নদুৱাৰ অঞ্চলত মহা শিৱ ৰাত্ৰিৰ পালন দেৱালয়-মন্দিৰত ভক্তসকলৰ পূজা অৰ্চনা

সমগ্ৰ দেশৰ লগতে ৰাজ্যতো বিভিন্ন প্ৰান্তৰত মহা শিৱ ৰাত্ৰি পালন। নদুৱাৰ অঞ্চলতো আজি মহা শিৱ ৰাত্ৰি পালন কৰা দেখা গৈছে। পুৱাৰ পৰাই ভক্ত সকলে মন্দিৰ সমুহত চাকি বন্তিৰে পূজা অৰ্চনা কৰিবলৈ ভিৰ কৰা পৰিলক্ষিত হৈছে বিশেষকৈ নদুৱাৰ অঞ্চলৰ নগশংকৰ দেৱালয়,নাগেশ্বৰ মন্দিৰ, ইটাখোলাৰ পাৰ্বতী মন্দিৰ অৰু বালিজুৰি শিৱ মন্দিৰত ভক্ত সকলে জাকে জাকে সমাগম ঘটাই পূজা-অৰ্চনাত ব্যস্ত হোৱা দেখিবলৈ পোৱা গৈছে। ইপিনে সমাগত ৰাজ্যত সাধাৰণ নিৰ্বাচন প্ৰাৰ্থিসকলে প্ৰাক নিৰ্বাচনী প্ৰচাৰ চলাই থকাৰ মাজতে নদুৱাৰ অঞ্চলতো বিশেষকৈ বিজেপি আৰু কংগ্ৰেছ দলৰ দলীয় প্ৰাৰ্থিসকলে নিজ নিজ দলীয় সমৰ্থকক লৈ দেৱালয়,মন্দিৰসমুহত গমন কৰি আশিস লোৱা দেখা গৈছে। ইয়াৰ মাজতে অঞ্চলটোৰ কুচুমতোলা,টুপীয়া,ৰঙাচকুৱা হাটিঙা,মনাই আৰু গেলাহাটিঙাৰ গাঁও অঞ্চলত বছৰ বছৰ ধৰি পালন কৰি অহা মহা শিৱ ৰাত্ৰিভাগ উলহ-মালেহেৰে আয়োজন কৰি নাম কীৰ্তনৰ কাৰ্যসূচীৰে মূখৰিত কৰা পৰিলক্ষিত হৈছে।