Breaking

বেংমৰা কাপ ফুটবল প্ৰতিযোগিতাৰ সফল সামৰণি

0 2,009

বেংমৰা ক্ৰীড়া মঞ্চৰ উদ্যোগত,সদৌ অসম মটক যুৱ-ছাত্ৰ পৰিষদ তিনিচুকীয়া জিলা সমিতিৰ তত্বাৱধানত তিনিচুকীয়া জিলা ক্ৰীড়া সন্থাৰ সৌজন্যত বৰগুৰি আঞ্চলিক ক্ৰীড়া সন্থা আৰু লেজাইহোলা জানমুখ যুৱ সংঘৰ সহযোগত ২৬ ডিচেম্বৰ পৰা অনুষ্ঠিত বেংমৰা কাপ ২০২০ ফুটবল প্ৰতিযোগিতা খনিৰ ৩ জানুৱাৰীত সফল সামৰণি পৰে।


চূড়ান্ত প্ৰতিযোগিতা খনিৰ শুভ উদ্বোধন কৰে প্ৰাক্তন ৰাষ্ট্ৰীয় পৰ্যায়ৰ ফুটবল ৰেফাৰী শঙ্কৰ গুপ্তই । বেংমৰা কাপ ২০২০ ফুটবল প্ৰতিযোগিতাৰ লগত সংগতি ৰাখি প্ৰকাশ কৰা “ক্ৰীড়ন” ক্ৰীড়া আলোচনী উন্মোচন কৰে সদৌ অসম মটক সন্মিলনৰ কেন্দ্ৰীয় সাধাৰণ সম্পাদক কিৰণ ৰাজখোৱাই ।


শ্ৰীপুৰীয়া ফুটবল একাডেমি বনাম দুলিয়াজান ফুটবল একাডেমিৰ মাজত অনুষ্ঠিত হোৱা খেলখনিত নিৰ্ধাৰিত সময়লৈকে ০-০ গলত ড্ৰ হোৱাত ট্ৰাইবেকাৰ পদ্ধতিত শ্ৰীপুৰীয়া ফুটবল একাডেমিয়ে দুলিয়াজান ফুটবল একাডেমিক ৪-১ গলৰ ব্যৱধানত পৰাজিত কৰি বিজয় সাব্যস্ত কৰে।

চূড়ান্ত প্ৰতিযোগিতাৰ মুকলি সভা আৰু বঁটা বিতৰণী
অনুষ্ঠানত সদৌ অসম মটক যুৱ-ছাত্ৰ পৰিষদৰ মুখ্য উপদেষ্টা কল্যাণ বৰা, সভাপতি তুষাৰঞ্জন চেতিয়া, সাধাৰণ সম্পাদক উজ্জ্বল বৰুৱা, বেংমৰা ক্ৰীড়া মঞ্চৰ সভাপতি মৃদুল ৰাজখোৱা, প্ৰাক্তন আন্তৰাষ্ট্ৰীয় পৰ্যায় ফুটবল খেলুৱৈ প্ৰাঞ্জল প্ৰতিম নেওগ, প্ৰাক্তন ৰাষ্ট্ৰীয় পৰ্যায় ফুটবল খেলুৱৈ প্ৰশান্ত গগৈ, অকণমান সোণোৱাল, বৰগুৰি আঞ্চলিক ক্ৰীড়া সন্থাৰ সভাপতি জিতেন গগৈ, সম্পাদক বিনন্দ বৰুৱা, লেজাইহোলা জানমুখ যুৱ সংঘৰ সভাপতি পৰ্যন্ত বৰুৱা, সম্পাদক মনোজ মৰান, তিননিচুকীয়া জিলা ক্ৰীড়া সন্থাৰ উপ সভাপতি নিল কান্ত ফুকণ, সদৌ অসম মটক সন্মিলনৰ উপ সভাপতি সৰুজ গোঁহাই, অমৃত ৰাজখোৱা, শিক্ষক,কবি সাহিত্যিক,ফটিক চন্দ্ৰ নেওগ, বিশিষ্ট চিন্তাবিদ মটক জনগোষ্ঠী, পানীতোলা স্পৰ্টচ একাডেমিৰ সভাপতি মৃদুপৱন চেতিয়া, জাতীয়তাবাদী যুৱ পৰিষদৰ তিনিচুকীয়া জিলা সমিতিৰ সম্পাদক প্ৰাঞ্জল নেওগ, সদৌ অসম মটক যুৱ -ছাত্ৰ পৰিষদ ডিব্ৰুগড় জিলাৰ সভাপতি সত্য গোঁহাই, সম্পাদক উমাকান্ত গগৈ, তিনিচুকীয়া জিলাৰ সভাপতি কৃষ্ণকান্ত কাকতি, উপ সভাপতি নয়নমণি ফুকণ, সম্পাদক হৃদয় গোহাঁই উপস্থিত থাকে।

প্ৰতিযোগিতাৰ বিজয়ী দলক নগদ ২০,০০১/- ,বিজিত-১০,০০১/- আৰু শ্ৰেষ্ঠ খেলুৱৈ আয়ূস দাসক নগদ ৩০০১/- টকা সহ ট্ৰফী ও প্ৰশংসা পত্ৰৰে পুৰস্কৃত কৰে বুলি উদ্‌যাপন সমিতিৰ যুটীয়া সম্পাদক ৰমেন গগৈয়ে জানিবলৈ দিয়ে ।