মণিপুৰৰ জলপ্ৰকল্পৰ আধাৰশিলা স্থাপন প্ৰধানমন্ত্ৰীৰ

0 1,114

দৈনন্দিন বাৰ্তা ডেস্ক :

 উত্তৰ পূৰ্বাঞ্চল ভাৰতৰ বৃদ্ধি ইঞ্জিনত পৰিণত হোৱাৰ সম্ভাৱনা আছে এইদৰে উল্লেখ কৰি প্ৰধানমন্ত্ৰী নৰেন্দ্ৰ মোডীয়ে কয় যে ইয়াত শান্তি সম্পূৰ্ণ প্ৰতিষ্ঠা হৈছে৷ সম্পূৰ্ণ বিপৰ্যয়ত বিধ্বস্ত উত্তৰ পূৱ ভাৰত৷ এফালে ক’ৰোনা আৰু আনফালে বান৷ এই দুয়োটা পৰিস্থিতিত পৰি দিনে ৰাতিয়ে পৰিশ্ৰম কৰিছে ৰাজ্য চৰকাৰে৷ বৃহস্পতিবাৰে মণিপুৰৰ জলপ্ৰকল্পৰ আধাৰশিলা স্থাপনৰ সময়ত উত্তৰ পূৱৰ ৰাজ্যবোৰৰ চৰকাৰক প্ৰশংসা কৰে প্ৰধানমন্ত্ৰী নৰেন্দ্ৰ মোডীয়ে৷ ইয়াৰ লগতে এই প্ৰকল্পটো উত্তৰ পূৱৰ মহিলাসকলৰ ৰাখিবন্ধনৰ উপহাৰ বুলি মোডীয়ে উল্লেখ কৰে৷ তদুপৰি এই ৰাজ্যবোৰৰ পৰিকাঠামো উন্নয়নত প্ৰধানমন্ত্ৰীয়ে জোৰ দিয়ে৷ প্ৰধানমন্ত্ৰীয়ে কয়, পৰ্যটকৰ ওচৰত এই ৰাজ্যবোৰৰ আকৰ্ষণ আছে ৷ সেয়ে ইয়াৰ পৰিকাঠামো  উন্নত কৰাৰ প্ৰয়োজন৷ ইয়াৰ লগতে ৰাষ্ট্ৰীয় পথ, ৰে’ল ট্ৰেক বা বিমানবন্দৰ উন্নয়নৰ কথাও প্ৰধানমন্ত্ৰীয়ে উল্লেখ কৰে ৷