ধনশিৰি

অসম চৰকাৰক কোটি কোটি টকাৰ ৰাজহ চুৰি কৰি  অবৈধভাৱে চলাই অৰুণাচলী সুৰা ব্যৱসায়ী চক্ৰটো যোৱা কিছু মাহ ধৰি স্তব্ধ হৈ পৰিছিল যদিও  উজনি অসমত পুনৰ সক্ৰিয় হৈ পৰিছে৷ বহু বছৰ ধৰি অবৈধ অৰুণাচলী সুৰা ব্যৱসায় চক্ৰটোৱে কাৰ্বি আংলং জিলাৰ মাজেৰে পাৰ হৈ যোৱা ৩৯ নং ৰাষ্ট্ৰীয় ঘাই পথেদি চলাই আছিল যদিও দল-সংগঠন তথা কিছু আৰক্ষী বিষয়াৰ সতৰ্কতাৰ বাবে এই ৰাষ্ট্ৰীয় ঘাই পথটোৱে নিবলৈ পৰা নাছিল৷ এই ব্যৱসায়ী চক্ৰটোৱে ৩৯ নং ৰাষ্ট্ৰীয় ঘাইপথৰ সলনি যোৱা কিছু মাহৰ পৰা গোলাঘাট জিলাৰ ধনশিৰি মহকুমাৰ বৰপথাৰ, সৰুপথাৰ হৈ চূঙাজান হৈ নগালেণ্ডলৈ প্ৰেৰণ কৰি  এক ৰমৰমীয়া ব্যৱসায় চলাই আহিছিল৷ যোৱা কিছু মাহৰ পূৰ্বে চূঙাজানত ৰাইজে তিনিখন কৈ অবৈধ  অৰুণাচলী সুৰা ৰাইজে জব্দ কৰি চূঙাজান আৰক্ষীক গটাই দিয়াৰ পিছত এই সুৰা ব্যৱসায়ীসকলে এই ব্যৱসায়টো কিছু সাম কটাইছিল যদিও পুনৰ সক্ৰিয় হৈ লকডাউনৰ আৰক্ষীৰ চকুত ধুলি দি এই অবৈধ সুৰাৰ ব্যৱসায় কৰিবলৈ উঠিপৰি লগা পৰিলক্ষিত হৈছে ৷ যোৱা ৭ মে’ৰ পুৱতি নিশা মেৰাপানীৰ পৰা গেলাবিল হৈ নগালেণ্ডলৈ গৈ থকা অৱস্হাত বৰপথাৰ আৰক্ষীয়ে এক গোপন সূত্ৰৰ পম খেদি বৰপথাৰৰ গেলাবিলত এ এছ ১২ ই ৭৪৭১ নম্বৰৰ এখন ট্ৰাকত  অবৈধ অৰুণাচলী সুৰা সৰবৰাহ কৰি অনা এখন ট্ৰাক জব্দ কৰিবলৈ সক্ষম হয় ৷  বৰপথাৰ আৰক্ষীয়ে জব্দ কৰিছে অৰুণাচলী সুৰাৰ এই ট্ৰাকখনত অতি কৌশলেৰে লুকুৱাই অনা হৈছিল কেইবালাখ টকাৰ অবৈধ অৰুণাচলী সুৰা৷ ব্যৱসায়ী চক্ৰটোৱে ট্ৰাকখনৰ বডীত নিৰ্মাণ কৰা হৈছিল গোপন চেম্বাৰ আৰু এই গোপন চেম্বাৰতে প্ৰায় ৭০ কাৰ্টন সুৰা কঢ়িয়াই আনিছিল৷ পুৱতি নিশা গোলাঘাট জিলাৰ মেৰাপানী হৈ ধনশিৰি মহকুমাত প্ৰৱেশ কৰিছিল সুৰাভৰ্তি ট্ৰাকখন৷ লকডাউনৰ মাজতো অবৈধ সুৰা সৰবৰাহৰ ঘটনাই ৰহস্যৰ সৃষ্টি কৰিছে ধনশিৰি মহকুমাত৷ এই সুৰা সৰবৰাহত মেৰাপানীৰ জনৈক দাস উপাধিৰ এজন ব্যক্তি জড়িত থকাৰ অভিযোগ উঠি আহিছে যদিও গোলাঘাট জিলা আৰক্ষীয়ে আজিলৈকে এই অবৈধ সুৰা ব্যৱসায়ী চক্ৰটো উৎসাত কৰিবলৈ সমক্ষ হোৱা নাই৷ উল্লেখ্য যে এই অবৈধ সুৰা ব্যৱসায়ৰ বাবে যোৱা বৰ্ষত বোকাজান সিং উপাধিৰ এজন সুৰা ব্যৱসায়ী আৰু এই অবৈধ সুৰাৰ বিৰুদ্ধে অনুসন্ধান কৰিবলৈ যোৱা   আৱকাৰী বিভাগৰ বিষয়া কৰ্মচাৰীসহ বহুকেইজনে দূৰ্বিত্তৰ হাতত প্ৰাণ হেৰুৱা ঘটনাটো সুৰাৰ ব্যৱসায়ী চক্ৰটো জড়িত আছে বুলি সন্দেহ কৰা হৈছে৷ ধনশিৰি মহকুমাত এই সুৰা ব্যৱসায়ী চক্ৰটোৱে কেনেকৈ আৰক্ষীৰ চকুত ধুলি দি পুনৰ অবাধে ব্যৱসায় কৰিবলৈ সক্ষম হৈছে ই এক ৰহস্যৰ বিষয় হৈ পৰিছে৷ উল্লেখ্য যে ধনশিৰি মহকুমা একাধিক সমাজ সংস্কাৰক, ৰাজনৈতিক দলৰ নেতা, পালি নেতাই কিছু দল-সংগঠন, আৰক্ষীক মেনেজ কৰি এই ব্যৱসায় চলাইছিল বুলি সচেতন ৰাইজে অভিযোগ কৰিছে৷ লগতে এই অবৈধ ব্যৱসায়টো বন্ধ কৰিবলৈ  ধনশিৰি মহকুমাৰ জাতীয় দল সংগঠনকো আগবাঢ়ি আহিবলৈ অনুৰোধ জনাইছে স্হানীয় সচেতন ৰাইজে৷

নাজিৰা

 সমগ্ৰ দেশতে লকডাউনত। লকডাউনত সৰ্বস্বান্ত কৃষক। কৃষক শ শ বিঘা খেতি হৈছে নষ্ট। আনফালে কৃষি বিভাগে যোগান ধৰা কেচুসাৰতো এতিয়া দেখা গৈছে ব্যাগোম কেলেংকাৰি। জিলা কৃষি বিভাগলৈ এই কেচুসাৰ প্ৰদান কৰি পঞ্চায়তৰ জৰিয়তে কৃষকলৈ যোগান ধৰা হৈছে এই কেচুসাৰ।কেচুসাৰত থাকিবলগীয়া উৎকৃষ্ট মানণ্ডৰ উচিত পৰিমাণ দ্ৰৱ্যৰ সলনি কেচুসাৰত ওলাইছে কেৱল নদীকিনাৰৰ পলসুৱা মাটি অৰ্থাৎ বালি, লগতে শিল।এই ঘটনা সংঘটিত হয় নাজিৰাৰ হাঁ‌হচৰা লাটুম গাঁৱত৷ শিৱসাগৰ কৃষি বিভাগৰ কাৰ্যালয়ৰ পৰা হাঁ‌হচৰা পঞ্চায়তলৈ যোগান ধৰা হৈছিল উক্ত কেচুসাৰখিনি। কিন্তু এজন কৃষকে কেচুসাৰখিনি তেওঁ কৰা খেতিত প্ৰয়োগ কৰিবলৈ লওতেই উলাই পৰে উৰহি গছৰ উৰ। কেচুসাৰৰ ভৰ্ত্তি বেগত কেচুসাৰৰ পৰিৱৰ্তে ওলাই পলসুৱা মাটি অৰ্থাৎ বাল আৰু শিল। ৰাইন’ নামৰ এটা ৫০ কেজিৰ বেগত কেচুসাৰৰ পৰিৱৰ্তে ওলাইছে এই কেচুসাৰৰ পৰিৱৰ্তে কেৱল পলসুৱা মাটি আৰু শিল। এই বৃহৎ কেলেংকাৰীত প্ৰকৃততে কোন জড়িত, লকডাউনত শ শ বিঘা খেতি-বাতি নষ্ট হোৱাৰ পিছতো যদি কৃষি ভাগে এনেদৰে কৃষকক প্ৰৱঞ্চনা কৰি আহে তেন্তে দৈনিক ৰাজ্যত আৰু অধিক শ শ বিঘা মাটি নষ্ট হৈ পৰিব।

টিংখাং

ভাৰতীয় সেনা বাহিনীৰ এটা দলে মঙলবাৰৰ নিশা আটক কৰা ডিব্ৰুগড় জিলাৰ টিংখাং আৰক্ষী থানাৰ অন্তৰ্গত কুঁৱৰীগাঁৱৰ সত্যব্ৰত বুঢ়াগোঁহাই নামৰ যুৱকজনক যোৱা নিশা আৰক্ষীক গতাই দিয়ে। আলফা স্বাধীনৰে জড়িত থকাৰ সন্দেহত আটক কৰা যুৱকজনক বৃহস্পতিবাৰে আৰক্ষীয়ে টিংখাং থানাৰ পৰা মুকলি কৰি দিয়া বুলি প্ৰকাশ কৰিছে। অৱশ্যে যুৱকজনৰ বিৰুদ্ধে টিংখাং আৰক্ষী থানাত ৯৯/২০/ইউ/এছ১২০বি/১২১/১২১এ আ ই পি চি/ডব্লিউ ১০/১৩ইউ এ(পি) আইন অধীনত এটা গোচৰ ৰুজু কৰিছে। উল্লেখ্য যে ডিব্ৰুগড় বিশ্ববিদ্যালয়ৰ ব্যৱস্থাপনা অধ্যয়ন কেন্দ্ৰৰ চূড়ান্ত বৰ্ষৰ ছাত্ৰ সত্যব্ৰত বুঢ়াগোঁহাই আলফাৰ প্ৰতিষ্ঠাপক সভাপতি বুদ্ধেশ্বৰ গগৈৰ জ্যেষ্ঠ পুত্ৰ। আৰক্ষীৰ পৰা জানিব পৰা মতে সত্যব্ৰতক মুকলি কৰি দিছে যদিও আৰক্ষীয়ে নজৰত ৰখা উপৰি যি কোনো মুহূৰ্তত সোধা পোছাৰ কৰিব পাৰিব বুলি জনায়। ইপিনে সত্যব্ৰতক অতৰ্কিতে সেনা বাহিনীৰ দলে নিজা বাসগৃহৰ পৰা আটক কৰা পাছৰে পৰা বিভিন্ন মহলত ব্যাপক প্ৰতিক্ৰিয়াৰ সৃষ্টি হৈছিল।