মহিলাসকলৰ বাবে পিচিঅ’এছ এক গুৰুতৰ সমস্যা হৈ পৰিছে। পিচিঅ’এছ ৰোগত আক্ৰান্ত মহিলাৰো ডায়েবেটিছ ৰোগৰ সম্ভাৱনা বেছি। পিচিঅ’এছৰ মূল কাৰণ অস্বাস্থ্যকৰ জীৱনশৈলী বুলি ধৰা হয়। বৰ্তমান সময়ত বিশ্বৰ প্ৰায় ১০ শতাংশ মহিলা পিচিঅ’এছ ৰোগত আক্ৰান্ত। ইয়াৰ বাবে পিৰিয়ডছত অশান্তি, ডিম্বাণু সঠিকভাৱে নোলোৱাৰ বাবে গৰ্ভধাৰণ কৰিব নোৱাৰা, মুখৰ ব্ৰণ বা চুলিৰ সমস্যা, ওজন বৃদ্ধি আদি সমস্যাৰ সৃষ্টি হ’ব পাৰে। পিচিঅ’এছ ৰোগত আক্ৰান্ত মহিলাৰো ডায়েবেটিছ ৰোগৰ সম্ভাৱনা বেছি। এনে পৰিস্থিতিত জীৱনশৈলীত ৫টা সৰু সৰু পৰিৱৰ্তন কৰি পিচিঅ’এছৰ পৰা হাত সাৰিব পাৰি-

১/ মানসিক চাপ লোৱাৰ পৰা বিৰত থাকক
মানসিক চাপক অনিয়মিত মাহেকীয়া হোৱাৰ আটাইতকৈ ডাঙৰ কাৰণ বুলি ধৰা হয়। কৰ্মৰ চাপ আৰু ব্যক্তিগত জীৱনৰ বহু সমস্যাৰ বাবে মানুহ মানসিক প্ৰত্যাহ্বানৰ সন্মুখীন হয়। এনে পৰিস্থিতিত মানসিক স্বাস্থ্যৰ ওপৰত হেঁচা পৰে, যাৰ ফলত পিৰিয়ড অনিয়ন্ত্ৰিত হৈ পৰিব পাৰে।

২/ খাদ্যাভ্যাস সঠিকভাৱে ৰাখক
পিচিঅ’এছ ৰোগত আক্ৰান্ত মহিলাসকলে খাদ্যাভ্যাসৰ জৰিয়তে এই ৰোগ নিয়ন্ত্ৰণ কৰিব পাৰে। এনে পৰিস্থিতিত ফলমূল, শাক-পাচলি, মাহজাতীয় শস্য, দাইল, বাদাম, গুটি আদি বস্তু খাদ্য তালিকাত অন্তৰ্ভুক্ত কৰিব পাৰে। ইয়াৰ ফলত ইনচুলিনৰ মাত্ৰা ৰাখে আৰু পিচিঅ’এছ পৰিচালিত হৈ থাকে। ইয়াৰ লগতে খাদ্যত থকা কাৰ্বহাইড্ৰেট কম কৰিব। চেনি, বগা ৰুটি, বগা চাউলৰ দৰে ৰিফাইন কাৰ্ববোৰৰ পৰা আঁতৰি থাকক, কাৰণ এইবোৰে বহু সমস্যাৰ সৃষ্টি কৰে।

৩) প্ৰদাহ নিবাৰণকাৰী খাদ্য সেৱন কৰা
পিচিঅ’এছক প্ৰদাহজনিত অৱস্থা বুলি গণ্য কৰা হয়, যিটো খাদ্যৰ জৰিয়তে নিয়ন্ত্ৰণ কৰিব পাৰি। যেনে- ব্ৰণ আৰু ওজন বৃদ্ধিৰ সমস্যা। এনে পৰিস্থিতিত বিলাহী, শাক, চৰ্বিযুক্ত মাছ যেনে মাগুৰ আৰু টুনা, বাদাম এই সমূহ বস্তু খাদ্যত অন্তৰ্ভুক্ত কৰক। একে সময়তে প্ৰচেছড খাদ্য আৰু চেনিযুক্ত পানীয়ৰ পৰাও আঁতৰি থাকিব লাগে।

৪/ শাৰীৰিক ক্ৰিয়া-কলাপ কৰক
পিচিঅ’এছ পৰিচালনা কৰিবলৈ স্বাস্থ্যসন্মত খাদ্য খোৱাৰ লগতে শাৰীৰিকভাৱে সুস্থ হৈ থকাটোও অতি প্ৰয়োজনীয়। সপ্তাহত কমেও ১৫০ মিনিট ব্যায়ামে মানসিক চাপ নিয়ন্ত্ৰণত সহায় কৰে। ব্যায়ামে কেলৰি জ্বলোৱাত সহায় কৰে আৰু ইনচুলিন নিয়ন্ত্ৰণ কৰে।

৫/ ভিটামিন ডি
পিচিঅ’এছত আক্ৰান্ত মহিলাসকলে সাধাৰণতে ভিটামিন ডিৰ অভাৱত ভুগি থাকে, যাৰ ফলত ইনচুলিন প্ৰতিৰোধ ক্ষমতা আৰু ওজন বৃদ্ধি হ’ব পাৰে। পৰ্যাপ্ত পৰিমাণৰ সূৰ্যৰ পোহৰ গ্ৰহণ আৰু ভিটামিন ডি সমৃদ্ধ খাদ্য খালে ভিটামিন ডিৰ অভাৱ নিৰাময় হয় আৰু প্ৰজনন ক্ষমতা বৃদ্ধি পায়। ইয়াৰ লগতে টাইপ ২ ডায়েবেটিছ, হৃদৰোগ আৰু ষ্ট্ৰোকৰ সমস্যাও কমাব পাৰি।

​

ডালিম অতি উপকাৰী ফল, ডালিম খালে বহু ৰোগ নিৰাময় হয়। ভিটামিন, কেলচিয়াম, প্ৰটিন আৰু পটাছিয়াম আদি মৌল ডালিমত পোৱা যায়। ৰাতিপুৱাৰ ব্ৰেকফাষ্টত নিশ্চয়কৈ ডালিম অন্তৰ্ভুক্ত কৰিব লাগে। আজি আপোনালোকক জনাম ডালিম খোৱাৰ খোৱাৰ উপকাৰিতাৰ বিষয়ে। ডালিম আপোনাৰ শৰীৰৰ বাবে অতি উপকাৰী। যদি আপোনাৰ শৰীৰত তেজৰ অভাৱ হয় তেন্তে আপুনি ডালিম খোৱা উচিত। শৰীৰৰ দুৰ্বলতাও দূৰ কৰে ডালিমে-

সুস্থ হৃদযন্ত্ৰ বজাই ৰাখিবলৈ দৈনিক এটাকৈ ডালিম খাব লাগে।

ডায়েবেটিছ ৰোগীয়ে দৈনিক খাব লাগে ডালিম। তেজত শৰ্কৰাৰ মাত্ৰা নিয়ন্ত্ৰণতো ই অতি সহায়ক।

ইয়াৰ উপৰিও ই ৰোগ প্ৰতিৰোধ ক্ষমতা শক্তিশালী কৰাত সহায় কৰে আৰু শৰীৰক শক্তিশালী কৰাত অতি সহায়ক বুলি প্ৰমাণিত হয়।