উত্তৰাখণ্ডৰ পিথোৰাগড় জিলাৰ দাৰ্মা উপত্যকাত প্ৰথমবাৰৰ বাবে এটা বৰফত বাস কৰা নাহৰফুটুকী বাঘ দেখা গৈছে। এই কথাই আনন্দিত কৰি তুলিছে প্ৰকৃতিপ্ৰেমীসকলক। পিথোৰাগড়ৰ ডিএফঅ’ মোহন দাগাৰে বৃহস্পতিবাৰে কয় যে হিমালয়ৰ অতি ওখ ঠাইত প্ৰাণীৰ সন্ধানত অন্বেষণকাৰীৰ এটা দলে ৬ ফেব্ৰুৱাৰীত দাৰ গাঁৱৰ ওপৰৰ বৰফৰ ভূখণ্ডত এই বাঘৰ প্ৰজাতিটোএটা দেখিবলৈ পায়। অন্বেষণকাৰীসকলে প্ৰায় ২০ মিটাৰ দূৰত্বৰ পৰা কেমেৰাত বৰফত বাস কৰা নাহৰফুটুকী বাঘটোৰ ছবি বন্দী কৰিবলৈ সক্ষম হয় ৷
এনে উচ্চতাত প্ৰথমবাৰৰ বাবে এনে বৰফৰ নাহৰফুটুকী বাঘ পোৱা গৈছে বুলি ডাগাৰে কয়। স্নো নাহৰফুটুকী বাঘ সাধাৰণতে ১২,০০০ফুটতকৈ অধিক উচ্চতাত পোৱা যায়, আনহাতে দাৰ গাওঁ প্ৰায় ১১,১২০ ফুট উচ্চতাত অৱস্থিত। জন্তুটো হয়তো ওপৰৰ পৰা নামি আহিছিল । অতি উচ্চ স্থানত প্ৰচুৰ তুষাৰপাতৰ ফলত স্বাভাৱিক বাসস্থান হেৰুৱাই বাঘটোৱে তললৈ নামি অহা বুলি সন্দেহ কৰা হৈছে। তেওঁ লগতে কয় যে ইয়াৰ পূৰ্বে গড়ৱাল হিমালয়ৰ নন্দা দেৱী ৰেঞ্জ, হিমাচল প্ৰদেশৰ কিছু অংশ আৰু লাডাখ অঞ্চলত বৰফৰ নাহৰফুটুকী বাঘ দেখা গৈছিল। এ:এ বাঘক আউন্স বুলিও জনা যায়। স্নো নাহৰফুটুকী বাঘক আন্তৰ্জাতিক প্ৰকৃতি সংৰক্ষণ সংঘৰ (আইইউচিএন) ৰঙা তালিকাত বিপন্ন প্ৰাণী হিচাপে তালিকাভুক্ত কৰা হৈছে।