আজি পছৰীয়াত মুখ্যমন্ত্ৰীৰ অৰ্থনৈতিক উপদেষ্টা কালিচান্দ সেনে অঞ্চলটোৰ ৰাইজৰ বহুদিনীয়া অভাৱ শ্মশান এখন উদ্বোধন কৰে।লগতে এই অনুষ্ঠানত উপস্থিত থাকে মুখ্যমন্ত্ৰীৰ বিশেষ কৰ্তব্যৰত বিষয়া হেমন্ত চৌধুৰী।

ইমান দিনে আত্মীয়স্বজন সৎকাৰৰ সমস্যাত ভুগি থকা ভূমিহীন লোকসকল এই সমস্যাৰ পৰা পৰিত্ৰাণ পোৱাত সুখী অনুভৱ কৰি স্থানীয় বিধায়ক তথা মুখ্যমন্ত্ৰীক স্থানীয় ৰাইজে ধন্যবাদ জ্ঞাপন কৰিছে।

সোনোৱাল কছাৰী সাহিত্য সভাৰ ধেমাজি জিলা সমিতিৰ এখন গুৰুত্বপূৰ্ণ ৰাজহুৱা সভা আজি আমোলগুৰীস্থিত বাটঘৰীয়া গাওঁ পঞ্চায়তৰ ৰাজহুৱা ভৱনত অনুষ্ঠিত কৰা হয়। সোনোৱাল কছাৰী সাহিত্য সভাৰ ধেমাজি জিলা সমিতিৰ সভাপতি ডাঃ পুণ্য বৰুৱাই সভাপতিত্ব কৰা সভাৰ উদ্দেশ্য ব্যাখ্যা আগবঢ়াই সংগঠনটোৰ সম্পাদক কল্পজিৎ সোনোৱালে। সভাত উপস্থিত থাকি সোনোৱাল কছাৰী সাহিত্য সভাৰ উপ সভাপতি হেৰম্ব প্ৰসাদ দাসে সোনোৱাল কছাৰী সাহিত্য সভাৰ লক্ষ্য-উদ্দেশ্য আৰু গ্ৰহণ কৰি অহা কৰ্মআঁচনিৰ ওপৰত আলোকপাত কৰি এটা জাতি জীয়াই থাকিবলৈ ভাষা-সাহিত্যৰ উত্তৰণ ঘটিব লাগিব বুলি বক্তব্য ৰাখি বৌদ্ধিক বিকাশৰ বাবে ভাষা-সাহিত্য চৰ্চা,ইয়াৰ প্ৰচাৰ আৰু প্ৰসাৰ বৃদ্ধি পাব লাগিব বুলি ভাষন আগবঢ়ায়।

সভাত সোনোৱাল কছাৰী সাহিত্য সভাৰ মুখ্য সম্পাদক মৃদুল সোনোৱালে কয় সাহিত্য হৈছে এটা জাতিৰ দাপোন। উৎকৃষ্ট সাহিত্য সৃষ্টিৰ জৰিয়তে জাতি এটাৰ জাতীয় পৰিছয় শক্তিশালী ৰূপত দাঙি ধৰে বুলি বক্তব্য ৰাখি ইতিমধ্যে সোনোৱাল কছাৰী সাহিত্য সভাই জনগোষ্ঠীটোৰ চিন্তাশীল লেখক, সাহিত্যিক সকলৰ সৃষ্টিশীল লেখনি সমূহ প্ৰকাশৰ ব্যৱস্থা গ্ৰহণ কৰি আহিছে আৰু জনগোষ্ঠীটোৰ প্ৰাতঃস্মৰণীয় ব্যক্তি সকলৰ স্মৃতিচাৰণ সভা অনুষ্ঠিত কৰি স্মৃতিগ্ৰন্থ প্ৰকাশৰো পদক্ষেপ লৈ আহিছে বুলি বক্তব্য আগবঢ়ায়। ৰাজহুৱা সভাত নৰ্থবেঙ্ক মহাবিদ্যালয়, ঘিলামৰাৰ অৱসৰপ্ৰাপ্ত উপাধ্যক্ষ ড৹ লৱৰাম সোনোৱাল,সোনোৱাল কছাৰী সাহিত্য সভাৰ কেন্দ্ৰীয় সদস্য নেত্ৰ বড়া,ধেমাজি জিলা সমিতিৰ সাংস্কৃতিক সম্পাদক প্ৰসেণ সোনোৱাল,সোনোৱাল কছাৰী স্বায়ত্তশাসিত পৰিষদৰ সাধাৰণ সদস্যা নন্দিনী ডেকা উপস্থিত থকা সভাতে ধৰ্মেন্দ্ৰ মানিকীয়ালক সভাপতি,দ্ৰুৰ্ণ দাফলাৰীক উপ সভাপতি, জয়ন্ত শইকীয়াক সম্পাদক,মিন্টু বড়া,দিগন্ত সোনোৱালক সহকাৰী সম্পাদক, হেম চেলেঙক কোষাধ্যক্ষ,হীৰেন সোনোৱালক প্ৰচাৰ সম্পাদক, বৈদ্য কছাৰীক সাংস্কৃতিক সম্পাদক,ভদ্ৰ বড়া,গিৰীণ কছাৰীক সাংগঠনিক সম্পাদক হিচাপে লৈ সোনোৱাল কছাৰী সাহিত্য সভাৰ বাটঘৰীয়া শাখা সমিতিখন গঠন কৰা হয়।

সভাই মৃদুল সোনোৱাল, নেত্ৰ বড়া,হেমচন্দ্ৰ কছাৰী,নন্দিনী ডেকা, ব্ৰজ্ব শইকীয়াক উপদেষ্টা হিচাপে মনোনীত কৰে। সভাত সোনোৱাল কছাৰী সাহিত্য সভাৰ সদস্য ভৰ্তিকৰণ কৰা, ধেমাজিত ২০২৫ চনৰ ফেব্ৰুৱাৰী মাহত অনুষ্ঠিতব্য সোনোৱাল কছাৰী সাহিত্য সভাৰ কেন্দ্ৰীয় অধিৱেশনৰ প্ৰস্তুতি চলোৱা,সভাৰ বাটঘৰীয়া শাখা সমিতিৰ উন্নয়নৰ বাবে কেবাটাও গুৰুত্বপূৰ্ণ প্ৰস্তাৱ হাতত লয়।

চিমেন চাপৰি উপেন্দ্ৰ নেশ্বনেল একাডেমিত আজি ২০২৪ শিক্ষাবৰ্ষত বিদ্যালয়খনৰ পৰা উচ্চতৰ মাধ্যমিক চুড়ান্ত পৰীক্ষাৰ বিজ্ঞান শাখাত সুখ্যাৰ্তিৰে উত্তীৰ্ণ হোৱা কৃতী শিক্ষাৰ্থী সকলক সম্বৰ্ধনা আৰু বিদ্যালয়খনত উচ্চতৰ মাধ্যমিক প্ৰথম বৰ্ষত নামভৰ্তি কৰা নৱাগত ছাত্র-ছাত্ৰী সকলৰ আদৰণি সভাৰ অনুষ্ঠিত কৰে। চিমেন চাপৰি উপেন্দ্ৰ নেশ্বনেল একাডেমীৰ অধ্যক্ষ বিমল মুছাহাৰীয়ে সভাপতিত্ব কৰা সভাত আমন্ত্ৰিত অতিথি হিচাপে উপস্থিত থাকি এবছুৰ ধেমাজি জিলা সমিতিৰ শিক্ষা সম্পাদক মৌজাংগসাই নাৰ্জাৰীয়ে কয় শিক্ষাই মানুহৰ মেৰুদণ্ড।

শিক্ষা অবিহনে মানুহে জীৱনটো সঠিক লক্ষ্যত উপনীত কৰোৱাব নোৱাৰে বুলি উল্লেখ কৰি গুণগত শিক্ষা আৰু দক্ষতা বিকাশৰ জৰিয়তে নিজকে যোগ্যতা আৰু কৰ্মদক্ষতাৰে আগবাঢ়ি যাব লাগিব লগতে এগৰাকী সুস্বাস্থ্য আৰু সুচৰিত্ৰৱান হিচাপে গঢ় দিব লাগিব বুলি গুৰুত্বপূৰ্ণ ভাষন দাঙি ধৰে। বিদ্যালয়খনৰ পৰিচালনা সমিতিৰ সভাপতি জোনাৰাম ব্ৰহ্মই কয় অধ্যয়নপুষ্ঠ আৰু শৃংখলাৱদ্ধ জীৱন গঢ়াৰ সপোন লৈ ছাত্র-ছাত্ৰী সকলে আগবাঢ়ি যোৱা উচিত বুলি কৈ অধ্যৱসায়ৰ দ্বাৰা সফলতা অৰ্জন কৰিব পাৰি আৰু মূল্যৱান সময় নষ্ট নকৰি কেৱল অধ্যয়নত মনোনিবেশ কৰিবলৈ শিক্ষাৰ্থী সকলক আহ্বান জনায়। চিমেন চাপৰি উপেন্দ্ৰ নেশ্বনেল একাডেমীৰ শিক্ষাতত্ব বিভাগৰ প্ৰৱক্তা মোনাবিলি বড়ো, ৰসায়ন বিভাগৰ প্ৰৱক্তা থুলুঙ্গা ৰামচিয়াৰীয়ে ছাত্ৰ-ছাত্ৰী সকলক উদ্দেশ্যি বহুমূলীয়া ভাষন আগবঢ়ায়।সভাতে প্ৰথমবাৰৰ বাবে চিমেন চাপৰি উপেন্দ্ৰ নেশ্বনেল একাডেমীৰ পৰা বিজ্ঞান শাখাত ৭ গৰাকীয়ে ষ্টাৰ নম্বৰসহ প্ৰথম বিভাগত উত্তীৰ্ণ হোৱা ১৫ গৰাকী কৃৰ্তি পৰীক্ষাৰ্থীক আৰনাই আৰু অন্যান্য সামগ্ৰীৰে সম্বৰ্ধনা জনোৱা হয়।

ওদালগুৰি জিলাৰ ওৰাঙৰ জামুগুৰিত ওৰাং আঞ্চলিক কোচ ৰাজবংশী সন্মিলনীৰ উদ্যোগত HSLC আৰু HS পৰীক্ষাত সুখ্যাতিৰে উৰ্ত্তীণ ৩৭ গৰাকী ছাত্ৰছাত্ৰীক অভিনন্দন জনোবা অনুষ্ঠান এটি অনুষ্ঠিত হৈ যায়। এই অনুষ্ঠানটোত সভাপতিত্বত কৰে ওৰাং আঞ্চলিক কোছ ৰাজবংশী সন্মিলনীৰ সভাপতি পদ্মধৰ ডেকাই। অনুষ্ঠানটো শুভ উদ্বোধন কৰে ওদালগুৰি জিলা কোছ ৰাজবংশী সন্মিলনীৰ উপদেষ্টা জিতেন্দ্ৰ নাথ ডেকাই। সভাত ওদালগুৰি জিলা কোছ ৰাজবংশী সন্মিলনীৰ সভাপতি মহেশ্বৰ দাস,উপদেষ্টা কনক চন্দ্ৰ চহৰীয়া,উপেন ৰাজবংশী, ২নং নলবাৰী উচ্চতৰ মাধ্যমিক বিদ্যালয়ৰ অধ্যক্ষ দীনেশ্বৰ বৰুৱা, শিক্ষা সম্পাদক ললিত চন্দ্ৰ ডেকা, ওৰাঙৰ কলাগুৰু বিষ্ণুৰাভা স্নাতক মহাবিদ্যালয়ৰ সহঃ অধ্যাপক ইন্দ্ৰ বৰাই ভাষন আগবঢ়াই৷

সভাত HSLC আৰু HS পৰীক্ষাত সুখ্যাতিৰ উৰ্ত্তীণ ওৰাং অঞ্চলৰ কোছ ৰাজবংশী সম্প্ৰদায়ৰ ৩৭গৰাকী ছাত্ৰছাত্ৰীক ফাইকভাৰ, কলম আনছা তথা গামোছাৰে অভিনন্দন জনোৱা হয়। সভাত ওদালগুৰি জিলা কোছ ৰাজবংশী সন্মিলনীৰ সম্পাদক ব্ৰজ ডেকা, সহকাৰী সম্পাদক দীনেশ্বৰ ডেকা, ওৰাং ভিচিডিচিৰ সভাপতি দিব্যজ্যোতি শইকীয়া, শিক্ষক ভবেন শইকীয়া আদি উপস্থিত থাকি সহায় সহযোগিতা কৰে। সভাত আৰম্ভনিতে ওদালগুৰি জিলা কোছ ৰাজবংশী সন্মিলনীৰ উপ সভাপতি সোমেশ্বৰ ডেকাই চিলাৰায় ছবিত মাল্য অৰ্পণ কৰে।

নিশা প্ৰচণ্ড ধুমুহাত নগৰবেৰাত চলিল তাণ্ডৱ! প্ৰকাণ্ড এডাল গছ উভালি পৰিল এখন চলন্ত মালবাহী বাহনত। গছৰ তলত বাহন আৱদ্ধ হৈ পৰাত সকলোৰে মাজত হুৱাদুৱা লাগে, যুদ্ধকালীন ক্ষীপ্ৰতাৰে নগৰবেৰা থানাৰ আৰক্ষীয়ে হাতে হাতে দা, কুঠাৰ লৈ চলায় উদ্ধাৰ অভিযান। নগৰবেৰাৰ মণ্ডলপাৰাত এই অঘটন, সন্ধিয়া এখন সৰু মালবাহী বাহনেৰে চফিউৰ আলী নামৰ চালকজনে এঘৰৰ সামগ্ৰী কঢ়িয়াই উভটিব লওঁতেই এই দুৰ্ঘটনা হয়। বতাহত প্ৰকাণ্ড গছ এডাল উভালি চলন্ত বাহন খনৰ ওপৰত পৰি যোৱাৰ ফলত বাহনসহ চালকজন আৱদ্ধ হৈ পৰে গছৰ চেপাঁত।

চালক চফিউৰ আলীক বাহনখনৰ কেবিনে হেঁচা মাৰি ধৰাত গুৰুতৰভাবে আহত হয়, খবৰ পাই নগৰবেৰা আৰক্ষী থানাৰ অ’চি লাবণ্য বড়োৰ নেতৃত্বত এদল আৰক্ষী ঘটনাস্থলীত উপস্থিত হয় আৰু দা, কুঠাৰ লৈ যুদ্ধকালীন ক্ষীপ্ৰতাৰে উদ্ধাৰ অভিযান চলায়।জোৰকৈ বৰষুণ দি থকাৰ বাবেই উদ্ধাৰ কাৰ্যত বিজুতি ঘটে যদিও থমকি ৰোৱা নাছিল উদ্ধাৰ কাৰ্য, বহু প্ৰচেষ্টাৰ অন্তত বাহনসহ চালক জনক উদ্ধাৰ কৰিবলৈ সক্ষম হয় আৰক্ষী।অৱশেষত গুৰুতৰভাৱে আহত চালক জনক ততালিকে চিকিৎসাৰ বাবে নগৰবেৰা খণ্ড প্ৰাঃ স্বাস্থ্য কেন্দ্ৰত ভৰ্তি কৰোৱা হয়। নগৰবেৰাৰ কেবা স্থানতো ৰাজপথৰ ওপৰতেই গছ বাগৰি পৰাত যাতায়ত বিঘ্নিত হোৱাৰ সমান্তৰালকৈ বিদ্যুত যোগানো ব্যাহত হয়, আউল লাগে জন জীৱনতো।