দিল্লীৰ পৰা আহিল ৪ বাছ শিক্ষাৰ্থী, ৰে’লেৰে ১২০০ যাত্ৰী, ষ্টেচনত তৎপৰ আৰক্ষী-চিকিৎসাকৰ্মী। ৰোগী কঢ়িয়াই চেন্নাইৰ পৰাও আহিল বিশেষ ৰেলগাড়ী। কোটাফেৰৎ ছাত্ৰীৰ গুৰুতৰ অভিযোগ।

  দৈনন্দিন বাৰ্তা প্ৰতিবেদন

ধাৰাবাহিক ভাবে আহি আছে অসমলৈ বহিৰাজ্যত আবদ্ধসকল। অহা ২৪ ঘন্টাত কমেও তিনিহাজাৰজন সোমাব অসমত।উল্লেখ্য যে চাৰিখন বাছত বিয়লি গুৱাহাটী পালেহি ১২০ জন ছাত্ৰ-ছাত্ৰী আৰু সহায়কাৰীসকল।দিল্লীৰ ভিন ভিন বিশ্ববিদ্যালয়ত অধ্যয়নৰত আছিল এইসকল।আজি সন্ধিয়া দিল্লীৰ পৰা বাৰশ যাত্ৰীসহ ৰাজধানী এক্সপ্ৰেছ নামৰ ৰেলগাড়ীখন প্ৰবেশ কৰিব অসমত।নিউজলপাইগুৰি পাৰহৈ কোকৰাঝাৰ,গুৱাহাটী,লামডিং,ডিমাপুৰ,মৰিয়নী হৈ উপস্থিত হ’বগৈ ডিব্ৰুগড়ত।অহা এসপ্তাহলৈ প্ৰতিদিনে দিল্লীৰ পৰা ডিব্ৰুগড়লৈ চলিব যাত্ৰীবাহী ৰেল।একেদে ৰোগী, আত্মীয় আৰু আন একাংশক লৈ আজি অসম সোমাব চেন্নাইৰ পৰা অহা আন এখন বিশেষ ৰেলগাড়ী।ইয়াত ৪৬০ জন অসমৰ লোক আহিছে।এনেকৈ কেতিয়াবা বাছ,ব্যক্তিগত বাহন,আৰু কেতিয়াবা ৰেলৰ জৰিয়তে অসমলৈ আহি আছে লকডাউনত আবদ্ধ সকল।অসমত উপস্থিত হোৱাৰ লগে লগে আৰক্ষী,চিকিৎসাকৰ্মী আদি তৎপৰ হৈ আছে।প্ৰথমতে আস্থানত স্ক্ৰীনিং,স্বাস্থ্যপৰীক্ষা,কোৱাৰেন্টাইন আদি সকলো পদক্ষেপলৈ সাজু হৈ আছে।গুৱাহাটীত হোটেল ৰেডিছন ব্লু, হোটেল প্ৰগতিমেনৰ ,সৰুসজাই চেন্টাৰ আদিত কোৱাৰেন্টাইন কৰা হ’ব।ইফালে এপষেকৰ পূৰ্বে ৰাজস্থানৰ কোটাৰ পৰা অহা প্ৰায় চাৰিশ শিক্ষাৰ্থীৰ অধিকাংশ মুক্তহৈ ঘৰলৈ গ’ল।কিন্তু হোটেল বন্দনাত থকা একাংশ ছাত্ৰীক আবদ্ধ কৰি ৰাখি অযথা হোটেলৰ বিল বৃদ্ধি কৰিব খোজাৰ অভিযোগ আনিছে ভুক্তভোগী ছাত্ৰীয়ে।সামাজিক দূৰত্ব উলংঘা কৰা,লেতেৰা পৰিবেশ আদিত তেওঁলোকক আবদ্ধ কৰি ৰখাৰ লগতে স্বাস্ব্য পৰীক্ষাৰ প্ৰতিবেদন নহা কাৰ্যত এইসকল ক্ষুব্ধ হৈ পৰিছে। সেয়ে বিষয়টো হস্তক্ষেপৰ বাবে চৰকাৰলৈ আহ্বান জনাইছে।।