্ৰিয় সামাজিক অনুষ্ঠান ‘কৰুণা ফাউণ্ডেচন’ৰ হেপ্পী টু হেল্পৰ জড়িয়তে অনুষ্ঠানটিৰ পৃষ্ঠপোষক, মাজুলীৰ বিশিষ্ট ব্যৱসায়ী গড়মূৰ সত্ৰৰ বাসিন্দা দেৱজিৎ দত্তই ছাত্রজনক  এখন বাইচাইকেল প্ৰদান কৰি তেওঁৰ উজ্জ্বল ভৱিষ্যৎ কামনা কৰে। দৰিদ্ৰ পৰিয়ালটোৱে চাইকেলখন পাই নথৈ আনন্দিত হোৱাৰ লগতে দাতাগৰাকীৰ লগতে তেওঁ পৰিয়াল, প্ৰধান শিক্ষক দ্বিপেন গগৈ আৰু বাতৰি পৰিবেশন কৰা প্ৰতিজন সংবাদকৰ্মী সমন্বিতে প্ৰথম অৱস্থাৰ পৰা সহায়ৰ হাত আগবঢ়োৱা মাজুলী ডায়েৰী পৰিয়াললৈ কৃতজ্ঞতা জনায়।

1...3,2943,2953,296...3,388Page 3,295 of 3,388

© 2024, All Rights Reserved. Powered By Aviyantrik

Privacy Policy    Contact Us