দেৰগাঁৱৰ গঁড়মৰা চকীয়ালত অঘটন। টুলুঙা নাৱৰ পৰা বাঢ়নী পানীত পৰি সন্ধানহীন বিশ্ব ভূঞা নামৰ এজন যুৱক।
ঘটনাস্থলীত বৰ্তমানেও উপস্থিত হোৱা নাই SDRF বাহিনীৰ দল। যুৱকজনক উদ্ধাৰৰ বাবে চেষ্টা অব্যাহত ৰাখিছে স্থানীয় ৰাইজে। চাৰি যুৱকে টুলুঙা নাৱেৰে যাত্ৰা কৰোঁতেই এই অঘটন।
আজিৰে পৰা দেশত কাৰ্যকৰী তিনিখনকৈ নতুন ফৌজদাৰী আইন। তিনিখন নতুন ফৌজদাৰী আইন ক্ৰমে ভাৰতীয় নাগৰিক সুৰক্ষা সংহিতা, ভাৰতীয় ন্যায় সংহিতা আৰু ভাৰতীয় সাক্ষ্য অধিনিয়ম আজিৰে পৰা দেশত প্ৰযোজ্য হ’ব। কেন্দ্ৰীয় আইন দপ্তৰৰ ৰাজ্যিক মন্ত্ৰী (স্বতন্ত্ৰ) অৰ্জুন ৰাম মেঘৱালে ঘোষণা কৰা অনুসৰি ২০২৪ চনৰ ১ জুলাইৰ পৰা নতুন ফৌজদাৰী আইন—ভাৰতীয় ন্যায় সংহিতা, ভাৰতীয় সুৰক্ষা সংহিতা, আৰু ভাৰতীয় সাক্ষ্য অধিনিয়ম—কাৰ্য্যকৰী কৰা হ’ব।এই আইনসমূহ ব্যাপকভাৱে সংশোধন কৰা হৈছে। আইনসমূহত শাস্তি আৰু জৰিমানৰো কেতবোৰ নতুন বিধান ৰখা হৈছে। বিজেপি সাংসদ ব্ৰিজলালৰ নেতৃত্বত গঠিত সংসদীয় সমিতিয়ে কৈছে যে গৃহ মন্ত্ৰালয়ে প্ৰস্তুত কৰা তিনিখন নতুন আইনৰ নাম হিন্দীত দিয়া হ’ব। কিন্তু সেই নাম ইংৰাজী লিপিত লিখা হ’ব।
গতিকে সেই নামবোৰ অসাংবিধানিক বুলি গণ্য কৰিব পৰা নাযাব। কেন্দ্ৰই ভাৰতীয় দণ্ডবিধিৰ (আইপিচি) ধাৰা ১২৪(ক) সংশোধন কৰাৰ সিদ্ধান্ত লৈছে। লোকসভাত তিনিখন আইন – ভাৰতীয় দণ্ডবিধি, ফৌজদাৰী প্ৰক্ৰিয়া বিধি (চিআৰপিচি) আৰু ভাৰতীয় প্ৰমাণ আইন সলনি কৰাৰ প্ৰস্তাৱ উত্থাপন কৰা হৈছিল। চিআৰপিচিৰ নাম সলনি হৈ হ’ব নাগৰিক সুৰক্ষা সংহিতা, এভিডেন্স এক্টৰ নাম সলনি হৈ হ’ব ভাৰতীয় সাক্ষ্য আইন। আইন তিনি খনৰ কাৰ্যকৰীকৰণ সন্দৰ্ভত মেঘৱালে কয় “আইপিচি, চিআৰপিচি, আৰু ভাৰতীয় প্ৰমাণ আইন সলনি হৈছে। যথাযথ পৰামৰ্শৰ অন্তত উপযুক্ত প্ৰক্ৰিয়া অনুসৰণ কৰি তথা ভাৰতীয় আইন আয়োগৰ প্ৰতিবেদনৰ ভিত্তিত আইনকেইখন সলনি কৰা হৈছে।’মেঘৱালে লগতে প্ৰকাশ কৰা মতে নতুন আইন তিনিখনৰ বাবে সকলো ৰাজ্যতে প্ৰশিক্ষণ প্ৰদান কৰা হৈছে।তেওঁ লগতে কয়, “আমাৰ ন্যায়িক একাডেমী, ৰাষ্ট্ৰীয় আইন বিশ্ববিদ্যালয়সমূহেও একেটা কামৰ বাবে প্ৰশিক্ষণ প্ৰদান কৰিছে। সকলো একেলগে চলি আছে আৰু ১ জুলাইৰ পৰা অপৰাধমূলক ন্যায় ব্যৱস্থাৰ বাবে গুৰুত্বপূৰ্ণ এই তিনিওখন আইন দেশত কাৰ্যকৰী হ’ব।” ভাৰতীয় নাগৰিক সুৰক্ষা সংহিতাৰ অধীনত সাধাৰণ অপৰাধমূলক আইন অনুসৰি আৰক্ষীৰ জিম্মা ১৫ দিনৰ পৰা ৯০ দিনলৈ বৃদ্ধি কৰা হৈছে, অপৰাধৰ প্ৰকৃতিৰ ওপৰত নিৰ্ভৰ কৰি এই আইন খনত ৩৫৮টা ধাৰা থাকিব (আই পি চিত ৫১১টা ধাৰা আছিল)। আইনখনত মুঠ ২০টা নতুন অপৰাধ সংযোজন কৰা হৈছে আৰু ইয়াৰে ৩৩টা অপৰাধৰ কাৰাদণ্ডৰ সময় বৃদ্ধি কৰা হৈছে।
৮৩টা অপৰাধত জৰিমনাৰ পৰিমাণ বৃদ্ধি কৰাৰ লগতে ২৩টা অপৰাধত বাধ্যতামূলক নূন্যতম শাস্তি প্ৰৱৰ্তন কৰা হৈছে। ছটা অপৰাধৰ বাবে সামূহিক সেৱাৰ শাস্তি প্ৰৱৰ্তন কৰা হৈছে আৰু বিধেয়কখনৰ পৰা ১৯টা ধাৰা বাতিল বা আঁতৰাই দিয়া হৈছে। বিধেয়কখনত মুঠ ১৭৭টা বিধান সলনি কৰা হৈছে আৰু ইয়াত ৯টা নতুন ধাৰাৰ লগতে ৩৯টা নতুন উপ-ধাৰা সংযোজন কৰা হৈছে। খচৰা আইনখনত ৪৪টা নতুন বিধান আৰু স্পষ্টীকৰণ সংযোজন কৰা হৈছিল। ৩৫টা ধাৰাত সময়সীমা সংযোজন কৰা হৈছে আৰু ৩৫টা স্থানত অডিঅ’-ভিডিঅ’ৰ ব্যৱস্থা সংযোজন কৰা হৈছে। আইন খনৰ পৰা মুঠ ১৪টা ধাৰা বাতিল কৰা হৈছে। ভাৰতীয় সাক্ষ্য অধিনিয়মত ১৭০টা বিধান থাকিব (পূৰ্বৰ ১৬৭টা বিধানৰ পৰিৱৰ্তে) আৰু ইয়াত মুঠ ২৪টা বিধান সলনি কৰা হৈছে। আইন খনত দুটা নতুন বিধান আৰু ছটা উপ-বিধান সংযোজন কৰা হৈছে আৰু ছটা বিধান বাতিল বা বাদ দিয়া হৈছে। ভাৰতীয় ন্যা সংহিতা ঔপনিৱেশিক যুগৰ আইনসমূহৰ একেবাৰে বিপৰীত হ’ব।
আজি যোৰহাট জিলা দিৱস উপলক্ষে বলিমৰা ৰাজহ এলাকাধিন নাগাদেৰা হনুমান মন্দিৰৰ প্ৰেক্ষাগৃহত কণ কণ মইনা সকলৰ মাজত চিত্ৰাংকন প্ৰতিযোগিতা অনুষ্ঠিত কৰা হয়।
গাঁওপ্ৰধান বিতুল লাহন, গাঁওৰক্ষী বাহিনীৰ সভাপতি কৃষ্ণ প্রশাদ শৰ্মাৰ উদ্যোগত আৰু ৰাইজৰ সহযোগত আজি এই চিত্ৰাংকন প্ৰতিযোগিতাৰ অনুষ্ঠিত কৰা হয়।
বিচাৰক হিচাবে কাকজন চাহ বাগিচা মধ্য ইংৰাজী বিদ্যালয়ৰ শিক্ষক মহম্মদ সিফিজোৰ ৰহমানৰ লগতে লিপিকা শৰ্মাই অংশ উপস্থিত থাকে। প্ৰথম মহম্মদ এছলম আহমেদ, দ্বিতীয় ৰিয়ানোজ ৰাজুৱাৰ, আৰু তৃতীয় স্থান পাবলৈ সক্ষম হয় দীপিকা শৰ্মাই। অনুষ্ঠানত নাগাদেৰা হনুমান মন্দিৰৰ সভাপতি ভোগেশ্বৰ গিৰিৰ লগতে গাঁৱখনৰ মহিলা সকল উপস্থিত থাকি আজিৰ এই অনুষ্ঠানত সাফল্য মণ্ডিত কৰাৰ বাবে গাঁওৰক্ষী বাহিনীৰ সভাপতি কৃষ্ণ প্ৰশাদ শৰ্মাই সিকলোকে ধন্যবাদ জ্ঞাপন কৰে লগতে প্ৰত্যেক দেওবাৰৰ দিনা এই গাঁৱৰ কণ কণ শিশুসকলক চিত্ৰাংকন শিকাবৰ বাবে এজন শিক্ষকৰ ব্যৱস্থা কৰা হ’ব বুলি ঘোষনা কৰি সকলোৰে সহযোগিতাৰ বাবে অনুৰোধ জনায়।
অসমীয়া চলচ্চিত্ৰ জগতলৈ আকৌ এক সু-খবৰ। অসমীয়া চলচ্চিত্ৰ ‘কাকা’ই ৫ টাকৈ আন্তঃৰাষ্ট্ৰীয় পুৰস্কাৰ লাভ কৰিছে। সংযুক্তা বেজবৰুৱাৰ প্ৰযোজনা আৰু ৰমেন বৰ্মন পৰিচালিত ইতিবাচক বাৰ্তা বহন কৰা “ককা” শীৰ্ষক এই অসমীয়া ছবি ছবিখনত অভিনয় কৰিছে ৰমেন বৰ্মন, ভ্ৰান্তি মেধি, জয়ন্ত ভাগৱতী, চেতনা দাস, হিৰণ্য ডেকা, ৰাকেশ বৰুৱা, মানস শৰ্মা, অমিতাভ ৰাজখোৱা আদিয়ে।
“কাকা”ই সমালোচক আৰু দৰ্শকক একেদৰেই আপ্লুত কৰি আন্তঃৰাষ্ট্ৰীয় চলচ্চিত্ৰ মহোৎসৱত প্ৰশংসা আৰু সন্মানীয় বঁটা লাভ কৰিবলৈ সক্ষম হৈছে। ড্ৰুক আন্তঃৰাষ্ট্ৰীয় চলচ্চিত্ৰ মহোৎসৱ, ইণ্ডো ডুবাই আন্তঃৰাষ্ট্ৰীয় চলচ্চিত্ৰ মহোৎসৱ, গেংটক আন্তঃৰাষ্ট্ৰীয় চলচ্চিত্ৰ মহোৎসৱত এই ছবিখনে শ্ৰেষ্ঠ বৈশিষ্ট্যপূৰ্ণ চলচ্চিত্ৰৰ সন্মান লাভ কৰিছে। ইয়াৰ উপৰি “কাকা”ক কাল্ট ক্ৰিটিক মুভি এৱাৰ্ড আৰু নাইট অৱ দ্য ৰিল এৱাৰ্ডত স্বীকৃতি লাভ কৰিছে।
“কাকা”ত অসমৰ এজন সাধাৰণ গাঁৱৰ মানুহ কাকাৰ হৃদয়স্পৰ্শী আৰু আৱেগিক কাহিনী দেখুওৱা হৈছে। কাহিনীভাগত একান্ত নিষ্ঠাবান আৰু কঠোৰ পৰিশ্ৰমী হোৱা স্বত্বেও কাকা নিয়োগকৰ্তাৰ দ্বাৰা অহৰহ প্ৰতাৰিত হোৱা দেখা যায়। তেওঁৰ পুত্ৰই তেওঁলোকৰ দৰিদ্ৰতাৰ বাবে লাজ পায়। কাহিনীটোৱে হৃদয়বিদাৰক ৰূপ লয় যেতিয়া পুত্ৰ আৰু বোৱাৰীয়েও কাকাৰ বিৰুদ্ধে মিছা অভিযোগ তোলে আৰু নিজৰ ঘৰখন এৰি যাবলৈ বাধ্য কৰে। কিন্তু প্ৰতিকূলতাৰ সন্মুখতো “ককা”ই অদম্য মানৱীয় মনোভাৱ প্ৰদৰ্শন কৰে। ছবিখনত কাকাৰ জীৱনৰ উত্থানৰ কাহিনী অনন্য আৰু প্ৰেৰণাদায়ক ৰূপত দাঙি ধৰা হৈছে। “কাকা”ই কেৱল ধনাত্মক দিশটোক আগস্থান দি সুপ্ত প্ৰতিভা আৱিষ্কাৰ কৰাৰ এক শক্তিশালী প্ৰমাণ হিচাপে কাম কৰে। একাপ চাহ। একাপ চাহে মানুহৰ জীৱনেই সলনি কৰিব পাৰে। হাস্যৰস, জীৱন সংগ্ৰাম আদি প্ৰতিফলিত কৰা ‘কাকা’ই আশাৰ বাৰ্তা কঢ়িয়াই বিশ্বজুৰি দৰ্শকৰ মাজত গভীৰভাৱে অনুৰণন ঘটাবলৈ সক্ষম হৈছে।
ছবিখনৰ সফলতাত উৎফুল্লিত পৰিচালক ৰমেন বৰ্মনে নিজৰ সৃষ্টিশীল দৃষ্টিভংগী প্ৰকাশ কৰি কয় যে এই সংস্কৃতিৰ পথাৰত ভৰি থবৰ পৰাই তেওঁ এনে কাহিনীৰ প্ৰতি আকৰ্ষিত হৈ আহিছে। তেওঁ আৰু কয় যে এনে কাহিনীয়ে কেৱল দৰ্শকৰ বাবেই নহয়, তেওঁ নিজৰ বাবেও গভীৰ স্তৰত অনুৰণন ঘটায়। বৰ্মনে তেওঁৰ চলচ্চিত্ৰ নিৰ্মাণ দৰ্শনৰ বিষয়ে আৰু কয় যে তেওঁ কেৱল মনোৰঞ্জনক অতিক্ৰম কৰা ছবি সৃষ্টি কৰিবলৈ চেষ্টা কৰে। তেওঁৰ লক্ষ্য হৈছে মানৱ অভিজ্ঞতাৰ বহুমুখী সৌন্দৰ্য্যক উদযাপন কৰা কাহিনী সৃষ্টি কৰা, যিবোৰে দৰ্শকৰ মনত সাঁচ বহুৱায়, তেওঁলোকক সেই কাহিনী আদৰ্শ ৰূপে গ্ৰহণ কৰিবলৈ প্ৰেৰণা দিয়ে আৰু হয়তো দৃষ্টিভংগীৰ পৰিৱৰ্তনও সম্ভৱ কৰে। বৰ্মনে কয় যে কাকাৰ কাহিনীয়ে যদি মানুহক গতিশীল হৈ থকাত শক্তি দিয়ে, সেইটোৱেই তেওঁ বাবে চলচ্চিত্ৰ নিৰ্মাণৰ চূড়ান্ত পুৰস্কাৰ।
জুলাই মাহৰ প্ৰথম দিনটোতে দেশবাসীলৈ ভাল খবৰ৷
কিয়নো হ্ৰাস পালে প্ৰতিটো বাণিজ্যিক চিলিণ্ডাৰৰ দাম৷
৩০টকা পৰ্যন্ত দাম হ্ৰাস পালে প্ৰতিটো LPG চিলিণ্ডাৰৰ দাম৷
দিল্লী, মুম্বাই, কলকাতা, চেন্নাইত দাম কমিল চিলিণ্ডাৰৰ৷
সাম্প্ৰতিক বান পৰিস্থিতিৰ প্ৰতি লক্ষ্য ৰাখি মুখ্যমন্ত্ৰী ড° হিমন্ত বিশ্ব শৰ্মাৰ লখিমপুৰ ভ্ৰমণ বাতিল।
আজিৰে পৰা দুদিনীয়াকৈ ভ্ৰমণ কাৰ্যসূচী আছিল মুখ্যমন্ত্ৰীৰ।
মঙলবাৰে উত্তৰ লখিমপুৰত আয়োজন কৰা হৈছিল আয়ুক্ত সন্মিলন।
আয়ুক্ত সন্মিলনো বাতিল কৰা হৈছে৷
অসম সাহিত্য সভাৰ অক্লান্ত কৰ্মী-সাহিত্যসেৱক, কুইজ মাষ্টাৰ হিচাপে খ্যাত অমৰ শিশুপ্ৰাণ অমৰেন্দ্ৰ বৰুৱাৰ দশম স্মৃতি দিৱসটি দেওবাৰে দিনজোৰা কাৰ্যসূচীৰে পালন কৰা হয়। অমৰ শিশুপ্ৰাণ মেম’ৰিয়েল ট্ৰাষ্টৰ উদ্যোগত আৰু ১ নং মৰিটুনী গাঁও উন্নয়ন সমিতিৰ সহযোগত ১ নং মৰিটুনী প্ৰাথমিক বিদ্যালয়ত পুৱা ৯ বজাৰ পৰা আৰম্ভ হোৱা স্মৃতিচাৰণ অনুষ্ঠানটিৰ লগত সংগতি ৰাখি মধ্য মাজুলীৰ শতাধিক শিশু-ছাত্ৰ-ছাত্ৰীৰ অংশগ্ৰহণৰে ‘শিশুৰ প্ৰতিভা বিকাশ অনুষ্ঠান’ শীৰ্ষক বৰ্ণিল অনুষ্ঠান সম্পন্ন হয়। সভাৰ আৰম্ভণিতে প্ৰয়াত অমৰেন্দ্ৰ বৰুৱাৰ প্ৰতিচ্ছবিত স্মৃতি তৰ্পণ কৰে ১ নং মৰিটুনী প্ৰাথমিক বিদ্যালয়ৰ প্ৰধান শিক্ষক সুৰেশ চন্দ্ৰ বৰাই আৰু বন্তি প্ৰজ্বলন কৰে খৰিচাখোৱা প্ৰাথমিক বিদ্যালয়ৰ প্ৰধান শিক্ষক তথা অমৰেন্দ্ৰ বৰুৱাৰ সহধৰ্মিনী অনুপ্ৰভা দেৱীয়ে।
একুৰি শিশুশিল্পীৰ দিহানামেৰে শুভাৰম্ভণি হোৱা স্মৃতিচাৰণ সভাখনত অসম সাহিত্য সভাৰ কেন্দ্ৰীয় কাৰ্যনিৰ্বাহক সদস্য ভূপেন দত্ত, মাজুলী জিলা সাহিত্য সভাৰ সম্পাদক কেশৱ কাকতি, ধনভৰালী প্ৰণৱজিত মিশ্ৰ, সহকাৰী সম্পাদক সোণজ্যোতি পামেগাম, কুঁহি আহ্বায়ক গোলাপ চন্দ্ৰ নাথ, গাঁও উন্নয়ন সমিতিৰ সভাপতি প্ৰশান্ত ৰেগন, সুৰেশ চন্দ্ৰ বৰা, জোনালী নাথে বিশিষ্ট অতিথি হিচাপে অংশগ্ৰহণ কৰি অমৰেন্দ্ৰ বৰুৱাৰ জীৱন আৰু কৰ্মৰাজিৰ ওপৰত গীতে-মাতে বিস্তৃত বক্তৃতা-আলোচনা আগবঢ়ায়। অমৰ শিশুপ্ৰাণ মেম’ৰিয়েল ট্ৰাষ্টৰ অন্যতম বিষয়ববীয়া তথা ১ নং মৰিটুনী গাঁও উন্নয়ণ সমিতিৰ সম্পাদক মনোজ্যোতি ৰেগনে আঁত ধৰি উদ্দেশ্য ব্যাখ্যা কৰা অনুষ্ঠানটিত ইয়াৰ পিছতে শিশু-ছাত্ৰ-ছাত্ৰীসকলে ভূপেন্দ্ৰ সংগীত, বিষ্ণু ৰাভা সংগীত-নৃত্য, কবিতা পৰিৱেশনৰে সকলোকে আকৃষ্ট কৰে।
অমৰ শিশুপ্ৰাণ মেম’ৰিয়েল ট্ৰাষ্টৰ অন্যতম সদস্য তথা অমৰেন্দ্ৰ বৰুৱাৰ জেষ্ঠ্য পুত্ৰ সংগঠক শংকুসিদ্ধ নাথে পৰিচালনা কৰা কুইজ অনুষ্ঠানে স্মৃতি দিৱসটিক অনন্য মাত্ৰা প্ৰদান কৰে। সভাৰ শেষত সকলো অংশগ্ৰহণকাৰীকে মান পত্ৰ, লেখন সামগ্ৰী আৰু মিষ্ট প্ৰসাদ বিতৰণ কৰা হয়।
সন্তান জন্ম হ’লে প্ৰথম ৬ মাহ মাকৰ গাখীৰ খাবলৈ দিয়া হয়। ইয়াৰ পিছত শিশুটিক বেলেগ খাদ্য খুৱাবলৈ আৰম্ভ কৰা হয়। এই বেলেগ খাদ্যৰ ভিতৰত আপুনি আপোনাৰ সন্তানক চাহ-বিস্কুট দিয়ে নেকি? কিন্তু শিশুক চাহ-বিস্কুট খুৱাব নালাগে। ইয়াৰ আঁৰৰ কাৰণ কি জানি লওক…
১) বিস্কুট আটাৰ পৰা তৈয়াৰ কৰা হয় য’ত চেনি আৰু কল তেলও থাকে।
২) চেনি আৰু কল তেলে শিশুৰ স্বাস্থ্যৰ ক্ষতি কৰিব পাৰে।
৩)বিস্কুটত ব্যৱসায়িক সংৰক্ষক পদাৰ্থ থাকে, যিয়ে শৰীৰত থকা তেজ নষ্ট কৰিব পাৰে।
৫)বিস্কুটত সোৱাদ দিবলৈ ব্যৱহাৰ কৰা বস্তুবোৰে হাওঁফাওঁৰ ৰোগ আৰু মগজুৰ ক্ষতিও কৰিব পাৰে।
৭) আনহাতে চাহ খোৱাৰ ফলত শিশুৰ অত্যধিক অস্থিৰতা, টোপনি নোহোৱা আৰু আইৰণ শোষণত বাধাৰ সৃষ্টি হয়।
৮) চাহত চেনি মিহলি হয় যিটো উচ্চ কেলৰিযুক্ত খাদ্য, ই মেদবহুলতা বৃদ্ধি কৰে যিটো স্বাস্থ্যৰ বাবে উপকাৰী নহয়।
৯)চাহ খোৱাৰ ফলত শিশুৰ পাচনতন্ত্ৰত অতি বেয়া প্ৰভাৱ পৰে, ই কোষ্ঠকাঠিন্য, বদহজম আৰু গেছৰ সম্ভাৱনা বৃদ্ধি কৰে।
উত্তৰ পূৱ সীমান্ত ৰেলৱেই কভিড জনিত পৰিস্থিতিৰ হেতু ২০২০ চনৰ মাৰ্চ মাহৰ পৰা ৰেলৰ চলাচল বন্ধ কৰি দিছিল । পিছত অক্টোবৰ মাহৰ পৰা ৰেল চলোৱা আৰম্ভ কৰি সাধাৰণ যাত্ৰীবাহী ৰেলবোৰত ভাড়া ৩ গুণ কৰি এক্সপ্ৰেছ ৰেলৰ ভাড়া আদায় কৰিছিল আৰু বৰ্তমানো এইদৰেই অতিৰিক্ত ভাড়া লৈ সাধাৰণ জনতাক নিপীড়ণ কৰি আছে বুলি অসমৰ জাতি সংঘ অসম সন্মিলিত মহাসংঘই গুৰুতৰ অভিযোগ উত্থাপন কৰে।ভাৰতৰ ৰেল বৰ্ডৰ উপ সঞ্চালক(ক’চিং) বিবেক কুমাৰ সিনহাই ২০২০ চনৰ ২০ অক্টোবৰত জাৰি কৰা নিৰ্দেশ ২০২০/চি এইছ জি ৩০/৩ পি টিৰ আধাৰত অসমটো ৮ খন সাধাৰণ যাত্ৰীবাহী ৰেল এক্সপ্ৰেছ ৰেল লৈ উন্নীত কৰা বুলি ঘোষণা কৰি যাত্ৰীৰ পৰা ৩ গুণ ভাড়া লৈছিল আৰু বৰ্তমানো লৈ আছে।
৮খন যাত্ৰীবাহী ৰেল হ’ল -১. ৫৫৯০১/০২লামডিং-তিনিচুকীয়া পেছেঞ্জাৰ, ৫৫৮১৩/১৪ ডেকাৰগাঁও-মুৰ্কংচেলেক পেছেঞ্জাৰ, ৩. ৫৫৭১৩/১৪ নিউ জলপাইগুৰি-ৰঙিয়া পেছেঞ্জাৰ, ৪. ৫৫৭৫৩/৫৪ আলিপুৰদুৱাৰ-গুৱাহাটী পেছেঞ্জাৰ, ৫. ৫৫৮১১/১২ ধুবুৰী-কামাখ্যা পেছেঞ্জাৰ, ৬. ৫৫৮৯৫/৯৬ ৰঙিয়া-মুৰ্কংচেলেক পেছেঞ্জাৰ, ৭. ৫৫৬১৫/১৬ গুৱাহাটী-শিলচৰ পেছেঞ্জাৰ, ৮. ৫৫৬৬৩/৬৪ আগৰতলা-শিলচৰ পেছেঞ্জাৰ । ৰেল যাত্ৰীৰ পৰা তিনিগুণ ভাড়া লোৱাৰ লগতে কিছুমান সৰু সৰু ৰেল ষ্টেচনত ৰেল ৰখোৱা বন্ধ কৰি যাত্ৰীক হাৰাশাস্তি কৰিছিল। সাধাৰণ জনতাৰ বাবে ভাল খবৰ যে দক্ষিণ ৰেলৱে কৰ্তৃপক্ষই ৰেলৱে বৰ্ডৰ এই হঠকাৰী সিদ্ধান্ত প্ৰত্যাহাৰ কৰি সাধাৰণ জনতাৰ কল্যাণৰ স্বাৰ্থত ১ জুলাইৰ পৰা ১৪০ খন ৰেল পুনৰ পেছেঞ্জাৰ কেটেগৰীলৈ ওভতাই নি পুনৰ পেছেঞ্জাৰ ৰেলৰ নিম্নতম ভাড়া ১০ টকা হ’ব বুলি ঘোষণা কৰিছে। সাধাৰণ যাত্ৰীবাহী ৰেলক হঠাৎ এক্সপ্ৰেছ কেটেগৰী কৰাৰ ফলত নিম্নতম ভাড়া ৩০ টকা কৰিছিল। নৰেন্দ্ৰ মোদী নেতৃত্বাধীন বিজেপি চৰকাৰে কভিদ মহামাৰী কালত সাধাৰণ জনতাৰ ওপৰত আৰ্থিক বোজা যে বোজা জাপি দিছিল তাৰ ইও এটা জ্বলন্ত প্ৰমাণ। মোডী চৰকাৰৰ এনে অন্যায় সিদ্ধান্তৰ ফলত দেশৰ সাধাৰণ কৃষক, শ্ৰমিক, ক্ষুদ্ৰ ব্যৱসায়ী, ছাত্ৰ-ছাত্ৰী, চৰকাৰী-বেচৰকাৰী সাধাৰণ চাকৰিয়াল আদি ভয়ানক ভাবে আৰ্থিক দিশত ক্ষতিগ্ৰস্ত হৈছিল আৰু বৰ্তমানো হৈ আছে।
সৰু সৰু ৰেল ষ্টেচনত ৰেল ৰখোৱা বন্ধ কৰাৰ ফলত সাধাৰণ গাঁৱৰ ৰাইজ ভীষণ বিপদৰ সন্মুখীন হৈ আছে। শীঘ্ৰে উত্তৰ পূব সীমান্ত ৰেলৱে কৰ্তৃপক্ষক এনে অগণতান্ত্ৰিক আৰু গণ বিৰোধী সিদ্ধান্ত প্ৰত্যাহাৰ কৰি উল্লিখিত ৮ খন ৰেল পুনৰ পেছেঞ্জাৰ কেটেগৰীলৈ ওভতাই নি নিম্নতম ভাড়া ১০ টকা কৰিবলৈ অসম সন্মিলিত মহাসংঘৰ সভাপতি শান্তনু দাস বৰহাজোৱাল, কাৰ্যকৰী সভাপতি মতিউৰ ৰহমান আৰু মহা সচিব পূৰ্ণানন্দ ৰাভাই দাবী জনাইছে। লগতে এই যাত্ৰীবাহী ৰেল কেইখনত থকা ভগা ডবা, ভগা শৌচাগাৰ, ভগা দুৱাৰ-খিৰিকী, ভগা ফেন-লাইট, ভগা ছিট আদি শীঘ্ৰে মেৰামতি কৰিবলৈ অথবা নতুন ডবা সংযোগ কৰিবলৈকো দাবী জনাইছে।ভাৰতৰ ভিতৰত উত্তৰ পূব সীমান্ত ৰেলৱেৰ সাধাৰণ যাত্ৰীবাহী ৰেল তথা এক্সপ্ৰেছ ৰেলবোৰৰ অৱস্থা অতিশয় শোচনীয় হৈ আছে বুলিও মহাসংঘই স্পষ্ট ভাবে কয়।
বিশ্ব কাপ জয় কৰি ৰোহিত শৰ্মাৰ মুখত ৰাহুল দ্ৰাবিড়ৰ নাম৷ বিৰাট কোহলীয়ে খেলপথাৰত প্ৰশিক্ষকক টি-২০ বিশ্বকাপ ট্ৰফী প্ৰদান কৰিছিল। খেলৰ পিছত ৰোহিতে সংবাদ মাধ্যমক কয় যে দ্ৰাবিড় দলৰ খেলুৱৈসকলৰ তুলনাত এই ট্ৰফীৰ অধিক যোগ্য। ৰাহুল দ্ৰাবিড়ৰ প্ৰশিক্ষণত ভাৰতীয় দলে যোৱা ১২ মাহত তিনিখন বিশ্ব কাপ ফাইনেল খেলিছে। টেষ্ট আৰু এদিনীয়া বিশ্ব কাপ জিকিব নোৱাৰা স্বত্বেও ভাৰতে টি-২০ বিশ্ব কাপ জিকিছে। ৱেষ্ট ইণ্ডিজত এই সফলতা দ্ৰাবিড়ৰ বাবে বিশেষভাৱে গুৰুত্বপূৰ্ণ। খেলৰ কেৰিয়াৰত অধিনায়ক হিচাপে দ্ৰাবিড়ে ২০০৭ চনৰ এদিনীয়া বিশ্ব কাপত ৱেষ্ট ইণ্ডিজৰ পৰা খালী হাতেৰে উভতি আহিব লগা হৈছিল। দ্ৰাবিড়ে ভাৰতীয় দলৰ প্ৰশিক্ষক হিচাপে তেওঁৰ অন্তিমখন খেলত ৱেষ্ট ইণ্ডিজৰ পৰা বিশ্ব কাপৰ সৈতে স্বদেশলৈ উভতি আহিব। তেওঁৰ সময়ত বিশ্বৰ অন্যতম শ্ৰেষ্ঠ বেটছমেন হোৱা স্বত্বেও দ্ৰাবিড়ে বিশ্ব কাপৰ সোৱাদ লাভ কৰা নাছিল। তেওঁ এইটো প্ৰশিক্ষক হিচাপে পাইছিল। সেইটোও একেবাৰে শেষত। তেওঁ ভাৰতীয় দলৰ অধিনায়কৰ বিষয়ে নিশ্চিত আছিল। ‘দ্ৰাবিড় আমাৰ সকলোতকৈ এই বিশ্ব কাপৰ অধিক যোগ্য আছিল। যোৱা ২০-২৫ বছৰ ধৰি ভাৰতীয় ক্ৰিকেটৰ বাবে কি কৰা নাই? মই ভাবো প্ৰশিক্ষকজনৰ মাত্ৰ এটা বিশ্ব কাপ নাছিল। আমি সকলোৱে তেওঁৰ বাবে বহুত সুখী।
আমি এই ট্ৰফীটো গোটেই দলৰ প্ৰশিক্ষকক দিব বিচাৰিছিলো। সকলোৱে দেখিলে যে দ্ৰাবিড়ে খেলখনৰ চোৱাচিতা কৰিবলৈ কিমান গৌৰৱান্বিত আছিল। তেওঁ কিমান উত্তেজিত আছিল।’ দলটোৰ সফলতাৰ বিষয়ে উল্লেখ কৰি ৰোহিতে কয়, ‘এই সফলতা আমাৰ দলৰ যথেষ্ট বুজাবুজি আৰু কিছুমান প্ৰক্ৰিয়া অনুসৰণ কৰাৰ ফল। এই মুহূৰ্তটো আমাৰ সকলোৰে বাবে এক গৌৰৱৰ মুহূৰ্ত। আকৌ আমি যি অৰ্জন কৰিছো তাৰ বাবে মই অধিক উৎসাহিত। এই মানুহজনে আমাৰ ভাৰতীয় ক্ৰিকেটত যথেষ্ট অৱদান আগবঢ়াইছে। তেওঁ বহুতো, বহুতো বস্তু দিছিল।’ শনিবাৰে দ্ৰাবিড়ক কোহলীয়ে ট্ৰফী তুলি দিয়াৰ পিছত, ভাৰতীয় দলৰ প্ৰশিক্ষকে উল্লাস কৰে। তেওঁক কেতিয়াও এনে উত্তেজনা প্ৰকাশ কৰা দেখা নাছিল। কেৱল এজন প্ৰশিক্ষক হিচাপেই নহয়, দ্ৰাবিড়ে কেতিয়াও তেওঁৰ খেলজীৱনত এনে উত্তেজনা প্ৰকাশ কৰা নাই। এইটো প্ৰথমবাৰৰ বাবে যে ভাৰতীয় ক্ৰিকেটৰ ‘দ্য ৱাল’য়ে বিশ্ব কাপ জিকাৰ সোৱাদ পাইছিল। লগতে অন্তিম দিনবোৰত। ভাৰতীয় দলৰ ক্ৰিকেটাৰসকলেও বিশ্ব জয়ৰ উত্তেজনাত প্ৰিয় প্ৰশিক্ষকক বতাহত দলিয়াই দিছিল।
