শিৱসাগৰত ভয়ংকৰ অগ্নিকাণ্ড : নিহত ১, অগ্নিদগ্ধ ১ জন চিকিৎসাধীন

গেলেকী, ১৫নৱেম্বৰঃ দীপাৱলীৰ নিশা শিৱসাগৰত সংঘটিত হয় এক ভয়ংকৰ ঘটনা ৷ শিৱসাগৰ জিলা অন্তৰ্গত নগৰৰ পৰা কিছু নিলগৰ বেতবাৰী বালিবাট চাৰি আলিত ভয়ংকৰ অগ্নিকাণ্ড সংঘটিত হয় ৷ থিতাতে নিহত প্ৰাণদীপ গগৈ নামৰ (২২) বছৰীয়া যুৱকজন ৷ গুৰুত্বৰ ভাৱে অগ্নিদগ্ধ হোৱা ধুৰ্বজ্যোতি গগৈ নামৰ আন এজনক স্থানীয় এখন চিকিৎসালয়ত নিশা ভৰ্তি কৰোৱা হয় ৷ বেতবাৰীৰ বালিবাট চাৰি আলি মুক্তি গগৈ নামৰ দোকানখনত সংঘটিত হৈছে এই অগ্নিকাণ্ড ৷ মুক্তি গগৈ দোকানত পেট্ৰল, ডিজেল আৰু একেলগে অবৈধ ভাৱে ফটকা বিক্ৰিৰ অভিযোগ উত্থাপিত হৈছে । পৰৱৰ্তী সময়ত ঘটনাস্থলীত অগ্নি নিৰ্বাপক বাহিনীৰ বাহন উপস্থিত হৈ জুই নিৰ্বাপন কৰিবলৈ সক্ষম হয় ৷