কেবিনেট বৈঠকত বহুকেইটা গুৰুত্বপূৰ্ণ সিদ্ধান্ত ৰাজ্য চৰকাৰৰ….
ৰাজ্য চৰকাৰৰ কেবিনেট বৈঠকত বহুকেইটা গুৰুত্বপূৰ্ণ সিদ্ধান্ত গ্ৰহণ কৰা বুলি সদৰী কৰে মন্ত্ৰী পীযুষ হাজৰিকাই ।
কেবিনেটৰ সিদ্ধান্ত অনুসৰি ছয়গাঁও অঞ্চলত চিআৰপিএফৰ কেম্প নিৰ্মাণ কৰিবলৈ ৭৮ বিঘা ভূমি আৱণ্টনত কেবিনেটে অনুমতি প্ৰদান কৰিছে ।NRCত নাম থকা বা নথকা সকলো লোকে আধাৰ কাৰ্ড বনাব পাৰিব বুলিও কেবিনেটে সিদ্ধান্ত গ্ৰহণ কৰে ।
উল্লেখ্য যে,পূৰ্বে NRCত নাম নথকা ২৮ লাখ লোকে আধাৰ কাৰ্ড তৈয়াৰ কৰিব পৰা নাছিল।ৰাজ্যত ১ হাজাৰ ৮৫ খন কাঠৰ দলং পকীকৰণ হ’ব। ইয়াৰ বাবদ ৪,৩৬০ কোটি টকা অনুমোদন ৰাজ্যিক কেবিনেটৰ ।
সোণাপুৰৰ ডিমৰীয়া অঞ্চলত অফিচ অফ দ্যা ৰয়েল ভূটানিজ উচ্চ আযুক্তৰ কাৰ্য্যালয় নিৰ্মাণ হ’ব। ইয়াৰ বাবে ৫ বিঘা ভূমি প্ৰদানত অনুমতি ৰাজ্য চৰকাৰৰ।
ওৱেৰ হাউছ নিৰ্মাণ কৰিবলৈ এতিয়াৰ পৰা দিছপুৰলৈ ফাইল আহিব নালাগে, বিপৰীতে উপায়ুক্তসকলে ওৱেৰ হাউছ নিৰ্মাণৰ অনুমতি প্ৰদান কৰিব পাৰিব। পাব্লিক ইমাৰজেঞ্চি ফাণ্ডৰ বাবদ ১০ কোটি টকা সুকীয়াকৈ ধাৰ্য্য কৰা হৈছে । বিশেষভাৱে সক্ষম লোকৰ স্বাস্থ্য, দুৰ্ঘটনা বীমাৰ বাবেও এই ফাণ্ড ব্যৱহাৰ হ’ব।
লগতে কেন্দ্ৰীয় চৰকাৰৰ অৱসৰপ্ৰাপ্ত বিষয়াৰ বাবে অসম চৰকাৰৰ সংৰক্ষণ ব্যৱস্থা । ৰাজ্য চৰকাৰৰ প্ৰথম আৰু দ্বিতীয় গ্ৰেডত ২% সংৰক্ষণৰ ব্যৱস্থাত অনুমোদন কেবিনেটৰ ।