Breaking

দক্ষিণ কামৰূপ মহাবিদ্যালয়ত বিজ্ঞান দিৱস উদযাপন

0 2,141

দক্ষিণ কামৰূপৰ মিৰ্জাস্থিত উচ্চ শিক্ষাৰ প্ৰতিষ্ঠান দক্ষিণ কামৰূপ মহাবিদ্যালয়ত পৰিবেশ আৰু জলবায়ু কোষ, উন্নত ভাৰত অভিযান গোট আৰু মহাবিদ্যালয়খনৰ উদ্যোগত ২৮ ফেব্ৰুৱাৰী বিজ্ঞান দিৱস উদযাপন কৰা হয়।

অনুষ্ঠানত মহাবিদ্যালয়ৰ অধ্যক্ষ ড০ নৱজ্যোতি দাসে উপস্থিত থাকি পৰিবেশ সজাগতাৰ প্ৰয়োজনীয়তা বিষয়ে ছাত্ৰ-ছাত্ৰীসকলৰ মাজত মতবিনিময় কৰে। উক্ত দিৱসৰ লগত সংগতি ৰাখি এখন শ্লোগান প্ৰতিযোগিতা অনুষ্ঠিত কৰা হয়। উক্ত প্ৰতিযোগিতাত প্ৰথমস্থান কাশ্যপজ্যোতি কলিতা, দ্বিতীয় স্থান ভাৰ্গৱ কলিতা আৰু তৃতীয় স্থান অধিকাৰ কৰে কুলদ্বীপ কলিতাই। হীৰকজ্যোতি মালী আৰু কুইনমণি ৰয়ে নিচুকণি বঁটা লাভ কৰে। অনুষ্ঠানত আভ্যন্তৰিণ গুণগতমান নিৰূপন কেন্দ্ৰ (IQAC)ৰ সঞ্চালক তথা উন্নত ভাৰত অভিযান (UBA) গোটৰ সমন্বয়ক ড০ গাৰ্গী চক্ৰৱৰ্তী, পৰিবেশ আৰু জলবায়ু কোষৰ সমন্বয়ক মানবেন্দ্ৰ কলিতা, প্ৰৱক্তা ড০ দুৰ্লভ নাৰায়ণ সিংহ, কৰুণাকান্ত দাস, প্ৰশান্ত কলিতাৰ লগতে শতাধিক ছাত্ৰ-ছাত্ৰী উপস্থিত থাকে। দক্ষিণ কামৰূপ মহাবিদ্যালয়ক প্লাষ্টিক মুক্ত কৰাৰ প্ৰথম প্ৰয়াস হিচাপে উদ্যোক্তাসকলে বিভিন্ন বিভাগত বাঁহৰে সজা ডাষ্টবিন বিতৰণ কৰে।

Leave A Reply